十二味 (碧麗花園)

Open Now

Now Closed

疫情以來一直無食酸菜魚，今次特燈約埋媽咪去十二味食，同事食過話唔錯! 人見人愛酸菜魚$218加最佳拍檔粉條$28清炒萵筍絲$78 紅糖糍粑$48起源重慶的酸菜魚風靡全國，熱潮都而家仍未退卻，我特別鐘意花椒及泡椒同薑的香味，辣度有得揀，酸度算溫和入口舒適。酸菜魚魚肉有足夠厚度，無咩魚骨，唔洗擔心噎到，每塊魚肉切得工整，大細都差不多～一口酸菜魚一口白飯，添飯一流。食完辣嘢最後食個甜品滋潤一下，糍粑煙煙韌韌食落甜蜜。

/ /超正宗惹味川菜🌶呢間裝修感覺好傳統！環境超大，仲有好多燈籠裝飾🏮燒椒皮蛋🥚呢個做前菜真係一流！皮蛋好新鮮！晶瑩剔透！中間蛋黃仲係鮮黃色，味道辣辣地係最愛嘅麻辣川味夫妻沸片🐮份量都好多🤩🤩有最愛嘅金錢肚、豬脷、牛𦟌！食落都好惹味！仲好腍！黯然銷魂炒飯超正呀，叫左BB辣都已經食到出哂汗💦炒飯粒粒分明，仲加左啲蝦仁🍤藍妹啤酒🍻食川菜當然要配啤酒！夠哂凍爽！📍 十二味 (碧麗花園) (土瓜灣)土瓜灣庇利街23號碧麗花園地下8號舖

人見人愛酸菜魚🐟 $248酸菜魚有分2個size～同埋可以加薯粉！2個人食普通已經好夠食☺️魚既份量夠哂多👍🏻仲要大細岩岩好 唔會一夾就散開 口感好滑 食落唔會有腥味💯個湯底叫左小辣 酸酸辣辣好開胃😋乾煸四季豆🌿 $68四季豆配肉碎勁香勁惹味仲帶小小辣 鹹鹹地送飯好正😍另外叫左2杯飲品 大大杯好夠喉😙一杯係熱情果青檸梳打 中意熱情果就岩哂酸酸甜甜好夠味 可以消暑解渴～一杯係凍柚子茶 味道就偏淡小小 岩哂唔中意太甜既人飲！😆

人見人愛酸菜$218 +白飯$12一上到枱即刻嘩出嚟，超級大碗！好彩未叫飯即刻叫少一碗。啲魚都有近百塊，塊塊都無骨而且好嫩滑，仲要冇任何腥味！雖然只係叫左小辣，都夠辣係偏酸麻。好香嘅花椒味，酸菜夠酸後勁會返甜同少少麻。再加上佢係即叫即整，熱辣辣，夏天食完出身汗好舒服。都唔需要叫白飯都飽，不過配白飯最好，啲湯同酸菜簡直就係白飯小偷，仲有啲菇同爽口嘅萵苣，有唔同嘅口感好正🫶🏻川式口水雞$58 我叫左小辣，但都唔係好辣，係唔食辣friendly！想食辣啲可以撈埋酸菜魚啲湯食，啲雞肉好滑而且雞皮爽滑，仲有唔少青瓜墊底，夾埋一齊食一流 👍🏻熱情果梳打$28 比得上出面啲奶茶店，叫少甜真係有少到，好濃熱情果味，係夏天嘅味道，食完先啲酸菜魚先飲都仲有梳打嘅氣，推薦大家試下，飲即刻refresh晒🫶🏻🫶🏻🫶🏻好可惜冇叫三個人嚟食，因為完全食唔哂，埋單三百幾，每人百零蚊食個豐富嘅晚餐都超正👍🏻

酸菜魚份量夠多夠大盤👍🏻酸菜魚湯底酸酸麻麻，我地叫左小辣🌶主角魚片大大塊食落好滑又夠淋身唔會有腥味同魚骨，但又保持到魚味😋而配料方面有大量酸菜、萵筍、水晶薯粉條同少量既菇建議配返碗白飯黎食，美味又飽肚💕乾煸四季豆超級推介，四季豆炒到好香好惹味食落唔會話好油膩加上肉末既配搭令菜式既口感同味道更加豐富飲品方面有驚喜份量勁大杯，兩個人share都得👍🏻熱情果青檸梳打飲落好清新同消暑解渴一路食辣野一路飲佢就fit哂啦🙊-凍柚子茶酸酸甜甜好開胃，如果再濃味少少就更加正😆

📍 十二味 Twelve Flavors🌍 土瓜灣庇利街23號碧麗花園地下8號舖Shop 8, G/F, Bailey Garden , 23 Bailey Street, To Kwa Wan📝 整體評分：9／10🥢夫妻肺片🥢 $68牛肚超爽口，仲好掛汁，香辣惹味。🥢人見人愛酸菜魚🥢 $218香、麻、辣十足既酸菜魚，撥一撥開就兜一匙湯頭，泡飯食超正！魚肉鮮滑嫩口，浸耐左都唔會老，仲更加入味。🥢慾望酸梅🥢 $28天口熱左咁多，飲返杯酸酸甜甜既酸梅湯醒下胃，好解辣，仲要勁大杯!!!

「十二味」越開越多分店，可見香港人很喜歡吃酸菜魚，而「十二味」的食物質素有保證，酸菜魚更是皇牌食物，有辣有唔辣，適合不同人的口味。庇利街的「十二味」新開張不久，裝修新簇簇，今晚一於試下招牌菜。用手機落單，除了選辣的程度，還可以選多油或少油。「人見人愛酸菜魚」$218魚肉是鱸魚，非常嫩滑沒有骨，份量也多。湯酸的程度剛剛好，很開胃，令人食指大動。「川式口水雞」$58傳統的四川菜中的涼菜，想起令人口水長流，因此而命名「口水雞」。「口水雞」味道層次豐富，有麻、辣、鮮、香、嫩、爽，紛陳複雜。紅油加上香濃的芝麻和花生碎、蔥花，直如味覺的百花齊放，非常過癮。「柚子茶」$28食了又酸又辣的菜式，再飲一杯甜甜的柚子茶解膩，正。

-麻辣香鍋呢到二百幾蚊但份量好足！蓮藕同萵苣都非常爽脆仲有蔬菜嘅甜味，再吸曬啲醬汁精華，真係超好食！鵪鶉蛋蛋黃係少少流心甘，外皮竟然係脆嘅，海蝦啲肉炒完都唔會好老，牛舌有啲似日式燒肉嗰種嫩入口即化🤤土豆片軟糯得黎都脆身。令人驚喜係炒到食材入味都仲保留到佢原有嘅鮮味，更加唔會炒到乾得濟👍🏽佢哋嘅麻辣都好有水準，非常多嘅香料同花椒，好正宗。水煮魚出去好少會嗌呢樣，之前試過有唔同伏嘅，有骨又腥辣度唔夠。點知呢到嘅水煮魚非常嫩滑，一條骨都見唔到，最重要係有非常正宗嘅湯頭，魚肉同湯一齊食別有一翻風味，辣度同魚嘅鮮味平衡得好好。呢度嘅職員好有禮貌，又坐得幾舒服，會再黎。📍十二味 (土瓜灣)土瓜灣庇利街23號碧麗花園地下8號舖

朋友住土瓜灣，加上疫情下幾乎半年冇見過面，就黎左土瓜灣同佢聚下啦，今次就同佢黎食酸菜魚😄人見人愛酸菜魚啲魚完全冇骨而且都幾滑，但係感覺就唔算好入到味，所以對比起條魚，我反而會比較鐘意食佢啲配菜，個杏鮑菇同萵荀吸晒個湯嘅精華，酸酸辣辣好野味川式口水雞雖然只叫左少辣，但係食左幾舊之後已經覺得成條👅痺痺地😂但整體黎講味道係唔錯既，好香口又夠入味，而且舊雞都幾滑熱情果梳打大杯都拎唔到😂酸酸地又唔算太甜，解辣一流

往事只能回味，今日經過土瓜灣庇利街，之前曾經住過一段時間，而家環境真係有天淵之別，昔日的殘舊舊式樓宇變成建築時尚的豪宅，附近還開咗不少食店，吸引我的有間十二味，主打的酸菜魚。裝修以中國風設計，之前在其他分店食過唔錯，今晚就試吓呢間！人見人愛酸菜魚：上菜時已聞到一陣既複雜又刺激的鮮香。酸菜魚選用海鱸魚 ，魚肉冇骨，新鮮而且滑溜，配料有酸菜、指天椒、花椒、鮮青花椒、菊花瓣等，酸菜莖爽脆亦不會過鹹。湯底集麻、辣、鮮、香4大元素，濃味香口！川式口水雞：口水雞集麻辣鮮香爽嫩於一身，直令人垂涎三尺！熱情果梳打：夠曬大杯！味道酸甜清爽，消暑解渴！

人見人愛酸菜魚呢盤酸菜魚真係集麻辣鮮香四大元素，加咗天椒、花椒等熬煮而成，麻香四溢，而且可以自由選擇辣度，就算唔食得辣都可以揀唔辣，照顧唔係咁食得辣既朋友仔。 選用新鮮魚塊拆骨起肉，魚片肉質鮮嫩，大份又夠厚度，食落滿足感勁大。配料有酸菜、杏鮑菇、蒿筍，超級足料！酸菜又唔會太咸，蒿筍爽脆又夠入味川式口水雞必選涼菜雞肉肉質嫩滑又入味，雞皮爽彈雖然我係好怕辣，但又勁中意麻香刺激味蕾個種感覺，忍唔住一舊又一舊咁食雞肉底下既青瓜可以解膩，食落清爽開胃，帶點香辣熱情果梳打勁大杯🤤熱情果好香，酸酸甜甜，好開胃！

-好耐冇食川菜，之前係中環試過呢間幾好味，就唸住試下佢其他分店～🔹麻辣香鍋🔷嗌嗰時仲唸緊點解啲配料會加甘多錢，點知黎到超大盤！我地嗌左蓮藕、鵪鶉蛋、海蝦、牛舌、土豆片。蓮藕爽脆香甜，鵪鶉蛋會爆漿唔係好實痴牙！外皮仲脆脆地甘，必嗌😽海蝦炒完竟然有蝦膏，牛舌嫩滑唔會有渣渣，土豆片香脆🫶🏻味道更加冇得輸，我哋揀中麻多麻，唔會麻到條脷好痺要係甘飲水，辣度岩岩好幾重花椒味，係好傳統嘅麻辣鍋～配飯一流👍🏽呢到二百幾蚊最後帶翻屋企食多三餐先食完😂🔸水煮魚🔸本身我唔太中意食魚，朋友想試唯有陪下佢食🤣可能加左唔同香料同辣椒，魚完全冇骨又滑身，食到辣味又有啲魚嘅鮮味，我都唔係甘抗拒～一啖湯同魚加一口飯一齊落口真係好惹味，魚係口入面溶化甘，搞到我都有啲愛上呢個煮法嘅魚✨平時怕腥唔中意食魚真係要黎試下！呢到環境寬敞，坐低舒服，我揀左近廚房卡位職員都貼心提醒會比較嘈，整體體驗非常好～📍十二味 (土瓜灣)土瓜灣庇利街23號碧麗花園地下8號舖

香港興起酸菜魚熱潮，我也要隨波逐流，尋找美味的酸菜魚😁經朋友極力推介，來到這間“十二味”。剛剛開業，環境衛生也相當好。中式燈籠，增店內氣氛主角出場，第一次食酸菜魚，一試愛上。滿滿的紅辣椒🌶，對一個不愛吃辣的人來說，有點可怕，但是入口出奇的意外。沒有死辣感，魚滑湯農，酸味剛好。極力推介❤❤❤❤❤黃金皮蛋，淋上辣油，麻香十足，伴飯一流👍🏻雖然只試了兩道菜，不過已留下印象了也會也次光顧的😁

好耐無晚市堂食，開返之後即刻約friend去食餐勁嘅🤤想食麻辣惹味嘅川菜好耐啦！同事同我推介十二味，正宗麻辣川菜，一於決定同friend去食！😍餐廳唔算難搵，出地鐵站大約八分鐘就到，餐廳環境唔錯，門口係好中式嘅紅色窗，入面好寬落，坐落都好舒服👍🏻侍應姐姐服務好好，好熱情同我哋介紹招牌菜式😁人見人愛酸菜魚🐟酸菜魚份量好足呀😍酸菜魚湯頭濃厚，而且酸度同鹹度啱啱好☺️大大塊魚肉嫩滑鮮甜，啖啖都係厚身無骨嘅魚肉😝仲有酸菜份量都好足，一啖魚肉一啖酸菜，真係十分享受😆燒椒皮蛋🥚醬汁真係好惹味，又麻又辣又香，醬汁有d似口水雞嘅汁，皮蛋結實有彈性，食完皮蛋都仲感受到皮蛋嘅清香😋熱情果蘇打🍹柚子茶🍋兩杯飲品都好清爽🍃食麻辣嘅川菜，飲杯fresh嘅飲品，解膩又解渴😄

呢日放工之後同男朋友去左土瓜環呢間新開嘅四川餐廳食dinner。餐廳嘅環境好大，可以舒服咁樣坐低傾偈。呢度可以用QR code落單， 好方便。我哋唔算好肚餓，所以唔係點左好多嘢。首先係呢個黯然銷魂炒飯，炒飯好大碟，而且夠晒鑊氣，入邊有蝦粒、蛋同埋蔥，簡簡單單，但係整得好好食，炒飯有好靚嘅金黃色。另外重點咗川香回鍋肉，辣度可以自選，我哋點咗小辣，回鍋肉好入味，送飯一流。最後點做呢個桂花冰釀，唔算有好重酒味，有啖啖既桂花清香。