十二味 (碧麗花園)

Open Now

Now Closed

成日見人介紹十二味食酸菜魚，今日去土瓜灣搵朋友攞野，行行吓見到有《十二味》立刻入去試。餐廳唔算好大，但格調都有特色。坐低後掃code見餐牌都幾多嘢叫，最後諗諗吓嚟到十二味都係叫咗個〈人見人愛酸菜魚〉唔辣 $258，白飯$12，柚子茶$28。🐟人見人愛酸菜魚好大盆，裏面加埋大量的酸菜，適量嘅雞髀菇、萵筍、蘿白片，同埋幾塊菊花葉點綴，睇落賣相好靚。（因朋友唔食得辣，所以走辣）雖然走辣也不遜色，一樣好惹味，魚煮得火候啱啱好，不會過火，魚肉新鮮滑身，魚肉厚薄一樣，滑溜無骨，啖啖肉，吸咗酸菜嘅酸甜味，朋友食到好滋味亦無停口，配埋白飯啱晒，如果配有薯粉會更好🤣柚子茶非常大杯，清凊甜甜內在環境相當有特色

各位嗜辣者一定對「十二味」唔會陌生😌餐廳主打新派川菜，當中午市套餐非常抵食🤩怪唔之得近年開到每區都有分店，大受歡迎🎉.🌟午市套餐包一款主菜、白飯、飲品.🍴牛肉麻辣香鍋💰$61平時食麻辣香鍋閑閑哋都過百蚊，但呢個午市套餐都係六十蚊左右，仲要無因此減少份量😍內有牛肉、蓮藕、薯仔條、木耳、芽菜、脆脆豆❣️味道麻得過癮🤪蓮藕好爽脆，脆脆豆亦提升口感😚基本上食餸都夠飽😂.🍴武隆尖椒雞💰$68以尖椒、花椒與雞丁爆炒而成嘅菜式😙顏色紅紅綠綠好搶眼😎雞丁吸收咗尖辣、花椒精粹後，麻辣味非常出😍送飯一流😋.🍴川式口水雞💰$58口水雞砌成一個半圓形，上面鋪滿辣椒碎🌶雞皮爽脆，雞肉嫩滑，加埋辣汁好惹味😚而且隻雞冇乜肥膏，唔會肥淋淋😌.🍴紅糖糍粑💰$48每次食川菜都要叫呢款甜品先叫完美結束😆點餐時好細心地加上後上嘅選項，可以慢慢食完正餐先食甜品😌 糍粑鋪滿黃豆粉，入口先香脆後煙靭，蘸埋紅糖食完美配搭❤️.🥤桂花冰釀、慾望酸梅💰$8（跟餐價）桂花冰釀勁香桂花味，好解辣😙慾望酸梅酸酸甜甜，夏天飲解渴之餘又開胃😉.呢餐三個人食每人$100都唔使，仲要個個捧住個肚走，抵到爆🤣怪唔之得咁受歡迎啦🤪

突然想食辣野去吓濕氣，朋友即刻就搵到附近有間川菜🤣印象中疫情期間，開咗唔少分店，味道應該唔差。佢最出名應該係酸菜魚，但係我哋都想食重口味啲嘅嘢，於是乎叫咗香辣鍋。其實人生只食過兩次香辣鍋，今次係第三次，食嗰一刻滿滿的回憶🤣香辣鍋可以揀唔同嘅配菜，最少5款，有海鮮、有肉、有丸，仲有好多瓜菜類選擇，真係好難揀，我哋都想食蝦，之後再一人揀兩款配菜。未上菜已經聞到勁香嘅香辣味，大大一鍋，每樣配菜都俾好多，勁足料，夠兩個人食。當中個人認為最好味嘅係金菇同四季豆，真係好香好夠味，食到停唔到口。我哋要咗小辣，基本上可以唔洗飲水🤣另外我哋仲叫咗個夫妻肺片，同樣整得好入味好唔錯，牛肚同牛肉都好好味，辣味啱啱好，食得好過癮。最後要咗杯特飲--酸梅湯，大杯到夠兩個人飲，而且唔會太甜，非常解渴解辣，食辣野飲真係一流。想食辣野真係好方便，分店都好多，而且平靚正，平時食又得，約朋友食又得。

同鍾意食魚🐟嘅爹地、鍾意食辣🌶嘅媽咪去土瓜灣食川菜。👨‍👩‍👧可以一次過滿足哂佢地嘅願望。😎餐廳🍴外面窗框🪟古色古香，推入古代木門🚪，就見到以中式為主🏮嘅裝修。收銀後面更係百子櫃設計😙，係呢個環境食住川菜感覺好夾。😉用QR落order📱，上菜速度快。🤩🍲 人見人愛酸菜魚 + 粉條 - 小辣一定要食嘅招牌菜”酸菜魚”。🤩見隔離枱枱都有食。🤓鱸魚肉、酸菜、粉條份量好多。🥳超級大碗😎，我地3個人都夠食。🤓魚片🐟軟滑，唔會一夾就散。☺️食落冇骨啖啖肉。🥰可以揀辣度或者唔辣。🤠小辣啱哂想過下口癮😛又唔食得太辣嘅。透明粉條煙煙韌韌咁，又索到湯。🫠🐔 川式口水雞 - 小辣雞肉嫩滑🫶🏽，口水汁惹味。🤤呢個小辣比其他再辣多dd。😈🫘 極品麻婆豆腐 - 小辣口感滑滑嘅麻婆豆腐。🤠用嚟撈飯食好正！🤭🍚 黯然銷魂炒飯 - 唔辣見到個名好勁😂就忍唔住要點埋。飯炒得夠乾身。🤩大大碟，又有蝦肉、瘦肉、蛋。🥳🧉 慾望酸梅黑蚊蚊嘅大杯飲品。😝酸梅味道酸酸甜甜，好開胃。😻🍹 熱情果梳打 - 少甜同樣大杯嘅飲品。😜可以自己選擇甜度。😏爹地就揀咗少甜👏，熱情果味道飲落好fresh。😍

十二味愈開愈多，之前一直都未有機會食。這天媽媽突然話好耐無返過大陸，好耐無食酸菜魚好想食，於是就帶佢去食十二味。酸菜魚愈來愈普及，香港人疫情之前都習慣一年返深圳玩幾次，總有機會食過酸菜魚。要做到人見人愛絕對不易，當中無論是酸度、辣度、配料等等都要因應不同辣度而調節，這間以酸菜魚聞名的十二味，能做到接近各區都有分店，確實是做得十分出色。我比較喜歡餐廳設計中國古代風的座位及牆身設計，枱與枱之間有相當的距離，適合家人或朋友相聚。人見人愛酸菜魚 $258(+ 白飯 $12)這個人見人愛嘅酸菜魚，辣度可以由食客自由決定，我唔敢叫太辣怕食唔到，都係叫左小辣。比較喜歡的是以花椒、泡椒、薑浸了的湯底夠香，滿滿的酸菜剛好中和了花椒泡椒之辣度，仲有萵荀、菇、蘿白片，增添了味道。魚肉每片都切得厚身，不會大小不一，爽口鮮味有口感，魚肉沒有魚骨，讓像我這些不懂吃魚的人可以放心吃。食了兩三塊已經迫不及待要加碗白飯，一口酸菜魚，一口白飯，爽極了。柚子茶(凍) $28炎炎夏日又要食辣野，當然要飲番杯凍飲消暑解辣。$28超大杯特飲相當抵，餐廳毫不吝嗇地加了好多柚子皮同果肉，非常之適合食完酸菜魚之後好頸渴時飲，完美配搭！

❤️❤️十二味❤️❤️十二味有好多分店，總有一間近你，今次約左住附近既朋友，所以揀左土瓜灣分店，店鋪非常有中式味道，坐喺卡位非常舒服😌食物有辣有唔辣，就算小朋友同唔食得辣既都可以去，我地揀左2樣唔辣，1樣辣既。🥢蔥油拌麵，麵質唔淋，帶有小小口感，掛哂汁好入味，個汁有蔥香，小量甜豉油feel，面頭仲有d 炸左既蔥，加埋一齊食好味，我仔即刻食左半碗。🥢秘製乾鍋，最少要叫5種餸，我地揀左蓮藕、寛粉、雞軟骨、花菜、午餐肉。蓮藕被祕製醬包裹住，好入味，寛粉軟綿綿好有口感好鐘意食，雞軟骨脆口一粒接一粒停唔到😂花菜低卡入味岩哂女士們，午餐肉係小朋友至愛，我仔不停話要食👍🥢燒椒皮蛋，同一般皮蛋不同，佢係黃色既，感覺黃色皮蛋更好吃，面頭d 辣椒好好味，我嗌左小辣，酸酸咸咸辣辣咁，好開胃👍總結呢度坐得舒適，食物有辣有唔辣，都好適合一大班朋友及一家大細黎食👍

今次又係酸菜魚呀，食過咁多間大大小小酸菜魚嘅我，可以話十二味嘅酸菜魚都係我食過頭十位好食嘅酸菜魚專門店，所以我經開唔同區域 如果附近有佢哋嘅分店我都會去試吓㗎，今次就嚟到土瓜灣嘅十二味食佢嘅酸菜魚，另外有點左我最愛嘅香炒尖椒雞，其實我真係一個好專一嘅人，只要食開嗰樣嘢覺得係好好食keep到水準，幾乎每次去都係食返相同嘅嘢，唔知有冇人同我一樣連食嘢都咁專一呢？今次試咗一杯之前從未飲過嘅特飲「熱情果梳打」佢嘅味道係香濃嘅熱情果味，加埋梳打凍凍地，如果食辣嘢飲佢甜甜地凍凍地中和下又解渴又透心涼！

餐廳以中式裝飾為主，包括門口的玻璃窗位用了中式花窗，收銀後面的牆身用了中藥果種百子櫃好特別。而我俾一排紅燈籠吸引住🏮，座位亦有分區，最後揀左卡位坐。餐廳用qr code落單好方便，送餐速度都快。 ⦁人見人愛酸菜魚 $258店員介紹果陣，提到餐廳用的魚會用鱸魚，因為鱸魚的肉質比較有彈性，不易散開！加上肉多肥美，而且無其他魚腥。正宗酸菜魚都會用到鱸魚。怕腥的我都想試下，碗酸菜魚超級大碗，揀左小辣少油！真係同店員講既一樣！😊 ⦁蔥油拌面 $38蔥油一拌香氣四溢，麵質煙韌有咬口。雖然用了蔥油去拌，但唔會膩同滯。 ⦁熱情果蘇打 $28可以自己選擇甜度，超級人性化，值得一讚！

由於連續兩日食辣嘢，對比之後呢間真係麻麻哋，重點係貴咯…兩個人叫左一個辣子雞，一個炒飯，一個皮蛋，一個巨大份的酸梅湯（叫之前唔知咁大杯，不過酸梅湯真係幾好飲，尤其食完辣嘢補充水分正）辣子雞還好，但辣椒多過雞肉，皮蛋食落膠膠哋，個汁味道都還可以，不過口感唔係好得… 炒飯還好啦可以，味道不錯，飯粒粒分明。見隊友都食得津津有味，都讚辣子雞唔錯整體都幾好，不過偏貴

當晚係七夕情人節❣️ 咁啱得咁橋，我哋又約好咗去一間中式餐廳食晚飯—— 「十二味」熟悉我嘅朋友，都知道我成日光顧呢間。不過土瓜灣分店就第一次去。呢間新開張冇耐，裝修更突顯中式特色。全晚都播住陳奕迅嘅歌，更中我老公下懷。客人用QR code落單、餐廳上菜快、食物水準有保證呢幾點間間分店都一樣十二味嘅酸菜魚係我食過最正嘅可惜老公唔係好食辣野反正平時lunch食酸菜魚仲抵，$73/set夜晚要$2xx⋯⋯⋯最終我哋叫咗2個小菜、2配白飯、2杯特飲、1個甜點$300左右埋單，平過附近嘅大排檔！「宮保雞丁」第一次喺呢間食唔辣 唔辣冇咁出色 不過至少有個選擇比唔食辣嘅人如我老公好大碟，雞像算嫩滑，我最鍾意食啲花生「四季豆」呢碟我食開呢間，比我食小辣啦！整得好出色！唔鍾意食四季豆嘅人，可能係冇食過「十二味」咋！大大杯特飲先HK28😻😻~ 我地2個都各要1杯「慾望酸梅」本身老公要柚子蜜嘅知道我叫呢杯咁特別又比個名吸引咗，跟我飲！酸酸甜甜，十分解渴消暑又開胃！最後仲加咗個紅糖糍粑，甜品可以要求後上最近唔知點解好想食，咁啱呢間有，太好了！好少食熱嘅甜點，但呢款真係好滋味！賣相擺盤都吸引，食落煙煙韌韌滿足嘅一

星期一下午去左土瓜灣探朋友，坐左一陣之後，朋友帶左我地去附近一個新樓盤地下嘅日本街打卡，係屋苑入面真係好有日本feel, 但一出返嚟就見到香港舊樓群，可能落差太大，感覺有d 失落😂唔緊要，化悲憤為食量！見到十二味，我又想食啦🤩 所以就行咗入去。1. 水煮牛肉粉條套餐（$186）水煮牛肉份量都幾多，咬落去唔多筋，上次食過小辣ok, 今日encore。牛肉係滑身，有咬口得來又可以索到水煮嘅汁。粉條即是寬粉，煮得軟硬適中，保持水準👍🏻2. 乾扁四季豆+白飯一碗（$68、$12 ）食返啲傳統嘅餸菜，相信更考到大廚嘅功力。食落去四季豆係爽脆，證明炒嘅時候唔會過火，仲食到菜嘅青綠味。加上個肉碎冇炒燶，係香口既，配一碗靚白飯，簡簡單單令人好滿足🤭3. 熱情果梳打（$28 x 2 ）Encore 熱情果梳打，因為真係好好飲😂 其實諗過試其他，但只有紙包或罐裝飲品，或者特飲另一選擇係柚子蜜。所以唸左一論之後，都係揀咗熱情果梳打，質素keep到！晚餐要加一，所以全餐埋單$354，消費合理。亦都讚賞十二味每間店裝修都有自己嘅特色，呢間有一隻大熊貓公仔🐼😂味道：9/10環境：8/10服務：8/10性價比：8/

呢一間最分店獨特之處就係地方很大 位置很多 基本上係可以揀位坐嘅程度😃裝潢都好match川菜風格 尤其對古代板門 以門環開門嘅感覺都幾神秘🥴但小心佢只有一扇門係work 仲要小心開啟因為回彈力+衝擊力幾高。。。🦔👉人見人愛酸菜魚 $248 加粉條+$28成盤滿滿的天椒+淑麻是必需的😆初次食十二味記得係荃灣分店 相較下感覺今次無咁驚豔 點咗少辣但感覺可以再辣啲😂強調係由二十個月嘅雲南老埕酸菜、四川酸菜、廣東鹹酸菜製成 但好彩無我想像中咁酸 因為我喜麻/酸麻相當嘅程度 主角鱸魚肉大大嚿 新鮮又嫰滑 食落無骨的很不錯👍粉條比起我之前食過嘅可以再煙韌啲🤔同埋兩人share都嫌少咗啲…。。。🦔👉熱情果蘇打 $28估唔到咁大瓶 幫埋Hoegaarden賣廣告之唔係飲緊啤酒🤣飲管係可愛嘅小手手kekee 味道唔會好伏 淡淡熱情果味 食川菜時來一口不錯

十二味呢個名相信大家都唔會陌生，但小編做下research先發現原來有幾多層次既意思🤩原來我地相信係美好既野都會用到12呢個數字，好似1年有12個月、12個星座♈️、12個生肖、鋼琴有七個白鍵五個黑鍵等等，感覺「十二」呢個概念代表一個循環♻️或者輪迴甚至係一份美好，而「十二味」正正有呢個意思，想打造一種好似「十二」一樣恒久流傳的味道～ 呢個理念更加吸引到小編翻兜去感受下，大家都知小編唔係幾食得辣，所以索性試下唔辣🌶️既野食，估唔到一樣都唔錯～ 而裝修方面古色古香，係以紅色為主既宮廷feel，整體感覺都唔錯～人見人愛酸菜魚 🐟 - $238 (好味指數：😍😍😍😍)一黎試下酸菜魚🐟呢個四川名菜，今次我揀左唔辣🌶️既～ 話明係酸菜魚🐟，酸菜當然係好重要既一環，總共用左三款酸菜喺個湯汁到，分別係二十個月雲南老埕酸菜、四川酸菜同廣東鹹酸菜，雖然係微酸但都幾用心同有層次，而個湯汁係用豬骨🍖、鰂魚同鱸魚骨🦴熬成🥣，裡面有埋蔥、芝麻、油、蒜🧄、花椒，令到食落更加香口惹味，整體鹹香開胃但又唔會有嗰種油膩既感覺，集麻、鮮、香於一身～ 而蔥、芝麻、油、蒜🧄既多少都可以由客人自己決定，有呢個選擇幾貼心，啱晒有唔同需要

見到十二味開咗好多分店🌶我就好想去食下 自己都好鍾意食川菜❤️因為我嗰日係平日去而且都好早去食🕕所以餐廳都唔多人😎又乾淨企理 ✨幾舒適😌店舖裝修係行中國風🥢有風味☺️我地叫左人見人愛酸菜魚酸配粉條 酸菜魚酸味適中 唔會靜係得酸味 無蓋過啲辣 非常啱我胃口 啲魚既肉都唔會好嚡熠熠同唔腥 我第一次食咁大條粉條 係”林”得黎好有口感 呢個配搭係無得輸🤤 再叫左熱情果蘇打🍹估唔到係咁大杯 兩個人飲一杯都仲得呀 食辣野好啱好解渴😛飯後既甜品我地就叫紅糖糍粑😋我最鍾意食呢軟綿綿野 好鍾意嗰個咬感 整體黎講 二個人食呢啲已經夠飽 又好食 又唔貴 都會想去食😍😍

平時好鐘意食麻辣，無辣不歡，又好鐘意做牛魔王，去十二味就可以一次過滿足晒兩個願望餐廳門外古色古香的窗框，配上店內以紅色為裝修富有中國宮庭感，用餐環境舒適，坐位闊落餐廳主打正宗川菜，當中以水煮牛肉、酸菜魚和麻辣香鍋最受歡迎，而且午市套餐的麻辣香鍋性價比高，千萬不可以錯過食物方面:牛肉麻辣香鍋 (午市套餐): 麻辣香鍋配料非常多，有嫩滑牛肉、爽脆藕片、入味的薯仔片、芽菜、木耳、炸蠔油豆，香辣又惹味，再加配大大杯的熱情果梳打，鐘意食麻辣的朋友，一定係午市必食之選水煮牛肉 (加粉條): 大大盆上枱非常吸睛，水煮牛肉肉質嫩滑，份量十足，大量的辣椒、花椒、花角及其他香料，麻辣味濃郁，再加入芽菜、蔬菜、青瓜及口感煙韌的水晶粉皮，非常惹味熱情果梳打 : 熱情果梳打超大杯，飲落有啖啖的熱情果味，冰凍透心涼，一啖麻辣，一啖特飲，解渴又解辣紅糖糍粑 : 糍粑即叫即炸熱辣辣，香脆外包住煙韌的糯米團加上黃豆粉和紅糖漿，必吃的的四川傳統甜品Ours Tips : 店鋪使用 QR code 落單，方便又快捷