十二味 (將軍澳中心)

Open Now

Now Closed

餐廳名字幾特別，一直有興趣知道十二味係邊十二種味道，今日喺將軍澳，見到佢有分店，正係食晏時間，終於有機會試吓。叫咗佢$56嘅午市套餐「牛肉麻辣香鍋」，包一小碟前菜青瓜、白飯、酸梅湯。「牛肉麻辣香鍋」其實係碟上，幾大碟，睇落好豐富。要咗小辣，真正係小麻小辣，食得出落咗好多香料，味道濃郁；牛肉幾軟熟，仲有多種配菜例如大豆芽、蓮藕、芫荽、黑木耳、同埋唔少得嘅紅辣椒，真係落足配料，好味😋辣辣哋越食越開胃，咁就貪心地再加一個$148嘅「霸王辣子雞」😆😋。上菜嘅時候幾乎「嘩」一聲，真係非常大碟，成碟紅卜卜鋪滿辣椒，好有氣勢😍。都係要咗小辣，雞肉乾身炒得極香口、惹味；腰果脆卜卜好好食，紅椒都脆脆哋不過只係食咗幾粒，驚太辣😅。我用地氈式搜索方式將雞肉同腰果全部掃清，之後再影返張相，全部都係紅椒😆我未必食得到十二種味道，但肯定呢餐係非常美味；後來店員解釋「十二味」係公司名字😁，可能我諗多咗🤣

今日又嚟到將軍澳十二味食lunch🍽Encore之前食過嘅酸菜魚 🐟因為佢哋嘅午餐真係超級抵食👍🏻✨酸菜魚（午）$68今次嗌咗中辣 我婆婆話頂唔順 好辣喎😹我就ok 不過建議第一次食都係嗌少辣先😆湯底充滿麻香 酸菜魚一如既往咁滑😋我哋都食到好滿足+流晒汗🥵✨✨口水雞（午）$48好彩呢個嗌小辣 非常易入口✌🏻🤣口水雞肉滑得嚟唔會話好肥🐔醬料餸飯一流🤤✨✨涼拌土豆絲 $38原來前菜係涼拌土豆絲 早知唔嗌呢碟🤭土豆絲夠爽脆 味道微酸 都幾開胃叧外嗌咗小辣 所以比前菜冇辣嘅更惹味😝✨✨百分百純椰青水 🥥嗌午餐加 $8 就有🥳✨✨最後我哋兩個人食剩咗啲涼拌土豆絲😆於是打包外賣番屋企做晚餐✌🏻📍 十二味 將軍澳唐德街9號將軍澳 中心B樓B15號舖✨

今日同啊媽係將軍澳行街，順便食個lunch.見到間餐廳幾多好評，就決定試下。我幾鍾意食辣，但係我媽媽就唔食得辣嘅， 雖然呢間餐廳係川菜館，但係可以要唔辣或者小辣，就但我地口味。媽媽就叫咗酸菜魚，唔辣。就算唔辣，都好好味，味道好豐富。酸酸鹹鹹，啲魚好鮮甜，除左酸菜還有蒜頭，菇，等等配料，非常美味。套餐包埋一碗好大嘅白飯，加幾蚊就配杯熱情果飲品，超級大杯，裡面仲有熱情果籽，正呀!我就叫咗一個牛肉串串鍋， 小辣。 佢哋嘅調味香濃惹味，有乾辣椒同花椒，味道麻辣。牛肉都幾多舊，仲有好多嘅配菜，好似蓮藕，木耳， 薯仔， 又係好大碟。細食嘅， 兩份午餐三個人都夠。 我就叫咗酸梅湯，唔係太甜，啱香港人嘅口味，而且唔使加錢，不過就無咁大杯啦。因為第一次嚟食午餐，見價錢又唔係好貴，所以我哋貪心嗌多咗個尖椒炒雞丁，依個堅辣！裡面好多新鮮青椒炒雞塊，雞肉有啲帶骨，滑嫩令雞嚟！我們還試了桂花釀，微甜， 不過我比較中意前面兩杯飲品，比較解辣。

在上網見到這家餐廳，而且裝修格局以及那隻稱為麻辣英雄的熊貓，讓人不經意地聯想到國內的川菜餐廳，因此很快便去品嘗，但是不肯定是本身要迎合香港人的口味，還是純粹以川菜或者國內的風味來追捧。回鍋肉不太夠味，彷彿辣度不足，菜比較多就基本上意料之內，只不過味道一般。至於讓人比較氣餒是水煮牛肉，居然吃過之後只有六片，雖然我們最後從侍應得知道是以克來計劃，但是也不用那麼多芽菜，那麼大的碗去營造一個食物很多的假象。要不就把牛肉分得更加細片，要不就用少一點配料，難道水煮牛肉芽菜才是主角？最後不肯定是否因為午餐而非正餐價錢所以有這樣的配置，但是相比之下我認為酸菜魚是不錯的，一方面魚肉選擇不錯，幾乎沒有骨，幾乎啖啖肉，對於我最討厭魚骨來說相當方便；另一方面酸菜味道足夠，不過可能我們以為餐廳都是以國內川菜餐廳為標準，因此叫了小辣，所以麻辣程度對我們來說是可接受的。所以眾多菜色當中，我都是比較喜歡酸菜魚，只不過水煮牛肉和回鍋肉真的強差人意。

可能新開張，所以多人嚟試，就算book咗19:30，但都要等到19:50先有位。由於無酒牌，所以係無酒賣，自備都唔可以，食辣唔飲酒，好似欠缺啲嘢咁。於是就叫咗杯熱情果梳打，個杯就大，但只有大半杯飲品，味道就唔錯，不過落多咗糖漿，有啲淋痴痴叫咗個涼菜，燒椒皮蛋，係用黃皮蛋，味道就真係麻麻地，無皮蛋味，只食到辣，個汁都係麻麻地叫咗個小麻辣香鍋，配菜有肥牛，田雞，鮮魷，萵荀，年糕；分量就適中，不過嘢食就唔係好夠香，濕得滯，炒乾啲會好啲，唔係咁夠火氣

疫情發生後信信好多人都一樣沒有返大陸了，有點懷念大陸的酸菜魚。我和朋友兩人見這間賣酸菜魚的鋪頭正在做特惠午餐，於是便去試試。這店舖的地點的確十分方便，將軍澳地鐵站B出口過馬路便會看見。今日係星期六，午飯時間要等位都是意料中事。這鋪頭是用二維碼下單的，下單完成後會有侍應過來跟你確應一下訂單，過程方便快捷～《川香回鍋肉 - 午市套餐》先上菜的回鍋肉🐷。我和朋友都覺得這回鍋肉的味道小小過鹹，並且辣味不夠重，喜歡吃辣的朋友大可在下單時加辣🌶，不過這碟回鍋肉肥瘦均勻，並勝在夠鑊氣，配上大量香蔥，香氣撲鼻～不得不提的是那些炸到脆卜卜的蓮藕片，炒在一起確實是意外的好吃。《酸菜魚 - 午市套餐》主角終於出場了～ 雖然套餐價只售68元，可是老闆一點也不吝嗇，十分足料。我和朋友不是很吃得辣(本人只有譚仔4小辣程度)，於是只點了小辣。魚肉肉質蠻滑溜的，一條細骨也吃不到。魚肉雖然很薄，但不會一夾便散開。酸菜和湯底則較普通，酸菜略嫌不夠酸，湯底則不夠辣，看來下一次可以加一級辣度了～《酸梅湯》這杯酸梅湯是午市套餐包含的。味道有點過甜，我個人覺得增味劑和人工味較重，不太推薦，不過免費的飲料還可以接受。總括而言，以這

好耐冇食酸菜魚啦！今日終於同媽媽嚟咗將軍澳呢度食酸菜魚。我哋叫左小辣但都好夠味！不過下次我會叫返中辣味或者大辣因為都唔算話勁辣，但係酸菜魚好食嘅。而且佢有啲薑同香菇喺入邊都幾好食，我覺得性價比極高！因為午餐只係$68一個人套餐包辣酸菜魚，一碗白飯，飲品。我自己叫咗加多寶！我媽媽叫咗香辣雞翼鍋，對比起酸菜魚呢個就唔算特別出色，但都係好香口，其次我哋叫咗麻辣口水雞同埋荔枝玉露。口水雞幾滑同埋夠麻好多辣油，整體而言我覺得呢度真係好抵食。因為兩個人叫咗三個餐三碗白飯三杯飲品都係食咗$200咋，但係可以食到好好食嘅酸菜魚！同埋值得一讚嘅係員工都好有禮貌好幫得手 想隨意食又抵食嘅又可以刺激味蕾一定係揀十二味酸菜魚。

唔講唔知將軍澳都開咗間十二味！本身對川菜麻麻，但係個依間食之後，真係會食上癮㗎😆👍🏻我同朋友晏晝嚟，店員服務態度好好，好快就安排咗二人枱俾我哋，重點係呢度嘅嘢食全部都好好味😚酸菜魚配白飯 呢個係必食推介，酸辣湯底條配到味道一流！酸酸地，但又唔會好辣，而且真係好足料，魚嘅味道好鮮甜，仲有酸菜做配料，配埋白飯食一流🤩水煮牛肉(小辣)配河粉 水煮牛肉配河粉都好正！牛肉好新鮮好嫩，啱晒我依啲超愛肥牛嘅人❤️😛紅糖糍粑 炸到脆卜卜，可以沾紅糖漿食，味道好特別，而且係我第一次食，係依度先有得食㗎，離到嘅朋友都不妨試吓😚總括來講，依間餐廳真係比到驚喜我，尤其是係依度嘅酸菜，我超鍾意佢嘅湯底，食完又會想再食，以後嘅下午飯會再嚟食！

內子喜愛吃酸菜魚,在香港做得像樣的不多,看到食評讚好便來試試.為免中伏,便選擇午餐時段,點了份量較少的午市套餐.酸菜魚,味道真的跟太二有九成似,魚肉份量也不少,可惜魚肉不夠太二般滑和薄.但也算不俗.田雞香鍋,味道和香味也很好,田雞份量比預期少,但58元又怎能要求太多？此店掃QR code 點餐,環境和食物有如身在內地的感覺,喜歡往深圳嗜辣但又因疫情未能北上的人,定可解一時口腹之慾.

之前有去過唔同嘅酸菜魚專門店🤓但都係十二味質素最有保證👍🏻宜家仲出埋午市套餐 配白飯同飲品🥳真係好抵食😍✨酸菜魚配白飯🍚 $68嗌咗小辣 啱啱好 唔會食到流晒汗🥵雖然係一人午市套餐 酸菜魚份量十足🐟✨川香回鍋肉 $58同樣嗌咗小辣 但呢個反而唔係好食得出辣味🌶材料包括豬腩肉片 🐷 韮菜 同蓮藕炒得幾香 又入味😋✨紅糖糍粑 $48糍粑本身冇味 點少少紅糖槳就ok了如果中意食煙韌嘢 一定要嗌！😃✨熱情果蘇打 （加$8）百分百純椰青水 （加$8）

見佢午市既套餐咁抵就去左試下乾煸四季豆 配白飯 $42一上枱已經見到有好多😍😍，咁平，分量又多，而味道方面都好好食，仲有小小肉粒雞翼麻辣香鍋 配白飯 $54香鍋入面除左雞翼，仲有雲耳，蓮藕，薯仔，同芽菜，非常足料，落單仲有得揀埋辣度，同埋走某d配料每個午餐套餐都有一碟小雲耳，幾好，個汁調味得好好食紅糖糍粑 $48有8條咁多，相對之下係幾平既，糍粑上面既黃豆粉同紅糖糖漿係足夠既，仲要係既刻整既，熱辣辣😋😋，而且仲可以落單個陣叫定另上

呢間十二味嘅川菜一向都好出名，而家將軍澳開左一間就梗係要去食啦😋。.川式口水雞（$48）呢個口水雞只係要$48，真係好抵食，而且可以自己揀辣度。雞肉非常滑，而且d川式麻辣醬真係好香🤤。.酸菜魚（$68）呢度嘅酸菜魚一向都係我嘅最愛，d魚亦都好滑，而且仲要無骨，食得安心又放心，而且個湯底真係好正，就咁飲都好吸引❤️。.酸辣土豆絲（$68）呢個菜式好有特色，而且又唔會太辣，加上土豆絲炒得好爽口，值得一試😜。

之前系銅鑼灣果間食過牛肉幹鍋，d牛肉大部分都咬唔爛，我以為系個別原因，可能唔好彩食到盤都系筋的牛肉，直到今次系將軍澳呢間又點左幹鍋牛肉，原來系一樣既，都系咬唔爛，吞唔落去，好彩服務態度好好，我反應左即刻幫我換過第二樣！本身都想試下水煮牛肉，但系驚中伏，麻煩可唔可以換過d牛肉！真系好差！

難得要請假，和媽媽一起食川菜😆再行下街！由於好掛住北上的酸菜魚，所以search 到依間餐廳，仲要有午市套餐！我覺得自己好過份叫咗一份酸菜魚少辣，酸菜肥牛麵加一份口水雞我期待已久嘅酸菜魚終於出塲，仲包咗前菜酸辣木耳加一碗飯之前食過其他店的水煮魚多骨，欠麻香酸味，估唔到以$68可食到麻香撲鼻的酸菜魚，仲要係D魚冇骨，厚薄適中，口感豐富！正口水雞不得不讚，好滑個汁好惹味，最正係雞皮與雞肉間的啫喱，好少餐廳做到最後，好大碗嘅酸菜肥牛配上扁身掛湯嘅刀削麵，真係肚皮大滿足

今日同屋企人行下將軍澳中心，發現新開左間川菜館😍，午市套餐價錢好抵食所以決定試下😋裝修都好有中國風，有紅紅嘅燈籠，同百子櫃作裝飾😆下單方面，全部用QR code 點餐，可以揀菜式嘅辣度，唔食辣嘅仲可以揀唔辣。我地揀左川香回鍋肉，麻辣香鍋田雞同全素🤩套餐包左白飯同酸梅湯，仲可以加錢轉汽水添🥳川香回鍋肉，炒得好香，又帶少少辣，好野味❤️回鍋肉肥瘦適中👍🏻麻辣香鍋田雞，田雞有用醬爆香，好好味。仲有蓮藕片同小木耳等等。全素我地揀左唔辣，食落用秘製醬炒香蔬菜🥬。有薯仔片切得好簿，好入味，仲有芽菜😍3樣餸都適合配飯食👍🏻👍🏻😆仲有酸梅湯飲落有蜜糖味😚