十二味 (赫德道)

Open Now

Now Closed

午餐好抵食喎，先$70-$80一個餐，酸菜魚真係無敵好食，又無骨，仲要好大份，今次真係好多魚🐟，本身仲擔心佢午市平左，份量會爭好遠，點知啖啖肉，食極都仲有，唔會食幾舊就唔夠喉😌不過田雞有啲乾乾地，冇乜太多肉食，辣度就啱啱好，呢個就唔推介啦，試過就夠。佢每個午餐會跟一份小食，今次係酸土豆絲，我勁鍾意食土豆絲😍，之前好似有一次食過係涼拌青瓜😋，都好食！同埋午市餐都會跟一包紙包飲品，可以幫助解辣，食辣嘢都一定會買嘢飲，佢呢度跟餐送一支，唔會逼你消費佢野飲，我覺得好好👍🏻姐姐態度都好好，好有禮貌，我係咁問佢會員問題，佢哋都好樂意好詳細解答🤣🤣🤣

勁鍾意食酸辣嘢嘅我，每次經尖沙咀都會嚟食呢間十二味。呢度係個好姊妹帶我過嚟食咗一次，之後就番唔到轉頭，每次嚟都必點佢地酸菜魚同辣子雞。酸菜魚個湯底真係好正，酸得嚟帶少少甜味，忍唔住一碗接一碗，魚肉好嫩滑、加埋啲寬粉簡直一流，份量好充足，辣子雞好香口，不過一啲都唔辣，次次都清哂，仲有佢地嘅糍粑加紅糖漿我每次都必點。推👍🏻👍🏻

今日出咗去見客，行吓行吓俾我見到呢度有一間十二味！成間餐廳非常之有氣派，而且望落去好舒適，所以就入咗去叫做呢一個經典嘅香辣鍋！可以自己加唔同嘅配料，非常多嘅配料選擇！我自己今次就叫咗五花腩，台灣魚腐，蘆筍同埋寛粉！成個香港一上枱嘅時候就已經香味撲鼻，真係夠晒鑊氣！所有配菜都非常之滿意，而且香辣嘅味道食到流晒口水，非常惹味

每次喺尖沙咀做完野，如果想食辣嘢即刻諗起十二味。無論嗰日想食酸辣或者香辣佢都有大把選擇如果預岩午餐時間仲抵今次就食返佢個酸菜魚午餐（白飯+飲品）選擇呢度因為鍾意佢個魚🐟無論係午餐或者散叫都係用鱸魚 ，試過有啲餐廳用急凍龍脷柳或鯇魚又多骨有冇鮮味。但次次嚟到叫酸菜魚🍲同水煮魚都未試過唔新鮮，因為自己好敏感魚腥味。熱天就多數食佢個酸菜魚因為佢啲酸菜酸酸辣辣又爽口依家咁熱嘅天氣食完都唔怕滯，酸菜送飯一流。佢個湯底仲有少量蔬菜金菇同萵筍，一餐入邊有魚有菜非常健康👍。最後食埋佢個湯底本來已經有嘅粉皮索晒湯汁飽到今晚晚餐都唔使食

已經好耐冇堂食，決定一出門一定要搵啲刺激嘅嘢食。兜兜轉轉，最後揀咗呢一間酸菜魚！⭐️酸菜魚套餐（午市套餐）呢個酸菜魚真係冇得輸，啲湯好味道食到一粒飯都唔剩。最鍾意撈埋來做湯飯食。分量充足，因為係午市套餐，所以入邊唔會有寬粉。但係食嘅時候記得要小心，唔好食到一粒粒嘅花椒，如果唔係就會突然間心情好差㗎啦🤣🤣⭐️雞翼麻辣香鍋呢碟嘢賣相好靚，而且仲好香口！最鍾意食佢因為啲雞翼好似炸過咁，其他配菜都好入味。我最鍾意就係食薯仔，不過上次食仲有薯仔片，今次啲薯仔變晒做薯仔條。真係差啲搵唔到佢哋😂😂題外話，間店嘅位置比較格攝。不過好好彩，約埋朋友傾咗好耐計都唔會俾人講就冇壓力。

#酸菜魚 $78抵食份量剛剛好，Lunch set跟一個飯，如果有得轉粉麵會更加好，仲有包紙包飲品送埋魚肉新鮮唔腥，肉質爽口大件，又有萵筍、酸菜及雞髀菇作配料，小辣湯頭好香好野味仲有辣椒、花椒、泡椒炒出的熱油，香氣十足！#清炒萵筍絲 $78香濃嘅蒜味，一啲草青味都冇嘅萵筍真係好值得讚，so fresh ar！#foodstragram #foodieofinstagram #instafoodporn #foodiesofinstagram #foodshare #foodofinstagram #delicious #foodgasm #foodlover #instafood #foodphotography #foodstagram #instagood #foodblogger #foodlover #delicious #healthyfood #photooftheday #foodgasm #cooking #instadaily #lunch #restaurant #香港美食 #香港小吃 #香港打卡 #元朗必吃 #元朗美食 #元朗米芝蓮 #荃灣打卡 #川菜 #酸菜

好耐冇出街食過，好想食番d重口味既野🤤🤤見到喱間都幾多分店，一於就試下🤪酸菜魚 (午市套餐) $78酸菜魚會配送白飯，十分足料，酸菜同魚既份量一啲都唔會吝惜，酸菜同鱼都幾入味，不道個人認為佢既湯底屬於偏咸，重口味既朋友可能會鍾意，而且十分抵食🤤黯𥁒銷魂炒飯 $78好香既炒飯味，一嚟到聞到都流晒口水🤤今次手揀左小辣，個辣道岩岩好，如果鍾意食辣既朋友可以揀辣啲🤤食落係咸咸辣辣咁，有小小菜粒，十分惹味,而旦份量十足,絕對對得住個價錢！

去到尖沙咀又想食辣嘢, 就諗起十二味嘅酸菜魚, 坐言起行就去喇, 午市截單時間為3:45, 以QRcode落單, 我哋叫左兩個午市套餐, 套餐包主菜, 白飯及紙包檸茶🤭🥢全素麻辣香鍋 $58👍😋有炸薯仔, 炸黃豆, 蓮藕及油麥菜, 炸薯仔軟淋, 炸黃豆香脆, 蓮藕爽口, 配搭得宜, 我點少辣味道剛好, 非常香口野味, 不過就咸左少少🥢酸菜魚$78👍😋湯底濃而不咸, 酸味夠, 我點少辣, 辣度唔夠, 下次會點中辣, 好多酸菜及魚, 魚新鮮有魚味, 另外有幾片萵荀及雞脾菇, 料頭充足, 湯頭野味, 食一碗飯都不足夠環境寬闊, 坐得舒服, 不過燈光暗左啲及音樂聲非常大聲魚堅總評性價比 5👍(以5👍為滿分)

十二味 (赫德道)尖沙咀赫德道1-3A號利威商業大廈地下6號舖及1樓味道⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐大年夜二，又去左staycation啦，由於晏晝已經係到飲緊beer嘅關係，口淡淡好想食辣野，所以就睇下有咩辣野食，但唔係間間開，咁岩見到十二味有開，所以就去試一試。我同我fd叫左一個麻婆豆腐同霸王辣子雞，外賣有9折，埋單2百幾蚊1.霸王辣子雞 ＄148嚇死我，成兜辣椒，不過食落唔算辣，但佢d雞碎濕濕咁，同舊腰果差唔多大細，仲要連骨，我食雞定食骨呀☹食嘅時候就好似尋寶咁搵雞。。。外賣姐，唔駛咁呀嘛2.麻婆豆腐 ＄73？依個麻婆豆腐反而幾正，落麻落得夠，食落又麻又香，辣道岩岩好唔會辣到食唔到味，依個係一個驚喜總括黎講，只係隻雞有問題外，個人覺得可以去試埋其他野，當然價錢黎講係偏向貴少少，不過都叫做勉強接受

配合政策下，迷你蛋糕同小蛋糕去shopping 完，未肚餓下都要早啲食飯，份量唔好太多，唔好太heavy既前提下，迷你蛋糕喜歡食酸菜魚，book定位，早少少入座人見人愛酸菜魚食過無數咁多次，唔油無骨，鮮花椒香味比乾花椒重，有少少菊花更清香，大辣酸辣更平衡，以萵筍代替芽菜更清新爽脆，無骨魚肉食得方便又利落乾煸四季豆中辣，咸鮮出色，唔配飯淨食剛剛好，四季豆炒得乾爽，油份比較少，份量幾豪，以此價錢位處尖沙咀索價超值

天氣寒地凍❄️除了打邊爐烚下烚下🍲之外，特別會掛住川菜辣野😌水煮魚·水準可以，未見特別出色，合格魚片完全吸收香辣的湯汁，魚肉夠滑，份量亦都不少，配料有寬粉、豆芽，一啖連埋湯一齊配飯，真係「白飯神偷」🤍🍚炒土豆絲·酸辣的味道🥔爽脆紅糖糍粑·食完川辣菜式，想叫D甜品埋尾滋潤下本身想叫冰粉❄️紅糖糍粑好耐之前係大陸食過一次，想試香港人整的紅糖糍粑有咩分別，於是叫左🤣Um … 個人認為唔夠軟糯，不過個紅糖醬幾好味

其實我已經去12味食過好多次，次次都係食個幾款🤣今次再嚟叫咗酸菜魚（小辣）、四季豆（走蔥）、辣子雞（小辣）。辣子雞味道有少少偏鹹，用嚟送飯一流。之前試過叫小龍蝦都唔錯，但唔係成日有。

話說琴日同個朋友食早餐，話夜晚帶我去食好好味既酸菜魚，好似好神秘咁。我地四條友叫左乾煸肥腸，武隆尖椒雞，酸辣土豆絲，人見人愛酸菜魚（配寛粉），紅糖糍粑。菠蘿汁好味，唔會太酸同太甜。乾煸肥腸食落好脆同埋太過脆身，本人唔太鐘意太乾。肥腸好入味夠辣。武隆尖椒雞酸酸辣辣好惹味，非常送飯。酸辣土豆絲入口清爽，辛辣中帶點微酸，非常開胃。黎到重頭戲，酸菜魚，只有辣度揀，無酸度揀既酸菜魚，個酸菜魚真心吾錯，酸度岩岩好，魚肉無腥味，好滑，d湯飲落仲好鮮甜，寛粉夠粗而且煙靭。最後食番個糍粑甜品，因為秒清所以無影到相，外皮非常鬆脆，裡面Q軟，配埋紅糖超正。整體黎講小菜款式比麻X風雲少，但酸菜魚同糍粑真心唔錯。

已經係第三次到呢一間食，最初我老公唔食魚都話好好食，所以佢念念不忘唔係我😭😭係啲魚😂😂但係第二次嘅時候約咗8:30 Booking，好可惜去到職員話俾我聽賣晒啲人見人愛嘅酸菜魚，所以第三日唯有食佢嘅lunch，因為第一次食嘅時候已經念念不忘，所以我我住喺附近酒店一定要嚟多一次，第一次已經加咗$200做會員下次可以食飯又可以全年九折，呢間酸菜魚真係好好食、原來佢有好多分店，所以去到邊一個區都可以食😋😋😋😋👍👍👍

呢間係位於尖沙咀食川味菜既店，本身我都好中意食口水雞、水著乜乜乜既🤣所以決定試一試佢！今次試左佢地既午市套餐，分別係川式口水雞 & 水煮牛肉，包一個白飯&紙包飲品。口水雞我就叫咗中辣，自問唔太食得好辣，開頭食嘅時候就覺得唔算辣，係接受到既辣度，但食食下就開始黎料，感覺到個口開始有麻嘅感覺，鍾意食麻辣嘅朋友應該會講得幾啱食！而水煮牛肉就叫咗小辣，但強烈建議大家可以揀中辣或以上，因為小辣感覺好似唔太出味，我食食下將牛肉點左口水雞既辣油，又幾好食🤣其實我覺得川味菜來講都算抵食，份量都多，叫埋幾個朋友一人叫一款再大家share食就岩哂！