十二味 (赫德道)

Open Now

Now Closed

呢間係位於尖沙咀食川味菜既店，本身我都好中意食口水雞、水著乜乜乜既🤣所以決定試一試佢！今次試左佢地既午市套餐，分別係川式口水雞 & 水煮牛肉，包一個白飯&紙包飲品。口水雞我就叫咗中辣，自問唔太食得好辣，開頭食嘅時候就覺得唔算辣，係接受到既辣度，但食食下就開始黎料，感覺到個口開始有麻嘅感覺，鍾意食麻辣嘅朋友應該會講得幾啱食！而水煮牛肉就叫咗小辣，但強烈建議大家可以揀中辣或以上，因為小辣感覺好似唔太出味，我食食下將牛肉點左口水雞既辣油，又幾好食🤣其實我覺得川味菜來講都算抵食，份量都多，叫埋幾個朋友一人叫一款再大家share食就岩哂！

地方好靚，有個台又有鼓，夜晚應該有得唱歌。午餐送前菜，今次有毛豆，鹹鹹鮮鮮，開胃。叫了主打的酸菜魚，魚肉份量都幾多，魚肉好滑，魚湯提了味，好食。仲有湯同酸菜、芽菜。

因為疫情關係，返唔到大陸食酸菜魚🌝最近見到一間食市，就抱住期待既心態去試下😂由於枱面實在太細既關係，叫左三碟野，已經放滿晒張枱🙂 如果位置可以大d,會更好主菜， 酸菜魚， 其實二人食已經好足夠，係我貪心叫多左🤭之後到呢個蔥油拌麵， 都ok 既呢個係酸辣土豆絲，個人認為一般般，炒得唔夠爽口呢個係肥腸， 唔好睇佢咁多辣椒，其實一啲都唔辣😮‍💨左邊既係熱情果梳打，我覺得麻麻地， 右邊係菠蘿汁，都ok 既😝好想試呢個，係當日賣完🥺裝修環境都好似返左大陸咁呢個係門口總結：二人食，人均消費$300 左右， 因為叫多左， 如果正常點菜，應該就百幾二百左右，野食都ok 既，值得一試😌

十二味係我同朋友食午餐嘅好地方，枱同椅子都闊落。套餐包飲品。前菜是川式涼菜，今日有豆子，有點像孔乙己，味道鹹香。酸菜魚湯好濃郁，煲到有少少杰身了，幾濃。味道微酸，鹹鮮為主。魚串好滑好大塊，份量足。

FD話想食好辣好辣啲川菜，當然要揀十二味川菜店食午餐啦。宜家十二味午市都提供lunch set，都有好多款揀，平平地50-60HKD都包左前菜，主食同飲品，抵食。今次揀咗牛肉幹鍋套餐，前菜喺拍青瓜。青瓜唔錯，酸酸辣辣，做為開胃前菜好啱。牛肉幹鍋好豐富，有牛肉，藕片，黑木耳，土豆，芽菜等。幹鍋真喺煮得好麻好辣，啲肉菜同素菜都沾滿醬汁，好惹味，好彩有配飲品，食到後面勁辣LOL。FD都喺揀咗哩個套餐，食到最後辣得食唔落，不過一直話好味辣得好舒服。宜家冇得去深圳，在十二味食下啲川菜都唔错。

一向好鍾意食酸菜魚，今次終於可以一試十二味，一早已經喺openrice訂位，去到竟然有卡位坐，座位寬敞，因為每枱個半鐘限制，好快就利用QR CODE落單。今次試咗人見人愛酸菜魚有粉條，適合少人，少辣，加多一個炒萵筍，另外點多個皮蛋。坐左一陣已經好快上菜，酸菜魚比我預期中大盆，而且配料十分之多，魚肉分量都唔少，厚肉又夠滑身，果然好評如潮。炒萵筍分量都有一大碟，同朋友已經不停夾最後都係食淨咗好多。食完酸菜魚忍唔住叫多個糍粑，作為飯後甜品。下次可以再嚟試其他款式，實在太多選擇。

佢個酸菜魚真心吾錯 湯飲落好鮮 魚肉新鮮爽滑 裡面仲有薯粉👍🏾👍🏾👍🏾 如果食到辣不妨試佢大辣 今次第一次食所以點左中辣 但食落覺得大辣會更惹味 😋😋😋另外點左乾煸肥腸 如其名一樣食落帶乾脆身較硬身 朋友話覺得佢太乾 但我就幾鐘意咁食 平時食既炒豬大腸 好多時都會帶韌口 難咬爛 而家用炸煮同切薄身咁食 就好香口同易咬 👍🏾 味道吾錯 水煮牛肉 點左中辣冇想像中咁辣 牛肉有小小筋 咬吾爛 回煱肉片每片都切到好薄好薄 而家炒完好香口同脆 之後亦每人點左杯野飲 但冇影到相成餐3個人食總數每人幾$2** 左右 味道吾錯 如果食得辣 可以點佢個大辣 今次試完佢個中辣覺得還好 吾好俾佢既樣呃左 以為好辣見佢有個小小既音樂位可以有live music 不過可能疫情 當晚就冇表演 唯有聽佢播下Kpop 廁所出黎以為去左club😂😂 音響都偏大聲

放工凍凍地·本身諗住拿拿臨番屋企但臨走被同事捉左·話要帶我去食野暖身·神神秘秘咁·原來食酸菜魚🐟🤤🤤係寶勒巷附近既商業大廈一樓入口設計好中國風上到一樓見到有樂器set up應該有live band 但我哋當晚無表演好好奇會表演咩歌😂✿酸菜魚（$256）一望落去已經好有大陸feel即時試下個湯夠酸夠辣仲有少少麻麻地個湯飲落去好舒服魚片好滑唔腥完全無骨·夾落唔會散配料都好豐富有萵筍·蘿蔔片·大量酸菜仲有吸哂汁寬粉🤤🤤🤤✿水煮牛（$148）好香川味 · 諗住會好辣輕輕試左啖湯唔係好嗆口既辣但稍稍偏咸🤭水煮牛用牛肉片而唔係肥牛牛肉仲幾嫩滑 但量唔算多有芽菜寬粉萵筍舖底✿紅糖糍粑（$48）糍粑係炸糯米條長條型整整齊齊一望就知炸得酥脆 外脆內綿又黏口又煙韌口感一流但可惜佢地唔係配黃豆粉雖然點埋紅糖漿食都唔錯🥲但黃豆粉先係重點整體而言佢地食物質素幾好但衛生就真係需要改善下侍應抹完枱面都仲好油膩自己用濕紙巾再抹抹完紙巾由白變黃🥲

難得3個同事都鍾意食辣，最後大家都一致贊成✅揀咗呢間酸菜魚我地叫左酸菜魚，酸辣土豆絲，辣子雞，再加兩個甜品🍮红糖糍粑 & 冰粉酸菜魚味道好好呀😍😍辣度適中，魚好新鮮辣子雞，酥炸可口，雞嘅份量好多，唔會只得辣椒無雞酸辣土豆絲，一般，土豆絲煮淋左少少，佢係用黑醋傳統方法炒红糖糍粑 & 冰粉我第一次食，本身我唔鍾意食甜野，所以都好少會叫甜品，同事話食，我又試下，兩樣都唔太甜，好好食呀整體呢間餐廳都好滿意，而且有驚喜

講開酸菜魚一定有十二味既一席之位平日行完尖沙咀，想食川菜都會黎十二味今次叫左酸菜魚，一上台一如既往咁大兜魚肉起晒骨，可以成塊食唔怕哽親入口魚肉味道鮮香酸辣，再黎係魚既鮮味除左魚肉仲有小量蔬菜，加埋吸味既紅薯寬粉另外仲叫左麻辣乾鍋，可以揀自已鍾意食既配料全部炒埋同一鍋，夠晒濃味送飯一流可惜佢既午餐肉太過粉，希望可以改善下辣子雞亦係我食川菜會成日點既菜將雞切成小塊油炸，再加大量乾辣椒炒入味配上可樂，都不知幾正下次有機會可以試埋水煮魚，當日都好多人叫見賣相都相當唔錯

尖沙咀·十二味太耐冇食好西 好耐冇出post 今次介紹既係超抵食酸菜魚平時叫個酸菜魚 都最少$200幾 仲要好多人食先食到 自己一個想食 都唔會食到📍酸菜魚套餐$78👍🏻👍🏻👍🏻👍🏻👍🏻今次依個午餐勁抵 我覺得午餐兩個人食都夠飽 仲包埋野飲同飯👍🏻👍🏻啲魚勁滑 仲要起骨起得好乾淨 夾起唔會散❤️最怕食食下有骨 同一夾就夾既感覺 配料除左有酸菜 仲有好多萵筍 都係一樣幾好食😋😋😋依個我中意呀📍宮保雞丁 $6X勁大碟 啲雞好似尋寶甘 食極都仲有除左辣之外 啲雞好滑同好甜好似有層蜜糖係面甘依個送飯都係一流👍🏻👍🏻👍🏻👍🏻依間會再去試埋其他野 好多都好平 睇圖全部都好想食仲有半價優惠#十二味#尖沙咀美食 #hkfoodie

今次到尖沙咀試一試十二味酸菜魚。店內面要用電子方式落單，服務方面稍有欠奉，因為用電子落單緣故，所以店員好少會留意到顧客既需要。1. 人見人愛酸菜魚二人份配寬粉 寬粉吸收晒酸菜魚的湯底，我們點了少辣，對於不太能吃辣的我們，辣度剛剛好。而且魚肉份量都算充足，肉質大致都很嫩滑，只是有幾份稍稍過了點火侯。但整體酸菜魚不錯，調味很香，酸度也足夠。2. 羊肉串另外想點了羊肉串，孜然羊肉串調得很惹味，只是稍微略乾，但尚算不錯。以酸菜魚來說，味道都算不錯。

見到網上訂座有六折，即刻過嚟試下啦。 真心唔錯嘅，下次都可以再嚟食。酸辣土豆絲$68我鍾意食呢個呀。佢炒得好爽，而且唔會油淋淋。食到個辣味，好正呀，麻麻辣辣。川式口水雞$68Ok啦隻雞唔算好滑， 皮下冇乜脂肪，又食唔到雞味。但係佢勝在夠多配料好多花生。辣油個樣好似好恐怖，但都唔算太辣， 怕辣嘅人都可以點。 反而食曬下面墊底嘅青瓜😛人見人愛酸菜魚$256輪到主角，呢個我反而鍾意食佢嘅配菜， 窩筍，酸菜同埋寬條多過食佢個魚。魚真心唔夠滑， 雖然佢唔腥而且冇骨。 個湯就好正， 有啲花椒八角，夠酸夠麻辣。 食到中途，咀已經麻痺。正～乾煸四季豆$68👍🏻👍🏻👍🏻👍🏻👍🏻呢個我要帶大力推介，真係好正呀👍🏻👍🏻👍🏻好夠鑊氣呀，炒到卜卜脆咁嘅樣。但又唔會油膩，加上肉末嘅配搭，令一個簡單嘅四季豆口感和味道更加豐富。 肉末有啲豬肉脂肪粒 ，啲豬油炸哂出來，係特香，特別惹味。 通常呢啲咁好食嘅嘢都係比較邪惡😈黯然銷魂炒飯$78一般炒飯。尖沙咀間舖比較大， 而且有六折優惠，唔錯👍🏻會再嚟食過😛

作為鍾意食酸野嘅我，一定唔會放過酸菜魚😍呢間十二味越開越多分店～之前一路都未抽倒時間過嚟試吓，難得今日經過尖沙咀，一於就同朋友嚟試吓佢嘅酸菜魚啦😋-我終於明白點解佢叫人見人愛酸菜魚喇！講一講個酸菜魚湯，超級濃味，亦都夠酸，飲一啖即刻醒神晒呀🤪入面仲有萵筍，吸晒湯嘅味道，超正👍👍開頭都諗緊點解佢會價值二百幾蚊，嚟到見到個size，終於都明白啦🤣兩個人淨係叫個酸菜魚再加白飯其實都夠飽，佢個湯餸白飯真係好正🤣魚肉方面，都整到好嫩口，而且份量都好多，所以我覺得CP值其實都幾高🤗

去十二味點可以唔叫酸菜魚呢???今次一班同事收工, 急不及待離開公司去食魚🐟酸菜魚是同事們喜愛的川菜菜式，都係因酸菜魚酸辣開胃，魚肉嫩滑，配上香濃的湯底，十分惹味必點土豪版酸菜魚人見人愛酸菜魚一定要寬薯粉， 可以索曬啲湯汁， 魚質嫩滑， 酸酸辣辣🤩再嚟一個經典香辣鍋午餐肉 /鹵水肥腸 / 嫩牛肉 / 蓮藕片 / 年糕 / 花菜黯然銷魂飯都唔錯而且炒得好乾身清炒萵筍絲， 正正常常冇特別酸辣土豆絲， 土豆絲雖然爽口但係略嫌偏酸飲品名好得意很好喝的熱情果梳打美芝芝芒果梳打最後唔少得甜品紅糖糍粑