十二味 (赫德道)

Open Now

Now Closed

以前番過大陸食太二酸菜魚，一直好掛住呢個味，不過係香港試過幾間都麻麻地，就打算放棄。點解見到openrice 訂枱有5折，好似幾抵咁。估唔到半價個分量都咁足，暫時香港食過最好食嘅酸菜魚，一定要叫飯，佢本來已經有薯粉，等佢浸多陣入味，真係好好食😋

💎總評分：7.5/10－寶寶好辣但係又怕油淋淋，所以比起水煮更鐘意干鍋🌶！店內裝修尚算闊落舒服，scan QR code落單，可以做會員食夠一個數之後就有會員discount。1️⃣ 經典香辣鍋 (鍋底$40每款配料加錢)雖說好多川菜館都有干鍋，但係小編鐘意自選鍋入面嘅配料。首先選擇辣度，分大中細辣，可以加麻，然後好似車仔麵咁㨂餸。配料方便好多選擇，小編今次加左金錢肚$42，蓮藕片$28，滷水肥腸$38，萵荀$28，嫩牛肉$52，花菜$28，寛粉$28～仲有其他配料例如鮮魷，牛舌，五花腩，都好吸引。碗入面真材實料，9成食得落肚，唔會俾一大堆辣椒你。小編食中辣還好，食得辣嘅人士大可以試大辣！2️⃣ 酸菜魚 $228小編叫嘅 portion係最細份，無加粉條，但係都算多魚，4人share每人都有2-3舊，多人食可以考慮叫豪華版。味道中規中矩，唔會輸比專門食酸菜魚嘅店。4️⃣ 涼拌土豆絲 $40土豆絲好難整得難食嘅～雖然薯仔本身就係平價食材，不過堂食咁嘅價錢有反咁大碟都算高性價比。5️⃣ 夫妻肺片 $70除左牛肉外仲有牛舌，可能叫左小辣嘅關係，雖然食得出入味，但係未辣得過癮，下次一定叫大辣。6️⃣ 糖糍粑 $5

再次光臨百吃不厭嘅十二味，今次只係同朋友兩個人食，只係叫左人見人愛酸菜魚同口水雞🤤大大盤嘅人見人愛酸菜魚🐟，我地叫左最小嘅辣度，魚片大大塊，份量都十分足夠，每人都可以食到6-7塊嘅魚片。而且仲有大量萵筍同酸菜，美中不足就係只有少量嘅菇，當日只係搵到一片🤣，相對唔可以食辣嘅我，依然十分鍾意食，每次都要好小心撇開啲花椒同辣椒🌶️😂。口水雞方面，鋪滿辣油，雞胸肉偏多，但份量都十分足夠，仲有青瓜鋪底，每次都會食埋啲青瓜。😍雖然食到又麻又辣，但每張枱都有一瓶嘅檸檬水，十分貼心。仲有餐廳環境都唔錯，播放住音樂，見到仲有唱歌設備，定期應該會有人駐唱添。

超級Lazy 嘅我🙃系Tst 反工，Lunch 搵野食梗系越近越好la🙂好鐘意食辣野嘅我同事就推介左十二味比我😛😛行5分鐘左右就到岩哂我呢個懶鬼🤣上到去地方好大。要用電話Qr code落單我就叫左個泡椒雞黎食下😆Lunch 仲配埋白飯同有盒紙包飲品🥰六十幾蚊算幾抵食😋😋其實都幾大碟又有白飯🤩泡椒都幾辣下我叫左小辣不過好似都辣左d不過好好味，又有d 汁，Juicy 又5鞋😊唯獨是野飲5夠😂😂整體都5差🙃個場又大，5會好逼夾🙃系辣左d 🤣🤣之後要去7仔要枝野飲解辣

同朋友行開附近，見耐無食酸菜魚，行路過吾放過先！即刻入去，店員問有無定枱，即興當然無啦！了解落先知原來開飯預定有折。算啦，無折都照試！餐廳都係手機落單，好方便！酸菜魚合格-口水雞干柴-冰粉太甜-熱情果梳打幾好-桂花冰釀無味，完！下次有折可以試下，無折就無下次

落單用QRcode，非常方便，大部分菜式都可以揀小辣中辣大辣，午市套餐雖然比普通一碟細碟啲，但相對平啲又多碗飯，非常抵食。*乾煸四季豆(午) $52一個午市套餐有咁多嘢食。四季豆炒至乾身縮水，啱啱好斷生，唔會過腍，可惜唔夠入味，反而肉末臊子本身好重口味，偏死鹹。白飯大碗，鬆軟乾身，可惜差啲米香。仲有小菜雲耳同埋盒裝檸檬茶。川式口水雞 $68涼菜口水雞，係凍冰冰嘅，雞皮彈牙，皮下脂肪少，雞肉肉質唔會乾柴，最後有青瓜粒鋪底。我地揀小辣，辣味完全只係來自辣油，辣得嚟冇乜層次感，而且份量少，少少失望。人見人愛酸菜魚(配粉條) $256魚塊滑嫩，冇骨啖啖肉，差在魚鮮味。粉條份量多，彈牙，食到嗦嗦聲。酸菜係碎酸菜，酸菜湯亦唔夠酸，辣嘅存在比酸嘅存在大好多。配菜有大塊萵苣，雞髀菇，少少白蘿蔔薯仔片，索晒酸菜湯湯底。紅糖糍粑 $48糍粑係糯米打糕，比年糕更加重米香煙韌，夾埋香脆嘅外皮，感覺十分過癮。黃豆粉+紅糖漿亦係不敗組合，係進階版嘅日式蕨餅。

因為朋友移民要Farewell一班好辣之徒就book咗呢間12味決定比佢辣住開心走.我哋嚟到開頭都冇咁多人但係等咗一陣差唔多到晚飯時間就好多好多人出現成個等位區都充滿着人好彩我哋有book位姐.入到去係自助落單嘅直接掃QR code就得啦我哋就嗌左1. 酸菜魚2. 蒜蓉拍青瓜3. 干扁四季豆4. 夫妻肺片5. 辣子雞嗌左三杯嘢飲同一碗白飯.首先個酸菜魚都係大兜到痴線其實基本上如果兩個女仔嚟嗌一兜酸菜魚再嗌一個白飯係絕對夠飽㗎同埋酸菜魚個味道都好出色加上佢裏面仲有萵筍其實食完第一兜都有啲飽我冇睇錯佢仲有個豪華版添.然後佢嘅蒜蓉拍青瓜比我想像之中冇咁多油清清地都幾啱我口味但係佢唔係冇味道嗰隻.干扁四季豆味道好出色加上去咗啲肉碎攞嚟送飯真係一流如果冇酸菜魚打頭陣我絕對可以食一碗白飯.夫妻肺片就不過不失啦味道都OK嘅但係又未至去到識飛normal.辣子雞就正啦成兜紅卜卜咁樣上枱絕對勾起你嘅味蕾而家見到都有少少流口水同埋佢都相當重口味仲有腰果添好香口又熱辣辣我諗大家食開辣應該會鍾意.嘢飲方面就冇特別介紹啦因為都係簡單野有機會可以再去啊

5:30特別時段食有5折優惠係超抵嘅！幾個好友約埋一行4人，5:30坐定定睇餐牌order。好耐冇食酸菜魚係必叫嘅！由於七點前要還枱，大家只係用咗10分鐘叫咗好多餸菜。可能唔係咁多人咁早食晚飯，餸菜唔使10分鐘開始逐樣上，由於覺得好焗，問侍應可唔可以校大啲冷氣，係嗰刻佢先至話冷氣壞咗。其實係咪坐低嗰陣應該同個客人講冇冷氣呢？冇冷氣無風扇唯有硬食😭圖片只係影咗三碟餸，其實仲有食香鍋、糍粑、冰粉等等，但係因為太焗又太熱嘅關係大家都冇人有心機影相📸️買單連埋嘢飲每人只係需要$120如果又熱又焗咁樣食個晚飯我寧願去茶餐廳。

佢既lunch 性價比十足，門口睇得出有比小心思設計左，幾靚💕行到門口都有浸浸既辣味！餐廳用開放式設計既！啲位都坐得好舒服唔會話好逼，坐得唔舒服，好適合一邊食野一邊傾計。-（lunch)👅：酸菜魚+飯+野飲 $68一上枱就好大碗，魚都好大塊同好多，仲要係食落係好滑！無骨，雖然只係午餐但係都可以簡佢既辣度，唔洗驚太辣食唔到/無辣味。/👅：酸辣土豆絲$65切得好細，好爽口，又有酸又有辣🤤-👅：黯然銷魂炒飯不過不失炒飯😅無咩驚喜，正正常常炒飯。不過就粒粒分明！同埋都有好多蝦、蔥、紅蘿蔔🥕去配搭！佢啲蝦都炒到好乾爽🤤🤤

腸胃炎好返又走去食酸辣魚 ，小辣嘅酸辣魚完全無難度，個湯酸味剛剛好，不過魚本身麻麻地，硬係有啲腥咁而個炒田雞配料比田雞吸引！但香味同鑊氣都一般般，而我果碟有幾嚿肉好似唔夠熟咁，真係好得人驚⋯紅糖糍粑出奇地好食，糍粑煎過出面脆脆地，入面係好煙韌嘅糍粑，灑滿熟黃豆粉，再配紅糖漿，我覺得本身都夠甜，只係沾左少少紅糖漿都夠啦！最後值得提下服務質素，我食嘢期間（一小時內）待應倒瀉左兩次水，我著長裙裙腳不免遭殃⋯另坐底時張櫈係濕嘅，請待應抺佢比包紙巾我話：2蚊講真，對住佢地真係得啖笑⋯

十二味 (赫德道) (尖沙咀)尖沙咀赫德道1-3A號利威商業大廈地下6號舖及1樓人見人愛酸菜魚 (小辣)大大碟，都只係2人份量黎咋～酸酸辣辣嘅😋幾開胃，即使是小辣，碟酸菜魚啲辣椒都係愈浸得耐，愈嗆喉嚨🔥口水雞口水雞汁偏淡，無麻無辣味，也蓋不到雞件的重雪味紅糖糍粑上枱時，暖暖的，脆脆的，外脆內煙韌😋糍粑一定要沾滿紅糖糖漿😋好食炒四季豆好好食😋有鍋氣，又炒得香口，仲大大碟添😋雖然有乾辣椒點綴，但完全唔辣的～LAM脷指數： 7.5/10🌟#尖沙咀美食 #尖沙咀 #酸菜魚 #酸菜魚 #口水雞 #麻辣 #酸辣

1.皮蛋2.土豆C3.口水雞4.酸菜魚5.牛肉串6.羊肉串唔想寫負野，但又過唔到自己，首先，現場燈光偏暗，但都隱約見到張枱未抹乾淨，而且2個碗碟都崩咗。叫左以上6樣餸，頭3樣都ok, 無乜特別，但去到主菜酸菜魚，我叫小辣的，的確係食到辣味，但缺乏左個香味，食完只感受到個辣字。而另外第5,6項牛肉串同羊肉串，無味道，食完要估下先知道邊樣係牛邊樣係羊。佢做法係係肉串上有d辣椒粉，就係食到辣辣地，但無肉味。失望，希望日後會改善

做完嘢過嚟食晚飯 呢間四川菜都好出名 位於超多嘢食嘅赫德道 地鐵站行兩三分鐘就到 環境係好舒服㗎 而且有啲酒吧feel 入到黎你個人係好relaxed 再喺度食埋川菜其實個享受係好特別------------酸菜魚個人係嘗試心態 因為唔係好食得太過酸辣 呢個湯底好OK 酸味較多辣美較少 上到嚟飲咗一啖就愛上咗佢 然後就試埋d魚啦 魚塊好滑 吸左酸辣湯汁後開胃又惹味 唔怪得咁多人都鐘意食佢 不過食得多都係太辣 自己投降左 下次黎試埋其他餸!

老婆唔鍾意食辣，亦唔食得辣，只有同朋友飯局先有機會食辣。難得今日一個人食晏，碰巧附近有間「十二味」，就去滿足口腹之欲。在赫德道口已經望到大大個招牌高高掛在外牆，黑底紅字、加上熊貓logo，非常搶眼。地下門口原來只是入口，用餐區全部設在一樓。地下入口的小玄關沒有樓面招呼，但就張貼了幾張大海報。「招牌麻辣香鍋」、「人見人愛酸菜魚」；擺明車馬係四川菜，同餐廳招牌的熊貓logo非常吻合。記得第一次幫襯「十二味」係銅鑼灣的「十二味貴陽牛肉粉」，原址現已擴充營業，並轉型為十二味餐飲集團旗下另一間四川菜餐廳。集團旗下部份餐廳有個別專名，尖沙咀赫德道這間分店的全名就是「十二味音樂餐酒館」。一如其名，一樓近樓梯口處有一個小型表演舞台；去年疫情爆發前每逢周末有樂手唱live，有關安排已經消失一年多 ⋯⋯ 唔知幾時再會？室內裝修以紅黑為主，本來好型格，但唔知點解，總係覺得有點國內餐廳的裝修口味⋯⋯ 唔係話老土，而係同其他傳統港式中餐廳或者新派摩登中菜館的裝修風格不盡相同。再加上餐枱之間的隔板同樣貼上熊貓圖案，國內風味更明顯。另一樣同國內餐廳接軌的地方，就係QR code自助落單。雖然今時今日，這種落單方法在

一班同事吃午餐，好開心，因為大家都好鍾意食辣野，人多就可以點好多唔同嘅嘢試下。麻辣小龍蝦味道非常濃郁，蝦都算新鮮，但蝦的數量太少，底層的粉唔好食，可能咁樣的搭配會顯得份量夠多，哈哈。辣子雞夠麻辣，也夠香料，但雞肉切得實在太小粒，而且炸得過龍，所以唔受歡迎，最後都冇人食。炸蝦球一流，蝦很新鮮，配上醬汁酸酸甜甜好開胃。主角來了土豪版酸菜魚好大好大一盤，好壯觀這道菜是每次來都會必點的。湯底好夠味，酸和辣的比例剛剛好，魚肉很滑，配菜有酸菜，窩筍，粉皮，每一樣配菜都被我們撈個清光