十二味 (赫德道)

Open Now

Now Closed

剛進入大門口就見到大紅燈籠高高掛，很中式的感覺。酸辣木耳，爽脆開胃，味道都幾辣，不過份量頗細。川式口水雞，擺盤好漂亮，其實就是碟子大，雞肉實際上不多，不過味道還不錯。人見人愛酸菜魚，魚肉嫰滑，酸辣可口，份量可視人數而選，但對於大愛酸菜魚的我們，再多也不夠。霸王辣子雞，辣椒覆蓋住雞塊，要慢慢玩尋寶遊戲，不過感覺雞塊不多且碎小，有的只是炸雞皮。紅糖糍粑，糍粑熱辣辣又够煙韌，好吃停不了。吃辣當然少不了冷飲解辣。總體來說，味道不錯，空間也很舒服，但是如果是按正價的話，會感覺食物份量有點對不起價錢，有折扣就還可以一試。

Came here for the second time yesterday and enjoyed it as much as the first! Nothing incredible about the dishes but the prices are really unbeatable and the portions are great for sharing. I also like that you can decide the level of spice according to your own preference. -----👩🏻‍🍳口水雞 Saliva Chicken2.5/5⭐️Flavor was there but the chicken was mostly bone and joints with very little meat at all. -----👩🏻‍🍳人見人愛酸菜魚Hot and Sour Fish with Pickled Greens4/5⭐️A good amount of meat. The fish was very tend

太耐無食過酸菜魚，所以見裡間酸菜魚都幾有特色即刻book位去試，仲有半價優惠，折完100幾蚊就食到真係好抵食，來當然為左試酸菜魚啦，魚份量好足配上白飯夠兩個唔算大食嘅人食飽，當然我地就唔夠啦，加上貪心又想試下其他餸所以有嗌其他野食，超級推薦試酸菜魚，好味魚肉無骨，但最好無飲湯因為都多味精，不過毛血旺就好一般好鹹唔好食，另外土豆絲都推薦，不過回鍋肉就都偏鹹，重口味可以照試，整體如果有折都好抵食，但如果無折就唔值裡個價位，所以大家趁5折可以試下

入咗酸菜魚關注組，大家勁推呢間上次夜晚黎話賣哂酸菜魚，今次6點就去食實有😂.果然名不虛傳！終於食到一間夠酸的魚！酸辣又唔會遮魚的鮮味，魚又夠滑，呢個湯的麻辣係慢慢滲出黎嘅，仲帶菊花的香味添☺寬薯粉同萵荀索哂 d 湯，正！♥.另外仲叫咗羊肉串，雖然望落好多肥膏咁，但一齊食堅香，油脂濃唔會膻，香料調味都唔會蓋羊味.之前同肥 Pat先生傾，點解食辣的地方唔賣鮮奶俾人解辣，佢話：咁飲完唔幫襯佢其他野飲咪蝕？💥點知呢度有維他奶賣！！！！食幾多辣都唔驚啦😂

友人聚會，大家都懷念好耐冇食酸菜魚，所以特登book左呢間店，比起之前黎更加旺場。好彩book左位同埋約得早，如果唔係就望住人哋食。早上係Klook買左張酸菜魚券，服務員姐姐唔太識用，淨係叫我地先點菜，俾錢再用券，咁我哋就照做。本身叫左5道菜，但由於口水雞睇落太生，有點血淋淋，服務員好好人地幫我取消左，本身想試試其他，但由於仲有生日蛋糕，大家都飽飽地，所以冇再加。以前曾經有人試過在場駐唱，個次嘈到傾唔到計，今次冇人唱歌，但勝在旺場，氣氛都好熱鬧，大家去唔到深圳食酸菜魚不妨考慮一下呢間，真的很不錯👍

佢有分幾種酸菜魚嘅份量嗌左個最大份加粉條啲魚勁少 之後粉條唔記得俾我哋 追咗兩三次先有其實出面啲酸菜魚就算嗌大份都知啲魚好少但係12味今次真係少之前喺第二間分店食啲魚係冇咁少唔知尖沙咀呢間係咪因為太多人定係唔夠魚我覺得酸味同辣味都唔夠第二間分店做得好由於唔夠飽叫咗個乾鍋一定要叫中辣以上小辣係完全冇味道個鍋啲配料就幾多賣成四十幾五十幾蚊一份料五多我真係會反枱我覺得尖沙咀分店味道真係冇其他咁好唔知係咪因為太多人定係本身都唔好

朋友推介左十二味鍾意食辣野同埋酸野嘅我～見到有咁多好評，就即管嚟試吓睇吓有幾好食啦🤣-叫咗個人見人愛酸菜魚配寬粉🤪我係超鍾意食寬粉～比一般嘅薯粉更加煙un😋-酸菜魚嘅份量大得驚人，絕對唔孤寒呀😍😍入面除咗有魚之外，仲有啲萵筍😍😍啲萵筍都浸到好入味啊🤣🤣講番啲魚，超級嫩滑😆😆一食落口就有要sir落去喉嚨嘅感覺，完全唔腥🤪而且都非常之夠辣同埋夠酸，啱晒重口味嘅我呀😍酸菜魚嘅湯攞嚟撈飯，簡直係呢個世界上最好味嘅嘢😹😹

叫咗二至三人分酸菜魚另外在嗌咗涼拌青瓜同紅糖糍粑呢間店嘅生啤價錢略高 $88 hoegarden 酸菜魚加粉條 叫咗中辣但其實同一般小辣差唔多魚片嘅份量都好夠 酸菜都多湯底偏濃同咸 撈飯食都咸咸地粉條好大條 同煙韌 索晒d汁 喺香港食過咁多間酸菜魚 起碼呢一間算係似番大陸食到既味道紅糖糍粑即叫即炸非常鬆脆不過間店好嘈 如果想同朋友傾計 就可能唔太適合想過下辣癮 係不錯既選擇～～～～～～～～～～～～～～～～～～～～～～～～～

即日打電話預訂都有位，如果唔係疫情期間，現場會有樂隊表演。 食物味道來講，每個菜都中上。 一開始叫左小食，紅糖糍粑好好食！！ 另外叫咗啲串燒都ok。豪華版酸菜魚連薯粉味道可以，300幾蚊都好大盤，多啲薯粉更加好。可惜亁鍋田雞尖沙咀分店冇提供。麻辣血旺都好食，但係鴨血得好少，裏面就加左午餐肉、牛柏葉同牛肚絲，呢個好惹未。 水煮魚就冇咁抵食，200幾蚊得幾片魚！蔥油拌麵豉油好香，麵質有啲似上海粗炒。六個人連幾杯啤酒$17xx埋單，價錢都可以接受。要贊一下服務員阿娟，態度親切，服務積極！👍

由於係OpenRice 預訂5點或5點半 呢兩個時間可以全單享有半價優惠 中意食辣既人又點會錯失呢個機會 呢次我哋叫左一個麻辣香鍋，酸菜魚同埋炒飯，全部都唔錯，好好食，份量都好大

食得辣野既朋友唔多，今晚舊同事話想飯聚見下，順便去挑戰下紅卜卜既麻辣菜，就揾左十二味係尖沙咀分店落腳。未到七點都好多客，上一層經已聞到又麻又香既椒味，裝潢色調以黑黑紅紅為主，真係有點挑戰地獄辣既感覺！用手機掃QR code可以睇晒全菜單，由香鍋、經典熱菜、田園小炒、涼菜同擼串系列分門別類。黎得食都係挑戰味覺極限，我就提議水煮魚點都要最盡既大辣，至於毛血旺就配中辣，加多個小食夫妻肺片同一份麻辣牛肉串(5支)。水煮魚同毛血旺都係超大盆，密集既紅辣椒、花椒粒加埋紅油形成一個血池泡泡浴，如果未食過既朋友肯定會嚇退，不過鍾意食辣既我就岩晒，用匙羹試一啖辣汁，又唔係想像中難以入口兼傖喉想咳既反應，反而麻香味較濃郁油香滑溜。趁熱夾一厚肉魚片入口，表面緊抓住一層紅油既魚肉，泛起赤色油光，慢慢feel到有一股温文辣味係口腔回盪，一口接一口既無骨魚片肉，鮮嫩肉滑，再加埋少少芝麻粒同芫茜，香氣沒法擋。辣味菜式配內臟真係夾到絕，呢個毛血旺有齊晒豬紅、豬皮、魷魚鬚、金菇、金錢肚、牛柏葉、豬腸、午餐肉，加埋沉底既寬粉，呢個配中辣既效果反而更加出味，尤其豬皮既表層小孔特別吸汁索辣，真係越食越辣。豬紅沾住紅油口感相對

無辣不歡既我 今日突然好想食酸菜魚😂所以捉左個唔食辣既朋友陪我食🤪首先叫左個土豆絲 我覺得尖沙咀分店炒得好食過荃灣店 夠鑊氣皮蛋就普普通通 個汁可以整得好食啲🤦🏻‍♂️呢間肥腸好好食😍炸到脆卜卜 夾埋辣椒食勁正不過一定要熱食 凍左會食到成口油咁 之前叫中辣 勁惹味🤪到左主角😍😍😍入面有寛粉 萵筍 同埋菇片個魚好滑 唔腥👍🏻👍🏻湯可以再酸啲🤪我中意食勁酸呢個紅糖磁杷 足足等左我個幾鐘😡明明叫即上 點知食晒野吹左3次先黎不過好在 一上枱熱辣辣 外脆內軟中意食糯米糍既人一定中意食🥰🥰睇到評語 其他人話店員服務麻麻其實都真係🤦🏻‍♂️🤦🏻‍♂️🤦🏻‍♂️

🏮終於可以食晚巿，終於可以熊妹全家齊腳出外食飯。熊妹家族好食得辣🌶，卡肥大大就提議食《十二味》，比阿豬媽試吓正宗嘅酸菜魚🐟，過一過鋪辣隱。📌裝潢好特別㗎，周圍都掛滿住紅噹噹燈籠，仲有功夫熊貓🐼做招牌，成件事好中華風味。📌等到阿豬媽放工過嚟，‪7:00‬入座，晚市好多人，任何時段都係限時一個半鐘，所以要快快手揀定好食咩就用手機落菜啦。人見人愛酸菜魚，配粉條，$256首先上枱嘅梗係招牌菜-人見人愛酸菜魚啦！哇！個碟真係大得震撼！仲要有深度喎！絕對唔欺場。介紹返，酸菜夠酸，份量夠多；魚肉夠滑，夠淋，冇腥味，冇骨，但又保持到魚味；酸菜魚湯底夠酸夠麻夠辣，有花椒八角調味，辣得真係好過癮，忍唔住連湯都飲埋。仲有啲萵筍片同埋水晶薯粉條🍜，非常之粗嘅一片，索晒啲酸菜魚湯汁，食一兩條已經好飽肚。燒椒皮蛋，$48卡肥誠意再推介，麻辣小食皮蛋，一碟有八件，係糖心皮蛋，中間嘅心係流心嘅，麻辣汁味道好特別，麻得黎之餘又帶少少甜，伴碟仲有少少辣椒皮，真係想撈晒啲汁食落肚。宮保雞丁，$98卡肥提議食宮保雞丁🐥，因為佢都未試過。哇！估唔到號大一碟喎！份量非常之多，雞肉粒好嫩滑，腰果好脆口，阿豬媽最鍾意食。大辣🌶真係好

最愛食酸菜魚嘅我， 呢間真係滿足晒我嘅意欲以午市價錢黎講， 呢間性價比真高👍🏻主菜好食已不在話下， 最欣賞嘅係配菜都夠多！ 平時出去食飯通常都「多肉無菜」， 最鍾意呢度「肉，菜平衡」，正👍🏻另外仲有驚喜嘅係午餐都有辣子田雞食， 田雞唔係人人愛， 所以好難喺街食到田雞， 屋企人唔煮，基本上都無機會有得食， 呢度嘅午餐就有喇😍自己獨享🤩不過田雞係節日限定，想食嘅都要睇時節！愛辣又愛田雞嘅，真係萬中無一！唔試就走寶😆

好耐無番大陸，間中諗起啲水煮魚同酸菜魚，就黎食下。基本上所有菜式都係standard野，都係食開果幾味嘅，choice都算夠齊全。人見人愛酸菜魚，standard酸菜魚，但感覺上係比較重味精，魚好入味但都係偏咸，少辣，辣度都可以。加左個燒辣皮蛋，浸到個蛋白變左透明，都係好重口味，唯一比較可取嘅係佢蛋黃中心有少少流心蛋嘅口感。霸王辣子雞，幾乎都搵唔倒啲雞粒去左邊，搵倒嘅都係超級無敵細粒！都係比較重口味食完成餐飯，只可以講好重味精，食到勁口渴！