十二味 (山市樓) (Closed)

今日心血來潮想去遠少少食lunch，search到呢間<十二味>好近堅尼地城站，就決定試一試😎午餐都係$42-$68，有飯同埋野飲。價錢好ok!本身想叫麻辣香鍋，但今日得一個人食所以order左酸菜魚🐟(都係我既favourite!😆)等左3個字度有得食魚肉係冇骨🦴既，而且嫩滑👍🏻個湯酸度適中，但可以再香d，即係碟魚拎過黎既時候會有辣香就更好😌除左魚同酸菜，裡面仲有菇片、萵筍，萵筍係爽脆👍🏻但菇片就好細塊，而且好少酸菜魚係可以簡辣同唔辣，冇得簡辣度，如果各位朋友唔係好食得辣既話，一定要簡唔辣><因為我覺得都真係幾辣🌶🌶🌶餐飲本身想叫豆漿，但姐姐同我講冇晒，唯有飲酸梅湯。杯酸梅湯🍹偏甜，而且飲落有種香味，有少少怪總括黎講個午餐係好抵食既!但個魚真係辣左d，同埋配菜冇比較索味既粉絲或者金菇果d，所以我下次同朋友黎會試下個香鍋，因為見隔離枱食好似幾吸引!😁

餐廳的門口很有中國古典特色，內裏的裝修也貫徹同一風格，看得出很花心思的。座位也很闊落，坐得非常舒服。等了一會兒餸菜便陸續上枱了。先來的是酸菜魚，裝酸菜魚的碗是很巨型的，分量十足，估計是用了整整一條魚去煮這道菜，魚肉非常鮮甜彈牙，連魚皮也10分彈牙，沒有骨，啖啖肉。湯底用咗好多酸菜去整，酸酸辣辣咁，非常惹味。魚肉都吸入左酸菜嘅湯汁，所以食入口再加少少酸辣，係好開胃嘅。呢次係我第一是食酸菜魚，一吃便愛上了。跟住就想另外一道菜麻辣香鍋，麻辣香鍋分量十足，基本上呢兩道菜就可以夠四個人食。我個人喜歡吃麻辣，對呢個麻辣香鍋真的回味無窮。我地點左小辣，雖然望上去成個碗都充滿不同種類的辣椒，但食落去又唔算好辣，絕對唔需要狂飲水。佢個大碗入面係放咗我哋揀果五種嘅材料入去炒，我好欣賞佢炒得好乾身，而且每一種材料都滲入左麻辣嘅香味，所以我不停咁追住呢度餸嚟食。五種材料都好好味，我最愛係肥牛同埋寬粉，肥牛嘅肥瘦適中，寬粉非常Q彈，我一定會返嚟再叫呢道菜食。🥰

最近深圳大熱既酸菜魚終於黎到香港而且重係好有水準好好食因為有朋友唔好🌶🌶所以我地只係叫左少🌶但已經超入味 酸酸🌶🌶既感覺超開胃然後我地重叫左口水雞同炒土豆絲里兩個小食 同樣出色兩碟小食都好入味 4個女仔食 就岩岩好雖然已經好飽 但一長黎到 又點可以唔試下個辣鍋 最少要簡5個餸 我地就叫左肥牛、豬腸、蓮藕、金菇同埋土豆其實賣相同味道都ok 不過我地太飽了 所以食唔哂 只好打包番屋企食haha另外都想推介大家飲 桂花釀酒 唔記得影相 但味道好好又解到辣可以一試

午餐好抵食，點了出名既酸菜魚，提議大家必食😊酸菜魚唔算太辣，魚片夠晒滑，個湯汁微微既酸味，絕對係一絕。建議大家最好2點後黎，咁就唔使等位，因中午同晚餐時間都要等位。

朋友話想食川菜或湘菜，就有人話呢間酸菜魚好食，好多人讚，於是就訂位去試下~訂咗7點，去到門口時見到已經有人係度等位，好彩有訂位，如果唔係唔知要等幾耐🤪坐低就有人俾張紙我哋睇同落單。睇到張order紙覺得種類同款式唔太多，小食嗰啲全部我都唔啱食😅所以我哋兩個人淨係order咗3個餸，加兩杯飲品，三樣餸包括係一個酸菜魚，一個醬油香鍋(加咗5樣餸)，同埋一個霸王辣子雞~不過個酸菜魚啲湯真係超酸😨，超到我打冷震😅但我知道好多人都鍾意佢夠酸，反正人人口味都唔同🙊至於個霸王辣子雞就真係嫲嫲哋~入面啲腰果好似疏咗氣咁完全唔脆，係好似有啲淋淋哋咁，另外就係啲雞同啲辣椒嘅size係完全一樣🤣要不停咁望真啲邊啲係雞，驚食錯🙈連個侍應生都以為我哋食完想收碟，佢之後都再望真啲係仲有雞，先放返低🤭早知啲雞都係咁細粒嘅話叫返宮保雞丁算數😄另外佢杯hoegaarden個價錢比西餐廳仲要貴十幾蚊，而且size又唔係特別大杯，如果好似我咁鐘意食同飲同時進行嘅人嚟講，我唔會選擇係度食，因為食物款式少，而且飲得唔夠盡興😂😂情願去食西餐會好啲，起碼款式種類多，而且酒精飲品價錢都比呢度合理先😆（以同區比較）~服務整體上都ok嘅

無辣不歡既我，聽到朋友話想來試呢間，即刻二話不說，一收工就走過來。平日夜晚七點幾，人流不算多，等左10-15分鐘就有得入座。一行4人，分別叫左一個香鍋，酸菜魚，辣子雞。香鍋係自選配料同辣度，好大鍋，但4人食份量剛剛好，食物味道吾錯，辣味同食物融合埋一齊，吾會淨係得個辣字。酸菜魚好入味，淨係飲d湯都覺得好味。辣子雞就普普通通，同平時食到的差不多，吾算太突出。另外飲品叫左桂花冰釀，份量不多，用細細個好似清酒的酒樽裝住，加上餐廳內既環境，顯得更加古色古香。但味道就似食桂花酒環丸子既糖水咁，試過就算了。

今日係公司工作，下午Lunch約同事去了依間十二味作午飯，香港大學站行去大約八到十分鐘。門口裝修得好中國風格而鋪內亦都一樣很多中式裝飾藝術行到去時間都一點多都不用等位因為鋪真係好大好多位啊⋯⋯我好喜歡食魚所以選了酸菜魚而同事要川香回鍋肉～看過午餐牌同晚市火鍋比較兩者食物配搭都好吸引。好先係酸菜魚～魚肉好鮮好滑而且入味無骨，湯內有芝麻，生薑，葱，乾椒等相當濃味，酸多微辣帶點薑味好特別所以本人連湯都飲了。而川香回鍋肉同事話回鍋辣辣地連同蓮藕一起食不錯不錯。整體服務滿意，午餐包送酸梅湯或豆漿一杯解辣，食物水準相當好～會繼續支持

永遠都有無窮無盡吃辣的意慾～近來試過幾間川菜，都找不到合心意的酸菜魚。之前見過報導西環開了一間十二味，主打菜式正是酸菜魚和香鍋，因此找了個一樣嗜辣的朋友去試一下～店舖門面已經非常用心，整個都是中式設計，門口還寫著無辣不歡四字，令人十分期待～而店內也一樣掛滿紅色燈籠，還有可愛的功夫熊貓，走中國風的路線。香鍋是招牌菜，店內提供二十幾種食材可以自由搭配，並至少選五款配菜，價錢由$22-$48一款，尚算公道。除香鍋以外，餐廳還有一系列熱菜和涼菜供應，選擇不少。香鍋辣味超香，遠處已經可以聞到～辣椒炒得香，加上其他香料和醬汁，令人不期然吃得一口接一口！配料點了鮮蝦，大約有6炸，鮮蝦經油泡，可以連殼一起吃。還有四季豆，土豆，蓮藕片，午餐肉，和少不了的寬粉，通通都非常入味～之前在深圳食過太二，對酸菜魚一直念念不忘，可惜香港又沒有吃到正宗的。抱著屢敗屢戰的心態，我們還是堅持點了一份... 果然沒有另外失望～ 鱸魚肉質厚實嫩滑，無骨又鮮味，完全不腥～ 而酸菜本身亦為菜式有畫龍點睛的作用，酸菜味濃爽脆！另外值得讚賞的是湯頭夠熱，辣度屬於小辣，不覺油膩。最後主食方面還點了蔥油拌麵，特色是比平日的蔥油拌麵多了一

2018年最後的晚飯送俾呢間好地道食四川野既餐廳。我地好彩提早made reservation,好多人排隊。我地ordered 酸菜魚、夫妻肺片、串串、香辣鍋and 肥腸。我都係成日周圍食辣既人，對呢類型餐廳有一定的期望。酸菜魚既魚肉好滑，好好味，少辣arm arm 好，唔會辣到唔舒服。夫妻肺片係我好鍾意食既小菜, 但係目前得另外係九龍站既稻城亞丁認為好食。呢間係第二間我係香港食過認為好食既夫妻肺片，牛的內臟就是呢碟菜的ingredients ，好入味，量有好足。串串我就覺得一般啦，辣油好多，同埋凍凍地，入面有午餐肉串串，我覺得個肉texture 好artificial ，咬落去感覺好奇怪。肥腸係香港好少會食，以前多倫多中餐廳食得好多，肥腸唔夠肥，不過好香，加白飯食都唔錯。最後黎左香辣鍋，入面的料係自己選擇的，午餐肉好好味，同串串的完全唔一樣口感，肥牛都好好食。呢餐飯總體黎講都好滿意，會再黎食。

見到西環開左一段時間既“十二味”，終於把心一橫，星期六訓飽帶兩老一齊食，果然無令我失望！無論店外店內充滿中國風裝潢，連店員都係講普通話既（哈哈），一入去就刻意安排我地坐窗口位（應該想令外面睇到好似好多人咁吧？），熱情地安頓我地之後，等咗好耐先上水（仲要專登問先有），呢點可以改善下啊。****蜜瓜奶甜到嘔，根本就係鮮奶+煉奶+蜜瓜糖漿既感覺，千奇唔好叫，超級伏！****好，入正題！專門點香鍋既一張紙上，有肉類、蔬菜、主食配料，見到裡面有肥牛嗎？感覺分量好少。寬粉我最愛，大家一定要叫，滑溜溜吸收曬D汁簡直好味到暈！夫妻肺片反而有凈係，香而不辣，好好味！值得一試！蒜蓉拍青瓜，20幾蚊得小小，感覺太小氣了哈哈。有我最鐘意既紅糖糍粑！！！其實就係炸糯米條點紅糖漿，喚起當年一班大學同學去重慶旅行既感覺啊！看單能夠仔細睇到我地叫左D咩，最後同兩老都食到捧住個肚仔離開，可以再來。****蜜瓜奶甜到嘔，根本就係鮮奶+煉奶+蜜瓜糖漿既感覺，千奇唔好叫，超級伏！****

上次同媽媽吃完晚飯經過西環＂十二味＂，她十分欣賞它的古色古香裝修。 今晚剛巧同媽媽再經過，看見地下照射燈＂餓了嗎＂。 原本未肚餓，但看見那三個字，也好想回應＂想吃了＂。 門口掛上木字牌，窗口位掛上紅燈籠。餐廳內也用上屏風把坐位分隔，窗戶也設計得好有特色，加上紅紅綠綠顏色，影相打卡一流。天花也吊有金雀籠及粉紅吊燈，別出心裁設計。 所有細節位也盡顯心思，令人好像時光倒流回到過去。酸菜魚烹調火喉功夫好，湯底濃香魚又新鮮。 浸煮至剛熟，魚質夠滑又鮮美。宮保雞丁炒得好惹味，配料豐富有大量乾椒薑片花生。 雞肉帶甜配料帶辣，味道好有層次感。連放糖果器皿也咁sharp 咁特別

可以回頭既12味!!香港都有得食酸菜魚同香鍋!!堅離地城站一出行幾分鐘就到 快過番大陸呀!!今晚食左香鍋 香鍋係要揀配料加辣煮埋一大碗 配料就揀左午餐肉 萵筍 蓮藕片 土豆 金針菇 寬粉 娃娃菜 中辣的經典香鍋前菜係蒜泥青瓜 佢地既蒜泥未去到泥的狀態 蒜要磨或切碎 因為粒狀的蒜無咁入味小菜乾煸四季豆 四季豆唔夠乾身 肉碎就太乾身 味道偏淡 川菜應該偏重味d 飲料 桂花冰釀 以為係酒 原來係無酒精的 桂花味既水 有小小米 好似酒釀丸子咁 但無酒無丸子 配辣食一流甜點 幺妹兒冰粉 係一碗半固半液態的桂花糕重桂花味 唔夠冰 唔太甜的甜點

十二味依家都好紅下，有好多唔同既分店，各有特色，色、香、味、舖面、服務都相當不錯依間十二味，主打酸菜魚，更有雜誌、食評話好食過水內地名店太x店面同裝修就已經相當靚，古式古香，傳統味濃燈光同燈籠特別好餐牌主精已非多，樣樣都好似好吸引，精緻，𥄫下附近既野食，好正咁樣除左各種菜式，亦可選擇乾撈，揀啱食既食材俾佢加埋一齊撈+炒叫個野飲啤啤佢等上菜先黎麻辣燙雞片，賣相一流入口味道普通，麻辣醬撈雞咁，無鑊氣，醬普通，味唔係差既，食落幾好味雞肉嫩滑既，但就真係無咩特別，亦唔太川味終於黎到勞蘇食推介 —— 十二味酸菜魚上菜時已經有一個層次既香氣，辣中有魚同香料既味先試湯底，OMG濃味得黎唔油，酸、辣、魚鮮、湯底味均勻，有豬骨、煎香既鱸魚、指天椒、花椒、鮮青花椒、菊花等味道，非常之正試下魚，用既係鱸魚片，鱸魚好適合因爲少幾乎無骨，滑得黎唔會，未到我食過最滑既但已經係極品酸菜亦係十二味自豪推介之一，鹹酸適中，同魚、湯既味亦好夾，好好味建議點都叫個飯，魚加酸菜加少少湯汁，配一個飯球一啖食，超級享受實在好少酸菜魚連湯底都飲得，味道一流之餘，價錢都唔算貴係我係香港食過最好食既酸菜魚#成店好多內地人係代表好定壞#

一向我都好喜歡吃川菜，麻辣酸辣我都啱，今次與老友到位於西環堅尼地城的十二味， 就是為了一齊去吃辣的！ 兩個女仔食唔到好多嘢，我們點了一個經典香辣鍋$38，鍋料選了寬粉$22，花菜$22，台灣魚腐$48，嫩牛肉$48，鮮魷$38，還有叫了一碟乾煸四季豆$68， 加多寶$20和椰青水$20。前菜 ~ 酸酸辣辣的幾開胃。經典香辣鍋 ~ 用了花椒，辣椒，大紅袍辣椒，乾椒煮成的香鍋。 配料可以自己選擇，今次點了寬粉，花菜，台灣魚腐，嫩牛肉，鮮魷。我們點了小辣，啱曬我哋口味。寬粉絕對可以吸曬香煱的味道，辣味有層次感， 越食越想食。乾煸四季豆 ~ 這道菜我們點了不辣的，炒得夠乾身非常有火喉！一路食辣一路要飲住椰青水和加多寶來解渴很喜歡十二味古色古香的裝修風格，大紅燈籠高高掛很有格調。 這裏的川菜味道也正宗，店員的服務也很好，如果喜歡吃辣的朋友可以來試一試。

朋友說西環有間川菜很不錯，大家相約去試吓，我們訂了6:30 ，8時便要交枱，即是每台客進食時間只有1小時30分鐘。好彩大家都準時，否則一個半小時一定唔會足夠。我哋叫咗一個經典熱菜，人見人愛酸菜魚，小辣，因為怕太辣食唔到。這個菜 魚是用鱸魚片，薄薄的一片很滑很爽口，我先喝了一兩口湯，好好味、好有層次，有酸味酸菜的味道，有川椒的麻和辣，初初吃的時候沒有辣的感覺，但慢慢咀嚼辣味便出來了，香麻辣共存於一鍋，很好味。招牌之選香鍋亦是值得推介的，鍋底有分經典香辣和秘製醬香兩款，我們選了秘製醬香鍋，配菜選了台灣魚腐、萵筍、蓮藕片、腐皮、寬粉等等，味道相當唔錯，很爽，醬汁又有芝麻香花生香和芫茜 的香味，濃濃的黏著食物，很惹味，超級好食。我哋還叫了涼拌土豆絲，酸辣木耳，蒜泥青瓜等涼菜，但因為進食時間緊迫，連拍照也忘記了。飲品叫了欲望酸梅，超大杯，是否準備給你解辣呢！