十二味 (山市樓) (Closed)

去到阿元，發現原來還沒有開張，於是便轉戰附近美食，看到門面就被這間店的裝修吸引，充滿中式味道。入到裡面看見很多外國人，大概是渴望品嘗地道的川菜風味吧。門面的熊貓相當吸睛haha餐廳以點心紙落單，我點了一個招牌香鍋可惜這次不是太餓，糍粑看似很吸引。最近流行素食主義，為了身體和荷包的健康，我只點了一款肉類。我點了秘製醬香鍋，有娃娃菜、寬粉、鮮腐竹、蒿荀及雞翼。醬香鍋底十分濃烈，帶點鹹香。除了五款「主菜」，還有小青瓜作為配菜，清脆爽口。鮮腐竹軟硬剛好，而且很入味。單骨雞翼肉質嫩滑。蒿荀有咬口，十分新鮮，食川菜必吃。娃娃菜一解油膩感，今餐相當健康。最愛寬粉，類似粉皮和薯粉的結合，很Q很彈牙。總括而言，醬香鍋份量相當足，兩個人share都很足夠，下次加點一個糍粑先hahahaa

Although there aren’t that many choices on the menu, the food is tasty here. I had the dry hot pot and picked chicken, beef, tofu, vegetables, vermicelli etc at mild spiciness and it was so good! As I came here late with my boyfriend yesterday, a lot of items were sold out like the rice cakes. I am sitting here again now and tried to order the rice cakes and scallion oil noodle, both which are their signature items, and they were sold out! So maybe don’t come here after 9pm although there is no

呢間餐廳裝修好別緻，有啲似中國故宮嘅味道。見到周圍啲客人通常都係點大大盤ge酸菜魚或香辣鍋。😂我同家人都鍾意食酸菜魚，就點左小辣你試試。😊👍🏻酸菜魚極大碗😂👍🏻！湯底好濃郁，魚肉好滑身、彈牙，完全冇腥味。我同家人都好鍾意食，魚嘅份量都好多！配料仲有好多酸菜、新鮮嘅花椒、萵筍、辣椒等。必食！涼拌土豆絲，土豆絲好爽口，加咗啲辣汁好開胃！紅糖糍粑，個樣好特別，金黃色長方形好似d金條疊埋一齊感！皮脆口，入邊有啲似年糕。食落甜甜地，外脆內軟好好味！最後食埋個甜品，冰品上面鋪左啲桂花，凍凍地幾好食，糖水似係桂花糖水，香香甜甜！一碗都幾大碗，可以兩份食！😊

十二味位置在西環，乘搭港島線於堅尼地城，步行約10分鐘，便見到一間古色古香的中式餐廳。稍等一會後便能入座。內𥚃裝修古色古香，座位寬敞。先點一個涼菜：蒜泥青瓜$28。蒜味香濃而青瓜沒有草青味，十分清爽，大愛❤另外再叫這餐廳的招牌菜：人見人愛酸辣魚$198。湯內有不少新鮮的辣椒、花椒及加上芝麻。味道有少少帶麻而不太辣，魚肉十分潔白、無魚骨，肉質嫰滑，亦沒有帶有腥味，份量足夠兩三人份量，而配菜有酸菜、窩筍、雞肶菇，湯底清而味濃，不嚐辣亦會開始愛上辣。下次再來，一定會試另一招牌香煱，偷看鄰座的自選香煱好像好吸引呢！*此店有加一，侍應亦會自覺加水，還有此店的飲料頗大杯的。

個人雖然怕辣但好鐘意食酸菜魚所以專登黎到堅尼地城嘅十二味試下餐廳外牆裝潢古色古香入面環境雅緻座位寬敞桂花冰釀/酸梅湯桂花冰釀冰涼清甜帶桂花香入面仲有啲桂花碎；酸梅湯微酸開胃蔥油拌麵個人鐘意濃重蔥油但係十二味嘅蔥油拌麵偏向清香唔膩；麵條幼身爽彈酸菜魚酸菜魚可以揀辣同唔辣；魚骨鮮甜嫩滑肉質緊實唔易夾散而且魚骨起得乾淨；配菜除左醃蘿蔔同酸菜仲有萵苣全部都好爽嫩；湯底鮮甜後勁酸爽微辛經典香辣鍋香鍋分香辣同醬香兩款，香辣鍋仲分左三種辣度；自選配料方面輦菜素菜選擇同樣好多但係至少要揀五款所以最後剔左寬粉，金針菇，滷水肥腸，台灣魚腐，嫩牛肉；寬粉同金針菇容易吸味，肥腸炸得比較乾身但係勝在唔臊，牛肉軟腍魚腐細嫩，加上各種辣椒同埋花椒爆炒香麻過癮

愛食辣嘅朋友可以嚟十二味試吓。先嚟一個涼菜，涼拌土豆絲。雖然話係頭盤涼菜，分量都唔算少呀，有一個細山仔。涼拌土豆絲有蒜香味，咬落好爽脆，調味啱啱好。蔥油拌麵嘅麵好煙韌，好有咬口。拌麵最怕就係食到啲太濕太爛嘅麵，依度就唔會喇！有咬口嘅麵再配埋蔥嘅香氣，都唔錯架。最後酸菜魚隆重登場喇！好大碟呀！見到有滿滿嘅鮮魚片，上面有辣椒絲，睇到都流口水。撈一小碗魚，加埋酸菜，仲有我喜歡嘅萵筍，辣度適中，又有酸菜酸度，魚片亦好新鮮，肉質扎實，相當唔錯！

終於入秋，又係時候打邊爐同埋食辣野🤤今日去咗西環呢一間十二味食晚飯，都唔少人排隊架。等左一陣有位，一入到去，就見到好有中國特色嘅設計，主調係紅色，迎合川菜、辣嘅主題！我同朋友叫左個麻辣香鍋。麻辣鍋需要選五款或以上配料，我們就選擇了牛柏葉、嫩牛肉、寬粉、腐竹及魚腐。另外再點多個酸辣木耳及食麻辣必備嘅紅糖糍粑！🔶🔸酸辣木耳🔸🔶首先黎到嘅係酸辣木耳， 木耳好爽口，同時唔會太酸，係好開胃嘅涼菜。🔶🔸紅糖糍粑🔸🔶每次食麻辣嘢，都好期待叫呢一味紅糖糍粑，好彩呢度嘅紅糖糍粑無令我失望。糍粑外脆內軟，仲要熱辣辣👍🏻糍粑外層點有黃豆粉，而有別於出面嘅紅糖糍粑會將糖預先喺糍粑上面，呢一度嘅糖漿係另上，覺得需要先點糖漿，所以我哋可以因應自己想食嘅甜度而點糖。糖漿都好香，加上脆皮及軟綿綿嘅糍粑，香辣鍋未到已經食咗一半！好味道🤤(提提大家，襯熱食更好味！)🔶🔸麻辣香鍋🔸🔶我地點左小辣，一嚟到已經見到好大碟，全部都係紅色同埋青色椒。我們食小辣剛剛好，唔會辣到入唔到口，同時都有好香嘅辣椒同麻味！入面嘅配料都好足料，鍋入面唔止有我地點嘅配料同埋辣椒，仲有啲花生、芝麻等等，一聞已經覺得好香！牛柏葉好爽口， 而我哋覺得選

好耐冇食川菜，就趁今天在西環做嘢，晚上在山市街呢間十二味食，主打川菜麻辣食譜！大門有大字標題，無辣不歡，又有一副對聯，幾文雅咁，大紅燈籠的裝飾，又是別樹一格！卡位坐得舒服，枱與枱之間距離夠濶，不會覺得擠迫！我兩人點菜，叫咗酸菜魚，麻婆豆腐，同埋干煸四季豆，全部都是辣的！餸菜以放射缐圖案的碟盛上，好立體感，好大碟，好夠份量！酸菜魚有麻辣口味，鱸魚起肉去骨，放心食，啖啖肉兼滑嘟嘟，加上有麻辣的刺激，舌頭味蕾觸動，感覺又有酸味，麻辣感覺，與鮮甜柔嫩的魚肉十分配合！麻婆豆腐，更是辣味十足，但豆腐好軟滑，好好味！乾煸四季豆， 豆身好新鮮，爽脆得嚟又有麻辣的口感！正是辣得起勁！

十二味既門口裝修同我去過既四川餐廳幾相似,充滿住濃濃既中國特式。一開波諗都冇諗就叫左酸菜魚,2個人份量岩岩好。其實正宗川菜係好多油,原因係保持湯既溫度,但係香港咁熱就唔洗,同埋香港人係鐘意少油,所以呢碗湯既油相對係好少好少,可以話冇咁滯。湯溫唔太熱,所以可以大大啖咁飲。酸度同辣度岩岩好,唔會過酸過辣,亦都有麻辣,真係冇可挑剔。魚肉已經好細心全部起哂骨,魚質鮮滑,魚肉既份量亦對的起個價錢。青瓜唔好睇佢好似冇乜調味冇乜色咁,其實做左好特別既處理方式將青瓜既草青味清除左,加上只係用左蒜頭黎調味,令到,青瓜爽脆之餘,亦好開胃。四季豆好考驗廚房火候,冇火候係完全爆唔起四季豆既皮。當食落口就已經知道夠火候,爽口之餘有麻辣既味道。唔夠辣既朋友可以食埋舊辣椒。

< 糖醋排骨 > 98hkd碟之大， 糖醋排骨亦不弱，秘製醬汁令人回味，百吃不厭。推!推!推!<4人份量川菜 / 酸菜魚> 198hkd新鮮游水鱸魚啖啖肉，小朋友都岩食<特別優惠 >Facebook見到每個月都有精選推廣優惠~11月生日仲有9折。< 一人180hkd / 晚餐 > 抵食過茶樓叫圍餐。< 別具特色嘅室內裝修 >< 十二味 >秘製香油 。八角。 香葉 。香茅 。草籽 。桂皮。香葉 。香果。 草果。丁香等香料乾炒成。<仿似回到唐朝>牆上一格格的抽屜，衣架上一件件的服飾，頭上一盞盞的燈籠，屋頂上一組組的梁架，帶出咗古色古香的一點風格。 樓面六位一口流利的侍應 ，店舖開咗六個月，每晚7:00開始熱鬧起黎，幾位來自四川的大廚。 每一個座椅都設計得非常闊落，

昨晚和朋友去西環試一間十二味辣味餐廳，出地鐵b出口行近大約兩分鐘已找到此間餐廳，門口裝修感覺很宏偉有氣派 ，坐入店內也覺得好有中國古典氣派 我們坐正門囗卡位 坐位也好舒服，我們兩人叫了二個菜 一個水煮魚，水煮魚𥚃面的魚是沒有骨的好滑，𥚃面還有薯粉好入了辣味而且辣味好香，不會只是得個辣，而另外我叫了一個辣鍋算了六個餸有鷄亦、午餐肉、蝦、田雞、萵筍、嫩牛肉，炒得好香好乾身完全入曬味 ！食辣的一定會愛上這店 本人太食得辣點了勁辣😁

天氣開始涼爽，又開始挑戰食辣嘅時候。呢間里外都咁富有中國特色嘅川菜餐廳系朋友介紹嘅，話絕對啱曬我呢d無辣不歡嘅人。好！就等我一試究竟喇！我哋一共4位，剛開店就沖入去，唔洗等位。一入去已經覺得自己去左四川咁，真係好正。如果第日有鬼佬朋友來香港，下次一定帶佢哋黎！實中意啊！朋友話呢款系必點**招牌自選經典香辣鍋 **因為個菜夠曬火候，一上臺果然！味道聞到十分香辣，入面材料甚多。我粗略估計我哋選擇左應該多達10-15款，爆炒一齊，好味又多選擇。我哋4條友啱曬！**川式口水雞**口水雞，一行人一致認為冇得彈！因為雞好滑、而醬料又麻又香，餸飯一流！！拿~~食唔到辣嘅話就冇口福啦真係!!**糖醋排骨**呢樣系唯我哋點嘅獨唔辣嘅餸，排骨lum身，糖漿十分夠但又保留微酸嘅口感。堅好食！**酸辣木耳**經典川菜開胃前菜，酸爽口，微辣得黎帶醋香！食左先再食香鍋剛剛好！！呢餐平均每人大概消費200元左右，但大家都飽到行都要行好慢~~~抵呀！！

今晚約左朋友去挑戰辣椒食川菜上次去體育館經過覺得個裝飾好特別, check返原來係facebook成日見到朋友share既餐廳。霸王辣子雞辣子雞用油炸好, 再加乾辣椒爆香。 用了花生而冇用腰果, 令菜式煥然一新。糖醋排骨辣和唔辣的菜式都十分吸引。 見到工整既排骨沾上厚厚的一層糖醋醬。 醒胃既醬汁加上滑一滑既排骨肉, 好惹味。經典香辣鍋比期待的更出色, 揀左中辣, 辣得好有層次好爽。 再加杯慾望酸梅更是一絕。 蔥油拌麵餐廳用了粗身的麵條, 食落好有口感更彈牙。 甜醬油拌上香口的乾蔥。 十分絕配。

十二味位於西環，位置唔算難搵，由地鐵站行過去只需要五到七分鐘。餐廳門外有十分濃厚既中國味道，十分切合川菜呢個菜式。餐廳以石磚圍牆、紅色柱和窗紗作裝飾，整個裝潢十分別緻！餐牌入到餐廳，入面裝飾同門外十分統一，你仲會睇到好多以熊貓為主題嘅佈置，好有功夫熊貓既感覺。我地點左紅糖糍粑同酸菜魚紅糖糍粑$48紅糖糍粑主要用糯米製成，外型似中國傳統嘅香蕉糕，但係味道比較清淡，會以糖作點綴。一碟上到，紅糖舖滿糍粑既面頭，仲會附上糖漿添。咬落去，糍粑既外層點帶微脆，而裏頭則煙煙un un，食落好有口感。而加埋紅糖同糖漿，甜絲絲、痴綿綿。酸菜魚$198酸菜魚嘅份量比外面餐廳大碟，我哋因為比較唔食得辣，所以叫咗小辣，但係原來川菜既辣唔係我地咁易駕馭到！我地要不停靠水同糍粑解辣，好彩糍粑份量唔算少，而且職員都會為我地加水，最後都可完成食哂！魚肉吸收咗酸菜同辣椒既味，嫩滑但又帶點辣，酸味更刺激味蕾，諗起都流返口水！最後我地去賣單既時候發現原來餐廳仲帶一間賣衫既小角落，如果大家食完野都可以行去睇下架！

尋晚同男友嚟咗堅尼地城呢頭打羽毛球， 一早決定咗要食呢間麻辣餐廳，因為openrice見到佢既門面裝修好吸引😍我哋叫咗個酸菜魚少辣，乾扁四季豆少辣， 桂花冰釀，冰粉同兩個飯裝住桂花冰釀個器皿幾靚😂 佢係雪凍左但唔會加冰，飲落去有好清香既桂花味，又有少少粒粒既口感，滿意😁😁乾扁四季豆整得幾乾身，佢default既辣度對我呢啲唔算食得辣既人黎講剛剛好， 食到底都唔覺得好油，推薦👏個酸菜魚啲魚全部都冇骨，仲要勁滑！😮😮佢配有酸菜，萵荀，同埋類似雞脾菇既菇萵筍嘅硬度啱啱好，夠爽口😀酸菜唔會太酸或者太鹹，要黎送飯perfect！👏😋而個冰粉岩晒我呢啲唔中意食太冰凍既人，冰粉好滑，甜度剛剛好，好味道😳其實我地食食下愈黎愈多人排隊，好彩我地早左去食完之後完全明白點解呢間餐廳會咁多人排， 佢係香港其中一間好有水準嘅辣嘢， 仲要坐得舒服，裝修又靚，服務態度又唔錯，讚！👍👍👍