十二味 (黃大仙中心南館)

Open Now

Now Closed

睇咗好多好評，今天終於可以試下，午市套餐真係好抵食，一入舖頭已經聞到好象四川燈籠椒既香味，叫咗一個酸菜魚同乾鍋牛肉無論係味道，份量，態度都很滿意，希望可以繼續保持質數，會繼續光顧

【瘋癲試食】｜十二味🌶十二味我淨係食到一隻味😮‍💨😮‍💨「辣」🌶 黎到十二味 當然就要試食佢地既酸菜魚🌶🌶 唔食得辣但又要滿足對面位小姐 唯有頂硬上🤯 酸菜魚份量真係好驚人 大碗到咁都有既 點食得哂呀🤩🤩 仲叫埋個紅糖糍粑食完解下辣都一流☺️☺️對面位小姐好好人 叫左碟唔酸唔辣炒薯絲俾我🧐

今年母親節飯想試吓啲唔同嘅嘢，所以揀咗黃大仙中心南館呢一間十二味食川菜。因為疫情關係，我哋屋企人多，冇辦法出街一齊同枱食飯，所以就嗌外賣。因為都打算叫十幾個餸，所以星期一就打電話落嚟問下外賣嘅情況，職員話最好早一兩日叫定。於是星期五放工六點就打電話諗住叫外賣啦，點知就俾個鄉音女職員拒絕咗，話唔可以預早叫定，叫我聽日先再打電話嚟，嗰下有少少嬲，因為態度差，而且講過唔算數。🙃結果今日下晝我用OpenRice個System去買外賣，過程順利👍🏻 Order 6:30準時有得拎外賣。我地嗌左12個餸，見一共有14個盒&碗，職員分左4袋裝住、綁好晒，望落都好企理咁。因為疫情我唔想喺街度打開啲盒逐個逐個check，所以就咁拎咗返屋企。返到去打開晒先發現漏單，個水煮牛肉冇咗😣，而且個鴨血入邊本來加咗寬粉，結果都係冇嘅😣。真係失望。因為竟然可以成個餸冇咗，同埋特登加錢就係想食寬粉但係都冇。咁我點解要加錢？食物方面，味道大至上都ok。酸菜魚冇骨唔腥算合格，不過酸菜味可以重返少少就更好。另外武隆尖椒雞同霸王辣子雞都切到勁細，碎濕濕咁，而且有唔少碎骨，要好小心食，否則會好容易整親受傷。總結：食物質素一般、算

繼上次食到津津有味，今星期又再去幫襯過試其他餐！今日比上次早來，十二點來到就好似包場咁！呢次點左酸菜肥牛刀削麵$58+桂花冰釀$8同乾煸四季豆$42+熱情果梳打$8！今次跟餐的小食是掠拌青瓜，清爽好味！酸菜肥牛刀削麵好大碗，而且肥牛的份量亦不少！由於友人愛吃酸麻辣的關係所以今次點了正常辣味！我吃了幾口都辣到吃不下，相反友人愈食愈起勁！乾煸四季豆其實很難煮得不好吃，所以味道是可以的，送飯完全是一流！已經試了兩次lunch，期望下次能夠試試晚餐的打邊爐！

經過呢間鋪，發現佢午餐都幾抵食，一於試一試平均$48-$68就有交易，仲唔收+1，好抵食午市套餐會包一小碟前菜：涼拌木耳（不過不失）會包一包紙包飲品，可惜只係得維他奶或檸檬茶如果佢有無糖茶會吸引啲🤣💕酸菜魚 $68一盤都幾大份，魚片嘅份量都足夠唔會一夾就散酸菜湯底都幾易入口，整體都唔錯！最愛佢既酸菜🤤爽口好味😍💕牛肉麻辣香鍋 $56呢個大推！好香口！牛肉份量大概有八件其中有幾舊好大件，超抵食！除咗牛肉之外，仲有蓮藕，土豆同埋芽菜好快清哂成碟野😍好正總括黎講，呢間店嘅味道同份量都好夠而且店員姨姨服務態度都唔錯！雖然有留單，但同店員講聲佢都有盡力幫我哋追單，而且態度誠懇絕對值得一試！以上只係個人食評感受💕*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*5個🌟滿分賣相：🌟🌟🌟🌟味道：🌟🌟🌟🌟🌟驚喜：🌟🌟🌟🌟🌟回購：🌟🌟🌟🌟服務：🌟🌟🌟🌟

第二次嚟幫襯，第一次食係有驚喜嘅！本身我係衝住個辣子雞嚟食，但今次真係好失望，唔知係咪旺咗嘅關係，同第一次嚟食差太遠，辣子雞，雞嘅份量少咗最少30%至40%, 仲要好多骨同埋好多骹位，基本上真係冇乜肉食到，令我覺得係用下欄嘢嚟煮，油太舊有少少味🤷🏻‍♀️失望！其他嘢係ok嘅！水煮牛肉keep到個水準， 牛肉嫩滑味道唔錯😋 今次試咗佢個杏仁西檸炸蝦球， 都幾好食！ 飲埋個熱情果梳打，普普通通！應該溝得太多水， 唔多覺佢冇梳打水， 整體還可以， 但希望個辣子雞真係會改進， 再試多次係咁真係唔會再嚟！

週一Blue Monday再加上天陰陰，lunch就想來點剌激到喚醒自己。餐廳出外放著大大個lunch set banner，睇到都流緊口水🤤同友人對望一下即刻入去坐低點餐！餐廳設計比較東方而且播著老情歌吃這些川辣菜是夾的。我們分別點了田雞麻辣香鍋（小辣）$56+桂花冰釀（跟餐價$8），川香回鍋肉（小辣）$58+熱情果梳打（跟餐價$8）。店員先提供餐前小食，今次係麻辣雲耳，口感不錯！之後送上餐飲，有驚喜的是桂花冰釀用酒瓶和小酒杯送上🍶而熱情果梳打既size同我塊面咁大😱！隨之送上兩個小菜與兩碗白飯，兩個小菜都色味香俱全，令到我平時吃不完一碗飯的都清掉了！不過田雞份量較少，但貼心的是每樣小菜都可選擇自己合適的辣度！下次決左與友人再來試一下晚餐！

首先我明明訂左8點鐘4位，我7點55分同個reception 報到。之後有個男伙記走出黎叫台，叫左7,8張二人台，我同reception 講，佢答我，啲台得二人，無大台。咁我地就繼續等。企係我前面果個女仔都係4人台，但佢係walk in 拎飛。到大約8點10分，果個男伙記又出黎叫台，我前面果個女仔就同佢講，話自己等左成個鐘，然後果個男伙記就叫左張4人台，之後即刻俾左果個女仔😒我同reception 講，我係訂左8點架喎，點解會俾左walk in 先？佢就話下一張到我😪之後又有另一個女伙記走出黎叫台，我話，我訂左台，點解會俾左另一個客先？咁唔洗訂台吧？之後個女伙記話，啊！唔好意思唔好意思！之後行走左😕👍🏻一等就等到8點半，個男伙記再出黎。我火都黎，同佢講我訂左8點，依家8點半，我企左係度超過半個鐘，你入左個拎飛既客都唔放個訂位客。一鬧完，就有位。😮👍🏻之後仲好笑，我地一坐低，果個男伙記（係，又係佢）就問我地可唔可以讓個卡位出黎，因為有group 8位既想坐得close d 傾計。兩張卡位係背對背，咁樣叫左方便啲🥴我唔理解。再者，我嬲到咁，我一坐低唔夠兩秒，你叫我起身？Short 左丫？😒

除了一肚子氣，還差點餓過飢😭😭用十二味的微信來點餐已經不是第一次，但從未好像今天一樣，外賣自取竟然要花我一小時！😠😡😤我用微信下單， 13：46已支付全費，打算14：15到取一定冇走雞，怎料來到店面時竟然還沒有我的餐，向員工追問 ，他們好像一頭霧水，但機器顯示有我下的單，便著我在門外稍等一會。👌🏻等了又等，等到14：43，個肚咕咕聲，忍不住再追問，員工進去看完，終於把我的外賣取出。 但單上顯示14:25才製作我的外賣。🙄🤯其實當時還有另一位女士和我一起等餐，她還是親自打嚟落單的 ，但嚟到竟然說沒有她的單，於是她再落單，又等了20分鐘 。😖其實這間舖頭的食物十分美味， 所以先會幫襯咁多次 ，但佢啲員工完全配合唔到公司嘅運作，以這種服務流程，真的非常難留住客戶……

** 百吃不厭十二味川菜** 已經唔係第一次食十二味，今次係屋企附近開左分店，又要去朝聖下。一坐低店員就遞上搓手液同埋口罩套，十分貼心。呢度環境空間感好足夠，坐得好舒適～仲播住流行曲，邊食邊有歌聽～哈哈我同朋友中午時段去食，兩個人叫左個土豪版酸菜魚。嘩，真係重量級！！盤酸菜魚大得驚人～～酸菜魚味道好香濃，酸菜同魚嘅比例適中，麻辣味突出，湯底夠熱夠辣。比較特別嘅係呢度嘅酸菜魚落咗菊花，令湯底有淡淡既花香味，非常有心思！見到佢有VIP計劃，$200就可以入會。除咗全年食十二味有九折之外，仲有幾張coupon送，又有生日優惠。心思思諗緊join 唔join tim😆

恢復晚市堂食後，第一次約姊妹們食晚飯！大家都係愛辣之人，梗係揀番間川菜刺激下呢個土豪版酸菜魚真係唔係講笑，一上枱嘅時候嚇親！！霸左我地半張檯！！我哋好興奮，大鄉里咁影左10分鐘先肯開動～～魚肉非常大塊，無骨又夠滑。酸菜十足，酸味適中，湯底夠辣，非常好食！如果麻味可以重番少少就100分～大盤花菜～炒得超香超夠鑊氣最鍾意佢吵到有少少微焦，果種香味同口感係零舍唔同ga仲有啲豬肉片嘅油香，成碟餸都好開胃！！杏仁青檸蝦球～蝦球炸得超香脆！！蝦肉彈牙，無雪藏味，炸粉夠薄，但好脆口～配上酸酸甜甜嘅檸檬汁，同埋薄薄嘅杏仁片，簡直係perfect match係三樣野裡面最好食ga!!!!!

十二味黃大仙新店餐廳到處都可以見到十二味功夫熊貓提示各位疫情下勤洗手餐廳用qr code 手機落單好方便叫左兩個午餐川式口水雞份量都多，見到咁多紅油辣椒正宗四川口味我地叫小辣已經覺得好夠辣啦！雞肉滑，冰凍口感好Q雞翼麻辣香鍋午市就用碟上，雖然賣相無咁靚但味道超正，入面有好多料薯仔、雲耳、金菇、藕片、雞翼所有配料都系好索汁超濃味，超好送飯雞翼炸過再同其他配料翻抄說麻辣口味，其實更似香辣鍾意食辣嘅千祈唔好錯過！

食開川菜，我一定係十二味的鐵粉，真係食極吾厭呀。今次又來到黃大仙的十二味同朋友聚聚，因為午餐時段特別抵食，估吾到朋友大開口戒，一口氣叫了五個菜，話如果食吾晒先再打包。我地order 左出名的酸菜魚，開胃的肉末酸豆，惹味的麻辣口水雞，仲有惹味的麻辣田雞香鍋，還有回鍋肉，真係豐富到不得了。這幾道菜完全分不了高低，全部都是我喜歡吃的，各有特色，而且做得超級正宗。午餐關係包野飲也包飯，仲有前菜，我們雖然兩個人，但因為菜式真係夠曬豐富同埋開胃，估唔到都食左4碗飯，真係食到飽飽。大家喜歡川菜的真係要來試下，午餐特別抵食。

* 終於等到黃大仙嘅十二味 *我同媽咪不嬲都鍾意食川菜，不過黃大仙區就真係冇乜川菜可以選擇。終於比我哋等到十二味喺黃大仙開分店今日就同媽咪妹妹去試吓～可能平日下午關係，店內好鬆動，坐得好舒服。仲一邊食一邊有歌聽我地叫左個土豪版酸菜魚 (小辣)。其實好想食大辣不過妹妹唔食得好辣唯有叫小辣另外佢本身係冇跟薯粉的，如果想要薯粉，可以以$28加配。酸菜魚一上枱我哋都“嘩"一聲，因為真係好誇張，好大盤用咗10分鐘打卡之後，終於開動個人認為呢度嘅酸菜魚夠酸夠香，飲第一啖湯真係好正，熱辣辣，微辣。酸菜香味十足，份量充足，每一啖都可以食到好多酸菜！！媽咪發現個酸菜魚仲有好多菊花瓣 (希望我無講錯), 出邊嘅酸菜魚係冇嘅，而我又真係食到微微嘅淡花香味，我覺得幾特別。魚肉好滑，完全冇骨，可以大啖大啖食，好暢快不過麻辣味就一般，可以重麻味少少。而最美中不足係有啲太鹹。只係一個酸菜魚已經食到我哋三個抱住個肚走，仲有好多川辣小食都未有機會試～下次又可以來再食過

期特已耐的川菜，今日是專門請假約左朋友一齊去食，看到D餐單好吸引於是叫左三個套餐全部選擇中辣，對於我食得辣的人來講都唔算好辣，叫左水煮牛肉，酸菜魚，口水雞，口水雞就感覺一般，不過好抵食，48蚊有包維他奶跟一碗飯；另外叫左酸菜魚，感覺D湯酸酸辣辣飲落去超正，58蚊配埋一碗飯，我唔要維他奶加八蚊轉左柚子茶，只系酸菜魚讓我食左一碗半的飯，感覺簡直好味😋，另外我喜歡的水煮魚因太飽又太好味😋，食唔使我就選擇打包返屋企，同屋企人一齊食，都贊好味，所以我會再去食十二味