真一居酒屋 (Closed)

趁聖誕假期, 就去遠小小揾食呢到食物款式選擇非常多串燒有齊牛, 雞, 豚肉同海鮮而每個類別既選擇都好有特色,串燒火候仲要燒得剛剛好我地揀左4款串燒, 包括- 招牌豚肉荔枝卷荔枝香甜多汁加落豚肉到, 令到口感超juicy - 鹽燒厚牛舌外表微微炭香味但又超爽口- 蒜香燒蠔成粒蠔蒜味超香,仲有好多蠔汁- 汁燒雞肝雞肝份量超大, 好腍身, 而且好入味我都叫左2個主食包括人氣和風牛肉壽喜鍋壽喜燒鍋汁超鮮甜, 同好足料, 有好多牛肉另外日本蟹肉釜飯都超有驚喜, 面頭既蟹蓋一打開原來係滿滿既蟹膏加埋特制豉油, 超香口😋整過來講, 呢到係個吹水飲酒嘅好地方🤣老闆又勁nice👍🏻

樓面哥哥仔好熱情招待，又有禮貌！食物分類有適中！價錢又大眾化！播住香港90年代流行曲！可以靜心享受美味食物！唔會太喧嘩！對廚師同食物通識客都係一種尊重！希望店長繼續發揮小宇宙創造多啲靈魂食品！

同屋企人叫外賣速遞落單送到屋企大概半小時食物都好keep到夠熱都幾夠大份叫咗3個午餐Set鰻魚炒飯+餐湯+盒裝飲品咖哩滑蛋炸蠔丼+餐湯+盒裝飲品黑毛豚肉丼+餐湯+盒裝飲品鰻魚炒飯好食夠粒粒分明，唔會好鹹但夠味，都有幾多料，仲有紅蘿蔔、鮮露旬等等，啖啖都食到鰻魚粒咖哩滑蛋炸蠔丼，咖哩唔辣都幾夠杰，略嫌滑蛋真係蛋，冇調味過再舖上面，可能係想𤏪咖哩所以唔落味？炸蠔有4隻都夠大粒，可能浸住咖哩嚟到會淋啲黑毛豚肉丼個汁偏鹹適合配佢個白飯食，似係東玻豬腩肉嘅形式，有咬口唔會好難咀嚼，啲汁入哂舊肉入面，少少肥幾好食餐湯送到嚟已經係暖唔熱有啲唔係太好飲，以3個套餐送到屋企$218都差唔多，下次再試其他

落雨一班朋友聚首一堂，吾知食乜之餘，糸西灣河有間叫真一居酒屋，以前都間吾中堂食，但外賣始終第1次，點左牛膀絲，羊架，炸餃子等食物，味道同堂食嘅感覺一樣好味，老闆好有禮貌，睇到糸用心做嘅食物，值得推薦👍

天氣悶熱，剛剛喺西灣河工作完，約咗個朋友喺附近搵間餐店食個lunch休息下，行過見到呢間店，我哋二口同聲就話試下佢，於是就開門入去，店員知道我哋身水身汗，仲開大啲冷氣俾我哋舒服吓。坐低抹下汗，就開始睇下個餐牌，店員仲好好招呼介紹有咩特別選擇，我本身諗住食海鮮炒烏冬，後來聽到店員介紹滑蛋咖哩秋葵蝦肉丼，我即刻望一望，因為我呢排愛上了食秋葵，店員仲話蝦肉係老闆自己親手一隻一隻咁樣釀入去秋葵度，我就即刻落決定試吓佢，我朋友就點了招牌鮮茄汁焗飯。等咗陣，兩個飯送上檯了，先睇個份量，好足料，肯定好飽，試啖先，個咖哩汁好fresh，唔似其他餐店嗰啲咖哩一係就濃，一係就甜，呢度個咖哩好特別，之後問下老闆，先知佢自己調製的，加入了水果蓉一起煮，唔怪得個味咁fresh，再食條秋葵蝦肉，外脆內熱，火喉剛剛好，珍珠飯質感軟硬適中。之後再同個老闆傾咗一陣，感覺到老闆真係用心創作每一款菜式，需要之前疫情影響左一段時間，希望佢可以繼續努力，我一定會再來的，下次要再約朋友過來試吓佢呢度啲串燒！

小小居酒屋舖頗有風味串燒類食物分別試咗幾款牛肉壽喜燒、鹽燒羊架（抵食）、鹽燒羊肥腸（特色，好味）、鹽燒魷魚蘇（正）、鹽燒雞翼（好味）。全部都好好味～～配埋啤酒就啱晒，可惜我自己情況不允許飲酒😓師傅幾nice有特別介紹鹽燒羊肥腸第一次見應該好少地方有吧的確係外脆內軟好味道個人認為必試😋最後因為生日月份計左我全單九折再送埋心太軟蛋糕添🥳小店仲有好多吸引到我嘅小食未嚐試蝦多士，豚肉荔枝，燒魚，燒茄子...好多都想試真心值得再去亦都推介比大家

晚巿從開，不用食外賣的日子份外珍貴，我們決定食串燒。朋友推薦這小店，說有很特別的小食，到底是什麼呢？我們首先點了燒生蠔，這是我十分喜愛的食法。然後，想食燒魚。點餐紙上的馬友今天沒有，正所謂不時不食，便選了他小店推介的是日燒鮮魚。這應該是鯛魚類的，所以肉質比平日的烏馬友鮮甜，而且肉質也較細緻。不過最驚喜的是用泰式燒法，還配2款泰式醬汁。條魚越食越有香茅味。記得上次我在泰國餐廳才能吃到！除了這些海鮮外，串燒我點了牛舌芯，冬菇，翠肉瓜，還有雞肝。這個雞肝平日吃傳統飯店才難得吃到，也絕不是燒的。吃了一口，實在太香了，我忍不住，點了清酒一小瓶作配搭。朋友側點了我從未吃過的東西，燒羊腸。燒羊腸十分之脆口，而且有陣陣羊的香味。還吃了很多東西，例如日劇常常看到的九菜炒豬肝。有少少感覺在重溫N年前的深宵食堂。食了咁多東西，因為是街坊小店，才4百多元。主因是這裡的裝修很平實，所以食物不像一般居酒屋咁貴。但，很有特色和驚喜。最後，由於芝士綾魚球已售完，所以沒試。我下次再來試其他的食物，如甲羅燒等等。不過，牛舌芯下次必encode ，好好味。

轉咗手之後第一次嚟，裝修英文一樣，餐牌轉變亦都唔大，價錢略為提高咗少少。我哋都係叫番平時食開嘅嘢：香燒豚肉荔枝卷 - 豬肉加荔枝非常好味鹽燒雞軟骨 - 調味唔係好夠免治雞肉軟骨棒 - 做得唔錯味噌蟹蓋 - 蟹膏，蟹肉，做得唔錯岩燒白鱔 - 鱔本身OK，只係調味唔夠蒜香燒蠔 - 好本身OK，可惜今次調味太過重手川味原條燒茄子 - 好好味，都幾辣芝士烤年糕 - 唔會輸得去邊清酒煮沙巴 - 沙白質素OK，可惜煮得唔係太好日式炸餃子 - 炸野唔會差得去邊味道有待提升，加油

真係太耐無出街用膳本來年初就想黎試吓呢間居酒屋，因為疫情擴大唯有等到今日終於有得試啦午飯時段有套餐供應，價錢都好貼地但我唔食飯，全部點晒串燒見到廚師推介好多出面見唔到嘅食品，二話不說就點哂佢啦食店喺面書極推嘅辣酒煮花螺點可能唔試呀！我只能接受少辣都食到啲螺，不過佢裡面嘅蔬菜同芋絲就比較辣，我老公食得好開心佢話好有驚喜，無諗過有呢啲伴菜喺度另外鹽燒羊肥腸脆卜卜但又有好香羊味，嗜羊嘅人一定好我從來都唔食串燒嘅肉腸，但試左佢嘅東洋骨付腸腸肉好香肉唔散老闆介紹我哋七味魔鬼魚翅干比起雞泡魚干，佢更加脆，唔會靭，因為唔會咬得攰，就會不自覺喺咁食鹽燒魷魚串好有驚喜以為魷魚鬚，原來係一隻隻細魷魚仔，又係卜卜脆，好易入口岩燒白鱔肥嘟嘟呀，好香魚油味呀老闆服務周到同好用心，每次送餸黎都會講多謝攪到我都唔好意思今日同老公試午餐，下次要同朋友約埋食晚餐，可以飲返幾杯店舖雖小，唔係好多坐位，就係細細間可以好似包場咁呀小店真係買小見小希望呢啲小店捱過依家難關，你哋要加油呀

外賣咖喱牛脷飯，味道係日本咖喱偏甜，内有薯仔同紅蘿蔔切粒，汁係夠，牛脷份量也ok..厚切有5小舊！但味道真係一般，唔知係咪有洋葱關係，有少少酸味但食完冇肚疴！58蚊包一包綠茶或例湯！喜歡咖喱的我有啲失望！好難有下次！

雞扒烏冬$45，豚肉烏冬$48雞扒係近期食過數一數二做得最好，食價錢中下嘅餐廳嘅雞扒，最緊要做到冇雪氣味，個雞肉如果再醃得入味啲就更好，依家食到有淡淡的薑味同埋日本嘅醬汁味😄.豬肉都做得唔錯，薄切有咬口有肉味😙.湯底可以再做得重味啲就更加好，另外建議餐廳唔好加子薑，撈埋落啲湯底度個人來講唔係太喜歡，如果再食烏冬就一定會走子薑🙂.鹽燒豚肉串$21佢比豚肉烏冬嘅厚身而且燒得有焦香味，呢個好食😋.椒鹽多春魚$20出邊多數係燒多春魚，呢一度做椒鹽多春魚幾特別，本身得四條佢俾咗五條，好彩好食😆.香燒脆皮豆腐$18呢個豆腐喺日本餐廳會有，但係攞嚟做串燒就少啲，滷水豆腐(應該係除非唔係)拎去燒，然後加啲木魚絲再加醬汁，好味😃.蒜蓉牛油炒雜菜$40呢個好食牛油味重，啲菜都幾新鮮，食落幾爽口，啲菇都炒得好香口☺️.燒粟米$18， 鹽燒牛肉$20，雞軟骨$19冇乜特別唔會再叫🤨Cp 值及夠飽: 每個人夜晚大約都係$70左右，食日本嘢我覺得OK😆.翻啅:外賣有九折，呢排冇晚市堂食都係CP值高之選🤩

上日行經西灣河，發現新開了一間日式居酒屋，就膽粗粗去試下。點知發現有驚喜。食物水準一流，香燒豚肉荔枝卷，第一次食，估唔到荔枝可和豚肉咁夾，一咬落去，荔枝汁混和肉汁原來可以咁好味:，那種甜中有鹹，鹹中帶甜的味道，非常可口。芝士燒年糕都非常可口，流心的芝士，咬落非常煙煙韌韌，真係食過返尋味。由於我喜歡食辣，所以叫了吉列赤豚拉面和川味原條燒茄子，雖然辣，但得野味，適合無辣不歡的人士。加上店員服務非常好、又健談，而且又唔會吹你走，可以慢慢品嚐美食，又可以適合和朋友飲兩杯吹下水的好地方，真係值得一去。

一行四人除夕夜晚飯近近地喺屋企附近試吓新開張嘅「真一居酒屋」我哋叫咗岩燒白鱔鹽燒石蚌牛油燒蠔香酥黃金雞翼寸芝士烤年糕鹽燒厚牛舌、雞軟骨、雞腎花雕醉香燒雞翼網燒豚肉豬骨湯拉麵日本串燒喺我哋嘅印象都係應該唔平但係呢間餐廳收費合理而且食物有水準鹽燒厚牛舌，好juicy第一次食花雕醉香燒雞翼，好有新鮮感餐廳服務員好Nice不時同啲客人傾偈交流仲不時聽到服務員問客人嘅評語或者邀請客人俾啲意見值得推介嘅餐廳會再次光顧喔

臨近除夕，通常都會約朋友聚會，前兩日經過西灣河，見新開咗間居酒屋，就提意朋友去呢間試下食串燒。店內有3張4人枱，一張巴台，出面仲有1-2張4人枱。餐牌除了有，日式烏冬/拉麵/咖哩飯，鍋物、燒飯團、燒魚，仲多款串燒……串燒配清酒一流。啲食物即燒，真心唔錯，大家都食到停唔到口😋。值得一提，服務及味道唔錯，可以去一試。價錢合理，經濟實惠！👍