UCC Vienna Cafe

Open Now

Now Closed

呢間真係由細食到大，多過10次😂不過聽講就快執笠，決定幫襯多次餐牌大致一樣，只係大通脹加$50跟餐，有得自助沙律一次最鍾意食佢嘅麵包糠，另外有車厘茄、啫喱、薯仔沙律、罐頭桃、罐頭菠蘿等▶️ 牛肝菌醬雜菇薄餅 ($124)｜海鮮千島醬薄餅 ($130)Pizza底同以往唔同🍕之前係薄身脆卜卜嘅，依家厚身啲麵包啲比較鍾意脆身，不過呢個還可以配料味道就麻麻哋啦🤥牛肝菌醬唔夠香，pizza拼雜菇唔夾海鮮嗰款好少少，起碼有啲蝦同八爪魚▶️ 照燒雞扒 ($122)可揀配三片蒜蓉包或白飯雞扒大大塊厚身🐔佈滿照燒醬汁睇賣相唔錯，食完就知中伏本身雞扒肉質鮮嫩多汁，可惜醃得太過鹹 (屋企人一致認同，證明唔係我口味問題)唔係照燒汁鹹甜味，反而似落咗一堆鹽去醃逼住都要食晒因為價錢唔平有啲難頂🥴不停飲水旁邊嘅雜菜有三色椒、zucchini、薯仔，全部偏油-食物質素明顯下降，價錢相反就不斷加會話今餐好失望，最好食已經係沙律服務還好裝修格局10年都冇變，算坐得舒服完全唔值呢個價錢，9折咗都成$130/人，已經可以食餐更好嘅食埋今次應該以後都唔會再食UCC美好嘅童年回憶只能留於記憶中。。。

☕️ UCC Coffee Shop在香港打著過江龍旗號的日式咖啡館不勝枚舉 試過幾間 沒有回頭意慾😅最近第一次食UCC 反而係對它的虹吸咖啡著迷了😌 食嘢方面嘅話 我哋個日食2pm 但係其實2:30pm已經係下午茶menu 𥄫到隔離枱剛嘅同我哋一樣 不過我哋係lunch 目測portion相差無幾 等到嘅話食tea set抵好多 ✿ 蜆肉雜菇意粉（微辣) $105 ✿ 香煎三文魚扒 (白汁) $119 ✿ UCC招牌咖啡 $50

嬲到要第一次寫食評！事發為平日lunch餐廳唔滿坐食客又唔多但侍應就唔少落完單，等了40分鐘小朋友個餐都未到第一次個侍應覆我唔好意思，今日廚房人手不足我再等追完一輪竟然搵第二個侍應同我講「今日無材料整小朋友個嘢食！！！」真係嬲到爆！小朋友又肚餓又浪費曬D時間！即刻埋單走人！連嘢食都提供唔到的餐廳點解可以叫餐廳！破壞了美好的一天仲搞到自己係小朋友面前發火所以必須寫食評抒發心中的不忿最後只可以去對面老麥買嘢俾小朋友食

貪方便黎UCC食生意勁差 前後得4枱客餐牌選擇咁多年都差唔多意粉 焗飯 omelette飯 扒類 pizza 三文治4個人食 每人一個主食 兩個跟餐跟餐有salad同磨菇忌廉湯疫情前嘅salad係自助形式 可以攞勁多野食 推到成座山咁高宜家...得返咁大大個都係啫喱 粟米薯蓉 菠蘿 紅腰豆 青瓜 車厘茄味道一般般 係薯蓉特別啲到主食🥩我要咗安格斯肉眼扒 ($177) 配蒜蓉多士都幾大份嘅 依個薯蓉冇salad嗰個好食西蘭花有啲難食添茄汁意粉 質感唔錯 不過真係似落咗一推茄汁然後撈...肉眼扒叫咗7成 啱啱好 夠淋 食落好juicy 不過肥膏同根位都唔少 而且煎得好油 醬汁亦過多 冇咁食到牛肉味🍛試咗少少個漢堡奄列飯 ($106)望落都幾靚味道上亦唔錯 佢隻蛋入面味熟曬 少少runny 同埋應該落咗牛奶同牛油?? 幾香配白飯好食 唯一係醬汁遍鹹🍕煙三文魚薄餅 ($97)依個pizza share由細食到大 望住佢size越來越細今次食覺得一啲都唔好食 根本同其他pizza比唔上餅底完全冇質感 只係食到成層芝士同油🤭中間少少洋蔥咁 自己屋企整既pizza仲好食...-👎🏻味道麻麻地 越來越

等位最討厭，午市黃金時間無可避免，身邊也不是神州食客排隊。同事們麼好興致走到老遠用膳，我都來湊湊熱鬧吧！等位期間唯有欣賞食物模型及細味餐牌，模型顏色鮮豔，像真度膠膠的。早前試過坐隔壁防空洞般的舖位，密室一樣嘈到刺耳頭都痛，您一言佢一語聲音走不出來，回響增大耳鳴了！所以無論如何都要坐右邊大廳，雖然午午都有點嘈吵。蒸餾凍齋啡走甜，糖水淡奶分開上，自調更方便。極濃極香咖啡味道，芳香清爽，茶餐廳那有得比，Cafe 始終係 Cafe。煙三文魚田園沙律，無可否認菜蔬新鮮奔放不拘束，甜美多汁水。仿如清風送爽置身郊外坐在草原中。煙三文魚腍腍油潤充滿煙燻味道，咸香搭著沙律菜同吃更美妙。本菇肥牛意粉，極有港色茶記風味，沒怎樣日本風情，體驗價 $80 蚊！說好的本菇在馬那？終放找到緊有的幾粒。溫柔地先來口原味，淡淡的洋蔥豉油味道，全熟肥牛嚥韌牛味濃醬油甜甜的。狂撈辣椒仔汁更惹味，意粉脹脹飽滿滑滑不粉腍。安格斯肉眼意粉，細細塊薄切 7 安士，我要 5 成熟呢，明白薄切十分難煮，眼前的是 9 成熟，預料之中算吧。暖暖太蛋滑滑，整隻啪入口打開序幕。肉眼扒牛味濃濃，海鹽胡椒略醃，滿意有咬口不鞋韌。茄汁炒意滑彈無過腍

依間UCC coffee 起海逸坊已經好耐一直間中有去食由$8x 食到佢加價加到 $1xx香煎三文魚扒(白汁) $109個餐都足份量嘅又意粉又白飯/蒜蓉包 (2選1) 條三文魚扒算大不過反而菜 西蘭花可以多啲嘅...雖然西蘭花🥦貨感怪怪的 唔爽 可能煮得太耐?!意粉質感okay 但係明顯係用茄汁醬 有啲酸白飯似日本米 但係硬咗啲 一舊舊三文魚就一般 好嘅係佢唔會過熟亦唔乾 冇骨唔好就係油咗少少 煎得唔算香 平平穩穩白汁遍水同淡味以依個價錢 份量okay 不過質量差啲

UCC日式招牌咖啡必定係日本迷又愛咖啡者嘅心水選擇！UCC店近年都一再轉型去迎合唔同客路，例如尖沙咀海港城新店就走日式輕食甜品路線，而哩間喺紅磡海逸豪園嘅老字号，就係最傳統又係歷來最穩定嘅一間。雖然地點不是太就腳，但都係值得專誠過來幫親嘅餐廳！日式炭燒咖啡係至愛味道之一，炭燒味濃厚而咖啡豆甘香出衆，必飲之選！今日配左個朱古力法式西多士，朱古力醬甜度適中，忌廉也很滑嫩，同個法式西多士一齊食非常啱味道！炭燒咖啡

這裏環境清靜，座位又舒適，很適合和朋友一起來嘆下午茶。香蕉朱古力雪糕窩夫：即叫即製，絕對不用擔心是淋的。窩夫外脆內軟，好香蛋味和牛油香味，配上雪糕一起吃，一熱一冷相當有趣。

同事都話公司就嚟搬遷，搬咗之後可能都唔會有乜嘢機會返嚟紅磡了！所以趁仲有時間 lunch 就會食勻公司周圍所有嘅餐廳! 每個星期一齊出去食一餐午餐都可以話係增進感情加強溝通的我哋都好耐冇黎原來依家已經冇咗 set lunch. 只可以散叫，咁我哋就share左一個蛋包飯，最鍾意都係食炸雞！跟住就係好懷念嘅沙律 bar, 粟米、菠蘿、薯蓉同埋啫喱糖。果然係咁多年都無變過嘅味道！同埋我真係最鍾意ucc 嘅凍咖啡, 其他所有餐廳嘅凍咖啡都唔及呢一杯好飲！最後再 share 返一個窩夫, 出咗紫薯系列梗係要試吓啦！紫薯同埋紫薯雪糕都OK啦！唔錯!

和朋友座一下，點了一杯cappuccino, 竟然是我喝過最難喝的咖啡，咖啡來到時的時候已經覺得怪怪怎麼會熱咖啡上有cream，喝一口難喝叫店員來問一下，他說我們日本咖啡是這樣的，拜托我怎麼從來沒有喝過日本咖啡呢？更何況我經常去ucc , 感覺這店員是敷衍我。我亦勉為其難飲咗一杯激難喝$70 的咖啡，不過我相信我以後也不會再去UCC了😡😡😡😡😡😡

今日係黃埔做野，見UCC 坐得幾舒服就入去試下。 陣佐十分鐘左右就開始有位。 午市加19蚊就有一個salad bar 機會， 基本上，一個碗夠三個人食。個意粉味道幾好，美中不足就係唔係條條都夠長。

朋友係中電做，簡直同鐵飯碗冇分別，約佢食飯佢請，就近近地喺佢隔離個商場度，基本上冇乜選擇， ucc 已經算係坐得最舒服。大約＄100 個午餐都算幾抵食，仲有可以坐好耐慢慢傾又唔會趕你走，我就揀咗個芝士菠菜三文魚焗飯，嗰時以為要等好耐啦！焗飯通常都要等好耐，點知話咁快就到望落去好正常係三文魚就比較少啦！食落去就知啦！一啲都唔熱，感覺係 喛暖地，我唔使10分鐘就食晒，以焗飯嘅份量來講佢都幾少，芝士又冇乜味，我要狂攞芝士粉。呢個質素真係好普通，但杯凍咖啡真係仍然keep住幾好味，咩都夠晒香濃，為呢個午餐挽回不少分數。

排隊等位等左好耐，落完order再等食物又等左好耐，睇Menu選擇唔多。食物質素比以前差左好多，但價錢咁多年都差不多，below $100 個lunch已經叫好抵食, 日本Cafe我鍾意食蛋包飯所以叫咗個炸蝦奄列飯 $86。炸蝦係新鮮熱辣嘅，有沙律醬啱我口味。但係我就唔鍾意個燒汁，感覺唔係好合襯，咖喱汁可能會夾啲。飯就唔夠熱，口感冇咁好，勝在夠乾身，飯就粒粒分明。但其實我最愛係佢個杯凍咖啡 10年始終如一，都係咁香濃。

今天想找環境平靜的地方吃午飯。這間分店正合，今天吃了set lunch.HK$86重要加一。。。只包1杯飲品。。。真係幾貴。我選了三文魚扒菠菜闊麵和橙汁。今次等了好久才到。。。但一吃下去真係等得值。三文魚扒厚肉多汁。麵更好香。不乾不淋。加上少少芝士粉，辣椒仔。。。更令整體更上層樓。令我樂意比95元正。

《 2015 年 1 月 》 周末無所事事最好就是去嘆個下午茶又好掛住 UCC Cafe 杯咖啡就去了紅磡海逸坊 的 UCC Cafe 嘆個 TEA商場人流不多，餐廳也不需等位，去到就可以入座蠻喜歡 UCC Cafe 的環境 ... 環境清淨，座位又夠舒適 ... 至啱嚟嘆個悠閒的下午茶Tea Set 的選擇也多我們點了 3 份下午茶餐 + 1 件 cake 我的 ... 鮮橙焦糖法式多士 ... 先來喔 !睇個名以為是西多士配鮮橙焦糖醬，原來是鮮橙水果粒配焦糖醬 橙橙綠綠的鮮橙及奇異果粒配埋煎到甘黃色四四方方的多士粒 ...賣相不錯外層香脆裡面鬆軟的多士粒，帶有濃濃的牛油香，我鍾意醮少少忌廉及焦糖醬伴食 另外，囡囡也點了客 ... 蜜糖檸檬法式多士 多士磚配蜜糖檸檬醬、雲呢嗱雪糕及忌廉 ... 啱哂鍾意食雪糕及多士的囡囡，一次過食哂兩款甜甜酸酸的蜜糖檸檬醬不太甜又有檸檬香，配多士食不會膩 儍爸的 ... 鮮果夾餅 ... 好豐富呀 !!!有夾餅、鮮果及雪糕，薄身的窩夫又烘得外脆內軟鍾情綠茶的囝囝點的 ... 北海道綠茶千層蛋糕裡面的綠茶夾心不太甜，仲好 creamy 及濃濃的綠茶香