UCC Vienna Cafe

Open Now

Now Closed

這間日式連鎖西餐,一直未有機會試,趁約在附近上班的靚女友人午膳之便,就來一試.格局同Pokka大同小異,似乎比P記更為典雅,漁人碼頭的分店如是,其他的我不知道.聽靚女友人說,兩個人叫一個Salad Bar,可兩個人.忽然又想起中學年代,在Pizza Hut的自助沙律吧,鬥疊高驚蝕底之無知歲月.同友人說起此經歷,一笑.自助沙律吧一向全無章法可言,你想食乜就揀乜,不分先後,Dressing亂加,生菜菠蘿粟米吞拿魚如百鳥歸巢般,疊在一起.機會只得一次.以無法為有法,就是最好的方法,用"禪"的角度去吃這兜亂來的沙律.會吃得很開心,尤其當你與一名美女共享之時候.主菜小弟就要個海鮮Risotto.上桌一見,不對勁.先咬一口飯粒,如絲苗米.再細意吃其材料,茄膏的酸味大過天.小弟少吃日式西餐,莫非意法日Style,就是如此,對不起,小弟不懂得欣賞.友人的庵列,她說不錯,小弟淺嘗一口.覺得一般.其茄醬又是同一個味.聽她說崇潔街新開一間高級意大利餐廳,說其老闆是識食之人,吃罷也大讚其味道正宗.不如下一次,行遠少少,到此午膳,最多小弟埋單.

18/9 星期二晚上8點與家人合共6人到漁人碼頭呢間UCC食飯, 我地叫左4個餐(炸蝦咖哩飯,燒雞扒定食,海鮮白汁湯意粉,芝士吞拿魚焗螺絲粉)全部都加$28配餐飲同自助沙律, 自助沙律包括有(薯仔蛋沙律,紅腰豆,粟米,生菜,雜果有菠蘿同蜜桃,西瓜,啫 喱), 食物好快就送到黎,首先黎個海鮮白汁湯意粉, 好多汁d 海鮮就少左d ,d 意粉就硬囉,好似未熟咁,但都食得落肚既,炸蝦咖哩飯個樣唔錯,食落都OK既, 燒雞扒定食, d 雞好乾囉,雖然話配飯既,但碟邊都有少少意粉係到,但d 意粉就真係食唔到落口啦, 超級乾呀,芝士吞拿魚焗螺絲粉,個樣唔錯家,但食落就...好乾呀,d 粉又硬,但都食得落肚既。原本唸住叫甜品食家, 因為見到個牌影到好靚咁,但食沙律食到飽晒, 叫唔到。我唸如果下午茶係到食甜品蛋糕或飲杯咖啡就OK既, 或約三五知己談下心都唔錯既地方,但正餐既食物就真係有代改善啦。埋單$390.9

沉日和同事到UCC食Lunch, 門口已經有人龍排隊, 之後選擇了不用等的Bar檯...Order了一個Lunch Share:自助沙律吧- 選擇唔多! 味道唔錯. 要了薯仔沙律, 粟米, 紅腰豆及雜果. 最激氣就係過左一陣先出生菜及蕃茄!咖喱漢堡扒飯- 味道OK! 但唔多似日式咖喱, 漢堡扒比較咸左DD.熱咖啡- 好香! 同事都話唔錯...

與媽媽在附近紅磡辦事，無咩好選擇，食ucc比較穩陣。雖然是午飯時間，但俾promote冬日限定紅豆吉士夾餅深深吸引，決定放棄食正餐。一個雪榚球、兩大塊紅豆夾餅再加兩塊waffles原來好飽的，waffles又熱又香，可惜不算好夠脆，而紅豆夾餅饀料唔多，紅豆又少，有d失望。媽媽就食芝士焗菠菜三文魚長通粉，再另加$20有自助沙律及餐茶。沙律是菠蘿、水蜜桃、薯蓉等大路貨，雖然沒有特別，但係一大兜，食完已半成飽。長通粉焗得好香，料又多，而媽媽就嫌三文魚較魚腥。餐飲要了凍咖啡，是跟餐送的當然是普通貨色，但水準唔錯，咖啡味香濃。服務方面我要俾滿分，因為我同媽媽爭埋單時，一個不小心打瀉了杯咖啡，侍應小姐第一間遞上紙巾及濕布，反應好快，值得一讚。

平時都成日來食,今次第1次留食評最中意呢度的蕃汁海鮮飯同埋咖哩炸蝦飯,另外+沙律今日特別d,叫左個special的Angus ribeye beef steak $148,係貴左d,不過幾好食,配洋蔥汁, 8成熟,牛扒夠嫩,入味,有肉汁. 薯角即炸,熱熱的很脆很好味.配的蒜蓉多士亦香脆入味.http://photos1.blogger.com/x/blogger2/6383/4451/300/897556/image-upload-12-763307.jpg咖哩炸蝦飯,炸蝦仍然好味,咖哩汁不錯,但今日的飯太硬了.http://photos1.blogger.com/x/blogger2/6383/4451/300/827912/image-upload-14-742636.jpg著仔沙律幾新鮮,個洋蔥dressing做得好好.不過冇乜水果選擇,希望可以多d放水果.餐湯就一般水準啦.http://photos1.blogger.com/x/blogger2/6383/4451/300/819323/image-upload-4-716386.jpg由於個扒既關係,最後食唔哂d沙律.平日來

今日主打係芒果夾餅拼焦糖牛奶咖啡...唔太喜歡佢咖啡個譯名，應該係「焦糖奧利咖啡」（Caramel Coffee Au Lait）...雖然D 料差唔多。一向對日式咖啡店既夾餅情有獨鍾，可能因為係即整既緣故。是日芒果夾餅夾餅依然，但略嫌芒果切得太厚夾唔夠多：舊2cm 高（最高點），但又得2cm 長同闊芒果cube，塞o左o係兩塊都幾厚度既waffles 裏面，好難處理...分體勢在必行。雖然雲呢拿雪糕係普通貨仔，但好在唔係芒果雪糕- 個味唔夾之餘，「爆芒」未必好事。Caramel Coffee Au Lait 是因焦糖怪魔遇上焦糖緣故，所以覺得份外好飲...但值得一提既係，佢上面D 白色泡泡全部係whipping cream...所以焦糖味還焦糖味，咖啡甜味還咖啡甜味。D 職員既質素都非常之高：唔係板面就係黑面，同埋永遠個背脊對住個客，個客要好似o係茶記咁埋單先有下文。

琴晚朋友仔仲要食飯就佢收工又黎左呢度今次試左紅酒牛肉飯湯係蕃茄煙肉湯蕃茄味濃, 較杰身, 但配合少少鹹味既煙肉好正! 不過個人黎講,始終記掛住之前o係度飲過既忌廉湯紅酒牛肉飯係分開飯同”餸”上既, 料有紅蘿蔔,薯仔,蘑菇同牛肉, 牛肉帶有少少筋, 好有o趙頭, 汁較稀亦唔多夠味, 薯仔亦因此唔多入味, 最後朋友仔都只係清左d肉就放棄左餐飲如常地要左橙汁,仍然幾好!加25蚊有自助salad bar +餐湯+餐飲, salad bar d料無乜變動, 都係o個d, 但因為有得玩下層層叠, 呢個係最吸引我繼續黎幫襯既原因, 今次試左個帶有蒜香味既dressing, 好開胃服務一般,出奇地星期日晚係咁多人差唔多full house

去左呢度試, 因為貪佢少人, 又靜..但竟然不吸煙區好多人.. 又嘈, 去左非吸煙區,又闊落.. 唔錯..沙拉吧d沙拉好新鮮, 好好味, 餐蘑菇湯好濃.主食... 奄列茄汁海鮮飯.同茄汁海鮮飯... 原來唔同架.. 有奄列o既干d.. d蝦細只d, 淨茄汁海鮮飯, d飯個汁好杰.. 不過好多海鮮. 味道就一般喇.. 最後一凍一熱咖啡.. 好好飲.環境好, 好好坐.

琴晚因為要就朋友仔黎左呢頭食飯無乜心水下又黎幫襯中午食左茄汁晚餐無叫招牌菜要左一個咖喱牛肉飯加salad bar兩個人食咖喱汁仍然好味日式帶少少甜牛肉用左肥牛份量都算多但有少少un不過算係咁啦湯好似係南瓜蕃茄煙肉湯唔太漏連朋友仔唔多鍾意南瓜都話幾好沙津都係o個d料不過質數無上次食咁好啫喱無味只係得顏色吞拿魚無烘過只係即開罐頭放o係度薯仔沙津雖然味道無變但個look變成一pat pat無上次咁一粒粒西瓜又切得太大粒根本好難拎飲品要左橙汁可惜又係新輝太甜不過如果想有個地方可以舒舒服服咁吹水同休息都算係一個唔錯既選擇起碼又平又飽肚可惜係服務一時時有d侍應無乜禮貌

雖然lunch 價錢比紅磡區一般食市貴, 但比較好食。即叫即造, 唔似其他lunch set咁唔衞生。環境乾淨！service ok!食物份量較少，但有salad bar, 女士比較適合！

七月中，朋友同我補祝生日。我地選擇左紅磡的UCC Vienna Cafe，因為貪佢少人，又夠靜。漁人碼頭真係旺唔起，不過就成為我地諗唔到去邊度食飯的時候的選擇啦！D野食都唔錯，份量足，我地叫左一個焗菠菜三文魚通粉及茄汁意大利蛋包飯，同埋只係加左一個跟set，即係多左個自助沙律、湯同埋飲品，但係都食唔晒！今餐食左差唔多三個鐘有多，同老友食飯、傾計，真係開心到時間都忘記呀！呢度不失為傾計、聚舊的好選擇！

琴晚約左朋友仔食飯因為就佢方便於是黎左佢公司附近食叫左個咖哩海鮮飯另加25 蚊要左SALAD BAR個餐包左個忌廉湯同橙汁忌廉湯好多細細粒既料好好味平時唔多飲白湯既我都飲左唔少SALAD BAR我地拎左薯仔沙津,青瓜,蕃茄,O者喱糖,吞拿魚,菠蘿同蜜桃雖然食物選擇唔多但樣樣食物都好新鮮其中蜜桃同薯仔沙津都好好味而碟飯份量雖然唔大但因為要埋SALAD BAR所以食完都好飽咖哩汁係日式咖哩帶少少甜味但食食下會覺得有少少辣配料有蝦,帶子,魷魚,青口同薯仔樣樣份量都唔多而且好似係急凍貨但總括黎講幾美味如果下次想食薯仔沙津一定會再黎呢間又平又好味不過會試下其他食家推介既茄汁海鮮飯如果細食既兩個人叫一個SET加個SALAD BAR都一定飽

同朋友來傾計, 走到比較入的地方坐下, 叫了2杯咖啡. 愈坐愈唔對路, 不斷有大大隻蚊滋飛到我們台(前後不下十多隻), 連我的咖啡奶也中招!!我們跟侍應反映, 她們很快安排我們換台, 並解釋是太近水池之故, 她們已經試多很多方法也沒有效. 但也得再試其他方法呀! 是日坐得真的很不舒服.

6點幾黎食dinner係一個人都冇...都係食左茄汁海鮮飯,加$25有湯有salad bar有野飲~畢左薯蓉呀粟米呀吞拿魚,有個salad dressing係日式洋蔥汁好好味~個飯細碟左,咁係好事,可以一人一個餐,細碟左都係好鬼飽...

呢間食過好多次啦!我幾鍾意去ga,近公司樓下ma!hee！一定會加＄２０蚊食沙拉同杯招牌加啡，食完好滿足！份量夠喎！沙拉吧係無乜選擇，但本人鍾意玩砌沙拉，好玩過ｐｉｚｚａ　ｈｕｔ啦！ｈａha