屋子生活 (Closed)

落雨天最好就係室內睇雨景，咁啱有窗台位置入去食個Tea, 因為唔太喜歡吃蛋糕🍰點左兩客飯，5點嚟食真係可以當晚餐小朋友照燒雞扒便當🍱+柳橙汁$60吉列豚肉便當+凍桂花烏龍茶$62份量是正常，估此早食飯真係可以當晚餐豬扒有五件再有雜菜，飯另有燒汁，好好味😋左：小朋友餐之柳橙汁，頗大杯右：凍桂花烏龍茶甜點都唔錯，可以揀$86一次過試晒三樣嘢食物，再點杯咖啡慢慢欣賞窗外風景、路人，非常寫意不止滿足口腹😽😽😽其他座位都舒適

原來馬鞍山已經比早2年多咗好多美食餐廳啦，不過要係烏溪沙站找到一間黃店食飯，好似只得呢間咋！Café 的設計走日系風，高樓底，木枱木凳，行到餐廳最入面有tatami區，望著玻璃窗外，真係好似去咗日本咁～溫泉玉子牛肉丼 (HK$72)．最正緊係隻温泉玉子，漲卜卜，一篤就流出嚟，正😍．多片牛肉鋪滿成碗，足料．整體來講是不錯👌🏻味噌湯、沙律、桂花烏龍茶 (+HK$25)．桂花烏龍茶：桂花味出色，烏龍茶也不錯．味噌湯：有多海帶和豆腐，足料．沙律新鮮的，多款蔬菜．仲有海藻做前菜焙茶麻糬梳乎厘 (HK$69)．新鮮出爐時都幾高挺的，好有彈力，比我影完之後就凹咗🤭．梳乎厘都幾軟綿綿，有焙茶味，裡面也有好幾粒白玉麻糬，整體不錯👌🏻走嘅時候，可以喺門口度睇下手作家品。

而家coffee shop 開到周圍都係，間間都好多人，想真真正正靜靜地坐底，休息吓睇吓書，都幾難。屋子生活其實係比較早期開嘅文青咖啡店，嗰陣成日都好多人，又要等位。今次再嚟可能因為係閒日，所以冇乜人，真係可以靜靜地休息吓😌其實佢哋嘅食物同咖啡都算唔錯，不過佢地呢度嘅環境先係重點，高樓底又有落地大玻璃嘅咖啡店喺香港真係冇乜幾多間，感受住自然光，放吓空，當自己去咗個小旅行😌嘆完仲可以去附近散吓步，行吓海濱🌅

🍐🧇清酒香梨窩夫 $50🍋☕️青檸黑咖啡 $38-烏溪沙附近唔算太多選擇, 今次試咗文青feel嘅屋子生活🏡💛💛 不過weekend都比較多人排隊, 唔可以坐太耐🙈-清酒香梨窩夫食落感覺幾清新, 清酒味唔算太重, 入面仲有一粒粒嘅荔枝, 同埋唔算太大個, 做甜品/tea都唔會好滯👍🏻-第一次試青檸同americano一齊飲😹 有陣陣青檸香味, 味道有少少似平時fruity嘅咖啡再酸啲咁, 濃度都啱啱好唔算太濃☕️-🍴7/10

星期日5pm，入面也不少位，但站在門外5分鐘也沒有侍應領位，直到向老遠的一位招手。坐下來的情況一樣，結果要自己走到counter倒一杯水，再等了一會，向穿梭身邊，卻久久也沒有人問我下單了沒有的侍應說，麻煩他們轉頭幫我下單。叫了一杯latte和orange cream cheese waffle，一會後被告知賣完了，只好只喝杯咖啡。最終也等了15分鐘才有得喝，而且咖啡是不夠熱的。是疫情之後還未ready做堂食嗎？

第一次寫食評，都要寫下呢間好似好多人推薦既cafe。當日起身穩野食，揀左附近呢間cafe，第一次試，感覺鋪頭幾大，環境尚算ok~同老婆坐近門口位，睇menu揀左一份鰻魚丼同咖喱炸蝦丼，感覺無乜太突出，同埋價錢略貴，Cp值唔高，好似要加多$45蚊先可以揀其他咖啡/飲品~不過心諗呢間餐廳可能係出名甜品蛋糕，所以差唔多食完，叫左一份朱古力梳乎厘，佢係即叫即整，大概等左20-25分鐘，見個waitress送黎，滿心歡喜，佢同我講唔好意思，我order個梳乎釐同隔離檯調換左，而隔離係叫培茶味，我即刻燥燥地，有乜可能你做餐飲業，放低食物前唔係應該要同食客double confirm咩？ 而我同老婆對於培茶味真係不大興趣，所以唯有再等多20-25分鐘再整，而等待期間鋪頭門口有一大班小朋友o係度喧鬧，所以成個感覺好差😤真心希望呢間餐廳可以提升下店員服務質素，因為食主餐時，隔離檯已經投訴送錯飲品之類😓好彩佢最後個朱古力梳乎釐係幾好食，先叫做心情好翻少少整體而言，個人覺得正餐可以唔洗去，食蛋糕甜品飲咖啡可以一試既

🏠文青咖啡🏠推介指數 ❤️❤️❤️🤍🤍响烏溪沙站附近有個商場，入面以食肆為主，店內日式小清新裝修、樓底高、落地大玻璃令店舖更開揚，空間感好高！近門口位置有個corner 售賣household good，畫風都可愛㗎！時間關係，今次買杯咖啡外賣先啦！Iced Latte HKD42 (少甜少冰)咖啡味似日式咖啡、味道偏淡，奶味香滑。.··餐廳：屋子生活 (馬鞍山)地址：馬鞍山烏溪沙路8號迎海薈地下4A舖

一個天朗氣清嘅星期六同幾個朋友約埋踩單車，由沙田出發去烏溪沙，踩到馬鞍山決定食埋午餐先回程 喺被譽為美食沙漠嘅馬鞍山我地搵到人氣文青cafe - 屋子生活，因為之前食過幾次總店-屋子咖啡 ，所以對分店都有一定期待，難得順路當然去試吓，最後係冇令我哋失望我哋十一點令到，可能早唔使排隊，店內環境好輕鬆，落地大玻璃採光十足☀️屋子生活食品選擇比屋子咖啡多，我食左鰻魚茶漬飯👍🏽 唔係熱到出煙嘅泡飯，好適合夏天，略嫌鰻魚份量比較少，有兩舊，如果係三舊成件事就完🈵️ 甜品食左焙茶窩夫🧇 焙茶味夠，暖暖哋嘅窩夫配雪糕，喺口入面又凍又熱好爽同行其他朋友都覺得尼餐唔錯，可以推薦俾大家作為踩單車途中嘅一個休息站

一年一度慶生，選了有文青風的日式料理店，幸運地被安排了靠窗的榻榻米座位。食物選擇不多，但買相精緻，味道亦不錯。我們點了两份主食，两份窝夫，再加一個梳扶厘，渡過了一個微雨纷飛的下午。

喺馬鞍山食咗依個屋子生活因為見到迎海個商場唯一所謂出名啲就係屋子生活，見到以往食評推介左關西牛肉定食，但係去到嗌唔到，話唔再供應，咁但係都照食佢個滑蛋牛肉飯同埋嗰個甜品。基本上成個感覺好似快餐，不過叫做有啲質素嘅貨色嘅快餐，係唔錯嘅，個紫薯雪糕有啲特別，滑蛋飯就好正常啦

平時去馬鞍山一定會黎屋子生活，因為貪佢有落地玻璃，環境舒適，坐得舒服。今日閒日放工過黎，竟然唔使等位，所以即刻入內坐低！我地一行二人叫左2個主食，加$25可以轉餐，有沙律、麵豉湯同野飲。七味雞唐揚丼：唐揚雞岩岩炸起，又熱又香脆，配埋白飯一流！明太子綜合茶泡丼：不過不失，叫得明太子都預左佢個味會偏咸，就算泡飯都唔會沖淡左啲味，不過食到最尾都係要飲多幾啖野飲！食完正餐，緊係要埋甜品，我地叫左木糠焙茶窩夫。因為出面好少食到焙茶既甜品，所以我地一眼就睇中佢！真係無失望，木糖好煙un!加埋冰凍既焙茶雪糕，再加熱辣辣既窩夫，各方互相配合，一凍一熱，甜度剛好，又有口感，好好食！我地非常滿意！

相信大家都會比佢既榻榻米吸引 環境舒適 有輕鬆柔弱既音樂 坐係窗邊 望住出邊 都真係幾寫意 一個人逃離現實 精心咁享受一個tea time 好satisfying 試左waffle&焙茶雪糕 （好似比大圍個間好食少少）焙茶味好足 waffle硬度啱啱好 雪糕既凍加上waffle既暖 幾唔錯 cream唔算非常甜 冇搶到個主角 夠滑 輕身 所以唔會好膩❤另外個400次strawberry牛奶就…… 哈哈可能期望好高 唔值得用野飲個quota黎試呢杯（適合打卡only）職員服務態度都唔錯 幾有禮貌 （坐檯凳唔知舒唔舒服 好似有少少矮）整體黎講 好適合同朋友坐低暢談 或者好忙好辛苦既日子任性一次 拋低煩心既野比自己抖抖(*￣︶￣)

超想去旅行！我諗大家都應該同我同一樣心情😌唯有喺香港自娛下，開始左呢個月既”偽日本之旅”! 但都要記得keep 住戴口罩勤洗手有社交距離😎開心又安全！係朋友介紹一齊去食。好少入到去烏溪沙甘遠，九龍人麻！呢間鋪裝修別緻走日式定食、文青路線。店員帶我哋去落地玻璃tatami座既枱。如果日頭黎座，應該幾醒神！炭燒雞塊湯烏冬: 正常。普通。無驚喜。明太子綜合茶泡飯：一般。食曬。唔難食。炸雞秋葵沙垃：呢個反而幾好食。沙律一般都好難會難食。椒鹽帆立貝：ok八爪魚🐙香腸：叫比吖仔食。居然唔食，因為唔係廚司腸，係芝士腸，有啲硬！巧克力梳乎厘: 女人係會有第二個胃去裝甜品既！要預時間早啲叫！熱辣辣，香噴噴，淡嘅朱古力味。個球雪糕都好食😋香蕉朱古力窩夫: 唔係唔好食，但真係堅飽。窩夫有啲硬。飲品都唔錯😌杯柳橙紅莓汁幾特別。食物算ok，有環境撘夠！唔慣座地下。腳有點酸。

上次試咗甜品今次嚟呢就試吓🐔沙律🥗～味道唔錯㗎，減肥一流，清清哋個雞塊都幾好食～朋友就叫咗個紫薯窩夫佢鍾意食紫薯所以覺得唔錯啊！佢係個紫薯容cream 包住雪糕，朋友佢問我個雪糕喺邊個位應該包住喺入邊，真係呀喺入邊啊～所以覺得幾得意！都幾好食呀～唔鍾意食紫薯嘅我都覺得OK因為包住個雪糕幾得意、我味道都唔錯啊！係最可惜入到嚟5:15見到個餐牌係下午茶餐牌冇得要咁樣囉、冇諗過咁早冇了下午茶～下次要早啲到了～

做好抗疫例行兩件事就進入屋子！我就選坐要除鞋的日式坐墊座位，落地大玻璃對住行人路及單車徑，感覺好假期feel，慢活生活之後就食左 e 幾款食物，同埋加了$25轉做餐 (沙律 + 湯 + 飲品)食物就真係一般！但係真食得好舒服，因無被迫走感覺 (唔知係咪坐在屋子最角落位置，無人理)! 我和朋友在屋子食影傾咁坐左2小時，好舒服！！如想搵地方 hea 又要有少少郊遊感覺，可去試下！