Ufufu Cafe (Closed)

之前去過依間餐廳食午餐，記得琳琅滿目嘅甜品餐牌，因為當時食唔落冇試，今次就專程去食甜品⋯唔記得影個menu，但好肯定淨係芭菲嘅種類超過100種，選擇困難症嘅我，真係好難先揀到～～～最後我地一行三人揀嘅主題：芝士蛋糕，焦糖蛋糕，黑加侖子我覺得主菜同甜品真係要分開兩次嚟食，因為份量真係好足料，一人一杯已經飽到不得了，喜歡芭菲嘅，呢度絕對係必要試一試朋友嘅焦糖蛋糕，佢係配軟雪糕我嘅芝士蛋糕，係配三球硬雪糕，上面係cream

尖沙咀行街約人，成日唔知食咩好，想搵cafe食飯坐下，歎埋甜品咖啡，食物多選擇又好食，其實好少選擇⋯⋯有日同朋友行街食lunch, 無意中見到呢間Cafe~ 見個餐牌超多野食，即試。（二來行到腳攰，想抖下）卡位非常闊落，我同朋友超餓，點了2個主食番茄厚切煙肉水牛芝士pasta~~ 好濃既番茄🍅醬！茄控必試！開胃酸甜，加埋芝士texture好creamy. 好食！不過朋友就覺得濃味左d~吉列黑豚肉咖哩蛋包飯見到menu 成頁都係蛋包飯～一定要試試啦好大碟～ 而且黑豚好厚身，但又整得好鬆軟多汁，有驚喜呀！我地最想飲杯熱野，所以散叫左latte 我叫左無咖啡因既抹茶latte 朋友叫左caramel latte 好飲，加左creamy好滑～抹茶唔苦唔鞋口～我地見主食同飲品都唔錯，當然要試埋甜品啦！ 本身想食雪糕芭菲～ 不過我地都想試佢個french toast~~ Menu 張相好吸引！ 黎到又係大大件～ 蛋味好香，配埋甜甜香蕉，好快就俾我地KO晒。下次去尖咀，一定上黎encore!

一提起 ufufu cafe, 大概就會諗到一份有好多好多芭菲的 menu, 印象就係甜品。今日發現原來佢都有好多種類既咸食~ 仲有好多好多種類, 有 pizza, 意粉, 炸雞, 剧扒, 飯 .....發現新大陸既我樣樣都想試下~ 不過朋友仔唔肚餓同埋有 d 熱氣 .. 所以只能叫 d 簡單食物。首先係一個鮮蝦雜菌忌廉汁意粉意粉既口感比較硬身，係我鍾意戈類形!! 但相比起外面 d 西餐，呢個日式意粉又多左一種煙韌^^忌廉汁亦都好濃好 creamy ~ 而蝦就係好爽脆不過冇咩味果種。整體上都 ok係 menu 小食果 part 見到 "UFUFU 秘製烤牛肉", 望落去好似好特別好獨家咁 ... 就心郁郁好想試一下 竟－然－是－冷－盤 ! 冇見慣世面既我有 d 意外 ~~ 不過牛肉都燒得幾香口，醬汁入面有 d 炸蒜粒，都不錯牛味其實唔夠但就好在醬油救番。牛肉下面係一個半圓形的炸米網紙//雀巢之類既脆脆，而中間就蓋住一個沙律。其實整體可以當係一個唔錯既牛肉沙律，不過價錢就相對貴左d。最後就當然有叫甜品啦 !! XDD 咁 arm 有前排興既法式西多士，又唔洗排隊~冇奶油唔試 !!!好好味

今日6:30pm 一早去到尖咀，想搵間唔太迫傾到計既餐廳同朋友食生日飯， 朋友介紹第一次上左尼度， 格局餐牌好似日本西餐廳。星期四晚由我入場都走唔算多人，不過留意一入座限時1.5hr 還枱。睇menu尼度應該主打甜品， 不過我Fd唔食甜，好啦....今餐食咸野！2個主菜一個小食加兩個套餐小食，$341兩個人食到抱住個肚，尼個地區黎講性加比幾高

塔塔子好少食飯食到咁谷氣難得同一班姊妹聚一聚，比呢間餐廳破壞心情。我地訂左檯，有朋友遲黎，本來想入去坐住等因爲朋友當中有孕婦，reception就冷冷一句：入去就計入坐時間90分鐘。於是就等埋先入去啦入到去好多空檯，唔明點解咁緊張即刻計時，而家食buffet定放題？食物非常一般，咁鐘意相機先食嘅塔塔子完全冇興趣影，淨係覺得同menu相片差好遠。味道拍得住一般茶餐廳，very boring而又貴，唔值！90分鐘內冇侍應執檯及添水！但90分鐘後侍應急不及待清理檯面，不停提住夠鐘，如果餐廳好旺場我地當然會走，但跟本大把空檯兼冇人等位，點解要咁趕客？ 其中一名肥肥地戴眼鏡嘅中年女人仲話因爲要清潔，原來呢間餐廳喺opening hours內清客清潔？態度惡劣比錢買難受！

前排好興soufflé pancake 呢間都幾出名 咁我就慕名而來啦😙😙😙黎到見到餐廳佢都有好幾款味道揀💁抹茶啦 焦糖香蕉啦strawberry啦 chocolate and banana 芒果菠蘿咁啦😛我地就食左焦糖香蕉🙉又一次中伏🤦‍♀️🤦‍♀️🤦‍♀️ soufflé pancake重點在於個soufflé 既空氣質感架嘛。。。佢呢個直程係蛋糕黎架wo🤷‍♀️🤷‍♀️實到咁就唔好叫soufflé pancake la🤦‍♀️pancake都鬆軟過你🤦‍♀️好失望😭😭😭個主食 吉列黑豚咖啡蛋包飯就做得唔錯既 蛋煮得唔會過熟 好滑身！至於黑豚就幾厚 不過$148就貴左d囉 收得呢個價出面大擺options 日式咖啡飯既專門店都食到啦😛所以唔算好推介呢間餐廳🤷‍♀️

呢個PIZZA好好食, 個批底脆脆地, 而且個面有好多芝士, 好正1呢個係朋友叫的, 我唔知係乜, 不過佢話一般, 唔會太差呢個甜品好食, 士多啤梨好甜, 加上有好多野配搭, 感覺食左好多野, GOOD!!!!

初開唧時候例牌係多人到唔book位唔比食，日子耐左，香港人果然好快忘記了一啲人事物....慢慢冇咁多人嘅時候呢度成為左我飯堂，人唔多，又坐得舒服，好鐘意呢種環境.仲有好多女性好喜愛嘅杯杯甜品....看似好多款，但實際上又唔知揀咩好..因為疑似差唔多.. 可能少左條百力支就係第二款杯杯，望住張menu..好似玩找不同咁..😂.每款杯杯都有多種材料建築而成，又岩晒咩都想試下嘅人，由奇是女性...🤣多種唔同嘅口感..一次滿足你幾個願望😌.Ps: 一人一個正餐，再一人一個甜品杯，幾飽下😂細食嘅人唔好做傻事😋

日式既西式cafe, 正正常常的一餐, 一切冇乜驚喜，但都okay。我地三個share main course, 份量都夠食，甜品有D賣哂，就叫了一份share 食。與朋友傾計食飯冇問題，但有限時還枱。

Ufufu午市套餐，吉列豬扒蛋包飯($88) 有埋餐湯或者沙律，加一杯飲品或者加錢轉甜品，有超級多抹茶甜品同芭菲，可惜食完個午餐已經太飽了鐘意食蛋既人，對佢地黎講，蛋就係主角🤩 蛋味好重，好滑，又唔乾，送飯食就最正豬扒都炸得唔錯，雖然炸粉比較厚，但仍然食到鬆軟既豬扒。但唯一麻麻就係個咖哩汁甜咗啲同埋個炒飯酸咗啲Ufufu熟成牛腹扒120g ($98) 啲牛扒好食過pepper lunch超冧超入味，仲有一小舊蒜蓉牛油，令到牛扒更香又唔會乾仲有一碟白飯，食落都好飽

之前未聽過呢間野，但係朋友話想試所以就嚟咗食，一上去到去幾乎滿座要等位！！所以佢限時90分鐘~~我哋叫咗個咖喱芝士牛肉飯同一個焦糖香蕉法式西多士😋咖喱芝士牛肉飯好多芝士，咖喱汁都夠多撈飯～因為佢係日式餐廳，用嘅係甜咖喱一啲都唔辣！牛肉都十分軟稔啲飯係用珍珠米，所以都幾有誠意幾好味！🤤🤤叫嘢食嗰陣佢都好貼心問我地洗唔洗甜品同正餐分開上～焦糖香蕉法式西多士等得比較耐但係值得！佢係用法棍麵包黎整，唔似得其他地方就梗係普通多士，所以佢個外皮整得特別脆，但係入邊就保留應有嘅口感！推薦！

一直有留意ufufu這所日式餐廳，知道連葵芳，沙田都開了分店，但還未到過位於尖沙咀，芭菲選擇最多的店店內熟食種類很多，意粉，飯，薄餅應有盡有，我們先點了一客酥皮粟米湯($30)然後點了蜂蜜芝士薄餅($58)有點後悔要了甜鹹的選擇，未至於難吃但總是怪怪的，勝在熱辣辣和脆身，下次應該要點蕃茄芝士味咖哩豬扒蛋包飯($148)大大碟的飯足夠2人分享，蛋夠嫩滑，可惜豬扒略嫌嚡身終於到重頭戲芭菲環節有三大頁餐牌，最後選了tiramisu朱古力士多啤梨芭菲($78)賣相果然不錯，配上朱古力和士多啤梨雪糕，中間有層脆脆米，好吃好吃店內甜點比熟食出色很多，價錢亦很相宜，絕對適合打卡

琴晚同朋友四個人一齊去食嘢，其中三個人返到屋企都肚屙。朋友平時都唔喺D腸胃差既類型。唔使等位即刻有得入，但食物質素十分普通。卡邦尼太creamy但冇乜芝士味，其他意粉感覺同saizeriya差唔多（我寧願食saizeriya），漢堡扒都好難食。唯一可取喺坐得還算舒服，服務態度也不錯。

悉聞Ufufu cafe在沙田開分店，便喚起了我之前bookmark好要去試的這家尖沙咀本店，皆因其非常多款式的芭菲選擇，吸引了我這甜魔。 除了甜品外，鹹食也有不少，以日式西餐為主，價錢也合理，於是便定址這裡與一班女生聚會。這是招牌的沙律，聽下去滑蛋跟沙律菜感覺很不搭，吃下去味道也沒有成功為這奇怪的組合挽回一點分數。滑蛋新鮮炒起微熱，加了牛油和牛奶炒所以很嫩滑，帶少許蛋汁，但這明顯不是用來伴沙律菜的。反而煙肉粒跟沙律菜比較配合，這裡的煙肉切成丁，不是脆口的那種，但也有另一番風味。沙律菜尚算新鮮，配柚子醋也不錯的吃。但整體將三樣東西合起來真的很怪異，好像將港式常餐的厚多士硬轉成沙律一樣，即使滑蛋再好吃也補救不了。Pesto醬來說這裡的比較淡味易入口，忌廉比例較重，加入車厘茄中和了奶膩感。雞胸肉很多，肉質柔軟不算嚡口。意粉也煮得剛剛好，不會糊口。日式西餐來說是合格的，不過份量較少。這裡的蛋包飯其實是飯上放了重量滑蛋，而不是用薄蛋皮包裹著米飯。滑蛋像是上面的沙律般一貫高質，滑溜而富蛋香，卻沒有一絲過生的蛋漿，非常不錯。日式甜咖哩汁足夠，香而不辣，濃稠適中。吉列豬扒即使稍被咖哩汁淋到仍沒有糊掉

兩年前，日本九州既芭菲專門店ufufu正式登錄香港，兩年後既今日，雖然餐廳已經易左手，水準亦稍有不同，但佢仍然係香港最多款式選擇既芭菲店，所以不時都仲會光顧下！環境：星期五既夜晚大約7點鐘黎到，等左15分鐘左右入得，座位寬敞而且間牆夠高，岩晒三五知己開懷傾計。服務：值得一提，呢度用餐時間限時90分鐘架！同埋最低消費一人一款食物，芭菲都計！衛生：地方同枱凳係乾淨既，餐具同紙巾放係枱旁既籃仔入面，但冇蓋，怕污糟既要抹左先好用。餐廳入面有洗手間，都幾衛生乾淨，係個水龍頭壞左開唔到，去完廁所冇得洗手⋯⋯味道：先講洋意麵，好足料，有日本既味道！而個滑蛋煙肉沙律，份量超大，d蛋好滑好好味！到主角芭菲，有成百款選擇，真係要揀半日先落到單。芭菲都幾大杯，味道就ok啦，始終冇日本既甜品咁精緻。抵食：係香港6-70蚊一杯芭菲其實已經係公價，加上呢度都算坐得舒服，得閒都會再上黎！