梅丘壽司の美登利総本店 (青衣城1) (Closed)

最近青衣城一期開了不少新餐廳,收工後想出街食多了不少選擇，其中美登利和天丼是當中比較矚目，相比起美登利，價格比較親民的天丼明顯比較受歡迎，每次想試都被長長的人龍嚇怕😅😅😅說回美登利，光顧當日為星期六午飯時間，唔使等位就入得到，由於唔想諗嘅關係揀咗個特選手握盛合-$275，整體比想像中好， 松葉蟹腳好鮮甜，海膽冇腥味，拖羅色水都好靚😋😋又未到傳聞中咁差喎，當然性價比一定不及日本美登利，香港有一半都係食鋪租。

網上評價麻麻，去開青衣城見到冇人排隊，即本入去試一試。叫了極上吞拿魚丼，盛惠$198加一。價錢中等，包茶碗蒸及面豉湯。魚生份量令人滿意，質量除了赤身外，其他的都很肥美，吞拿魚蓉拌入葱及wasabi 後更是美味。食到最後真是飽到不行，差點晚飯都不用吃！

原本以為東京必食既美登利，黎到香港，都可以一試。誰知係伏中之伏。貴都不特止，又難食到不行，所有魚都係無味既，很失望。很少會係呢度寫衰店鋪，但真係忍不住。兩人食左7款壽司，當中有人款係卷物，再加一個茶碗蒸要$580。

壽司 - 食材好一般，飯又無咩味，本來諗住點都好過其他迴轉壽司店，點知好失望…貴得嚟又唔值招呼 - 好麻麻，生薑無晒，茶要叫兩次先有， wasabi 又無放出嚟，豉油都好似好 "矜貴" 咁，可能係新店，又可能大部份侍應係新手啩總結 - 試過就算

想去拜訪這間日本人氣壽司店好耐，但每次都就唔到行程，亦怕要排隊等得太耐，故一直只係得個諗字，終於有幸喺香港可一嘗佢嘅滋味，十分期待叫咗份極上吞拿魚盛盒，特選手握壽司盛盒，海老三貫及蟹肉蟹膏卷。可能期望太大，當真正用膳時感覺好失落……吞拿魚竟然有筋，鮮味度不足，無咩魚香味，壽司飯無飯香，亦無壽司醋味；吞拿魚手卷嘅紫菜一上枱時已見冧咗；穴子壽司無魚味及無醬油味；蟹肉蟹膏卷似蝦醬飯；好彩海老夠鮮味，海膽尚可。舖面環境光猛，感覺清潔衞生，可惜坐位比較擠迫，而且無乜服務可言，總括嚟講性價比不高，可能龍游過江少一半功力

炸蝦卷一食就知炸完放左好耐，唔脆身隻蝦仲凍過啲飯😑😑😑壽司上嘅醬汁令成件事好唔夾😑灸燒壽司盛三文魚同吞拿魚都燒到熟哂，好難食🤢啲飯一夾就散！呢幾件已經算係正常🤷🏻‍♀️但啲壽司飯可以再握好少少，真係一夾就散帶子感覺不太新鮮🙊又係比傳媒風大了🤦🏻‍♀️🤦🏻‍♀️🤦🏻‍♀️原本係好肚餓的，但質素太差了，所以埋單轉場！呢個質素 呢個價錢我寧願食返X氣 都冇咁激氣！真係只此一次！！！

夜晚係青衣城行左一陣開始搵野食 經過居然見到之前係東京既壽司名店！！！仲以為香港得旺角開左 原來青衣都有 完全係驚喜 加上完全吾係排隊既關係(之前旺角嗰間排左3個鐘) 所以就即刻同男朋友衝左入去回憶下東京既滋味~叫左下面2個set黎食 味道真心吾錯 上面嗰set真係keep到應有既水準！ 食到少少日本既味道 但係個人認真的確係同東京間總台冇的比 而且旺角既水準好似會再高番少少 但係青衣依間就好在吾駛等位同吾駛等位同真係吾駛等位 可惜同價位既我下次可能就會試其他 未必會再黎嚕

食物非常唔新鮮、壽司飯又乾又🙄👎🏼點了兒童餐、貝類壽司、吞拿魚類壽司蒸蛋、燒油甘魚鮫、鮟康魚肝,貝類食到幾乎想嘔完全係乾嘅、吞拿魚無味、蒸蛋幾乎係凍嘅、油金魚鮫燒到乾晒唔知想點。大人及小朋友都食得非常唔開心各位街坊小心

這間餐廳在日本名氣很響，就算你要排兩小時你都會覺得值得，因食物及服務水準一流，所以知道青衣城開了，便急不及待去試，誰知，食物跟日本差很遠，手卷的紫菜竟然「淋」的，完全唔脆，蝦卷又唔新鮮，好像放了很久，但二人消費是$550，反而元X 壽司水準仲高過佢，不會有下次

青衣城開咗間日本過江龍美登利，特登過來試下個水準❤︎menu除了散叫，仲有幾個set可以選，但 Lunch 來說價錢都算偏高。擺盤好靚，十分精緻<3 每件壽司都好長好大份，上菜見到有嘩一聲，特別是左下角條鰻魚，幾乎同手掌一樣長最喜歡三文魚，無筋又新鮮，入口即溶。生蝦壽司，平時都好麻麻蝦壽司，但呢到原隻蝦上、肥大肉厚，仲十分之彈牙爽口！食完之後對生蝦壽司完全改觀個Set仲包咗一個茶碗蒸同味噌汁；味噌汁普普通通，但茶碗蒸幾好，味道不會太濃太淡，又夠滑

真係普普通通，好失望午市套餐價錢偏高，呢款壽司盛要HKD248，以價錢同壽司種類嚟講有啲唔值，啲魚生好凍，魚嘅鮮甜味其實都無乜，肉質ok嘅，但係真係好普通，蝦同帶子都食到海鮮甜味，其他好唔突出，仲有啲壽司飯，都係好凍，少少淡淡嘅醋味都無🤦🏻‍♀️用咁樣嘅價錢換嚟唔正宗咁普通嘅壽司，好失望

同朋友收工來青衣食晚飯好耐無食壽司🍣叫左好多：- 海膽壽司 - 好新鮮牛油果🥑壽司 - 朋友說牛油果點日本鼓油會變左三文油的味道，但係我就無試到😂火炙三文魚 - 好肥美，啖啖肉，但略微有點overcook火炙魚鰭肉 - 超級好味，入口即溶，好Juicy，之後太好味嘅關係再叫多着一個。三文魚- 不過不失極上大吞拿魚腩 - 好厚的吞拿魚腩，好肥美，不過對魚鰭肉情有獨鍾。特級玉子壽司- 上的時候有點驚訝，成張百達通咁大，好滿足，但有少少過甜。蝶魚裙邊 - 口感不錯夠肥美

食過日本既美登利一次，每舊壽司都入口即溶，非常新鮮，所以都好期待佢黎香港開分店。岩岩開張頭一個月都好多人等位，攞飛要等起碼50張枱，根本無可能等倒，但尋日晚上八點倒竟然唔使等位，兩個人仲可以坐四人枱，懷住興奮心情衝入鋪頭。d set其實唔係好抵，計落條數同散嗌差唔遠，但又好肚餓，基於佢無乜熟食，所以我地散嗌左十款壽司。用料好足，魚生很新鮮，個人覺得比千兩好一點，但個飯真係好唔掂、好散，直頭好似大排檔嗌碗飯咁，扣曬分。除了三文魚 (HKD18)、玉子 (HKD10)、吞拿魚腩軍艦 (HKD15)同大赤海老壽司 (HKD25)既CP值較正常，其它都唔值呢個價錢。我會寧願食青衣城樓上既漁釧..佢個吞拿魚set性價比高得多..比得呢個價錢，最嬲唔係舊飯，係服務！已經唔係坐滿人，個堆侍應背對住九成客人，躲一角傾計，嗌加茶嗌左三四次，唔大叫既話淨係舉手係無侍應會理你，離曬大譜。比壽司又唔跟wasabi，問侍應攞佢問翻第二個人wasabi擺係邊。成班侍應發曬夢，好激氣！唔使排隊可值一試，但之後我會食翻漁釧或平平地元氣。

早前旋風式襲港，日日大排長龍！人人大讚日本梅丘壽司幾咁出色，大家幾咁期待去試！今晚八點左右，唔係洗排隊兼仲有大把吉枱大概熱潮已過，咁就去試下啦！個人覺得檔次同味道跟千両差不多，但卻比千両貴，這性價比相對低！最深刻的是蝦壽司，蝦頭有蝦膏而唔惺，係香甜的，所以好新鮮平成卷 - 海膽有海膽味但紫菜好香，如果點海膽軍艦叫價$88一件，真係有點兒那過紫菜湯 - 算比較足料，味道一般雙球雪糕 - 綠茶味道OK，但雪得太硬，提議放一陣先食，唔係牙都軟埋

食晚飯時間, 見新開又唔使等位就一於試下, 點知中晒伏! 三文魚壽司腥嘅, 件件壽司都好唔新鮮! 好難食... 個湯得個咸字, 飲幾啖都冇左, 燒三文魚腩燒到啲皮好"un"! 唔會再食!