海街丼 (E-Max) (Closed)

咁岩lunch時間係九展，發現到哩間係地牢嘅丼飯專門店，search過平時應該好多人，但今次1230竟然唔駛排隊，即刻試下！ 【是日廚師精選-赤身，中拖羅，日本海膽丼】HKD170 成個set有味噌湯，前菜日式凍辣蕃茄，丼飯同埋一碟仔啫喱咁嘅物體，再加埋杯凍綠茶。 味噌湯正常好味。 日式凍辣蕃茄好有驚喜。我本身唔食生蕃茄，但朋友食完話好好食，搞到我好好奇試一試，點知真係好食！完全冇我接受唔到嘅生蕃茄草青味，少少酸酸辣辣，係似地獄拉麵果種辣味。仲有蕃茄嘅爽口，好開胃。 丼飯嘅魚生好新鮮。赤身實淨魚味濃，中拖羅有油香，海膽鮮甜，完全冇苦味。仲有玉子同三文魚籽。撈埋生磨嘅山葵，正。個飯份量幾大，但本身係熱飯，一開始食落冇壽司醋嘅味，我仲諗點解咁奇怪。再試一試果碟啫喱仔，酸到入唔到口。睇返本menu,原來係壽司醋果凍嚟。跟返個人口味撈入個飯度食，成個觀感fit晒。 食完飲埋杯凍綠茶。舖面環境舒服，雖然燈光暗少少，但坐得都幾鬆動，仲有bar枱位，好有氣氛。有興趣黎食最好都係訂位先。

海宝丼 (特上) $210呢款有章魚、蜆肉、帶子、海膽、蟹肉、甜蝦、三文魚子每款都好足料又夠鮮甜丼飯可以撈埋壽司醋啫喱黎食食剩三分一就可以倒個魚湯落去變茶漬飯特上吞拿魚蓉丼 $210吞拿魚蓉砌到好似座山咁啱哂打卡海膽都好鮮甜同海宝丼一樣都可以撈埋壽司醋啫喱食仲有魚湯做茶漬飯兩款丼飯都好高質絕對值得encore🎊

以前係鰂魚涌返工附近就係海街丼所以經常去食，微溫既珍珠米配上多種刺身角切組合同白醋啫哩就會令成個中午好滿足。搬左office之後就無咩機會食到，難得一日黎到九龍灣就決定要試返呢個經典組合。撞正出糧日所以叫左廚師推介同麻醬吞拿魚碎。刺身新鮮而且色澤亮麗，食完仲有唔少飯剩低可以配上麻醬吞拿魚同最後配上熱湯當茶漬飯咁食。因為餐廳係emax所以客人唔多好岩三五知己悠閒地傾下計，當晚帶左蛋糕去唔洗被切餅費，下次同人慶祝生日都會考慮呢到。

極上海寶丼係食之前，店員遮遮向我地介紹點食法，因為正常食丼飯都只有wasabi 同豉油去配搭，海街丼呢set丼飯有趣既地方係佢將柚子醋整成啫喱，俾你wasabi以外既選擇去送飯，啫喱醋感覺相當開胃，比起wasabi 我更愛呢款醋。極上海寶丼既魚生好足料，有紅肉、白肉、章魚、穴子、蛤蜊、真雪蟹、海膽、甜蝦同埋三文魚子，仲相當新鮮，呢個價錢嚟講真係好抵！平日你食丼飯食曬啲魚生，最後通常都係鼓油wasabi 味，會愈食愈乏味。呢間丼飯我欣賞既地方係佢仲有魚湯俾你變成湯飯，貼心既地方係個魚湯全程用保溫樽裝住。當我食咗8成飯開既時候仲係出煙架！即刻覺得好似又變多一味餸咁，而食完凍野都俾你暖返個胃，即刻感覺滋陰咗同埋件事好完滿。

父親節想開心食飯，叫了三個set。 三個set 來了兩個，父親等了半個多小時，他的餐還未來，我們禮貌追單，待應叫我等一陣。 之後，我們俩也吃完。父親的餐還未來。我再追多次，問他們確定落了三個set？ 他們答…係…但等了又等還是未有。 我們⋯只好不等... 叫埋單。父親沒有任何野落肚.... 服務衰過茶記

來開這頭，見到這間店裝修像不錯，便進內一試。因午餐，有不少丼餐選擇，我挑了個特上丼，因只有佢有海膽。環境寬敝舒服，服務人員也多。食物很快送到，賣相不錯。食物方面，食材份量及新鮮度也不錯，尤其欣賞其醋味果凍，撈入飯內食，酸酸甜甜凍凍，大大提升食物的味道，很正😄食到連我呢d 怕肥的港女，平時少食澱粉質的米飯面，今次不是日本米卻連最後一粒飯也要食埋！勁！魚生方面，大部份都好新鮮、分量也好夠，尤其蟹子都大大粒好新鮮，海膽就一般。

🍚醬汁吞拿魚牛油果丼 $190🍚 （需收加一服務費）👍🏻獨有嘅壽司醋果涷真心超特別！～酸酸地超級開胃，就咁果涷配上飯已經好好味～中意！🥳👍🏻連白芝麻都不馬虎～炒過的香味超明顯！😋👌🏻牛油果軟熟，吞拿魚正常味道，蛋無腥味。～😚仲配左一壺魚介湯可以加埋做湯飯！～混合了的話就是甜甜地又係另一種風味🥰🥰試了朋友的海宝丼［特上］，材料都很豐富～海膽都幾鮮甜！不錯不錯😉📝正常好食嘅井飯，壽司醋果涷幾特別值得一試～😚餐廳環境寬敞好坐舒服～適合空閒又很富裕的時候來放鬆一下🙂但寫呢篇野陣時先發現食個丼飯要$190仲要加一服務費，有啲貴🙃

星期日 lunch time, 見呢間門面幾特別，所以去試試。原先諗住試吓佢個特大刺身丼，見有好多料，但侍應推介我哋試吓廚師推介拖羅丼$190，話有海膽！ 所以我哋叫咗2個拖羅丼，點知海膽得小小，而食落所謂嘅拖羅超多根，每一件都有根，同佢哋反映，侍應就話廚師話係正常! 可能我平時去食果啲拖羅唔正常，我每次食都冇咁多筋，自助餐同放題嘅吞拿魚比佢仲好食，$190去食放題冇咁嬲。水都無幫我哋Refill, 咁嘅食物質素同服務，唔會做得長！冇下次！😡😡😡😡

海街丼 海寶丼 😋😋😋真係好特別，第一次食壽司醋果凍🤣🤔😅起初仲以為係甜品、啫喱果類好彩上菜時，侍應提我地用嚟撈落個飯度😂😂 飯並唔係珍珠米，而且仲係熱嘅，起初有少少失望，撈左壽司醋果凍，酸酸甜甜，又的確幾好味😋「並」$90 同「上」$110 嘅分別係，「上」會多咗蟹肉，蟹肉份量都幾多，其餘魚生就係碎上去睇演唱會，不妨考慮試下呢

又大一歲。眼見身邊大多數人都結婚生仔，生活幸福美滿！我呢？仍然渾渾噩噩，仲喺度玩分手💔，朋友唔算多嘅我仍然慶幸有人同我慶祝食生日飯🥰你話係咪好值得感恩先朋友推介呢間日本野，唯一唔好就係佢會趕人走。初初我都擔心又係嗰啲影相出嚟好大碗既丼，飯好多魚生就好少，不過最終非常滿意。店員推介廚師精選：今日限定海膽吞拿魚壽司丼。我哋四個四個都叫呢款😅睇到隔離枱已經好肯定自己冇揀錯😍吞拿魚色澤均勻，好新鮮，另外朋友亦急不及待試左海膽：鮮甜美味！😋再加上三文魚子，成碗飯都食得晒。最特別係除左提供wasabi 之外，重有一款酸酸帶小小wasabi 既啫喱狀物體，，朋友話係可以取代wasabi 點魚生食。試左係幾特別既，不過我個人覺得唔需要點任何野已經好好味，食番魚生原有味道😋😋😋另外配有一杯綠茶、麵豉湯同一片🍆！食物真係唔錯，環境亦都似日本居酒屋，係唯一一樣缺點亦都正如朋友所講，用餐時間前後大概得45分鐘（已經計埋等食物上菜）一般大部份餐廳都最少比90分鐘啦，依家唔係食快餐喎

去九展星影匯睇戲，見離睇戲仲有好多時間，於是就喺九展游黎游去搵食。黎咗咁多次都唔知原來九展有呢間日本餐廳，見佢個menu都幾靚仔同個裝修都唔錯，就入咗去食。叫咗：🍱海寶丼$150 - 呢個丼嘅細心之處係，佢會俾一小瓶湯你，等食到七七八八嘅時候，就可以加埋個湯做茶漬飯。通常食丼飯嘅兩難位都係食晒面頭啲刺身，剩返啲飯就變成雞肋，而呢間餐廳就提供咗呢個湯，解決咗呢個兩難位食過咁多間餐廳嘅日式丼飯，第一間有呢個食法，覺得真心正🌟🐟醬汁吞拿魚生配蛋$58 🧀炸芝士魚餅$36 - 一個唔錯嘅小食，要趁熱食！🌊丼飯追加刺身$50 - 共有四塊，但其實唔係特別想食嘅話，我覺得可以唔加🍆木魚茄子$35 🐥炸雞件$45🍡蕨餅$22 - 蕨餅煙煙韌韌，加埋黑糖，正👍🏻🍊柚子雪葩$25 - 都唔錯👍🏻🍶獺祭45 (300ml) $160

見咁多食評所以過去試下。喺-1層，裝修好靚，好有日本氣氛，舖頭細細，好似居酒屋侍應講左今日廚師推介係海膽吞拿魚，$170, 唔算貴，所以試下。其他丼都唔貴，生同熟都係大約100-150，見到廚房新鮮熱辣筆啲飯，都好似几好，坐喺吧台，都好舒服。但係啲海膽深啡色，吞拿魚爭S貨色，發生咩事？ 我好驚食完第日腸胃炎。海膽冇腥臭，但係同網上啲相實在爭太遠。雖然成個商場得一間日本嘢，但係都唔洗咁下話？食完仲要見到好多人排隊

九龍灣食lunch, 就算好食難食平貴，都係迫爆，今次就試試係Emax E 間，同事們話次次經過都大排長龍，又冇得訂位，人齊先比入，於是我地12：20出發，點知去到都係要等。一入到去好日式feel, 無得去旅行唯有感受一下。我地三個人就豪一豪佢，叫最貴嘅刺身飯。海寶丼（特上）同海寶丼。生蝦海膽好新鮮，蟹肉又多，最特別係個果醋jelly 加入d飯到食，超級好味，酸酸甜甜好開胃，加飯（大盛）唔收錢。服務態度就真係一般，可能係店內設計問題，店員好難睇到客人，我地落單埋單都要出去揾人嚟。而且店員好似嬲左成村人咁樣，黑口黑面。

這一個套餐是二人份量，有大量前菜，而且都超級好吃!!包括了柚子蘿蔔、日式凍辣蕃茄、沙律、麻醬吞拿魚、刺身、炸雞、清酒煮蜆。前菜真的超級豐富，而且味道一點也不馬虎😋每款都很好吃，我特別喜歡凍辣蕃茄🍅🍅酸酸甜甜而且帶一點辣味，很開胃。而且刺身也超級新鮮🐟🦐.不過我的主要目標仍然是海膽蓋飯🤨🤨🍚店員在我們剛坐下不久，已經開始在鍋內煮飯。差不多吃完前菜後，他便在鍋中加入蛋黃和海膽。我詢問了店員，原來是用了加拿大海膽。他們用的海膽太過將貨就價，不太新鮮，基本上沒有什麼鮮甜的味道，還有一點藥水味🥲像平價壽司店的海膽質素一樣，這個很可惜🥲🥲海膽是主打食物，所以真的有點失望🥲🥲.隨餐還附送兩杯酒精飲品，這個真的十分慷慨。

📍海街丼 // Hong Kong🍚 海寶丼(上) Set - HK$115⭐️ 7/10.因為想吃不同的刺身，所以叫了招牌的海寶丼(上)set, 套餐附有麵豉湯，茶和小食凍蕃茄。整體來說不錯，刺身足料和新鮮！如果食量大的朋友，飯可以叫大盛(加飯的意思)。我叫了大盛飯，刺身都夠配食，可見刺身份量都算多同足料架！.🤩中間那小碟很特別好像啫喱，其實是壽司醋，大家可以根據自己口味加進去配飯吃！.