海街丼 (海光街) (Moved) New Location

小時候是名符其實的「飯桶」，可以吃上好幾碗不生厭；人大了卻因太多澱粉吃不到太多米飯，不過芸芸之中說最愛吃日本米飯，愛其米味濃郁！最近發現本月正舉辦一個名為「日本米饗宴」活動中，推出各種用日本米製作的優質菜肴或限定菜式～ 趁著活動正進行得如火如荼之際，就揀選其中一家合作餐廳來好好享受以日本米飯製作的美味料理海寶丼（特上） $220海寶丼（上） $160店家主打吃丼飯，有刺身類跟熟食類，但數到最signature的一定是海寶丼了！跟閨密一人一款海寶丼，兩款因為選用食材不同而價錢有別，前者有吞拿魚、油甘魚、章魚、穴子、蜆、小扇貝、真雪蟹、鮭魚子、甜蝦、海膽跟青瓜，後者就少了甜蝦跟海膽而且，單看刺身的種類已經夠多元化，最重要的是份量絕不吝嗇，每吃一口也會吃到不同款式的刺身，味道多元又鮮甜味十足，不像外邊吃到的只有肉眼所見的份量！配上口感軟糯的日本產米，粒粒飽滿晶瑩富光澤感，再配上店家特製的醋啫喱，拌勻後吃會即時感受到豐富的口感跟味道，鮮味又清爽，不用加配豉油已夠好吃～ 店員還會指示客人在差不多吃到尾段或吃完時倒入放在保溫瓶內的魚湯來喝，湯頭滿滿的魚鮮但不會腥，加入紫菜芝麻等配料令香氣加強湯頭也

同事前排食過海街丼嘅滑蛋豬扒飯，今日就帶左我地去試。疫情期間到而家，外賣自取會照原價減20蚊，但就唔跟餐飲，係鰂魚涌用65蚊就食到個日式豬扒飯做lunch都算ok。味道就中規中矩，我個人覺得偏咸，但同事就話用黎餸飯岩岩好，CP值高。😉

而家人人都話去日本，仲未抽到時間飛唯有係香港食下日本嘢止渴😬而極少踏入鰂魚涌嘅我，因探朋友而發現到呢一間餐廳！星期六中午時段過去都要排隊，等左一張枱就入座。餐廳裝修好日本風，非常有居酒屋feel ! 而且周圍都有海布同日式小攞設，係有放心機嘅😎😎😎而呢間餐廳比我覺得最吸引嘅一定係價錢啦！CP值高，我點左特上呑拿魚蓉丼，唔好理佢係用加拿大定口本海膽先，成碗都好豐盛收費都係百幾蚊😍比大家睇睇實物，三文魚子雖然冇相咁多，但啲吞拿魚蓉真係堆到山咁高！😝😝😝味道ok嘅！成件事感覺到有心有誠意👍🏻朋友唔食生嘢就叫左滑蛋吉列豬扒丼。評分✴️(五分滿分）環境:✴️✴️✴️食物:✴️✴️✴️性價比:✴️✴️✴️✴️回頭率:✴️✴️✴️✴️

📍鰂魚涌, 海街丼今日就等我繼續為鰂魚涌嘅打工仔謀福利啦 🤗話説最近喉嚨太廢唔食得辣，於是就開始鑽研office附近日式餐廳 😌有個同事又咁啱興起話想食滑蛋豬排飯 (我最近係咪同豬排有仇)😅所以就去海街丼午餐喇！其實我之前已經經過過呢個門口無數次但都N過門口而不入，因爲餐廳門口基本上封閉，睇唔到入面 (然後潛意識就會bypass，大家又會唔會咁㗎呢？) 😚要打破習慣，最後都係靠同事帶我入去......如圖所見，餐廳位唔算多，但係都幾「骨子」🧐我亦順理成章叫咗滑蛋豬排飯(根據餐廳名其實叫丼比較合理，但真係太凍了......)成見事係符合商品説明條例嘅 - 滑蛋仲冒緊煙，而且真係好滑嘅，蛋漿顔色呈金黃😍豬排炸得算唔錯，成個set連麵豉湯加前菜85+1感到decent🤓12點半左右到都無等位，可以一試 #鰂魚涌海光街日式午餐之選 #滑蛋豬排飯#海街丼 #鰂魚涌 #quarrybay #øhhejfoodie

同老公行完山就附近食晚飯來到呢間充滿日本🇯🇵裝修既丼飯18:00 等開門即試推介海寶丼(上）雪蟹肉好足料成碗都係配蟹子粒加上吞拿魚生粒先以壽司醋果凍撈飯 少許咸味 好開胃已可代替醬油配菜是茄子🍆小鉢 好爽口 左上小壺是漁湯 可作最後泡飯食🫶🫶 大推介 會再來食🫶🫶🫶🫶

放lunch成日都見勁多人食 諗住搵日試吓 原來13:00之後就唔洗排隊㗎啦～今次叫左最basic海寶丼＄90 仲會陪上小食同好酸嘅蒟蒻撈落去碗飯度食～因為本身啲飯冇落醋㗎賣相吸引，食落都幾好食～性價比都可以@umimachidon.hk #日本餐廳 #壽司魚生新鮮好食！！員工好有禮貌落雨都幫我哋放雨傘價錢合理會再幫襯🥳____________________IG @hk.luv.sharing

今日LUNCH去左鰂魚涌，聽過好多人讚性價比OK，所以就試下呢間海街丼先，唔洗排隊好快就食得。------------------------------叫左鹿兒島A4黑毛和牛丼🐮🐮🐮🐮和牛非常鮮味，油脂唔係好多，整體感覺略嫌比較單調，而且冇乜配菜。牛既份量算適中，比較薄切，唔太食唔到牛味。反而個汁算調得唔錯，幾夾。聽聞佢地既魚生飯都唔錯，下次有機會既話黎試下先😋😋😋😋

明友想吃刺身丼，於是我們去了這間，不過lunch time限時30 mins.我們都叫了特上海寶丼 $170、有蝦，蟹子，魚子、海膽……雖然海膽好細舊，但係好新鮮、好鮮甜❤️ 還有超多蟹肉鋪滿整碗飯💕而最特別的是我最喜歡的醋jelly, 放入飯一齊撈埋，更加帶出刺身的鮮昧😊

Lunch 叫咗一個海寶丼,裏面勁豐富 有帶子,吞拿魚,鰻魚等材料,會有麵豉湯同前菜我覺得$90好抵食係附近數一數二好食嘅餐廳朋友叫嘅係滑蛋豬扒丼，佢都話豬扒有肉味，蛋又夠滑，她都說好味道。

🤍特上海寶丼 $𝟭𝟳𝟬🤍吞拿魚蓉蟹丼 $𝟭𝟱𝟬有日專登早去排海街丼 慕名而來 雖然要排一陣但果然無令我失望🥺每一樣海鮮都好新鮮🥺even海膽都係甜既新鮮既海膽 完全唔臭好creamy蟹膏都係鹹鮮鹹鮮好好食🥹重點要提跟set會比d醋既啫喱你自己調味！真係一定要加曬落去撈飯😍飯個味道再昇華左 d啫喱係有鮮味架🥺雖然我知lunch食一餐有點好奢侈但money can buy happiness架嘛🤭-佢有好多分店所以都唔算隱世但一定要去試🤭好好食-Rating: 😋: 8.5/10 人均 ~$150

價錢合理食物質數高小店來説非常不錯只是沒有訂座 每次我都會排隊的A5和牛飯超好味 魚生飯必試吓都非常之不普通每次以為吾夠食原來都飽到不得了員工服務態度很好 環境乾淨只是常要排隊但我都會排，值得的。

話說係新公司返左三個月工，突然有一日係朋友IG見到佢post左一張係Quarry Bay食飯既相，見到裡面既丼飯十分吸引，但係心念：點解我完全唔覺得公司附近有d咁色香味俱全既食物既？於是當日lunch就按照按照Google 地址前往，發覺居然係一條餐廳街既當眼位置，但係因為門面太不起眼，所以之前一直沒有留意。我叫左個極上毛蟹魚生丼飯，果然係色香味俱全，蟹肉起碼唔會有殼先，刺身起碼唔會有腥味先，送埋前菜番茄，味增湯，加一杯日本綠茶，仲可以揀凍定熱，午市套餐來講，食完真係有滿滿的幸福感

之前晏晝嚟過食魚生飯，今晚嚟試下熟食。我揀咗鹿兒島和牛丼（$180）整得幾好味，牛嘅份量都足，個汁調得唔錯。牛嘅厚度適中媽媽揀咗鰻魚丼（$160），覺得佢哋整得好似放喺日本餐廳門口嗰啲陳列品咁靚呢幅冇人嘅照片，係上次食晏嘅時候影嘅。晚上見到佢哋都有不少客人，服務都唔錯。覺得食物都係高質，都值得推介。

「北角 • 海街丼」今日中午同朋友嚟咗呢間日本餐廳食 好好彩唔洗等位但座位真係有點擠逼 同埋位置唔多 不過店舖佈置有置身於日本嘅感覺 有點像日本居酒屋 我同朋友食咗唔夠半個鐘就比個staff吹我地埋單走人 同朋友嚟傾計絕對不要選擇😫🍱海寶丼 【並】另加海膽呢到既午市選擇唔算好多 丼飯係用日本米 而呢款海寶丼有吞拿魚,三文魚籽,蜆, 蛤蜊,小扇貝 份量都多嘅 另外餐廳特別在會整一碟有醋味嘅啫喱比你加落飯到一齊食 就有點似平時食壽司咁嘅醋飯 另外可以配一杯飲品 烏龍茶或者綠茶 茶味十分香濃 另外配菜有番茄同埋麵豉湯 🍚鰻魚飯而我之前都係選擇鰻魚飯 鰻魚一直係我最愛 鰻魚好大條肥美又嫩同整得好香口 而且唔多骨 半咸半甜嘅醬汁亦好夠用嚟配飯一齊食

難得去鰂魚涌，即刻book位試試呢間bookmarked 咗好耐嘅魚生丼。雖然係星期六晚但只有幾枱客，所以整體環境氣氛都唔錯，靜靜地。加上坐卡位比較有私隱度偏沖繩風嘅日式裝修都可以呃下自己當去咗旅行。分別叫咗佢嘅招牌：2款丼飯都好足料，飯量足夠，打卡影出嚟都好豐富，啲蟹肉多到滿瀉咁滯🤣特上嘅海膽鮮甜無咩腥味，整體魚生配合都好好，有唔同口感（無其他食評所講嘅腥味🧐丼飯配嘅小菜係茄子，簡簡單單幾好味。醋啫喱都幾得意，醋味幾香，但要小心唔好夾太大粒配飯，唔係會好酸🤧自己本身幾鍾意食茶漬飯，所以幾欣賞食完魚生之後可以留少少飯，自己加湯同配料DIY茶漬飯（不過男朋友就話個湯較淡無咩味😂）。另外做會員即場一枱可以送一杯生啤/炸雞，咁我想叫柚子沙瓦所以就無揀生啤揀咗炸雞。炸雞雖然即炸熱辣辣，但偏重口味，不過有沙律醬中和都可接受。雞蛋裡挑骨頭就係無咩客人但我嘅鼓油無曬都一路無人過留refill / 添茶～ 不過無人打擾都舒服嘅，所以都無特別叫職員過黎