鰻一炭燒鰻魚飯

Open Now

Now Closed

🎀旺角。燒到有儂味又乾既鰻魚飯 大失所望😪🎀🪄店名* #鰻一炭燒鰻魚飯🔮地址* 旺角山東街84號地舖🔮🗾分店地區🗾 沒有分店💰價錢$342 (2人)➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖🎵餐廳環境🎵一直都無機會去日本 但突然好想食鰻魚飯 網上見到呢間評價好多都話勁好食 而且賣相睇落又吸引同埋正宗 於是今日抽時間去試試～入到去其實都幾多人爆曬場 座位與座位之間比較迫 如果拎得多嘢就淨係可以擺放喺櫈底嘅竹籃 同埋張枱會有啲細 所以食嘢方面唔算太自在😫 不過整體嘅裝修幾有氣氛🍽️食物質素🍽️呢一間鰻魚係即場用炭火燒 所以等候時間會稍長 而且佢哋嘅廚房係玻璃窗 所以可以睇到廚師喺入面燒 價錢整體嚟講都算係幾抵 不過質素方面就有待改善 另外都仲有提供唔同類型嘅串燒～👀評分💖💖🪄 招牌蒲燒鰻魚飯(大)*2 $128@1特登為咗佢嘅鰻魚飯來訪 於是叫咗兩個佢哋嘅招牌 嚟到個賣相真係幾吸引 但係一食落就知咩事 佢哋個鰻魚燒得太過火 下面底燶曬 就算撈埋醬汁同飯食都會食到一陣苦澀味 而且執咁偏硬完全唔係我想像中嗰種 又香又軟嘅鰻魚味😪😪 鰻魚皮偏韌 一咬開會皮肉分離 而且佢配埋嘅味噌湯 味道

呢間鰻魚鋪早幾年第一次食過覺得唔錯當年晚飯時段排晒人龍今次Fri收工再去只係坐左一半人唔洗排。然後我就叫左個天婦羅烏冬($88)1件鰻魚，1件秋葵，1件蓮藕，1件南瓜件鰻魚冇咩肉，好瘦同埋炸得唔夠脆，冧晒。另外小食叫雞軟骨($24)同牛舌($22)雞軟骨正正常常但牛舌味道好怪，唔識形容。鰻魚飯($118)正正常常質素保持平穩。不過天婦羅我覺得唔太好食一嚟唔夠脆口二嚟鰻魚得一件仲要勁少肉，唔抵食食到7.30pm左右先開始有少少人排隊真係不大如前啦

在門過經過數次都未有機會試，這次終於計劃好在星期五晚一試。門外有電視屏幕實時顯示著廚房內燒鰻魚的情況，等待途中還看到職員搬運串好的一串串鰻魚進去，鰻魚都是全生的，由全生燒至熟，所以等待時間較長。我們點了生啤，炸鰻魚骨，串燒，和兩客鰻魚飯(大)。兩人分量兩說有點太多，建議如果會點小食的話，鰻魚飯可以點小份的。saporro 生啤 250ml $29炸鰻魚骨 第一次吃這菜式，很脆，下酒一流。蒲燒鰻魚飯 $128醬汁調味，很好，飯很香，質地也很好。白燒鰻魚飯 $128個人較喜歡這道，烤得較乾身，調味口味較輕，配上青檸和柚子蜜的醬汁很清新。

因為要炭火慢燒饅魚，所以要預半個鐘左右先食到！所以吾趕時間先會過黎食lunch!味道上我覺得幾好食，白燒饅魚 燒到一邊好脆，配上檸檬同柚子醬，吾會乾爭爭！仲有前菜，前菜有瑤柱絲，泡菜同埋麵豉湯，麵豉湯仲有一隻蜆，又吾會太咸！所以整體都幾好！吾洗加一，埋單$92位！

炭火蒲燒鰻魚飯（大）$128店內可以見到廚師即場炭燒鰻魚，見到已經覺得好吸引。成個鰻魚丼飯上面舖滿晒鰻魚，份量好充足，雖然鰻魚唔算厚身，但撈埋鰻魚汁食已經好好味。炭火白燒鰻魚飯（大）$128一咬落去外皮好脆，有驚喜！佢本身跟左個柚子醬，但其實唔沾醬仲好味，加少少檸檬汁鰻魚味已經好出。每個飯都跟泡菜、中華沙律同麵豉湯。麵豉湯味道岩岩好，唔會太鹹，入面仲有蜆添！以呢個價錢喺旺角嚟講可以食到咁好質素嘅鰻魚飯，性價比真係好高。

真心不錯，二個人食點左一份炭火白燒鰻魚，一份招牌蒲燒鰻魚飯，（個人比較偏喜歡招牌蒲燒鰻魚，個鰻魚汁都幾好味，炭火白燒鰻魚飯燒到好脆口，咬落去都好香，鰻魚味都好重）重點無加一，值得一試，下次會再黎

約咗9:00整指甲，難得有少少時間，又睇吓旺角附近有咩餐廳可以食個快餐，天氣凍想食啲飯落肚，今次就試吓呢間鰻魚飯之前睇過其他食評，記得冷氣好似唔係好夠，好彩今日天氣凍，所以就冇太大影響。不過座位就偏窄，坐得唔算太過舒服今次想睇吓餐廳嘅鰻魚夠唔夠肥美，所以揀左炭火白燒鰻魚飯(大)，叫左少飯多汁落完單，都要等一陣，應該大約10-15分鐘左右，食物先到，如果好趕時間的話，呢間可能就未必啱食物賣相都唔錯，分量都唔小，鰻魚都幾厚身，食落都幾彈牙。落山椒粉，少少辣，都幾惹味。有檸檬，我今次就無落，不過應該都會幾夾。另外有一隻柚子醬點鰻魚，我就覺得太甜，有點濃，唔係好夾，搶左d魚味🤔白飯都幾多鰻魚汁，可能因為我叫咗多汁少飯🤣整體嚟講，都值得一試

好耐冇食過鰻魚飯，所以今次就去咗旺角一間以炭火燒鰻魚嘅餐廳——鰻一。餐廳位置方便，距離地鐵站大概5分鐘路程。但要留意餐廳係即場炭火燒鰻魚，所以點餐後可能要耐心等候炭火白燒鰻魚飯白飯係珍珠米，飯粒煙靭有口感。鰻魚經炭火燒後，外皮脆香且帶油脂，鰻魚食落味道濃厚肉質肥美，而佢嘅幼骨都咬得爛。跟餐配有一個柚子醬，鰻魚點落去帶出清新感巨峰提子乳酸梳打巨峰提子配咗梳打水後，甜度剛好，飲品中添加咗椰果，增添咗口感，值得一讚炸鰻魚球外層炸至金黃酥脆，加埋面頭嘅海苔粉，非常香口，食落有濃郁魚香，但要留意當中的細骨

🇭🇰 旺角 | 𝓞𝓷 𝓯𝓲𝓻𝓮🔥炭火燒鰻魚飯₍⑅ᐢ.ˬ.ᐢ₎♡「即場炭火燒烤，大家要耐心等候喔！」前排俾朋友捉咗過嚟食鰻魚飯，因為係即場燒烤，所以見到店家都花好多心思時間，當日都等咗30分鐘！✨🤎招牌炭火蒲燒鰻魚飯Charcoal Kabayakirice大＄128即場現烤果然炭火味香濃，鰻魚比我想像中薄身咗少少，唔算話好厚肉，但勝在燒到外皮微脆，鰻魚汁調味方面都正宗，呢個價錢算係超抵食，但由於我食過更好食嘅鰻魚飯，會有少少失望，我期望會更加厚身少少同脆口少少！｡ﾟヽ(ﾟ´Д`)ﾉﾟ｡🤎鰻魚拼牛舌芯飯Eel rice with beef tongue core$118我🩷牛舌芯大家都知道，呢度嘅牛舌心都合格，一邊食鰻魚飯，一邊食牛舌冇咁單調！🥢炸鰻魚骨 $28全晚認為最好食嘅小食⁉️炸到外皮超級香脆，入口脆卜卜，送酒同汽水都一流！其他串燒不過不失！🥤鰻魚可樂 $28真係好特別啊！但飲落就係普通可樂味，加少少鰻魚汁味，放心🩷唔會中伏，好快就飲完成支！✨位於旺角交通超方便，呢個價錢食炭燒鰻魚飯超抵食，過吓口癮都可以！

好耐之前唔知邊度見到有人推介，就Save咗。睇啲評語見到好評如潮、差評得嗰幾個，睇過都相信唔係打手，就嚟試一試。7:00pm 唔需要排隊直入，成晚都滿座，keep住有人走、有人入，不過到8點走，出邊好似未見需要排隊，可能熱潮過去了，但仲係勁高質。食完呢間之後，好食到榮登我的最愛！！！爆炸好味！！！無論係鰻魚飯、其他飯類定串燒都一樣咁好食，不過性價比嚟講，建議嗌鰻魚飯。** 要特別提一提飯會送啲炸鰻魚骨，係好食到飛天！！！完全可以單叫幾十份！// 炭火白燒鰻魚飯 (小) Fav no.1!!!就咁炭燒鰻魚，可以原汁原味食到鰻魚嘅鮮、彈牙、脆、同廚師、餐廳嘅功力！再配埋佢哋嘅伴菜、飯素，特別呢個先會有嘅柚子醬，小小嘅甜酸味，簡直係令成個飯昇華！可以配唔同伴菜，有幾種唔同食法，估唔到冇鰻魚汁都可以咁好食！！！// 招牌炭火蒲燒鰻魚飯 (大)十分抱歉，呢個第一個到，好食到相都唔記得咗影。呢個大 鰻魚份量如菜單圖一樣有兩排。因為搽滿鰻魚汁，所以相對唔會食到炭火燒出嚟會有嘅脆，但佢啲鰻魚汁鹹甜適中，完全唔係街買嗰啲味道！唔會食到好膩，鰻魚汁好送飯。// 牛仔骨拼牛舌芯飯估唔到除咗鰻魚之外，肉類都可

今日心血來潮，想同男朋友仔一齊食鰻魚飯。 原來之前open Rick 一直有收藏 e間鰻魚飯 , 但一直都未有去食。今日終於都去食啦。佢款式其實唔算好多。主打都係食燒鰻魚飯 ， 同埋串燒。今日大約6點30分左右去到。已經好多人食緊。未行到入去已經好香 。我就叫左一個炭燒鰻魚飯 而另一款鰻魚飯炒飯其實兩款都係一樣燒鰻魚，只係一個白飯底 ／炒飯底。 炒飯底 。好香 唔多油至於鰻魚燒到好金香 ，外皮仲脆卜卜 。好金香 ，又多鰻魚汁 價錢唔算貴，大飯只係$118 細飯$9x個人認為，兩款都好食。主要係佢燒得好味 又多鰻魚價錢合理 。

今日終於完成咗單大project突然間好想食日本野獎勵吓自己呢間餐廳排晒長龍咁原來係食鰻魚嘅😜就是一次佢啦😜😜首先一開始上左白桃烏龍冷泡茶，睇得出間舖頭真係好貼心❤️飲落去清爽不甜，茶底唔澀，都幾清新，仲可以免費加冰底，夏天飲一流！🩵🩵招牌蒲燒鰻魚飯，顧名思義就係佢哋嘅signature dish😍魚香挺濃郁，鰻魚的肉質軟糯，一口飯+鰻魚肉及其油香+鰻魚汁，入口即化。食落滿足之餘，仲有面鼓湯中和口中的油膩，炸紫菜和炸魚乾，口感十分豐富，不會寡味。🤟🏻跟住叫多咗個小食，炭燒魷魚鬚 🐙🐙魷魚鬚香口彈牙，配合醃料不會太咸，保留原有鮮味。第二個小食醬燒豬頸肉🐷🐷🐷豬頸肉油脂豐富，十分香口，建議配茶一起，讓油膩感減去。真係好唔錯🤪🤪其實呢間舖頭仲有好多小食，鹽燒雞腎，炭燒五花腩串，每一樣小食佢嗰個食材處理都做得好好，唔會有浸雪藏味😬睇得出廚師好用心😎性價比超級好，所以下次一定會再嚟不過就係成日都要排隊囉🤣🤣🤣

心血來潮想食日本嘢，但又唔想食壽司放題。大家異口同聲話食鰻魚飯，但揾一間地點方便嘅都係一個首選。畢竟今日係星期一晚，聽日大家都要返工。我地今次選擇咗喺旺角食鰻魚飯就揀左”鰻一”為我地嘅晚餐。地點喺麥花臣球場對面都方便，餐廳大特色是會用備長炭炭燒鰻魚，廚房佢係半開放式，大家可以見到師傅燒鰻魚嘅情況，進入餐廳日式裝潢，主要以木為主裏面有小許居酒屋感覺。店員會同我地講即燒鰻魚需要時間大家都明白。主食鰻魚之外仲有其他串燒🍢🤭👍🏻

為了吃鰻魚今天來到旺角！！晚餐時間來，要排隊等位，大概等了20分鐘左右。餐廳內座位不多，空間比較小，大部分都要拼桌。燒鰻魚拼牛舌芯飯，鰻魚有炭香丶無骨丶厚度可以，鰻魚質素在香港來說中上，米飯有咬口，整體不錯。牛舌芯一般般，個人更偏好這一間串燒的厚牛舌口感。炭火白燒鰻魚飯，相比照燒鰻魚，白燒更能吃出炭和和魚本身肉質的彈性，愛好鰻魚者可以一嘗這個。這個飯有附柚子汁和檸檬，但沒用上。燒菠蘿，甜點可以✨焦糖玉子，焦糖表面脆脆的，玉子緊實軟嫩，很配✨燒牛舌和免治雞肉軟骨棒，大推燒牛舌，入口即化。醬燒雞心神奇的鰻魚可樂，就是可樂味🤣

鰻一係香港少見既鰻魚飯專門店，作為鰻魚愛好者自然要試下。餐廳食物質素中上，但勝在價錢合理，冇得去日本食正宗鰻魚飯既時候不妨黎止吓癮😂❣️炭火白燒鰻魚飯（大）比起蒲燒鰻魚，我一向更鍾意白燒，因為咁樣更食得出鰻魚本身既鮮味。而呢個鰻魚就燒得幾好，外皮焦脆香口，肉質都厚肉彈牙。不足之處係鰻魚唔算好鮮甜肥美，不過呢個價位仲有咁多鰻魚，性價比已經好好。❣️牛舌❣️燒雞皮❣️雞腎串燒普通😂要揀一樣既話，牛舌可以一戰。