方叔叔重慶老火鍋 (如心廣場一期)

Open Now

Now Closed

方叔叔重慶火鍋店前身係渝味曉宇火鍋店，之前身邊有朋友食過話唔錯，今次終於喺改咗名又裝修咗之後嘅荃灣分店打邊爐！裝修完冇耐嘅店內環境所有嘢都新簇簇、好乾淨，木系風有d似日本餐廳格局！一坐低就有雪耳紅棗冰糖糖水款待食客！最欣賞食材大部分可以揀選半份，非常了解食客想食多啲唔同食材嘅心理！上菜速度快，由QR code落單到上菜不過係幾分鐘時間！侍應加湯加水好合時，講嘢輕聲有禮，服務唔錯！➺➺鴛鴦麻辣鍋$38/位(養生花膠雞鍋另加$20/位）湯底按人頭計感覺更划算，鴛鴦麻辣鍋包括一個麻辣大紅鍋加自選一款湯底，揀咗9至11月季節限定養生花膠雞湯底另加$20/位，想食要趁11月最後機會！麻辣大紅鍋辣度揀咗普通，原來都幾辣，食物好吸麻辣味，雖然辣，但越辣又越追食！大黃雞鍋湯底好足料，有唔少雞件、花膠、蟲草花、杞子，飲落幾清甜潤喉！➺➺嫩牛肉（半份）$48切得好厚身，一咬落去感覺軟腍腍，再咀嚼發覺爽爽地幾有口感！➺➺黑豚腩肉(半份）$48長長6大塊，肉質比較厚實，唔太硬又唔太軟！➺➺手打四寶丸（半份) $58可以試晒四種丸，牛丸、豬肉丸、蝦丸、墨魚丸，口感Q彈爽口，肉質鮮嫩！➺➺手打魚籽蝦滑（半份）$5

最近秋風起，最啱就係打邊爐，呢日和朋友來到荃灣如心廣場既方叔叔重慶老火鍋，感受重慶老味道（店鋪前身是渝味曉宇）！入座不久店員就送上免費的雪耳糖水暖暖胃，十分貼心，醬料和火鍋用具在枱上擺放，使用方便！調好麻油，蒜蓉，醬油和黑醋組成既重慶火鍋沾料後，馬上開餐！先來2 杯特飲～～～🚒衝上雲霄百香果雞尾酒(含酒精） $48🚒水仙烏龍檸檬茶 $48🚒湯底👉鴛鴦麻辣鍋 $38 位麻辣鍋有3 款辣度選擇，今次點既普通辣香濃易入口，啱晒唔太食得辣既我！而奶白色既大骨滋補湯就豬骨味香濃，好好飲！🚒鮮黃喉(半份）$58在方叔叔推薦菜中選了鮮黃喉，原來是豬、牛的心管，簡單滾30 秒就食得，入口爽脆彈牙！🚒大刀牛肝（半份）$48厚切牛肝上枱配有鵪鶉蛋，口感特別嫩滑，沾上沙嗲粉，花生粒一齊食，充滿重慶特色亦超級香！🚒重慶耗兒魚（半份）$68耗兒魚幾新鮮，半份有2 條，煮好吸滿湯汁，肉質緊實無小骨，啖啖肉，我喜歡！🚒稻田毛肚（半份）$78再來是朋友最中意食既牛栢葉，洗得乾淨，純天然不經漂染，食得放心，煮10 秒就食得，鮮軟帶咬口！🚒嫩牛肉 (一份）$88食過返尋味既嫩牛肉使用牛柳部位，點煮都係甘柔軟，品質極好，必

早幾日在中環店食過方叔叔後，覺得比食物想像中還不錯，我們決定到荃灣店再食一次，看看跟中環店分別有多大✏️位置: 8/10✏️環境: 8/10✏️衛生: 8/10✏️服務: 8/10✏️食物: 8/10餐廳位於如心廣場一期，旁邊都是運動用品店，所以不是專程過來較難發現。環境相對中環店來說較簡約，感覺平民一些。侍應亦會主動幫忙下單及加湯；食物水準則仍然很好🌟鴛鴦麻辣鍋配養生花膠雞鍋 (湯底$58/位，茶位及醬料$20/位)侍應推薦的養生花膠雞鍋，鮮甜美味，單喝也一流；加上麻辣鍋有兩種對比很大的美味🌟手打魚籽蝦滑（半份） - $58蝦味香濃，香滑彈牙，同時有魚籽的口感及鮮味🌟手打香菜牛肉滑（半份） - $48加入香菜後多了一份口感的牛肉滑，牛味亦香濃🌟嫩牛肉（半份） - $48上次食過後就一直難忘，這一次同樣非常鮮嫩，啖啖香滑味美🌟鮮鵝腸（半份） - $68份量比想像中多，鮮味爽口，洗得亦相當乾凈🌟手打四寶丸（半份） - $58可同時享用四款不同的手打丸，款款彈牙鮮味，其中最喜歡就是手打墨魚丸，墨魚味很香🌟潮汕手打牛筋丸（半份） - $28不算大粒，但牛味很出，亦爽口彈牙，這個價格有四粒算是不錯🌟韭菜

見到方叔叔個門面同餐牌都幾吸引，點知一試就賴嘢，醬油蘸料係火鍋中既靈魂，點知醬油咸到不得了，再試湯底，重慶辣又無香味又唔辣，大骨又得個咸字，連湯底都唔得既相信好快又改名或者執笠喇，簡直中伏！

打邊爐既湯底早最好就揀鴛鴦鍋！一邊辣一邊唔辣先最正！ 所以我叫左一邊重慶麻辣，叻一邊就係養生花膠雞鍋！ 個雞湯好滋補，味道濃郁，好足料呀！好鍾意呢度既配料可以半份咁叫，如果2個人又想食多d唔同既配料就岩哂！平時打邊爐一定唔少得既就係牛肉，今次就食嫩牛肉，口感真係非常嫩滑！肉味都好香！鵝腸都好爽口，而且都處理得好乾淨！手打魚籽蝦滑夠彈牙仲有粒粒蝦肉鮮蝦夠哂鮮甜！另外仲叫左一d蔬菜例如淮山、皇帝菜、萵筍片等等 佢地既飲品都幾有特式，而且大大杯！洛神花鮮橙特飲 - 甜甜既橙汁入面仲有洛神花香水仙烏龍檸檬茶 - 我自己就好鍾意呢一杯，因為飲完之後個茶味好有層次地係口腔盤旋 ！ 下次都要再拜會方叔叔啦

正宗四川火鍋推介方叔叔重慶老火鍋 ～～～～～～～～～～～～～～～～今次小編黎到方叔叔食火鍋，岩晒秋天天氣涼涼地食，可以暖肚，哈哈（小編暫時係香港食過最正宗最好味既重慶火鍋）小編order了一人午市火鍋 （$98；只限星期一至星期五）超級抵！！！ 可以自選湯底，小編就選擇左麻辣×蕃茄湯底～～午市套餐自選雞/牛，自選公仔麵/鳥冬等，另外午餐有午餐肉，肉丸，蔬菜，腸類， 鮮蝦～～～醬油方面，方叔叔提供正宗四川火鍋醬料，香油配蒜蓉，令到食物有更加香嘅鮮味，仲可以減辣， 啱曬唔食得辣又鍾意食辣嘅朋友仔🫣🫣🫣PS： 對麻辣火鍋有研究的朋友就一定要試！！！因為真係好好味～～～～～～鳴

🇭🇰 荃灣- 方叔叔重慶老火鍋鐘意食辣既我 成日都去發掘唔同辣野☺️而麻辣火煱我就鐘意食呢種麻辣 係真係會辣得嚟你會想keep住食😍而佢既食材都好新鮮 會令人有食完一次之後好掛住 想返去再食既魔力😆😆⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗✅環境&服務態度：環境算大，就算枱枱都打邊爐但都唔會好焗促👍🏻餐廳仲為每枱準備咗個計時器，For我地計煮唔同食材既時間 貼心🥹員工個個服務都好好 幫我地加熱水更加會加塊板先倒 驚整到顧客☺️另外 前台仲有糖果 打完邊爐可以清新吓口腔～～👅 鴛鴦麻辣鍋(⭐9/10) $38/人🔻大骨滋補湯有大大舊豬骨係入面，勁多筋，而且個湯淆到好正好濃😍好似平時係屋企飲湯既味道～🔻麻辣 普通辣麻辣係必點啊！！超好食～～不過佢真係會越滾越辣㗎～～食蘿蔔果啲吸哂佢個麻辣味好正啊😍🔻而我今次叫咗以下食物🔻🔻 稻庭鳥冬（一份）(⭐7/10) $48🔻 紅糖糍杷（半份）(⭐7/10) $38🔻 鮮龍躉片（半份）(⭐8/10) $78肉質厚實，好新鮮，食落又唔會好韌～同埋跟住佢教我個時間碌會好好食😍🔻 串鮮蝦(半份）(⭐9/10) $58呢個半

第一次幫襯這一間火鍋店，食物種類還可以，但可提供多一點的食物choice 會更好，另外，有點奇怪Lunch set menu的配料有午餐肉，個人本身覺得午餐肉是用來煎的，不會用來hot pot，如果可改為其它肉類或丸類應該會比較吸引，lunch set包埋drink尚算不錯，本身想加錢改飲酸梅汁，但已經售完，實在太可惜，希望下次可以到，服務人員尚算不錯，上菜速度剛剛好，個人火煱都有4款湯料可選2款，flexible and very good ．

之前食過幾次渝味曉宇，都好中意食。直至早一個星期行過如心廣場見到「方叔叔」啲廣告，以為有新開既重慶火鍋店，即刻約左幾位朋友去試下，去到先知原來只係餐廳改名，所有裝修格局維持原狀🤠。 我地一行4人，經OpenRice Book枱，所以去到餐廳即刻有位唔洗等。之後一如既往，一坐底會每人送上一碗糖水，我地再用手機scan QR code瘋狂落單😎。 比較令我印象深刻既就係以下呢幾款食物，包括美國牛小排同嫩牛肉，兩款都係我至愛，牛肉味重，重點係夠淋；而牛舌轉左新口味變左藤淑牛舌，店員整極力推介之下叫左黎試下，相比起以前既牛舌，的確醃制過係入味好多；至於牛打四寶丸同手打蝦滑都係必叫項目，口感算彈牙。仲有叫左一堆配菜，都不過不失，無complain。食完主菜，就一定會叫返碟紅糖糍粑，點一點黃豆粉再放入口，口感煙煙韌韌，個味道好襯好好味，重點係唔係到到有得食，所以幫襯左幾次都叫足咁多次🤣，一樣有水準。 最後，要值得一提既係佢地既service做得好好，由帶位到送餐到埋單都好有禮貌👍🏻，手機落單後好快就送上枱，而且環境亦坐得舒適，岩晒我地幾個朋友聚舊吹水。

朋友最近話要減肥，之前有人講方叔叔都有生酮🤭要減肥都吾怕啦室內環境舒適，空間感足夠員工招呼亦都非常之得體以麻辣火鍋為主既餐廳，都唔會覺得好侷促一坐低之後，店員就會奉上一碗冰糖銀耳糖水作清熱之用鴛鴦麻辣鍋招牌麻辣紅油湯底用上了在辣椒香料熬製而成，再加上花椒及牛油，又麻又辣。而香菜皮蛋鍋就可以一解油膩又可以清熱一下，好香芫荽香氣。🎐嫩牛肉肉質軟稔及滑身，而且價錢一啲都唔貴，絕對要推介必點🎐老油條配上靈魂麻辣湯底超級吸味，🎐手打蝦滑肉質爽彈鮮美🎐稻田毛肚很爽口彈牙，焯幾焯就已經可以食🎐苕皮很爽口，帶有非常煙韌的口感，配麻辣火鍋一流，就算久煮都不會散又滑溜。水仙烏龍檸檬茶真係好大杯就算兩個人share都OK飲落多左一份淡淡的茶味，再加埋檸檬又可以解渴

今日一行二人，我第二次再食，之前食lunch, 今次晚餐，整體來講環境舒適，服務態度好，食物新鮮，湯底好味，分量可以吧，晚餐時段限時120分鐘，職員不斷添加湯，下次也會再來的

最鐘意食火鍋，一年四季無分季節都會去食，最鐘意食就係重慶火鍋🤤之前發現原來渝味曉宇改咗名做方叔叔，不過食物依然保持之前嘅高水準！食材全部都好新鮮，上面仲好貼心插枝小旗仔提醒你每樣食物嘅煮食時間☺️我最鐘意食嘅就係牛栢葉同鴨血🥳鴨血完全冇臭味，同麻辣湯底簡直係絕配!上次去侍應哥哥仲送咗碟美國Prime牛小排😍脂肪分布均勻，連我好少火鍋食牛肉嘅都覺得好好食!

晚飯時間同朋友經過如心商場見到方叔叔麻辣火鍋，因為我哋都鐘意食辣所以今晚晚餐揀咗呢間火鍋一入餐廳店員非常有禮貌招呼我哋入座，環境唔錯⋯聞到陣陣麻辣香味都忍唔住快快點菜點左一個鴛鴦鍋，因為未食過擔心太辣，穩定起見一邊辣一邊唔辣火鍋同配菜好快已經上齊，賣相好吸引當然係手機先食火鍋開始滾起，我先試麻辣湯辣得好爽，雖然好辣但忍唔住係咁食萵筍入口爽脆，鵝腸同黃喉都整得好乾淨，第一次食都好好食食飽之後跟店員傾左幾句，原來係渝味曉宇改咗方叔叔呢個名，值得再來食多幾次

今次同朋友黎挑戰食哩個麻辣火鍋 食辣前 服務員送上餐前暖胃雪耳糖水話系可以保護腸胃 我地叫蝦滑 鮮黃喉 美國牛小排 功夫萵筍片等食物 口感爽口 彈牙 嫩牛肉又真係幾嫩滑 整體環境吾錯 幾干淨舒服 服務員態度都幾好 幾有禮貌 下次會再幫襯

一坐下來就有一碗糖水打底服務員說對個胃好。對於一個重慶火鍋的愛好者這個九宮格真的很夠味 特別香.他們的特飲超級大杯 方叔叔推薦菜的中的鮮黃喉特別爽口 功夫萵筍片 麻辣牛肉煮下去都很夠味。還有其他的炸酥肉液態別好吃裡面還有花椒粒再說醬料方面店員說傳統的重慶吃法是多點麻油多蒜 非常香並且很解辣服務員非常熱情態度很好並且每道菜都有進行介紹！如果大家非常喜歡吃重慶火鍋的話這家是個非常不錯的選擇！