金叔叔

Open Now

Now Closed

係牛頭角都食到韓式野！係foodcourt到，位置方便又易搵！雞肉石鍋拌飯呢個飯可以話好抵食，配料多之餘仲有隻生蛋黃俾你一齊拌飯，增加香味，原底係泡菜口味，覺得味道唔夠重，可以自己加醬去拌！可惜嘅部分係飯太硬，撈埋一齊影響到個口感芝士口味炸雞（400g）感覺份量已經可以夠兩個人飽，炸雞係去咗骨，食落啖啖肉，唯一美中不足係芝士味唔夠重韓式芝士泡菜煎餅煎餅個皮煎得十分脆，而裏面嘅芝士咁啱溶溶哋，感覺十分滿足！雪濃湯呢個湯比到人驚喜，湯底十分之濃郁，而且牛肉份量都唔少，而且湯份量都好多成碗飲晒，其實都已經七成飽！啱啱開業嚟講，個人覺得好多都做得唔錯，都有啲進步空間，會再去食睇吓之後係點！