Uncle Pizza, Pasta & Grill (Closed)

.有次同朋友經過中環好耐之前試過 記得都出色 就試試😃.🍝 Fettuccine with Spinach & Chicken Breast & Cream Chess Source 菠菜雞胸闊麵配芝士汁 $118嗰日冇菠菜就用咗露筍 個醬係好重類似 Blue Cheese 既味道 超濃郁有驚喜😍加埋露筍獨有嘅味道同雞胸煮得嫩滑👍🏻 推.🧆 Risotto with Crab-meat & Asparagus & Butter Cheese Source 露筍蟹肉意大利飯配芝士牛油汁 $128呢個大推👍🏻 大量蟹肉 同埋蟹肉有特別處理過 好香今次個芝士牛油汁同意粉嗰個又唔同 奶香味重啲 一啲都唔膩.我哋在再配咗個炸薯條 炸到好脆😆 如果加多 $32 有埋黑松露醬 會更吸引.✨ 注意每個lunch set都包餐湯/ 沙律而飲品就七折

收工去左半山嘅蘇豪區食飯，個度除左酒吧仲有唔少餐廳，今日搵左間專食薄餅嘅，就入去試下。一入舖頭就見到佢地專做pizza嘅爐，唔係普通嘅焗爐，果然薄餅有追求👏🏻Uncle Kong 8inch 👍🏻👍🏻👍🏻佢係個爐一出就上枱，一上枱就已經聞到好香。芝士熱辣辣仲有拉絲😍，而磨菇焗完香味好出，特別想讚下個餅底，見佢薄薄地以為好脆，點個原來脆之餘仲有少煙韌，好有層次，抵讚😎👍🏻。Lingune with fresh Crab Mushroom, Prawns, Crab Meat & White Truffle Oil 👍🏻👍🏻👍🏻佢地嘅蟹肉似係一梳梳，似係人手拆肉，食得出鮮味，唔係一般嘅急凍貨，呢度真係要畀心機分佢👏🏻大蝦彈牙，味道都夠鮮味，我朋友覺得個意粉比較淡，不過我就覺得咁先可以食到海鮮嘅鮮味😜今次呢個份量，兩個人嚟食都夠飽，薄餅叫到12inch嘅話可能會太多，畢竟都算係濃味嘅。係一眾嘅酒吧林立之中，有間靜靜地食pizza意粉嘅都幾chill，佢地仲有happy hours，叫飲品半價，都幾抵玩。推介畀大家幾個朋友嚟飲酒食飯吹水🍻

☀️星期日天氣好去中、上環行吓街，買吓嘢，行到6點肚餓亂入 Uncle Pizza 小店。
食店依條街雖然無乜人，但勝在有兩、三間餐廳，所以環境特別恬靜，猶如去咗外國小區一樣，有種高級優雅嘅感覺，加上舖內環境舒適，絕對係拍拖談心好去處👩🏻‍❤️‍👨🏻🍕 8” HAWAIIAN PIZZA $158 （餡料包括菠蘿、火腿、車打芝士)*夏威夷Pizza係必食之選，天氣開始熱，食依款Pizza就最適合不過，薄㡳香脆可口，餡料滿滿咁鋪滿薄餅上，醬汁加上肉香惹味可口，一試難忘😋🫔 SALMON CHEESE SPRING ROLL $98*西式春卷內有三文魚同芝士餡料，未點醬汁食已經覺得好好味，脆皮面鬆脆彈牙，餡料軟滑，三文魚同芝士完美結合，帶出陣陣油香，再點埋𩃭露芝士醬，乳香直擊味蕾，口腔迎來福氣😚⏰落單之後等咗大概10分鐘就有🫔春卷，🍕Pizza等咗大概15分鐘🥂

放假逛中環見餐廳食客頗多，應該不錯，餐廳裝修特別乾淨企理，厚背座椅坐得舒適。 我們點左(set)Pan-Fried 8安士New Zealand Ribeye Steak &Salad $178，Giant Monster $158(8寸），紐西蘭肉眼扒燒得外香脆，肉質嫩滑味香濃，配燒汁很夾又好味👍👍沙律🥗很嫩綠，配黑醋美味😋😋Giant Monster ：滿滿芝士烤到可以拉絲，材料豐富，薄餅底香香脆脆很好食。 菠蘿汁$48:🍍香甜好飲。

我今日約同好友去中環蘇豪區漫遊，順道去位於蘇豪伊利近街25號舖的Uncle Pizza Pasta and Grill 食特色薄餅，環境舒適開揚 ，裝修西方風情，坐得舒服。我點左Pan-Fried 8oz New Zealand Ribeye Steak with Caesar Salad (small size) $178，好友點左 8 inch Giant Monster $158。8安士紐西蘭肉眼扒燒5成熟，外脆內嫩，肉質鮮味多汁，是最好的食法，配燒汁好好味；Giant Monster 是屬於Uncle Kong Pizza 糸列，配料豐富，熱辣辣的好好食。

餐廳位於伊利近街，經過日本百貨直上扶手電梯，行一段路就到，幾有隱世小店感覺。Uncle Jimmy (12 Inch) 店舖主打Pizza， 搞笑係以唔同Uncle 命名， 有12 款uncle選擇。Uncle Jimmy 用上蕃茄醬同車打芝士，有啲拉絲，中間配上大量火箭菜，每件薄餅上面都平均分配咗一片挪威煙三文魚。Pizza餅底係喺意大利食過薄脆嘅口感。Baked Portabello with Meat Sauce & Chedder Cheese, Topped with Argula 大蘑菇鎖住汁，配上超多濃味肉醬，帶有少少烤焗過嘅車打芝士，沙律菜嘅醋味突出。

氣氛輕鬆，店員非常熱情招待，呢度主打係pizza同pasta，Lunch set包餐湯/沙律！👉🏻露筍蟹肉意大利飯配芝士牛油汁 $128蟹肉鮮美，露筍鮮嫩，口感creamy，芝士牛油汁唔會太膩，意大利飯煙韌！👉🏻菠菜雞胸闊麵配芝士汁 $118嫩滑嘅菠菜、雞胸肉都幾多，富有層次感嘅闊麵，配芝士汁，味道豐富！👉🏻炸薯條 $32有四款小食可以追加，揀左炸薯條，酥脆外層，炸得金黃，偏粗身，配茄汁享用！👉🏻蘑菇忌廉湯粒粒蘑菇，好香！

上次去soho覓食有驚喜，食過尋味，今次又來到中環尋找意大利小店，當然要食主打意大利薄餅，而餐廳是由前五星級酒店嘅行政總廚主理🍕 BBQ Lover $158材料有義大利辣香腸、火腿、墨西哥辣椒圈和燒烤醬；正宗意大利薄餅底微脆，芝士也有拉絲效果，墨西哥風味微辣更惹味，加意大利辣香腸及燒烤醬，一餅兩味🍕 Pan-seared Home-made Potato Gnocchi in Truffle Lobster Butter$118是一種義大利的傳統麵食，通常由馬鈴薯麵粉等造成，這個口感鬆軟，這個混合勁濃芝士及白汁，拉芝效果一流，而且芝士香味撲鼻🍕 Penne with Grilled Prawns Arrabiatta$178傳統意大利辣蕃茄醬加彈牙通粉及大蝦，味道穩陣❣️負責人很親切適逢他們試新菜式，還給了玫瑰迷迭香雞翼給在座客人們試，雞翼很juicy 及 香草味濃不錯，期待面世

是晚約咗朋友去soho飲嘢，飲嘢之前緊係要食啲嘢打底先～見到呢間 Uncle Pizza, Pasta and Grill, 睇menu 好似幾抵食，仲好多款揀，試吓先～🤤我比較喜歡材料豐富嘅pizza，食落冇咁單調，叫左個Uncle Wyman 🌟 MECHANICAL ENGINEERING，好多樣toppings，有Cajun Chicken, Roasted Eggplant, Red Onion, Anchovies, Tomato Sauce & Cheddar CheesePizza厚薄適中，批邊幾脆，麵粉味香香的，超多芝士但唔會好油，正👍🏻👍🏻Clam with Pesto & White Wine Cream Sauce，蜆好鮮甜，冇沙，唔錯😋小食叫左Roasted chicken wings with rosemary ，好香脆好入味，送啤酒一流👍🏻服務一流，staff好熱情，好nice可一可再👍🏻

Uncle Pizza, Pasta & Grill~好好味既 PIZZA~UNCLE DY HAWAIAN今日叫左 PIZZA, 真係超香脆同埋好多芝士,真係每咬一口都係拉絲,好足料,有HAM、PINEAPPLE, MOZZARELLA CHEESE & CHEDDER CHEESE, 全部既配搭都好正,好好味,2個人食份量剛剛好雞翼 6隻好特色既醬汁,而且焗既時間剛剛好,又熱又香脆,好喜歡依個小食其實佢午市套餐有好多選擇.意粉、牛排、意大利飯,其實都真係好適合附近工作既人LUNCH.因為中環都真係週圍都好多人,所以依間好好,坐得又舒服同埋服務員都好好既。食完仲可以週圍行街,有DONKI、中環街市個邊都唔錯架,好多野行

中環蘇豪一帶有唔少充滿異國風情嘅餐廳，當然唔少得意大利菜啦！呢間Uncle Pizza, Pasta & Grill由前五星級酒店嘅行政總廚Uncle Jimmy主理，製作極具特色嘅手工薄餅，薄餅傳統得嚟又不失創意呢！蘆筍蟹肉意大利飯配芝士牛油汁意大利飯特意用上芝士牛油汁去烹調，令醬汁更濃厚更creamy。但配料就特意選擇鮮甜蟹肉同清新嘅蘆筍，令濃稠嘅基底加添新鮮感。Uncle Kong店內嘅Pizza以Uncle嚟命名，可以揀8吋或12吋，我哋兩個人share，8吋就最適合。呢個Uncle Kong屬於傳統嘅意大利口味，辣肉腸嘅份量十足，而微辣就帶起咗肉醬嘅味道，加上可以拉絲嘅車打芝士，充滿層次，好好味！

同朋友去完大館，搜羅下附近有咩好食搵到附近呢間主打Home make Pizza 嘅餐廳店舖雖小．但裝潢有格調．坐得舒適仲有酒精飲品，同朋友飲下紅酒聚會嘅好地方仲有充電寶免費供應，好貼心✨Uncle Cowboy即叫即焗熱辣辣嘅Pizza 係特別好味批底厚薄適中舖上滿滿的Pepperoni．辣肉腸．煙肉．菇．青辣椒．勁足料加上大量車打芝士 ． 充滿拉絲感配上BBQ醬汁比蕃茄醬更惹味✨Home made Apple Crumble with Ice Cream自家製嘅蘋果批配上冰凍幼滑嘅呍呢拿雪糕配搭新鮮士多啤梨．能中和甜度令今餐變得更完美

難得嚟到蘇豪區, 梗係要搵返間好嘢食嘅見到呢一間Pizza舖, 裝修得靚靚囝囝就入嚟試吓因為我同我朋友都唔係食得好多嘢, 所以就簡簡單單嗌咗個八吋嘅Pizza仔同埋一個Risotto講吓呢個八吋嘅Uncle Wyman 先啦, 一嚟到已經超級吸引眼球, 睇到佢勁多料喺上面, 仲要好鬼死香, 茄子嘅甜味, 蕃茄醬嘅酸味, 再配搭埋芝士嘅奶香, 真係忍唔住食完一塊又一塊另外佢呢度嘅Pizza全部都係叫Uncle D Uncle 即叫即整, 時間可能耐啲, 但絕對值得等待跟住講埋個Risotto, 食完個飯面都係鋪滿晒海鮮, 鮮甜嘅蜆肉同青口, 再加埋勁彈牙嘅魷魚同大蝦, 淨係食海鮮都抵呀, 再加埋佢用龍蝦汁煮嘅意大利飯, 軟硬適中, 將所有海鮮嘅精華融入落個飯, 令人食過返尋味

今日又約左朋友喺中環食飯, 搵左間喺中環蘇豪伊利近街嘅Uncle Pizza, Pasta & Grill 食Lunch.店內面積唔太大, 但都用左有格調嘅裝修, 餐廳主打Pizza 同意粉. 我地叫左2個意粉: Capellini Aglio e olio with Grilled Prawns & Linguine with Fresh Crab Mushroom, Prawns,Crab Meat & White Truftle OilCapellini Aglio e olio with Grilled Prawns – 轉左扁意粉, 意粉爽口彈牙, 醬汁帶點微辣, 入口醒神. 加上2隻大大隻爽口彈牙嘅大蝦, 非常可口. Linguine with Fresh Crab Mushroom, Prawns,Crab Meat & White Truftle Oil – 呢款意粉都係有2隻大蝦, 亦都係爽口彈牙, 加上大量蟹肉同磨菇做材料, 味道非常香濃. 用黎炒意粉的白松露油, 香氣撲鼻, 唔會太油膩, 好食.

今日同朋友約咗喺中環，搵咗一間SOHO區入面嘅意大利餐廳叫「Uncle Pizza, Pasta & Grill」，喺一間專門食pizza同pasta嘅小店，餐廳嘅座位唔多，職員態度友善，會提議我哋有咩推介。因為我哋仲有下場，所以淨係嗌咗個Pizza同兩個餐湯，喺咁多款經典pizza入面我哋揀咗個八寸嘅Pepperoni Passion，配料有惹味嘅辣肉腸同紅洋蔥，即叫即焗出嚟嘅Pizza仲係熱辣辣，滿滿嘅Cheddar cheese因為仍然有熱力，所以一拎起塊Pizza就好容易做到拉絲嘅效果，餅底脆薄，每一片薄餅都食到好足料。另外仲嗌咗一個龍蝦湯同洋蔥湯，龍蝦湯質地濃稠，每一啖都係重重嘅龍蝦味，仲有粒煎香嘅帶子；洋蔥湯重黑椒味同洋蔥香味，有好多煲到好腍嘅洋蔥絲，飲得出材料同準備功夫都絕對唔馬虎，鍾意食pizza嘅朋友一定要嚟試一試呢一間小店！📍中環蘇豪伊利近街25號地舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊