麒麟閣酒家 (Moved) New Location

早陣子在麒麟閣酒家出席了一場婚宴，地點在銅鑼灣利舞臺，交通方便。場內擺設普通，另因有數枝柱位，不是每位賓客也可看到台上情況。服務方面，不太理想。店員不夠主動勤快，要賓客出(幫)手有點老馮感覺。上菜時間過快，還在享用碟中美食時已急急分餸趕收工。其間出外拍照，回來連條魚都已收走，店員已早早幫大家分發餘下食材。到飯麵時間，因席間人數減少，主動要求分少數碗，換來竟是「唔得」這奇怪答案！最不解的是，隔籬枱十三人，雖則我們不夠十二人，都無理由在我們面前多次夾走食物到隔籬枱啩？！實在有點誇張！至於食物，較理想有乳豬及海斑。乳豬皮脆唔肥；海斑口感都算溜口。不太理想的菜式有雞絲翅，不談翅量多少與質素，單是那杰湯底已註定要「肥佬」。其餘菜式亦只屬中下水準。Anyway，婚宴飲食都是其次，最重要是和一對新人分享喜悅及見證重要一刻。願祝一對新人白頭到老，永結同心！

今天特地約了朋友來銅鑼灣飲下午茶，朋友說麒麟閣點心不錯，而且坐得舒服呢。來到還未到兩點，下午茶時間還未開始，但領枱阿姐還是請我們先進去坐下來，細心的交帶我們到兩點才點菜，不然電腦會計錯數啊。坐下環視四周，桌子之間的距離夠寬闊，而且侍應服務很好，一舉手馬上就會有人過來，侍應看客人倒茶就知道快沒有水了，主動就會過來加水，用的茶葉品質也不錯，有茶味，也很香。三個人一面聊天，一面也點了不少東西，確實也真能吃呢，共八道點心再加一碟炒瀨粉。翡翠燒賣以半肥瘦豬肉，冬菇，筍粒，紅蘿蔔，芫茜打成的肉餡，爽口中帶鮮香，比一般燒賣更有口感。叉燒腸粉叉燒香甜有咬口，腸粉嫩滑，唔錯。奶皇包包本身質感鬆軟、甜度適中，餡料幼滑，入口淡淡的奶蛋香，水準不錯。豉汁蒸鳳爪鳳爪夠晒稔，真的無牙都食得，更不錯的是，除了蒜頭豆豉味，還有淡淡的八角味，味道特出。香煎蘿蔔糕蘿蔔絲粗切，蘿蔔味香濃，食落有條條蘿蔔絲和不少的臘腸粒，蘿蔔糕煎得外香內軟，且質感豐富，食味不俗。蜂巢酥芋角香脆酥化，芋香濃郁，咬落很有口感。乾炒叉燒瀨粉肥瘦合度的叉燒，嫩滑之餘亦有嚼勁，瀨粉不過軟，炒得很爽口又不肥膩，食味亦算唔錯，叫人吃得非常愜意。迷你荷葉飯

男友平時番工好少飲茶, 放假專登同佢一家去麒麟閣, 佢地一向都好鐘意黎依度食晚飯 雖然價格比較貴一點 但食物質素非常高, 地方寬廣 , 又唔多人我覺得依度同出面酒樓唔同,高尚同感覺舒服啲！鑽叫左幾樣點心都好出色, 待應仲好好招代鳳爪 ﹣ 大大隻好食,時間控制得啱啱好,唔會'林'哂燒賣 ﹣ 上面既蝦非常新鮮爽口叉燒包 ﹣ 都OK,比起其他酒樓大個黑椒海鮮豉油皇抄麵（＄98）﹣ 依個真係好出色,好香黑椒味,加上少少辣, 既有火氣但抄起一啲都唔油,100分蛋散 - 見到其他枱啲人叫,我地又試 下, 蛋散好鬆化,有糖將俾埋,可以自己另外調味,而我就鐘意落多啲糖100分紅豆沙 - 經理好好人免費送紅豆沙比我地食,等左一陣,見到待應推左架車仔黎,原來啲紅豆沙唔係一碗碗攞黎,係好似食魚翅咁,有一大碗係架車度再分番一細碗比我地,very impressive of this

每年一度，高慶聚歺乳豬 - 皮脆肉厚，肥而有燒豬肉味發財好市 - 太漿糊，少少玻璃汁，冬菇太大，過厚肉和濃菇香味，蠔仕非我所愛，冇食金錢玉帶 - 炸鮮奶配蝦膠帶子，蝦膠饟帶子，真係冇人估到翡翠蝦球 - 油咗少少，蝦彈牙爽口又大隻，味道鮮甜花膠蟹肉翅 - 冇食..環保啲好碧綠鮮鮑片 - 都算水準，吃到鮑魚的鮮甜大富斑 - 火喉一流，半養海斑，極鮮滑又冇渣，吃了兩大碗黃金雞 - 同樣火喉控制了得，太乾，外脆內juicy，冰鮮雞也可成美食糯米飯 - 通常要打包帶走炆伊麵 - 太咸，過太淋和太重麻油味慶團圓 - 紅豆沙加入少量西米，增加咬口，過甜，再加上豆沙湯丸..Yummy蓮蓉酥 - 以好少有，甜甜地，幾好味非常滿足

之前星期六去飲過次茶叫左都係d大路野蝦餃 燒賣 腸粉呢d味道都唔錯 比起唔少酒樓好 不過當然啦 價錢上就貴唔少 價錢大概係美心呢個lv啦仲叫左個菠羅炒飯都幾大碟下 大概可以有5,6碗左右啦用原個菠蘿上 都幾有風味下個人覺得絕對可以一試

講到飲茶真係有平貴, 但麒麟閣我真係覺得唔好食wo...... 豬腳薑都算係我致愛.... 但這裡豬腳薑係無靈魂, 豬腳弄熟了才放進薑醋裹,豬腳冇醋味,蛋也只是弄熟才放進去, 沒有鐵蛋feel,而醋甜多於酸,我真係接受唔到.叉燒包- 其實都係基本點心, 但沒有基本溜出來既叉燒汁, 有一pat野實實既, 咁... 我覺得真係唔好味呀.....>< 小龍包- 平時多數有4件既, 不過這裡只有3件, 肉質有點鬆化感, 但無多一點肉汁, 係大件,不過做唔到有湯汁溜出來感覺

見呢度地點就腳，之前上過哩睇睇，今晚終於哩試菜啦!睇左食評樓下d新人07年有個講到好好，但08年d新人講到好差咁，事隔2年,可能人事上都換左一批，所以而家09年，吾親自試又點知係龍與鳳呢?今晚我同未來老公叫左咖哩牛筋煲，蒸左條魚(黃立鎗定紅油呢???)吾識分!叫左兩盅竹笙雞絲翅，仲有碟上湯浸介菜膽先講環境以酒樓哩講真係不過不失啦!當然無酒店樓底咁高啦!但佢地d佈置都吾差ga,有我like既粉紫色Background,門口有條旋轉樓梯，影相出哩都幾靚呀!再講食物味道，我真係覺得好味喎，吾係好咸咋喎，而且每樣野都好平均，個翅吾係好多獻，條魚d汁真係好好味，好鮮呀!呢餐好滿意喎，所以就決定左啦!原來仲有人早過我地Book2010年呀，有人2011年既年尾都book左啦!真誇張,好彩我地選o個日仲有位!遲d試下再哩飲茶，吾知d點心好吾好呢?

好耐無哩呢間啦!之前幾年食開都幾好呀!點解d人講到咁差,所以今次一行三人去上左呢間食晚飯,跟朋友叙舊真係開心,我地3人叫左d小炒,枝竹班腩煲,金銀蛋莧菜,蒸左條魚,不過我都吾識咩魚,條魚肉好滑,d汁可撈飯正,環境都幾好同幾舒服,吾錯!個佈景幾靚,攪到個場好似擺酒咁幾grand!凡呢度環境幾靜,岩曬同d朋友傾計,三五知己既好地方!食飯都吾係咁差o者!

*** 想在此擺酒的準新人, 落訂前請閱讀及詳細考慮!! *** 是晚到這裡出席大學同學兼朋友的婚宴。首先要分開來說：主人家招待及安排一流…絕非「酒微菜薄」，但酒樓侍應的態度有問題，盡顯虎頭蛇尾的冷漠態度：就真是「招呼唔到」！這是筆者的親身經歷，真是不吐不快！而原來樓下的食家都經歷過類似情況！ 顯示酒樓方面並沒有正視問題或改善！近期好像特別多人結婚，已不是今年首次「去飲」，所以對這類婚宴，都習慣其模式，對菜式亦已無要求，最好是菜不要太涼、太鹹、太多「獻」…已經ok，還有，唔想「八時入席；九時仲未有得食」而已。是晚酒樓的服務，開頭是幾好的，筆者的一枱由一個應有相當經驗的男侍應跟，他熟練的上菜、分菜、最後問人要不要餘下的餸…講真，初時都沒有多留意，興高采烈的跟久未見面的朋友和同學傾談…有得食就食啦！但到最後上炒飯／伊麵時，問題就來了，服務我枱的侍應不知何時換來另一名女士，她分少一碗之餘，「無厘頭」將餘下不少的兩碟餸放到一旁的枱！對於她的舉動，我們都幾愕然！可能我們傾談得多，到那時還未飽，食完後就想要求添加。筆者叫了她三次…由舉手、叫「靚女」… 到拍枱都做過了， 但她跟其他侍應都好像趕收工

第一次黎呢度既婚宴,感覺係,酒樓果然唔同酒店...負責我地果圍既侍應態度好唔專業,成日做出奇怪表情,甚至發出古怪聲音,唔知做乜咁...食物方面,一般啦!係個炸蟹/蝦箝幾好味,唔油,夠脆,多肉,同埋個球面頭舖滿杏仁片,好味道!個翅聲稱有龍蝦,但係原來唔係碗碗都有,份子好少呀!條魚好唔掂,好腥好腥,差呀!反而個雞又香又好味!其他好帶子,鮑魚,乳豬,炒飯,伊麵,美點都係普遍水準,過得去啦!甜品竟然唔係紅豆沙,而係雪耳燉萬壽果(木瓜),又唔會太甜,幾好喎!講多句,呢度播既音樂好潮,連乳豬操首歌都唔同過人,敬酒首歌都係咁潮,真係新派!整體上,服務同埋條魚要改善一下!

前排表妹滿月擺酒,呢間到食飯,本來抱住好興奮既心情,因為第一次試呢間酒樓,亦都知道佢地既口碑都唔差既,點知道竟然令我好失望囉, 野真係好咸呀!味精落左好多啦,事關有個朋友一食味精野就塊面出紅點家啦, 食左唔夠一半既菜式已見到佢塊面變出現問題啦, 尤其個翅囉,我真係食唔落啦, 太咸啦, 點食呀! 只好向個經理投訴囉!

本人於２００７年１２月１日在銅鑼灣利舞台麒麟閣酒家舉行結婚晚宴，選擇了一個”美滿良緣全包宴　”，延開２０席，當晚發現菜式與菜單上有所不符，例如：翅不是海虎翅是一般魚翅，有大部份圍數都不是東星班，有部份菜式份量不足１２人享用，職員服務態度有問題，餸菜還未食完未知會賓客就已被收走．如已落訂及考慮在此酒家舉行婚宴者，請留意以上事項．

本人剛剛在麒麟閣擺完酒, 總體十分滿意. 環境清幽,樓底高,自成一角服務態度專業, 細心, 十分好.味道好價錢十分合理直得推薦.

如果你喜歡清淡原味沒下半點味精的傳統廣東菜，理應來麒麟閣，是的，眼見大部份的客人都是白髮翁便知道這裡的東西有多可口。這裡的味道，就是我小時候吃的廣東菜的味道。魚腩豬紅粥，完全沒有花巧，粥底就是白粥，連江瑤柱也察覺不到，白粥的清淡反而將魚腩的鮮味引了出來，吃了一口已覺感動。點心，咖喱鮮魷，沒有坊間酒樓食肆那種庸俗的味道，炸兩，這個倒是沒甚麼特別。豆腐鮮蝦，休魚期到那裡找來的鮮蝦，甜，清甜，就是簡簡單單的清甜。再來的一個叉燒撈麵才叫我落淚，這個才叫做麵。麵，是粗麵，爽口彈牙，忘記了那個叉燒和芽菜，思緒飛到老遠的小學年代，每天早上祖母都為我煮的一個粗麵，就是這個味道。祖母還在只是當年吃的那個麵條去了那裡？從西環到元朗，試過好多家的麵，找不到就是找不到。座落22樓，居高臨下，環境清幽，中午一點依然大把位，服務態度不卑不亢，盤算著這個星期帶祖母來這裡。埋單，任何信用卡都有九折，每人不用$70，抵！一定會再來。

有幸可請薑餅人家人飲菜, 叫左不太多點心, 有:咸水角–熱乎乎, 新鮮炸的.蜆介鯪魚球–也是熱乎乎, 但偏油兼不太香.牛肉腸–牛肉嫩, 腸粉薄滑.XO醬炒腸粉- XO醬不太惹味, 偏油.煎藕餅–爽口兼香口.綠茶奶皇卷–無綠茶味, 奶皇唔夠creamy.五層肉–燒肉皮脆肉嫩, 唔太咸.蛋黃蓮蓉包, 小籠包, 豆苗蝦餃–無食呀!埋單around $377.