魚尚 (添喜大廈)

Open Now

Now Closed

又到魚尚。其實我不大會欣賞日本菜，甚麼廚師拍板、居酒屋、燒肉…，只會吃某些壽司。我指的是元氣，還有這家魚尚。每次到魚尚，都忍不住買這買那，恨不得都抱著回家。今天買了1)一盒帆立貝壽司盛（$36/6件）-食落口感可以，帆立貝頗新鮮且個大，可惜飯較鬆散。2)兩盒厚切三文魚腩盛（$32/6件）-哇塞！魚腩甘甜鮮美，魚香滿滿。吃著吃著，竟然有小確幸的感覺…好感動!3)一枚溏心蛋飯糰（$14）-網上口碑不錯，買來試試。溏心蛋ok，飯糰卻伏了，沒有醬油的好味道。魚尚附送的醬油不錯，但芥末則稍稍不夠辣、不夠嗆…前幾個月香港仔魚尚裝修，我道是結業，真是down到哭…

咁啱今日放假，身痕走咗去做GYM，做完GYM好肚餓，想補充下蛋白質(同脂肪)，第一時間就諗到想食三文魚壽司。香港仔呢間魚尚都開咗幾年，好多人覺得連鎖外賣壽司店整嘅壽司會唔乾淨，但好彩我食咗呢間幾年都冇肚痛過。平時中午或者夜晚食飯時間，都會見呢間舖入面堆滿哂人買壽司，證明呢間野係平，不過都唔會差得去邊。而且一直都覺得魚尚推廣得好好，每過一排就會有新產品推出，或者有其他優惠活動，可能就係咁吸引咗好多「當潮流愛''新''鮮」嘅人。今日中午入到舖，發現有好多人，好多都係中學生，大概係因為而家開學冇耐，仲係早放學掛。壽司有好多選擇，仲有好多千奇百趣嘅新壽司，我見過有個午餐肉煎蛋飯團，不過都係唔想試伏。本身打算買雜錦三文魚壽司盛(10件/$32)，但計計下，你會發現自己單買10件都係$30，所以魚尚做得最白痴嘅野就係買一盒盒嘅壽司會貴過散買幾蚊，其實唔止呢樣，其他種類嘅壽司都係咁fake，次次見到我家兩老咁買真係會好火，心諗：點解又要中伏。所以最終我揀散買，我食呢D壽司店一定唔食蟹柳壽司，因為蟹柳+飯，自己屋企都整到啦，而最後就精選咗以下看似不太伏的壽司。三文魚、三文魚沙津、八爪魚、鰻魚、飛魚子、

👁‍🗨 卡邦尼溏心蛋飯糰💲14一講卡邦尼就會諗起卡邦尼意粉，點會諗倒卡邦尼可以用離整飯糰😳雖然就咁聽都覺得成件事好似好恐怖咁😂但係我就係偏偏有呢個衝動想去試下呢個組合，想知究竟會係咩味🙃因為係卡邦尼既緣故，所以呢個飯糰係要熱食既，只要叮25秒，就食得架啦👻叮完聞一聞，個味其實有點兒難頂😳😂感覺有少少酸酸地既味咁，大概係因為有芝士吧🤔不過好在放入口吾會覺得有酸味，而係食倒微微芝士同煙肉既味道，吾算奇怪但又未至於覺得呢個配搭係夾🙈至於卡邦尼味.....個人就吾係好食得出佢有卡邦尼味啦😳溏心蛋就保持一向既質素，香而滑😍整體離講，不過不失，認為試一次就夠啦😂都係食番卡邦尼意粉比較好🙈🔛 整體評分（6.5/10）

見到唔少人介紹呢個飯團，放學後就買左個黎食下喇～溏心蛋飯團  $12賣相幾靚飯團比我預期中好，飯粒用左鰻魚汁調味，食起上黎唔會太dry！飯粒軟硬適中，但我覺得溏心蛋外貌唔太靚都唔吸引，見過其他人Ｄ相，隻蛋係勁靚之餘仲好溏心，我呢隻溏心蛋差唔多冇溏心既效果，可能放耐左掛～～但溏心蛋味道依然吸引，同飯團好夾，溏心蛋下仲有小小既沙律醬，食落更好食我太肚餓關係，幾分鐘就食完呢個飯團～～如果經過都可以試下呢個飯團，覺得比起佢三角型個款飯團更好食呢～～

話說今日去買魚尚回家食，點知一返到屋企打開睇，嘩！！！竟然冇比豉油同芥末我，有冇搞錯呀！甘都可以做漏，當時又就只得3個客人選購，非繁忙，甘都可以做到甘，實在太令我失望

星期日返完教會又想食壽司，但又想平!就入左去魚尚睇下有無新嘢試，見到佢出灸燒海鮮盛，就買返屋企食。眼見有4款，海老﹑煙三文魚﹑帶子﹑魷魚;食落去沙律味勁，帶子唔係好大粒，算普通size;食落去肉質鮮嫩但無咩肉汁。三文魚唔太咸但食唔到三文魚味!反而食到京葱味!壽司飯唔算打得太實。所以比較易散!

偶爾都有買開爭鮮食, 不過偶爾都會覺得唔乾淨, 所以今次轉左食魚尚, 因為係台灣店, 所以比較放心3個朋友買個好多野食~壽司拼盤D飯比較黏口, 但拎起來好散, 好易成舊散落左係豉油度...不過剌身都幾新鮮, 三文魚帆立貝鮮蝦都好好食, 但就比較薄, 所以鮮味唔太足夠, 魷魚好硬好難咬, 係咬唔入既...其他都合格, 一般平平地放題都有呢個QUALITY超肥美既三文魚腩, 非常肥美, 有中上級放題質素! 不過只有一半係魚腩, 價錢都唔算便宜無味的蟹柳同好細細既青瓜, 成盒都淡而無味, 唔好食...

好開心呀,好耐無見既朋友們今日終於重聚,仲係屋企開PARTY.造明開PARTY,一定要買野食啦,於是去左朋友樓下既魚尚壽司店買左一盒大壽司,估唔到味道又唔錯WO一盒4行,32件,件年都好大年.三文魚好新鮮,好滑.墨魚OK,唔算太滑但味道尚可接受帶子壽司大之餘,咬落仲好新鮮多汁可惜無花之戀啦其他壽司整體質素中上,外賣黎講算一流啦

這天經過香港仔, 由於家中不煮晚飯, 於是便在香港仔這家魚尚挑選盒壽司外帶回去和家人分享。挑了一盒32件的雜錦壽司($116), 當中比較吸引我的是帶子, 象拔蚌, 甜蝦等等。用料的話算是新鮮, 魚生也不會說是太薄, 以大概$4元一件的質素來說, 這樣的魚生算比其他同類型的外賣壽司店較好了, 只可惜有些壽司飯握得不夠實, 一拿上手便散了。在店中挑選的期間, 看到店中的人流不斷, 相信深感街坊的歡迎, 下次家中沒有煮晚餐的話, 買盒外賣壽司簡簡單單也不錯。

香港仔最近開了間新的外賣壽司店，眼見很多人惠顧，每人一盒二盒，我都不甘示弱，去試一試。本人愛吃三文魚，馬上選了三文魚雙色壽司盛，共十二件，三十六元，平均三元一件，價錢合理。三文魚雙色壽司盛，有普通三文魚及沙津三文魚粒紫菜壽司。飯醋酸度合適，飯軟而不黏口。普通三文魚味鮮，沒腥味，入口溶化。至於沙津三文魚粒紫菜壽司，三文魚在沙津醬下互相輝映，味濃郁。兩款壽司一淡一濃，互補不足，愛好三文魚的人不防一試。

又系美x集團開gei價錢就夠晒平$3/$4蚊雞一件壽司款式算係咁啦最中意都系三文魚同螺肉d「或沙bi」都幾攻鼻自助式包裝同收錢好快手今晚都唔洗等以價錢計品質就收晒貨好過超市果d八件一共$27蚊雞如果一盒十件三文魚就特價26蚊咁上下總之開心價又有壽司食下

香港仔其實已經有幾間以壽司為主題的餐廳或外賣部, 不過以香港人尚日的程度, 再開多幾間也穩賺.今次呢間以平價外賣壽司為主的外賣店, 樓面非常乾淨整齊, 裡面也非常整潔, 種類不算很多, 擺放很有條理.主打軍壏壽司. 醋飯做得不錯, 軟硬剛剛好, 紫菜不會因為濕氣而變很軟, 微脆. 軍壏壽司主要都是八爪魚同墨魚.八爪魚同墨魚分別都有幾種醃法, 辣酸甜鹹都有, 三蚊一件非常抵食, 醃得好味道不錯.三文魚薄了一點, 不過三蚊黎講很合理而且味道不差, 凍而有油脂. 蛋壽司一般合格.章魚壽司雖然不厚, 不過燙得很好不會很難咬, 不錯. 三蚊魚籽分量足夠, 好食.壽司的價格本應如此, 質素也不錯, 希望繼續保持這個水準帶動價廉物美潮流.