Video
Telephone
69031020
Opening Hours
Today
08:00 - 18:00
Mon - Tue
08:00 - 18:00
Wed
Closed
Thu - Sun
08:00 - 18:00
Public Holiday
08:00 - 18:00
Above information is for reference only. Please check details with the restaurant.
鍾意到西貢遊車河，周圍探索一下唔同嘅Cafe，平常會到西貢市中心，今次經過大埔仔見到新開嘅「Upsidedown Coffee」，附近又有好多錶位，就一於停低去試吓。搭交通工具都好方便，係西貢到將軍澳必經嘅道路。Cafe店面唔算好大，但座位格局休閑舒適，仲有少少戶外空間，工業風設計，灰水泥牆，木枱藤椅，播放住耳熟能詳嘅經典英文歌，自然嘅氛圍予人慢活嘅感覺，喺度嘆杯咖啡，勁chill。三頁menu唔算多，但已經能夠滿足我，食物賣相同質素，絕對勝過出面好多西餐廳，喺附近住的話必定會常去。𝄪 𝘚𝘮𝘰𝘬𝘦𝘥 𝘴𝘢𝘭𝘮𝘰𝘯 𝘤𝘳𝘦𝘢𝘮 𝘤𝘩𝘦𝘦𝘴𝘦 𝘤𝘳𝘰𝘧𝘧𝘭𝘦煙三文魚芝士牛角包窩夫 $88賣相吸引，通常食牛角包窩夫都係甜食，今次係第一次食鹹，煙三文魚份量多，又夠大片，配上cream cheese好match，牛角包壓成窩夫夠酥脆，充滿牛油香，亦可以轉配酸種麵包，配上新鮮羽衣甘藍沙律菜。𝄪 𝘊𝘩𝘪𝘤𝘬𝘦𝘯 𝘢𝘯𝘥 𝘤𝘩𝘦𝘦𝘴𝘦 𝘲𝘶𝘦𝘴𝘢𝘥𝘪𝘭𝘭𝘢𝘴芝士雞肉烤餅 $98墨西哥餅皮烤至微熱，表面焦脆，好香麥味。雞肉加入溶咗嘅車打芝士同水牛芝士，黏著餡料有拉絲口感，入口清新，配埋淋上柚子醋嘅沙律菜，酸酸的好開胃，感覺好健康。𝄪 𝘉𝘭𝘢𝘤𝘬 𝘵𝘳𝘶𝘧𝘧𝘭𝘦 𝘮𝘶𝘴𝘩𝘳𝘰𝘰𝘮 𝘴𝘱𝘢𝘨𝘩𝘦𝘵𝘵𝘪 𝘸𝘪𝘵𝘩 𝘤𝘳𝘦𝘢𝘮 𝘴𝘢𝘶𝘤𝘦黑松露忌廉蘑菇意粉 $108一上枱已經聞到黑松露香氣，黑松露醬毫不吝嗇裹滿每條意粉，仲有洋蔥同蘑菇。意粉軟硬度剛好，就係我鍾意嗰隻偏硬硬哋嘅彈牙口感，仲要勁掛汁。一入口好creamy，黑松露香氣超濃郁，喺口腔擴散然後停留。睇佢唔算好大碟，但份量都幾多，食唔停口都幾飽。𝄪 𝘊𝘩𝘰𝘤𝘰𝘭𝘢𝘵𝘦 𝘭𝘢𝘷𝘢 𝘤𝘢𝘬𝘦 心太軟 $48烤得溫熱，蛋糕外層酥脆，裡面係溫暖嘅流心朱古力漿，朱古力味濃郁，細滑香甜。𝄪 𝘖𝘳𝘦𝘰 𝘤𝘩𝘦𝘦𝘴𝘦 𝘤𝘢𝘬𝘦Oreo芝士蛋糕 $54芝士蛋糕細滑creamy，芝士味香濃又低甜，加埋Oreo朱古力曲奇碎，口感豐富，甜度剛好。𝄪 𝘋𝘪𝘳𝘵𝘺髒髒咖啡 $48我鍾意飲Dirty特別嘅反差感，飲時唔好攪勻，溫熱濃烈風味嘅Espresso倒入冰牛奶，一啖可以同時感受到由濃到淡，冷熱交流嘅口感。𝄪 𝘏𝘰𝘫𝘪𝘤𝘩𝘢 𝘭𝘢𝘵𝘵𝘦 焙茶拿鐵 $55焙茶充滿濃厚茶香，同牛奶比例調配得很好，低甜，口感順滑。#Upsidedown Coffee地址：西貢清水灣道大埔仔村8號地舖
continue reading
𝕐𝕠𝕦 𝕤𝕖𝕖 𝕞𝕠𝕣𝕖 𝕨𝕙𝕖𝕟 𝕥𝕙𝕚𝕟𝕘𝕤 𝕒𝕣𝕖 𝕦𝕡𝕤𝕚𝕕𝕖𝕕𝕠𝕨𝕟💡西貢市中心就去得唔少次數👻，大埔仔村就真係第一次黎，估唔到都有唔少餐廳小店🪻。呢間 cafe 個名都幾有記憶點🤙🏽，入到去最搶眼絕對係霓虹燈句 quote✳️，打卡 able 又有意思。Brunch session 當然要來個全日早餐🛻，食材豐富好繽紛🌈，有炒蛋🥚、croffle🥐、牛油果🥑、煙三文魚🐠、菇菇🍄、沙律菜🥗、香腸同煙肉🥓。食物調味恰到好處，唔會太咸太濃味🫴🏽。🍳All Day Breakfast | $138另一個主食揀左大蝦香辣蒜香欖油意粉🍝，賣相一般，香辣🌶️同蒜香🧄係有既，不過整體偏咸🙉。蝦蝦有三隻🍽️，彈牙但調味爭少少🚣🏽♂️。🦐Aglio E Olio with Prawn | $108去 coffee shop chill 都唔少得墨西哥脆片牛油果☄️，對住牛油果紫洋蔥莎莎流曬口水🤤，有黑胡椒同檸檬汁好 refreshing🔅；不過呢個價錢直接用 Doritos，性價比就唔算好高👁️🗨️。🥑Guacamole Mexicano Nachos | $78去到最期待既甜品部分🤩，係店鋪推介既法式青檸薄荷柚子撻🍋，最 fulfil 到 expectations 既非佢莫屬🤲🏽。賣相靚靚，花花非常挺身，由頭 keep 到尾都無塔過👽；檸檬甜酸度拿捏得剛剛好🧘🏽♂️，撻亦都好脆身，絕對要試🏵️！🌼Yuzu Mojito Tart | $54飲品就揀左凍 mocha 同熱 hojicha latte 🏉，前者朱古力味香濃，同咖啡比例平衡☕️，夏天熱辣辣飲就好舒服😙；後者拉花都幾有 feel🫧，焙茶味香，飲落就奶味比較重🍼。🍫Mocha | $48🪵Hojicha Latte | $55夏天要黎呢一區雖然好不容易🌞，但值得一讚係餐廳裏有部大蚊機🦟，真係⚡️幫助好多架，嗌杯凍飲就舒服曬！
continue reading
話說有一天我同小朋友放學，諗住去飲杯咖啡食個下午茶（$78），因為小朋友想食意粉，所以我就order 1杯cold latte ($45）比自己，沒有order tea set (tea set 大概$78），點知小朋友食完意粉，仲想要個cheese cake，咁我就問當值staff, 我話唔好意思，我小朋友仲未飽（我心諗：其實個意粉好細碟又唔平）所以我問可唔可以將我杯cold latte轉返做Tea set, 佢好冇禮貌話唔可以改單，我問多次，冇可能唔得，因為可以補錢，佢再話唔得。一個cheesecake要$54，我在酒店/靚餐廳都食到，環境仲靚，服務又好。我唔明一間小店，仲要做街坊生意都唔say yes, 改一張單再用八達通補一補錢有咩問題？？好多餐廳包括茶餐廳都做到啦！跟住我同小朋友好嬲就走咗。永遠唔會再幫襯😠仲有，有時我哋經過都唔見佢開門，一時有開，一時冇開！
continue reading
坐在寧靜的咖啡室內，一邊享用咖啡、一邊聽著歌曲、再看著門外的汽車熙來攘往⋯只是一片玻璃們的相隔，室內和室外已是另一片天⋯咖啡室內工作的是兩個年輕人，他們很細心，給我講解了他們所賣的咖啡，讓我可以選到合心水的咖啡，可以慢慢享用👍🏻他們除了咖啡以外，還有主食和小糕點⋯以後又多一個好地方可以去了👏🏻
continue reading
假日我哋會周圍搵嘢食，呢間新開Cafe坐得好舒適，嘢食全部即叫即整，好好食😍🌟芝士雞肉烤餅好脆嘅餅皮，雞肉好嫩，一啲都唔韌，配埋芝士好好食！值得一讚，配菜沙律好高質，有雨衣甘藍🥬👍🏻🌟煙肉蘑菇烤餅鍾意濃味少少可以選擇呢款，煙肉蘑菇用醬汁炒好左，配埋香脆烤餅冇得彈😋🌟卡邦尼意粉好Creamy，面頭既芝士碎撈埋意粉後食到啖淡芝士味，煙肉好足料，意粉好彈牙👍🏻🌟Bolognese肉醬意粉牛肉碎配濃郁肉醬，阿女都好鐘意食😆🌟飲品都好高水準，叫左Dirty，Latte 同朱古力，Dirty唔係間間coffee shop都有，冷熱交融既感覺，牛奶好滑身，咖啡一樣香濃朱古力除咗食物一流，店員好nice，環境都坐得好舒適，仲有室外嘅位置👍🏻而且佢好近科大，科大既同學可以得閒去試下☺️
continue reading