Urban Bakery

Open Now

Now Closed

咁啱去中環置地見客，揀咗係商場入面嘅一間餐廳，餐廳燈光都偏暗。本身以為係中環呢啲寸金尺土嘅地方，啲餐廳會擺到啲枱櫈好密，但呢到都相對濶落，坐得都幾舒服，可能呢到做外賣生意多。嗌咗個細沙律，可以自己揀想要咩食物。我就揀咗茄子、豆、泰式炒麵，都係$7x咋。而我個客嗌咗個大沙律，份量大到佢食唔唒。茄子有蒜香味，而且咸咸地，係涼菜嘅感覺，配埋個意粉，超開胃。相反個豆我就唔太推介，等我下次嗌下其他菜先。

一直都好鍾意urban bakery嘅甜品☺️泡芙有好多選擇，有士多啤梨，芒果，朱古力，雲呢拿，綠茶味🍵好適合開party同朋友一齊食，小朋友個個都好鍾意食👍🏻 size啱啱好又唔會太甜

開party 想搞搞新意😎就係呢個King of Croissants 👑皇牌牛角蛋糕🥐🎂💛🥐法國熱情果牛角包酸酸甜甜既熱情果醬配上香滑既奶油🧈包上仲鋪左果乾 果香味十足👍🏻👍🏻👍🏻🩷🥐法國雜莓紫羅蘭牛角包雜莓紫羅蘭果蓉做餡 外面加上粉紅色朱古力同玫瑰花瓣🌹 好有少女情懷❤️❤️❤️🤍🥐法國香草牛角包由紐西蘭Mascarpone cream同法國whipped cream 混合做餡 超香濃細滑🤤表面加上杏仁片同白朱力 增加香脆口感✌🏻🤎🥐比利時70%榛子朱古力牛角包用比利時70%黑朱古力🍫整既軟心朱古力醬做餡 濃濃朱古力味🤩🤩表面加上黑朱力同脆脆焦糖榛子🌰 Urbanbakey 一向出名既牛角包🥐 選用優質法國A.O.P.牛油製作 入口酥脆鬆軟 啖啖牛油香😌😌😌😌皇牌牛角蛋糕🥐🎂一共1️⃣2️⃣件 一人一件又得😚切開分享又得🤪

每逢節日開party招呼朋友，大家一齊開心切蛋糕呢個環節我最期待🤩🤩 鍾意搞搞新意思嘅我，今次去咗 URBAN 訂咗個 KING OF CROISSANT皇牌牛角蛋糕🥐🎂由4️⃣款口味共12個迷你牛角酥堆砌成😋😋 🥐香草牛角-淋上的白朱古力及杏仁片...内法國忌廉及紐西蘭mascarpone cream,入口香濃細滑😍🥐熱情果牛角-由法國熱情果和鮮奶油製作熱情果醬...入口清甜，爽呀🤗🥐法國雜莓紫羅蘭牛角-用上法國雜莓紫羅蘭果茸，混合鮮奶油，表面配上粉紅朱古力和玫瑰花瓣點綴...果味清新吸引🥐比利時70%榛子朱古力牛角-表層淋上朱古力與香脆焦糖榛子，再搭配以比利時70%黑朱古力所製的濃厚Ganache軟心朱古力醬内餡...口感豐富、鍾意食黑朱古力嘅我超愛💖💖

只是烤過嘅包已經攞哂分！雞嘅醬汁好少，配菜夠味$58蚊 沒有堂食，一定要外賣走，所有員工好似唔識中文咁，收銀員中文水平略好。下次會搵第2間試，全部客人都係外國人咁濟。很少香港人。

平時喺呢度買得最多嘅一定係牛角包🥐 因為間間urban都有得賣，最鍾意係焦糖同埋菠蘿皮嗰個牛角包🥐最有特色，其他地方食唔到❤️❤️仲要而家好多地方都第二件半價，平咗好多😋喺太子大廈附近搵嘢食，都冇咩選擇，所以入咗Oliver入面搵嘢食，Oliver除咗有麵包，仲有沙律同埋啲熟食，返工買少少嘢食呢度都係唔錯嘅選擇👍🏻 我今次食egg mayonnaise sandwich，普通質素，個包麻麻哋，包邊比較硬，佢會問你要唔要加熱，用整panini 嗰啲夾，夾返熱俾你，唔係幾好食😬 反而整呢啲包subway仲好食😋

朋友仔心血來潮話想食蛋糕，就試試呢款carrot cake，cream cheese frostinga都香滑，蛋糕本身都好moist，中間有好多紅蘿蔔絲，合桃，提子乾(加分，因為好足料)，不夠由於中間有太多材料，比較容易散開，好大件，係某些酒店嘅double，7/10🍰🍰

Went to urban bakery in the morning during the weekend to enjoy the quietness. The environment was nice and comfy.Ordered a scone, impossible meat croissant. The plain scone was HKD 25, and it was a total waste of money, and quota of my stomach. It was super duper dry!!!! As of the impossible meat croissant, it took 10 minutes to have it ready but it was not heated whatsoever.The only good part was the juice. It was HKD 25, and there's a buy 1 get 1 free offer.

食牛角包嘅話我一定諗起中環太子大廈Oliver超市裡面嗰間Urban Bakery，每日嘅牛角包新鮮製造同埋都係買二送一優惠，非常抵食。雖然味道冇銅鑼灣希慎咁多款但係呢都有幾種機本口味供選擇，車打芝士牛角包、朱古力、桂皮糖面以及杏仁片嘅牛角包，鬆脆好食每次都係嗰度買，更可以買返屋企加自己喜歡嘅餡料去做唔同嘅早餐。十分抵讚👍🏻👍🏻

原本打算work through lunch怕食太飽恰眼訓就買左盒small salad. Small salad can choose 3 options，但1:15pm已經冇咩選擇。揀左兩份broccoli同一份corn買完就趕快返公司邊食邊努力。點知一打開個盒.... 原來係得半盒。For this standard and portion, I rather to eat simply life. Simplylife既沙律係不停refill供大家選擇，仲要盒沙律係裝到滿既。

是日想拿拿聲食完行下街，就黎ifc飯堂食個飯。。。依道以快餐/自助模式運作，好采我地一陣就等到位😊行左一轉就見到❤️水，係我既其中一種至愛菠蘿包呀⋯⋯重要係菠蘿牛角呀OMG !!!!入面重有芝士、太陽疍同黑毛豬餐肉，邪惡指數滿分😈😈😈菠蘿包雖然周圍都搵到，但絕對唔係間間都做得出色，有d個菠蘿皮唔脆，一pei咁痴左係個包上面，真係sai晒我食唔健康野既quota呀⋯⋯🙁今次個菠蘿皮做得好脆，而下面個牛角包就夠酥皮，完全滿足我依個菠蘿包鬼既要求。因為熱辣辣既關係，芝士上到黎半溶狀態，再加上個日本太陽旦食到唔停口呀🤤值得一提係食材都比較有質素，個午餐肉係黑毛豬黎架，同一般茶記得個鹹字既午餐肉差九條街呀🤣說好的減肥呢？！間唔中食下無事既，唯有咁自我安慰啦⋯⋯☺️☺️☺️

一行入希慎廣場負二樓嘅超市嗰時候就見到陸續有d人拎住urban嘅袋行出去，呢家urban好旺，成日都好多人，所以服務員都幾多下，都好有禮貌，服務意識好強！入到去就算唔鐘意牛角包嘅人都會對一格格嘅牛包感興趣嘅！太多種類喇，各種朱古力，焦糖，芝士，杏仁，原味嘅等等等等、太多喇！依家最紅嘅係流奶黃金牛同爆士牛，一甜一咸，22一件。流奶牛上面嘅皮太酥脆喇，咬嘅時候小心D吖，一唔小心就會全都貢獻卑地下喇，因為一咬就脆到碎吖！咸好甜好香，奶味十足，仲有D其他味道唔知係乜，不過覺得唔係流沙包嘅味，真係好味！爆士牛，滿滿芝士滿滿嘅愛吖！食得好幸福！原味嘅都好食，脆脆外層，裡邊韌韌地，而且原味唔怕膩唔怕滯吖，果然乜都係原味經典！提醒大家一定趁熱！

窮鬼未夠鐘食晚飯，所以下晝已經響中環高尚貴格商場區逛逛，扮下上流社會，行到太子大廈二樓，行經Oliver's貴價超級市場，原來店內有Urban Bakery，即刻買返個芝士法式牛角包($18)，沒有堂食，唯有外賣，取包後由Urban Bakery店員將牛角包放入紙袋內，再貼上價錢貼，之後再去Oliver's收銀排隊俾錢。俾完錢，一步出門口即食，牛角包底部係一塊大嘅芝士乾，之前食過好脆口及好香芝士味，今次帶少少韌又沒有芝士香，牛角雖然凍，但仍香口，少少鬆化，如果可以翻熱就好了。