URBAN Café Commune (形點 I) (Closed)

Yoho真係冇乜嘢好行想搵鋪頭kill time 就入左黎2個人 share左一個 tea set.Order左 slide cake set加$15要左杯mochaSide cake今日有baileys chocolate cut cake, blood mary(strawberry cake), New York cheesecake, red velvet cake我諗住朱古力蛋糕實冇死，就要左baileys chocolate cut cake成件蛋糕偏硬 唔知放左幾耐咁！面頭果片朱古力脆脆suppose係脆！但已經變韌…Mocha 咖啡味道唔香濃 我覺得打卡OK總括嚟講 下次嘅話都係買返牛角包好啲！同埋上次飲過佢哋嘅奶茶都唔差其實😪😪

I wanted a snack prior to dinner and found they are now selling croissant egg tart and decided to try it.The texture of the croissant was there and the egg custard was creamy without being too sweet. However, it was quite cold despite I ate it right away. I think they need some better equipment to keep their baked products warm.

難得平日放假，形點一除飲茶外都冇選擇，叫了雞扒炒蛋配牛角包及熱咖啡。呢個評語係我食到一半已經draft緊，唔好話同茶記比，連大家樂個啲都不如！雞扒十分細舊，兩舊拼埋都唔夠大家樂個塊大，還要overcooked有苦味。炒蛋仲難食，先不計有冇蛋味，上台已經係碎上，一粒粒要用叉兜住食，仲要一路食一路出水，不是蛋汁，係水！自己炒都唔會咁！牛角包正常冇特別，但把刀係切唔開個包，要叉住個包撕開😓本人真係第一次食到咁核突！

先上一碗龍蝦湯，湯略鹹，但味道不過不失，食過外賣同堂食，每碗湯都會有少少龍蝦肉粒。經常都會很想念的all day breakfast，食物多樣化而且非常豐富，份量真係升級！原味嘅牛角包🥐已經好好味，炒蛋好滑好大份，巴馬火腿齋食有啲鹹，如果唔係咁鹹會再加分；）呢個餐對女仔黎講有啲多，每次都因為好飽而食唔晒。跟餐仲有一杯冰茶，可以叫凍嘅（但走冰少甜）😆，杯冰茶真係好classic，fruity tea，好好飲。另外跟餐加20蚊可以多一件cake，蛋糕係濃厚朱古力味配百利甜酒，濃厚而不膩，蛋糕入面仲有啲綿花糖，好得意嘅口感。呢個蛋糕值得推介，因為不是太甜，而且味道有次層！！

Yohomall行左個圈唔知食乜好，見有人排隊就跟住排試下揀左Supered Big Boner Breakfast ，套餐附送南瓜小龍蝦餐湯同涷桃茶，桃茶唔太甜幾好飲，湯好足料有幾隻小龍蝦賣相幾靚，有呢間店好出名既法國A.O.C.牛角包、法式香腸、煙肉、煙三文魚、香滑炒蛋、炒雜菇同蕃茄。⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀牛角包酥軟，炒蛋幼嫩，蕃茄經慢煮d甜味出哂嚟，最正係炒雜菇中和反法式香腸同煙肉既油膩感～⠀⠀⠀⠀⠀⠀⠀⠀⠀

難得入嚟元朗想揾嘢食，見到間間都勁多人於是再周圍睇下有咩食，因為趕時間嘅關係，見呢間無乜人唔洗等就入去食，叫左個二人餐，牛扒叫左5成熟嚟到係well done，硬到完全咬唔到！龍蝦湯ok正常嘢，另外個龍蝦焗飯食完個扒都未到，嚟到個飯味道都唔差嘅，但係個龍蝦上面配左蛋已經覺得個配撘唔太夾，龍蝦肉仲要係好乾好硬！已經覺得中伏！都唔緊要，重點係有個短頭髮嘅姐姐侍應態度差到不得了🥲成700蚊唔知食緊乜，嘢食差，服務態度又差

15-6-2021今日去咗Yoho mall嘅Urban食早餐，野食唔錯，價錢都合理，值得去試不過要去就早啲啦，都幾多人排隊我哋Total叫咗2個餐種類好豐富，好多選擇，份量都幾大▪貝果早餐個豬柳真係好食，唔會太鹹，肉質緊致厚實，好juicy 貝果都一樣咁好食，個餐附送埋cream cheese，同埋貝果一齊食，帶點奶香味但又不膩，甜中帶點鹹，口感有啲似雪糕羽衣甘藍都好好食，上面有黑胡椒同橄欖油，好新鮮，可以解解膩，清新口腔大啡菇同番茄都好新鮮，唔需要太複雜嘅調味都夠鮮甜啊蛋炒的好滑，有啲鹽同黑胡椒，好香，蛋味好濃▪A.O.P.牛角酥配香煎牛扒 滑蛋牛角包真係好大個，好鬆化，我食唔嘥啦帶咗返屋企，牛扒真係好正，雖然係全熟，但係好軟，外皮有啲脆▪桃茶呢個真係一流，我叫咗一杯凍，比較建議大家叫凍飲，熱飲我個人唔係咁推薦，紅茶嘅香味中帶啲桃香味，酸酸甜甜好開胃!好似我咁唔飲茶嘅朋友都會鍾意整體嚟講真係好唔錯，不妨一試架!!

今日朝早去咗呢間餐廳食早牛餐。去到都排咗一陣隊。 坐底之後嗌咗兩份早餐。香煎牛扒炒滑蛋 法國A.O.P牛角酥牛扒外層有少少脆，軟熟唔會好乾炒蛋嫩滑加上少少鹽調味牛角酥外層酥脆，裏面煙韌只係48蚊真係好抵食。貝果早餐早餐嚟到比我想像中大碟。中間有一片番茄，外面圍有啡茹、豬柳、滑蛋、貝果同羽衣甘藍，再配上忌廉芝士。羽衣甘藍，加咗橄欖油，同輕輕用咗鹽同黑椒調味，但略嫌味道唔太均勻。豬柳畀普通豬柳肉質較實而且冇咁鹹。貝果唔乾，加上忌廉芝士唔錯。兩份早餐都附上飲品，我哋都嗌咗桃茶，一杯凍一杯熱，用紅茶作底，酸酸甜品。但凍嘅比較好飲。環境唔錯、地方乾淨。座位寬敞舒適唔迫嘢食抵食大份，下次會再嚟食。

為左慶祝好友生日，而我負責生日蛋糕🎂，經過Yoho,所以係Yoho物識下合適的生日蛋糕。因為得3個人慶祝生日，所以target比較細的蛋糕。經過Urban Cafe Commune，就俾Strawberry Blossom的外型吸引左，哈哈，所以就買咗。雖然過咗士多啤梨🍓的季節，唔知係唔係因為鋪左糖霜的關係，士多啤梨花花的酸甜度恰到好處。花泥其實係黑森林蛋糕，酒味好突出🥃，如果不喜歡酒的朋友，可能不太合適。花盤是用朱古力整成，但味道卻係細個金幣朱古力的味道😖，朋友試過都沒有再吃花盤🤭總括而言，係有外表且帶點內涵的蛋糕，不錯的體驗喔！

昨天1/6晚飯選了這家西餐，點了二人慢煮牛扒套餐。食物味道還可以，但選的其中一樣豬鞍扒，只食到一半，有點問題和失望，中間的肉是鮮粉紅色的。經過經理了解，換了一份水牛城雞翼，不知為何，從來沒有吃過，是有「濃烈香茅味」的水牛城雞翼，還說是什麼水牛城雞翼，真是把氣氛全都破壞了！似乎餐廳食品的供應，是不是出了問題！水牛城雞翼（Buffalo wing），又叫水牛雞翼，係源自美國紐約州水牛城雞翼。整法先將雞翼上粉炸熟，再撈埋由牛角椒、白醋同牛油整嘅辣醬。昨天食到這家的水牛城雞翼，除了雞肉有濃烈的香茅味外(十分奇怪)，外層脆皮上，完全沒有任何辣醬的味道，比咕嚕肉的醬還要清淡些！吃了半隻雞翼，也只能放下叉放棄，這樣的情況⋯⋯冇下次！

🍽 #urbancafecommune #HooLunJeng小編之前食過幾次，見到週六晚間間餐廳都好多人，所以今次又食左一餐食過既餐廳，介紹比大家。小編今次推介食物☝🏻◾️ P - 火燒牛後爛 $258肉眼牛扒質素都OK，幾好味既，但價錢真係偏貴左，值得試，但如果出面有其他餐廳食肉眼牛扒，可以選擇其他餐廳。◾️ 水牛城雞翼 $88第一次食咁樣整既水牛城雞翼，雖然都好味，但好普通，好似辣茄汁配炸雞咁，都係價錢偏貴。◾️ E - 一山不能藏二虎蝦意粉 $148普普通通的意粉，不會有意外驚喜，可以試其他產品。◾️ 桃茶2杯 & 龍蝦湯2碗桃茶就每次都會飲，因為都比較少係出面其他餐廳飲到，龍蝦湯都係，之前食屯門店多，但個湯無咁稀，唔會似水咁，元朗呢間做得唔好。

👁‍🗨URBAN Cafe Commune📍元朗元龍街9號形點一期1樓1030A號舖@————————————————本來放假想去Café 嘆吓啡，諗諗吓又怕好多人，最後去形點Urban食個Tea就算坐落喺商場中庭，裝修以型格美式工業風為主，開放式設計，以為假日連鎖店會少人啲，點知都坐滿8-9成，剛好有張大圓枱，2人坐都非常舒適主食只有一份全日適用嘅All day menu，款式非常多（A-P餐），想輕食又可以單點佢馳名嘅牛角包🥐同蛋糕好食度：✔️✔️✔️✔️➰ 西班牙鬼仔腸炒蛋酸種包 $108 ☜一上枱兩坨份量沙律菜淋上油醋，睇真啲其中一坨喺炒蛋酸種包上面鋪滿火箭菜酸種包軟熟但煙韌度唔夠，而鬼仔腸炒蛋掩蓋咗酸種包嘅微酸，大大份嘅炒蛋搶晒fo，鬼仔腸味道同辣肉腸相似➰ 辣肉腸日曬蕃茄薄餅 $128 ☜超脆嘅「薄」餅，日曬蕃茄配上辣肉腸，令整體更鮮更惹味，再放上微甘火箭菜，慢慢食都變腍，讚👍🏻⚑ 餐湯 < 套餐奉送 >➰ 忌廉小龍蝦湯🦞 質感較稀，奶味重，有粒粒小龍蝦但食唔出鮮味⚑ 餐飲 < 套餐奉送 >➰ English Breakfast Tea飲品可選桃茶/

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻Urban@yoho mall試食指數⭐️⭐️⭐店舖衛生⭐️⭐️⭐️侍應態度⭐️⭐️⭐((每項5⭐️為滿分))天氣影響食慾🥱今日點咗啲濃味嘅食物🍽龍蝦湯🦞香草辣肉意粉🍝熱紅茶☕️盛惠港幣108👌🏻Urban 各分店統一的裝修木系顏色黃燈光座位寬敞令人感覺舒適食物方面Lunch set選擇多價格合理龍蝦湯🦞偏稀味道鹹咗少少不是太滿意🙈香草辣肉意粉🍝一樣係偏鹹但醬汁濃度及份量啱啱好讚👍🏻熱紅茶☕️茶包冇問題👌🏻以速食午餐質素來講算係唔錯嘅選擇👍🏻

難得放假🌞，去咗元朗YOHO MALL I期食午餐今次去咗Urban cafe commune😆位置好易去，地鐵站一出見到無印良品，跟住轉左直行就會到達👍🏻午餐平均價位大約$70-$100左右今次叫咗慢煮三個鐘肥雞配沙律同薯條🐓🥗🍟（$88）先嚟咗個龍蝦湯🦞比較出面整嘅龍蝦湯，佢係我想要口味😍偏淡唔濃，但係都好香滑🤤，唔覺唔覺就飲哂😊之後去到主菜，慢煮⏱三個鐘肥雞都有半隻雞，份量足夠👍🏻主要係雞胸，醃製非常入味🙊特別係香脆嘅雞皮，非常香脆肉質都非常新鮮個人整體對肥雞都好滿意。🤗配菜方面，沙律🥗醬汁酸酸甜甜同肥雞好夾薯條🍟亦都好香脆，薯條本身有醃製過所以唔洗特別點番茄醬都好好食🤭整體感覺唔會好油膩，而且肥雞係有心思性價比極高，如果再有機會都會再食多次。最後茶餐叫咗杯咖啡☕️做結尾咁就享受左一餐，用餐時間用咗一個鐘左右環境舒適💕，適合放假用餐！😊😊@meaty_monsters#勇敢作反食肉獸#MM元朗 #西餐 #慢煮 #午餐

自從YOHO裝修大執過，作為新界牛牛每逢假日都寧願留返喺小城；雖然不同風味菜式餐廳繁多，但元朗區鄉里更多，間間都大排長龍，urban係其中一間流動較快而我較常去嘅cafe。假日all day menu比weekday lunch menu貴少少，一般美式burger、pasta、steak都有，包是日餐湯同指定飲品（凍熱桃茶/soft drink/熱咖啡/熱英式茶。餐湯為龍蝦忌廉湯，龍蝦有四隻，都幾足料，有全盛時期spaghetti house嘅影子🤭口感一般，唔夠rich，但未至於太稀。Weekend=cheat day，當然要食吓肥嘢。先唔理係咪用三粒鐘，今時今日氣炸鍋都做到同樣效果🤣半雞肉質肥厚，皮薄香脆，煮嘅過程咇走哂啲雞油，食落一啲都唔肥膩，但平心而論隻雞無雞味；好在伴碟嘅甜辣醬夠惹味，加咗辣椒🌶️好香口。性價比唔算高，元朗區好多Cafe質素都比佢高，但如果行開商場懶得行嘅可以一試。