URBAN Café Commune (形點 I) (Closed)

係元朗Yoho mall 行街，出邊又毛毛雨🌧️，所以都唔想行去元朗市果邊食飯，咁就揀咗呢間餐廳試一試。叫左一個All day set menu for two -Set C💁🏻‍♀️龍蝦湯🦞🫕龍蝦湯味濃郁，口感唔係好結身果種，而龍蝦湯裏邊亦都有蝦肉，都唔錯。原隻鹹豬手配薯條🐷👊🏻呢一個鹹豬手一上枱，真係嘩！一聲啊，因為佢嘅份量都真係幾大，原隻鹹豬手外皮都香脆👍🏻💛我哋呢一晚冇叫到酒，我諗如果嗌埋酒，配埋食呢隻豬手應該會更加爽；粗薯條🥔係我鍾意食嘅薯條😍口感香脆，正呀，另外配搭嘅沙律菜🥗都好食，已經加咗黑醋汁調味嘅沙律菜亦都新鮮，好味😋63°C溫泉蛋卡邦尼煙肉意粉🍝呢一個溫泉蛋卡邦尼煙肉意粉，溫泉蛋做得非常之好，流心嘅效果令到意粉沾滿蛋汁🥚，口感濃郁，creamy 嘅呢，意粉亦都煮得啱啱好，口感幾Q彈，意粉上面仲有一塊煙肉，強烈建議要切開小塊🥓，先加埋意粉一齊食，因為就咁放入口真係好鹹😂凍桃茶🍹🍑呢一杯凍桃茶都好唔錯喎，桃味濃郁，就算加咗冰🧊，亦都唔會令到杯飲品變淡😉見到呢間餐廳仲有其他menu，等我下次嚟再試埋佢其他食物先。

今日同事生日🎂諗住買個蛋糕同佢慶祝吓但不如就買唔同味既蛋糕試下一齊食今日有baileys chocolate cut cake, blood mary(strawberry cake), New York cheesecake, red velvet cake蛋糕質地唔係軟棉棉 有d偏硬 面頭果片Oreo已經變韌士多啤梨味蛋糕士多啤梨味嘅cream都幾creamy 同埋士多啤梨都幾大粒又甜綠茶味蛋糕面頭有層抹茶粉綠茶味好香濃 而且佢個餅底好鬆散好明顯係冇落好多牛油

食過Moko同沙田分店，雖然沙田店已結業，但記憶中都係好食既，今次第一次食Yoho分店，就覺得好差。叫左兩個餐：一個芝士漢堡+薯條同一個鵝肝漢堡+薯條先講龍蝦餐湯，稀到水咁兼好咸，飲左兩啖食左件蝦肉就放棄，唔值用腎功能硬接。跟餐牛角包幾香，脆脆地，唔會一按成擔油。主菜上枱，薯條唔熱但都脆既，所以勉強接受，但兩個漢堡包既無烘底，也沒有牛油或者醬汁，連一片洋蔥都冇，漢堡扒又煎到勁dry，加上佢用火箭菜而唔係生菜，變左成個包既唔香又超超超超乾，$178和$188的漢堡，M記個貴包或者荳子都平+豐富過佢。以後應該只會去返Moko個間。

前排同朋友黎開元朗，見到呢間餐廳好多人食，所以我哋就入去食個午餐啦😂😂😂😂😂😂😂餐湯係龍蝦湯，充滿着啖啖的龍蝦肉，超正😍😍😍😍😍😍😍😍😍😍😍燒春雞份量好大，而且春雞好入味，外皮趣卜卜，超惹味😋😋😋😋😋😋😋😋😋三文魚意粉做到好creamy, 超正😍😍😍😍😍😍😍😍😍😍😍我哋仲叫咗士多啤梨拿破崙，士多啤梨超甜，而且拿破崙好鬆化，必食😋😋😋😋😋😋😋😋😋😋😋😋😋😋😋

☀︎ 𝗦𝘂𝗺𝗺𝗮𝗿𝘆：係ʏᴏʜᴏ行完一輪街後都一定會搵個地方坐一坐，ʜᴇᴀ一ʜᴇᴀ吾想食得ʜᴇᴀᴠʏ又想食埋甜品的話我會揀「ᴜʀʙᴀɴ ᴄᴀғᴇ ᴄᴏᴍᴍᴜɴᴇ」Cᴀғᴇ裝修為歐美型格風，採開放式設計以卡位及四人枱為主，地方寬敞吾會感到有壓迫感.另外值得一讚的是ᴄᴀғᴇ的服務水準Wᴀɪᴛᴇʀ態度親切，上菜迅速.◈ ᴀʟʟ ᴅᴀʏ sᴇᴛ ᴍᴇɴᴜ $²⁵⁸推薦呢款ᴀʟʟ ᴅᴀʏ sᴇᴛ，有兩款ᴍᴀɪɴ ᴅɪsʜ每人一碗餐湯及飲品，ᴄᴘ值不錯架.◈ 北菇松露三重奏薄餅三重奏指既係北菇，松露及芝士配上超薄脆批底，咬落鬆化脆口既有北菇片增添口感又有松露獨特香氣同芝士香.◈ 慢烤香草燒春雞。全隻春雞特性係肥美肉厚但雞皮超薄以香草醃至入味，再以慢火烤熟肉汁得以鎖緊，入口細嫩幼滑啖啖都係香草香仲有沙律同酥炸薯條作伴碟添～.◈ 龍蝦湯。凍桃茶龍蝦湯濃稠度高，味道鮮美龍蝦味突出，裡面有不少龍蝦肉架.◈ 手工法式千層酥 $³²。雪糕 $²³千層酥配上石板街雪糕簡直係ᴘᴇʀғᴇᴄᴛ ᴍᴀᴛᴄʜ三層千層酥中間夾住ᴄʀᴇᴀᴍ入口超鬆化加上ᴄʀᴇᴀᴍ嘅幼滑同士多啤梨嘅果香再沾上冰涼雪糕，多重層次感

落雨天無乜地方好去，留係商場食下tea，同朋友黎左Urban，兩點九入到黎唔多人喎，原來三點鐘先有下午茶食。坐左陣諗下食咩，覺得意粉唔多吸引，都係等下午茶嘅輕食，朋友話想食甜品，三心兩意唔知要窩夫好定蛋糕好，最後叫哂兩樣，哈哈。牛油果日曬蕃茄乾碎蛋沙律貝果三文治自己叫左呢份餐，講賣相真係一般，但意外地用牛油生菜做沙律，呢隻菜香港少見有驚喜喎，爽脆甜嘅沙律菜，正～牛油果同蛋沙律調味得唔錯，連埋貝果包食幾好味。布里芝士煙火腿牛角三文治朋友叫左呢樣，同樣用牛油生菜做沙律，牛角包烘得鬆脆，火腿鹹香，仲有片芝味濃嘅芝士，好食。莓夫！雜莓牛角窩夫又係牛角包呀～今次壓做窩夫樣又係另一種口感，勁多忌廉好正，仲有球香甜嘅雪糕。Cookie Monster蛋糕朋友揀嘅曲奇口味蛋糕，賣相吸引，味道個人覺得偏甜，無朱古力味亦唔覺有曲奇味，有點失望呢。榛子咖啡&薄荷朱古力坐低吹水點可以唔飲野，朋友話佢杯啡好香，但唔飲唔出榛子味。自己杯朱古力都好飲，朱味甚濃。平日下午茶唔多人，慢慢食傾下偈真係唔錯。

YOHO mall近排開咗好多新嘅餐廳 同老公放假懶洋洋 經過這間urban cafe 感覺chill 文青風 試下先😛見到佢哋新出嘅order set menu for two好抵食喎🤭🤭仲有abc選擇， 揀咗a餐$208，兩主菜兩龍蝦🦞湯兩飲品三文魚菠菜忌廉意粉🍝上枱賣相好靚 有驚喜 意粉有韌性 每條都掛住忌廉汁 👍👍配上煙三文魚鹹鹹哋更加香濃 而且仲好大碟添😝北菇松露三重奏pizza即叫即做非常有誠意批底係超薄嗰隻，所以食落非常脆口 松露配上北菇，當然係match la呢個pizza一定要堂食，熱辣辣like👍👍龍蝦湯也絕不遜色滿有三四隻龍蝦仔.， 濃稠適中 跟餐凍桃茶 很有夏天氣色不錯嘅選擇💕其實已經好飽但見到啲蛋糕又忍唔住🤣🤣招牌切件蛋糕 加配咗雲呢拿雪糕， 蛋糕鬆軟有層次感 其實雪糕當然一流啦手工法式千層酥， 酥脆得嚟creamy好有驚喜嘅一間西餐廳.， 服務亦都好到位 下次再試下其他😬

Urban 之前係屯門試過唔錯，今次再約左朋友黎元朗食 lunch , 一樣咁高質冇令我失望龍蝦湯入面有啖啖龍蝦肉好正，飲落好鮮甜好開胃Urban 三小時慢烤肥雞，雖然唔係全隻燒雞，但燒雞都幾大份，好夠食，啖啖肉，雞皮夠簿冇肥膏，食落一啲都唔油膩，配上洋蔥汁，好 juicy, 再配埋薯條，薯條炸得好香脆。63 度溫泉蛋卡邦尼煙肉意粉，卡邦尼汁好濃郁，有埋流心蛋，加上帶咸香既煙肉，配上軟硬岩岩好既意粉，好好味手工法式士多啤梨千層酥，入面有我最中意既吉士醬，配上粒粒士多啤梨，好抵食，千層酥酥皮仲好香脆，成份食落都唔會太甜剛剛好，份量亦好多，值得一試招牌切件蛋糕，好多味道揀，揀左 cookie monster 味道好香濃，係曲奇朱古力，一共有成五層，好 creamy , 朱古力帶少少苦味，入口勁香滑凍蜜桃紅茶，大大杯好清甜熱薄荷朱古力，賣相唔錯，再散發住淡淡既薄荷香，口感好軟滑，朱古力味好香濃。整體野食都好高質好味，店員服務好細心有禮，落單同上菜都好快，環境係開放式，坐得好舒服。

昨晚，yoho mall 間間食餐廳都爆滿，得呢間餐廳好多空位，係門口睇下餐牌有咩食，見到有個牌寫住恒生enjoy card 滿$250有9折，職員都有推銷有折，間間又冇位，西餐又ok咪坐低囉。開始點左2人套餐，其中油雞沙律d菜唔係好新鮮，油雞超難食，未食過甘難食既雞肉！龍蝦湯唔錯，牛角包都幾好，西班牙個海鮮飯個飯食左幾啖冇食了，好難食，海鮮都係正正常常雪藏海鮮，冇期望，另外有塊多肥膏既牛扒。叫左個2人套餐一共食左$8xx，甘既質素總括黎講呢個價唔值得黎食，環境普通都冇咩格調可言，自己簡得都冇期望有咩環境值但求好食、可惜太失望！埋單打算有9折，點知個職員埋單話得杯飲品先係9折，因為套餐關係，心諗（下，冇野呀，平左1蚊幾？？？）之後我就同佢地理論，冇寫套餐唔可以9折喔，我估個收銀員都係新黎，佢再去搵上級，個上級又係廢，話冇折又唔解釋，只係話部機顯示係甘，我就再睇返出面個牌，明明入黎果時你地職員同我滿$250就有折，依家$8xx,又冇說明套餐唔用得，再同經理理論，感覺餐廳d職員都是廢的，我仲影相證明。可以告公司！好彩最後經理都俾返現金我地！不過我唔會再幫襯呢間野。

><平時食開牛角包早餐坐得都舒服 店員幾helpful留意到個二人餐幾豐富搵咗日嚟試試超值二人套餐B($258)慢烤香草春雞(全隻)春雞皮薄冇半點肥膏撕開後肉汁緩緩滲出仲有薯條 蕃茄 蘆筍 沙律伴碟北菇松露三重奏薄餅菇味香得很 滿滿嘅芝士而薄批脆身 食幾塊都唔滯套餐包龍蝦湯及凍桃茶餐湯鹹香有小龍蝦肉百利甜酒意大利芝士拿破崙($32)店員去咗pastry section睇下當日有咩味分別係士多啤梨同意大利芝士千層酥鬆化 tiramisu cream唔太甜><><><><><><><><><><><URBAN Café Commune元朗元龍街9號形點一期1樓1030A號舖

上次經過 Yoho mall 嘅 Urban Cafe Commune都已經覺得啲蛋糕好吸引，前日決定入去tea一tea，悠閑的盡享美食！餐廳裝修型格帶歐美風，開放式設計，感覺開揚，舒適寫意，一樂也。餐牌裡嘅Tea Set有十幾款揀，特色牛角包三文治、精美蛋糕、Breakfast、烤雞、意粉、沙律等好多選擇。 晨光第一炮   $92見到都開心呀😃好豐富嘅Breakfast，一次過食到咁多款，大滿足呀！鬆軟嘅法國A.O.P牛角包，牛油味香濃，層層酥化，一定係必食，超推介！法式香腸散發淡淡香草味，軟嫩多汁，帶點煙燻風味與鹹味  ;  加上炒香過嘅雜菇，菇味突出，煙肉香脆可口，炒蛋嫩滑，配合慢煮蕃茄，口感味美。Impossible 豬柳貝果早餐     $92呢款同樣很豐富的，Bagel 口感煙韌，啖啖麵粉香，係我喜歡既包點之一。Impossible 豬柳肉味香濃，煎得好香脆，烤大啡菇、藜麥沙律和慢煮番茄新鮮爽口，炒蛋非常嫩滑，加上黑椒食起嚟特別惹味，再配合芒果香辣汁，全部食材都好夾，一份可以食到多種層次同口感，太滋味啦！New York Cheesecake  $58蛋糕食起嚟比較厚實，非

收工想食個靚下午茶☺️因為近番工所以都食過幾次😂今次終於的起心肝寫食評$108慢煮法國黃油春雞🐣雞肉剛好離骨🤤薄薄雞皮唔會好油😋皮脆肉嫩👍🏻一啲柴肉都冇☺️☺️半隻雞配薯條完全好夠食🤤$148車打芝士牛堡配薯條🍔牛肉超香牛肉味🤤一口咬落流出濃厚肉汁🤤🤤🤤薯條外脆內軟🍟灑上芝士絲🤤🤤🤤十分邪惡🤤跟餐加$18就可以升級飲品👍🏻$18榛子咖啡☕️濃濃榛子味🌰入口唔會過甜👍🏻適合唔鍾意苦咖啡的我☺️$18摩卡咖啡🥤入口唔會苦，咖啡豆好香☺️總括而言，食物飲品即叫即製👍🏻下午茶雖然比午餐平，但午餐有龍蝦湯🦞或者外賣一杯咖啡都係好選擇👍🏻

平日既夜晚去yoho食過西餐，見到佢二人餐都幾吸引由於我6點食，較小人，睇到坐位都寬同舒服既2人餐幾抵，我地叫左個B送既桃茶都幾大杯，唔甜，幾好飲我地額外叫左個芝士薯條，好香好脆，加埋d beacon ，正！卡邦尼意粉濃郁同賣相都好靚，適合打卡，加埋個流心蛋mix埋一齋，意粉都剛好，唔會太軟太硬，幾好原來。。。個燒雞都有薯條😂值得一讚係個沙律菜好新鮮，燒雞都好juicy ，份量又大😂好抵食，仲要外表靚，隻雞都唔細平日夜晚坐喺度吹下水，食個晚餐，又唔多人，店員都幾有禮貌，依間餐廳係一個好既選擇，同埋近戲院添

元朗YOHO li間Urban開左好多年, 回想初初排哂長龍真係誇張, 店家啲麵包同蛋糕一向都高質, 連堂食嘅西餐都好好食, 黎開YT帶住Boy都係要入mall食🫣(利申自己一向有幫襯小店架🫣).🍴****餐廳有IKEA BB櫈架**** 真係好重要❗️要讚店員set櫈都無話唔耐煩👍好熱心n NICE👍, 睇得出店員們相處好融洽😂.#bb櫈🍴慢烤香草🌿春雞*全隻*會唔會勁抵食? 個set有全隻慢烤春雞+一款pasta, 隻雞原隻上見到面頭大量香草🌿製作認真. 比正常烤嘅時間同溫度再調較而用多左時間烤成嘅雞肉特別嫩滑, 同埋易切, 加上成隻燒雞竟然無一part係嚡!!👏🏻 2個大人share份量真心多, 抵食推介!🍴三文魚菠菜忌廉意粉以幾大塊好味煙三文魚鋪意粉上面, 喺意粉入面嘅煙三文魚就係熟gei👍好足料, 意粉整得剛好Al Dente口感, 佢足料個點就係菠菜同三文魚份量夠, 忌廉汁濃稠度好好, 條條意粉都超級掛汁.🥣餐湯嗌li張menu嘅set最抵我覺得係唔使加$18有龍蝦🦞湯同Peach Tea. 近排大熱嘅龍蝦🦞😂湯味道濃, 𢳂起有小龍蝦🦞肉呢. Peach Tea夠哂大杯又好飲

呢間牛角包真心出色，蛋糕都唔錯，今次終於認真坐低食，平日晏就時間估佢唔到都多人，坐低後我第一時間竟然係睇食包😂之前去屯門分店食過小龍蝦牛角包三文治覺得勁好食，今次試吓真龍蝦🦞真龍蝦牛油果牛角包三文治 $128一嚟到見到好多龍蝦肉牛油果，旁邊仲有勁多嘅薯條🍟真係極之邪惡包都食飽，龍蝦肉唔算少，最緊要我個包熱辣辣好香又好脆，價錢都算合理，薯條都夠香脆，最鍾意食呢款薯條叫咗個午餐套餐係包咗龍蝦湯同埋餐飲，龍蝦湯真係有蝦肉，正呀，份量仲唔少餐飲我依舊揀咗蜜桃茶，覺得今次個蜜桃茶好飲啲😂1/2 慢煮燒黃油雞 $118佢隻雞貌似唔多得½，都係配咗好多嘅薯條。隻雞超級香，好香嘅孜然粉味，啖啖肉菠蘿牛角包🥐 $21呢個嚟到嘅時候又係超級香脆，外皮好似菠蘿包，而且食落去甜甜地，真係超級邪惡又勁好食嘅牛角包，無論係熱食定室溫食，食完超滿足士多啤梨千層酥 $32其實去千層酥係有兩隻味，店員話呢隻就比較出色所以我就揀咗，超多嘅士多啤梨，估佢唔到好香脆，而且啲吉士醬都唔算快溶，真係唔錯，同其他千層有得比