URBAN Café Commune (形點 I) (Closed)

忙裡偷閒, 做完一輪野, 天氣又熱, 見到urban cafe tea set menu幾吸引, 坐低抖抖, 叫左兩份tea set牛油果碎蛋沙律配薯條+牛角包🥐牛角包好酥脆, 都算大個, 牛油果蛋沙律份量頗多, 下午茶呢個份量食完都幾飽肚, 不是air😂自製青醬慢煮雞肉意粉🍝雞肉冇特別, 無雪味, 但雞肉似白烚, 冇乜味, 意粉煮得剛好, 配埋沙律菜, 車厘茄, 芝士, 口感清新而不膩我地二人都係飲凍蜜桃茶, 酸甜度岩岩好, 開胃又解暑, 炎熱天氣飲蜜桃茶最好不過😛

晚餐係形點1期的Urban Cafe, 簡左全日供應的餐，卡邦尼意粉配龍蝦湯牛角酥，凍蜜桃茶，消費$129.8龍蝦湯唔係好濃個種，但味道不錯，牛角酥正常發揮， 卡邦尼很creamy,醬汁較多，唔鐘意cream既朋友可能會覺得over左，意粉仲配左一隻溫泉蛋和煙肉，煙肉真係比較咸 ，但整體都係不錯的，所以有時收工都會過黎食晚飯，佢地既蜜桃茶都係一絕，有時候行過都會買一杯蜜桃茶邊行邊飲，另外值得一提的是佢地既蛋糕也係出色既

今日食評✍🏻Urban cafe@yoho mall試食指數⭐⭐⭐⭐店舖衛生⭐⭐⭐⭐侍應態度⭐⭐((每項5⭐️為滿分)) ·帶bb去餐廳試下食早餐早上0830已開門啱晒早起身嘅家庭座位寬敞清潔QR code 落單兩份早餐都好豐富牛角包🥐鬆軟炒蛋熱、嫩滑魚柳就麻麻哋好「鞋」不過呢個價錢係可以包容少少嘅食物不足Bb坐得舒服食得開心我哋大人有餐安樂茶飯食都好滿足二人加一182·無論大鋪小店我哋都會盡試盡講Follow我哋bw.foodie

去形點行街，7點幾見佢無乜人，之前係東薈城食過又ok,所以入左去食dinner,叫左兩個set dinner1.卡邦尼意粉（正常）2.澳洲M7肉眼扒(叫左7成熟，第一塊well done,韌到咬唔到，同職員反映，肯幫我換過，第二塊嚟到，都係well done,仲要好咸，可能加重料， $378自己返屋企煎好過）餐湯龍蝦湯咸到一個點，成餐最正常係個意粉同甜品心太軟，原本想叫窩夫但售罄，睇返食評先知窩夫都係“佳品”，好彩售罄。總括而言，不吃也罷.....

(很少給餐廳負評的我，看完op後，發現這家店劣評如潮，所以也放心照寫負評，希望店家可以改善一下問題）位於元朗形點的URBAN CAFE COMMUNE，是最近較為深刻的大伏餐飲，只能怪自己沒有先在網絡查一查店家資料：原來這間餐廳早已惡名遠播⋯唉，吃出個難過來⋯（而且後來才發現是美心集團，唉⋯提提自己下次別亂排餐廳吧！）.員工態度和能力是讓人感到不悅的主因✖️問題1: 我們點了兩份all day breakfast，其中炒蛋實在太淡味了，我們想查詢能否提供蕃茄醬。店員先是無視（雙目對望也視而不見，而且當時她們也閒著沒事忙）。後來在遞上蕃茄醬那刻，她無聲收起我們的水⋯傻眼？？？幹什麼要收人家的水而不告知呢？？？？.*註：我們並沒有現場批評食物，只是查問會否有蕃茄醬提供，這個要求放在西餐中，真的還好吧？若果不能提供，大可直接回覆，用不著發晦氣喔～.✖️問題2: 對於被收起水杯，我們再次揮手（當下也沒責怪莫明收起水杯之行為，就簡單一句：「唔該想要杯水，謝謝」）。除非店家的水是收費，不然這樣收起正在用膳的飲料，也太失禮吧？.最後店員從頭到尾一聲不響，更在放置水瓶時發出蠻大聲響。幹嘛吃個西餐，要受員工

一底唔凍唔熱又軟笪笪既窩夫+一堆菜（上面鋪左啲啲蟹籽）+有雪櫃味既魷魚粒+少少冇味既蟹肉碎=168加一食材冇調味（除左菜上面既沙律醬），直接全部擺落個碟上面。最好食係上面堆菜。

中意呢到闊落坐得夠舒服😍🌟溫泉蛋卡邦尼煙肉意粉 $118好味呀！個醬汁好creamy！配埋龍蝦湯同牛角包🥐 龍蝦湯好香龍蝦味同牛角包夠脆身👍🏻值得再黎❤️📍URBAN Café Commune (形點)元朗元龍街9號形點一期1樓1030A號舖

呢度係我最經常光顧早餐既店舖滿心歡喜黎到諗住食個靚早餐好期待個牛角包點知，今朝食完完。全。失。望。吉落個牛角包唔脆既直頭係淋既咬落口個牛角包一係隔夜一係就放左幾日又硬又韌一啲都唔脆咬完一啖就放棄唔會再幫襯

正好家中老人家生日，想起之前情人節吃過這家餐廳的屯門分店(已結業)，體驗唔錯，因此就來元朗店吃。🍽餐廳位於人來人往的走道中間，呈半開放設計，私穩度有點不足🫣。座位舒適，可惜木質餐枱有點小，多點幾道菜就放不下。平日晚巿人不多，很好座，不用訂枱也可以，服務很好，上菜速度也很快。菜單攞盤很吸引，味道也不差，價格很合理。(附上餐牌以供參考📒)由於每個人的口味有所不同，味道方面不作詳述。(請參考附圖)

首先Bloody Berry 雲呢拿慕絲蛋糕 = 膏狀白色魚膠粉製品，乜味都冇，雲呢拿冇甜味冇，唔知食緊咩，食咗一半直接掉咗。買外賣蛋糕，個店員NAME：SIUYI 手套都冇直接喺雪櫃扯兩個蛋糕出嚟，放入盒再放入紙袋，大力chok一下個紙盒跌落紙袋底，未開盒已經知個蛋糕不成型，果然（ 如圖 ）。職員亦都冇禮貌。總結：唔使試唔使試唔使試唔使試唔使試唔使試唔使試唔使試唔使試，雖然唔係貴，但任何一間蛋糕店都比佢好味。

🌟士多啤梨拿破崙 Strawberry Mille-Feu dessert $32未食之前就已經可以聞到士多啤梨嘅香氣，酥皮層對比其他唔算係香脆，中間唔多空氣，反而比較硬同厚身，食落都好好味。中間嘅忌廉用新鮮士多啤梨調製，充滿住果香味。淡粉紅色忌廉再加上用心擺設嘅士多啤梨，真係好適合打卡啊！.🌟玫瑰荔枝芝士蛋糕 Morcheez Lychee $38上面果層嗜喱狀由荔枝醬再加入玫瑰製成，兩種味道非常夾亦唔會比其中一方搶走曬啲味。下面個芝士蛋糕唔算係好實心，但口感綿密細滑，芝士味亦都算濃郁，中間仲有少少海綿蛋糕令口感層次更豐富。整體食落去都覺得好唔錯，仲會成口都充滿住玫瑰荔枝香🤭.🔸味道：8/10🔸打卡指數：8/10🔸性價比：8/10———————————————🍽URBAN Café Commune (形點)📍元朗元龍街9號形點一期1樓1030A號舖Shop 1030A, 1/F, YOHO MALL I, 9 Yuen Lung Street, Yuen Long

今日同屋企人喺YOHO買完野，想搵嘢食就random入咗呢一間之前都食過幾次旺角分店，知道食物質素OK，只係價錢有少少偏貴不過今日我屋企人生日，冇所謂啦我哋坐咗張四人枱，啲食物陸續上枱，咁就有一位店員拎住個all day過嚟當時我哋而家枱上有龍蝦湯，有牛角包，仲有一碟risotto，所以嗰張枱上面已經冇咩位剩咁我哋見到店員行埋嚟，已經自動喺度移開啲碟，等佢可以有位放低先唔講我去其他餐廳，啲店員係會自動波幫手移開啲碟咁我都唔介意自己做嘅，但係呢位店員真係非常之串，勁大力pat低碟野講緊真係bang一聲勁大聲嚇親我地我心諗咩事？我識你？我借咗你錢唔還？憑咩你收咗我服務費，仲要咁大力放低我啲食物定係你嫌我哋騰空啲空間騰空得太慢？點解你收咗我服務費，我仲要俾錢受你氣呢位店員係紮住一條馬尾頭髮係有啲金色同粉紅色，當時係着住一件淺藍色上衣呢位店員叫毛毛先唔講呢一個名係真定假，點都好，問咗就更加確定我真係識你條毛，唔知仲以為我得罪左你我已經唔係要求你好Nice對我，我亦冇叫過你拎任何嘢，點解你可以咁有性格，咁西口西面對客人最好笑係食嘢中途，我哋隔籬枱有張二人枱嚟咗一位女士，呢位店員行去拎Menu俾佢

Starter龍蝦湯伴迷你牛角酥蟹肉他他紅菜頭沙律伴迷你牛角酥個龍蝦湯同蟹肉他他都ok，但個迷你牛角酥就有d失望，平時佢d牛角酥係店既招牌係幾好食，但變左迷你版就差左好多！完全唔係正常版既質地，唔知點解🤷🏻‍♀️Mains鮮松露鵝肝義大利飯 $208個risotto味道都可以，但松露無乜味鵝肝亦超級細塊慢煮黃油春雞 $218呢個味道幾好，亦唔會柴，係成餐飯最好味了😂份量亦好夠，一個人既話應該食唔曬個dinner set整體黎講一般，雖然價錢亦唔係好貴，但性價比都係偏低

🍖ALL DAY SET MENU FOR 2 C SET $308- 龍蝦湯龍蝦味重，而且總有蝦肉係內面- 63。C 溫泉蛋卡邦尼煙肉意粉醬汁做到好creamy, 溫泉蛋完全做到流心效果, 夾埋意粉食好正- 原隻豬手配薯條豬手有面咁大隻, 分量十足, 做到外脆內軟, 如果有叫酒既話, 好岩配埋黎食另外配菜有沙律菜同薯條, 保證夠飽～～～～～～～～～～～～～～～～～～～～～～📍 URBAN Café Commune地址: 元朗元龍街9號形點一期1樓1030A號舖

行過元朗形點有少少肚餓見到餅櫃嘅蛋糕好似幾靚所以坐低咗試下———————————————坐低咗，叫咗一件切餅，千層酥，同牛角包海鹽焦糖芝士蛋糕加配咗一球雪糕有雲呢拿同石板街選擇叫完石板街，上碟嘅時候係雲呢拿？問完waitress,佢幫我問廚房先話無石板街我個感覺係落單嘅時候已經有錯誤如果唔係，點解唔使同個客人講冇石板街口味轉雲呢拿得唔得？都唔緊要，雲呢拿味唔係唔放得入口先試咗雪糕上面嘅cream，有怪味，有種酥臭味雲呢拿雪糕普通貨色，重雲呢拿香油———————————————去到試蛋糕，我原本期待焦糖醬係會呈現比較醬身狀態，結果係一層重魚膠粉嘅焦糖啫喱片，完全冇味，冇焦糖味冇海鹽味。芝士蛋糕新唔係厚實嗰種，而係都係充滿魚膠粉嘅芝士蛋糕，口感好奇怪，冇芝士味都算，我淨係食到雪櫃味。蛋糕上面嘅朱古力脆片又淋，重雪櫃味，真係好難食，下面嗰pat cream係成舊硬身，拎得起。可想言之件蛋糕放咗喺雪房或者餅房幾耐，———————————————千層酥相比之下叫做正常，但係中間嘅Bailey cream都係冇味，Cream嘅口感係廉價貨。去到牛角包，冇蜂巢組織，又係淋，外面嘅朱古力醬係難食嘅朱古