海景餐廳

Open Now

Now Closed

因為海景餐廳喺公司附近，所以係我哋同事之間嘅飯堂，想快靚正一定係食佢。食咗佢幾次原汁牛腩，正常麻甩佬飯，但係你會覺得佢啲牛腩食極都有，同埋味道真係好入味，配埋杯熱奶茶，超級滿足。

今日係紅磡食早餐周圍搵地方，見到呢間海景餐廳個名好似好勁咁，我同朋友就入咗去試伏，點知環境噏耷到呢，又冇海景又污糟，仲要我等。（因為附近應該有個新樓盤好多地產仔喺度打躉）🙂🙂搞咗一輪終於入到去，叫嘢食嗰陣個阿姐呢係講普通話嘅，咁我同個朋友嘅普通話都唔係好標準啦！個阿姐完全聽唔明我地想食咩，最後要指住個餐牌佢先至識落單呀。🙃🙃咁服務差、環境差都算啦！我哋可以講吓啲食物啦，點知一嚟到嗰個熱朱古力得半杯，仲要個杯勁大陣漂白水味，然後我哋嗌咗兩個早餐都係有沙嗲牛肉嘅，但係就得幾粒牛，勁少料！最後我朋友話佢杯熱奶茶有苦澀又難飲！應該唔會再嚟！🫠🫠

因為要趕船過海，又未食野，誤打誤撞黎左碼頭隔離既茶記食lunch，太肚餓，諗都冇諗就入左去叫左個常餐。落單過左3分鐘，常餐就黎，好有效率，超適合趕時間一族。食後感：一切正常。豬扒煎得唔錯，奶茶都好港式。

由北角搭船到紅磡，一落船係紅磡碼頭有間舊式茶餐廳，週末懶洋洋的，一於來個邪惡下午茶！好簡單既tea set, 價錢都相宜。呢間餐廳好有市政大夏內既茶記feel, 不像連鎖快餐店tea既味道一樣像倒模似的⋯⋯炸雞脾份量多了一小舊（突出來的部分），很脆有肉汁流出來，感覺拍得住「日月星」既炸脾！紅荳冰太淡味，紅荳唔夠「諗」凍檸茶有茶味，檸檬也用上新奇士的！芝士火腿西多士多士炸得金黃，沒有太多蛋味，也略嫌太薄身。很地道的水吧setting~ 室內坐得舒適，室外也有位置比食煙人士用餐。食食下有零星既外國人done in or take away, 係碼頭又有新既嘉里酒店係隔壁，真係有得做！

一直想幫襯這間在碼頭旁的酒吧, 好特別, 有半邊的海景, 唔係太高級的外表, 勝在價格實惠, 先來兩杯大大的Hoegaarden, 鬼佬老友記形容此啤為 Light, fruity, smooth, 而且飲完唔使上廁所, 但我飲唔出有甚麼有fruity, 也不覺有幾Smooth, 唯一同意的就是Light, 真係好淡, 又聞.. 話加片檸檬會令更清香, 都係唔多覺, 唔使上廁所? 又真係喎, 飲咗三大杯, 都唔覺有需要, 幻覺? 再來一客焗豬排飯和一件雜錦薄餅, 已有些少頭重腳輕, 忘記了薄餅有甚麼材料, 但味道尚算可以, 但味道偏淡, 勝在夠熱, 芝士夠多, 焗豬排飯, 豬排都算軟身, 但醬汁焗得時間不太夠, 引至飯身太濕, 味道偏酸,

第一天在黃埔上班中午放飯隨同事到了這間海景餐廳五個快餐 三十幾元 也不太貴天氣太熱 下不了飯 結果點了快餐焗意粉跟凍檸荼凍檸荼水準不過不失 算是不錯解暑良物可惜隨後登場的意粉令人失望咸得嚥不下去 味道差 誠意也欠奉連意粉上面芝士也烤不到金黃色 完全只是一塘溶了的白色芝士如果一分錢真的有一分貨 34元 一半也不值

已忘了為何忽然兩口子在此吃東西了。不過反正太座能在此乘船回公司上班，自己也能乘小巴直接回到辦公室，所以仍是挺方便的....很奇怪的，這兒早午市提供的只是普通ABC餐及即炒粉麵飯，活活脫脫是一個典然茶記的格局，但到了晚上卻變成吃中價西餐及喝酒聊天為主的bar restaurant，真是萬料不到....說回眼前的ABC餐。凍檸茶是盛在雪得冰凍得顫手的不銹鋼杯，温度能長期保持在甚冷之狀態，喝進喉嚨後自不然是透心涼了，所以儘管茶味全然欠奉，有如像在喝冰水一般，但在三十多度的晨早之時喝下肚，已是消暑之極的恩物.....雪菜肉米當然不會要求有着如龍城樂園或跑馬地昌記一般的高水平。吃落沒有死鹹的感覺，肉絲雖不多但不是碎濕濕的，米粉仍是留有少許咬勁。故此縱然喝着的是味粉湯底，整體上也覺還吃得下的....牛油多士十分的薄片，烘得帶少許脆，牛油份量不多也不少，水準比外頭有些做得"乸西"的茶記為佳；腿奄就差勁了些，只是一塊如紙般的乾蛋皮蓋着些剛拿起的烚熟火腿絲混在一起，可以不吃也罷....怱怱吃完後便分道揚鑣，各自幹活去也....

今天,已經到了我的生日celebrate 7了,終於輪到我和我的家人一起和我慶祝生日了.記得姐姐前幾天問我,生日想去那兒食飯慶祝? 由於我知道大家辛苦工作,加上這餐飯是由她付全數的,所以我也不敢選擇一些高上的餐廳,但有一間餐廳我一直也想去,而且價錢也不是太貴的,可以一邊望著海景也可以一邊品嚐美食的,我所說的就是一間地點為於紅磡碼頭酒吧西餐廳-海景廊.記得前幾天,我打開了openrice裏"海景廊/海景餐廳",便向姐姐說,今次就來這餐廳食飯吧. 我們還約好,今晚我們也要一起飲"Hoegaarden"來開心慶祝一下吧!我們之前訂了7:30 4 位,但詁不到我們去到餐廳只有一張是坐著人的,其餘還是空空的,心想是否餐廳質素麻麻地,為何週末的黃金晚飯時段仍是這麼少人,不理那麼多了,最緊要今晚開開心心和屋企人慶祝我生日.我們坐下四人枱後,職員很有禮地給我們每一份今晚晚餐的menu. 我們一家四口也order一樣主菜,包括1) 羊肉其實,我真的很少吃羊肉,因我不太喜歡牠的"騷味",但反而我的爸爸及家姐比較喜歡吃羊肉. 今晚這一碟羊肉,我也吃了幾一口,也覺得幾好味,不錯,牠的"騷味"我也可以接受得到.

五月中旬‧悶熱是夜飯局，適逢「葡巴大戰」，未開飯，就已在商量到那裡睇波。周圍都滿，不然就要walk-in，還是師姐人面廣，打幾個電話，就留了張在大電視前的大檯。十時的一場，不要說是室內坐到滿，連外邊也企滿人的，盛況空前，相信不是世界杯，這裡也不會如斯旺場了吧。沒有最低消費，大家也要了喝的，我的選擇是生啤，還是一杯Hoegaarden合味道。喝起來一點草味，青新爽口。上半場還有「埋身腳」可看，下半場絕對是悶得發慌。結果是0:0完場，還好是跟幾位食友到來，可以邊看邊鬧，不然不睡著才怪。埋單六十元，這個情況下，不算貴的了。謝謝師姐安排。

今日同親愛既女同媽媽去左而間野食飯兼提前慶祝媽媽生日~本來唸住去UCC~但係佢要收成$100 開餅費~ 貴到痴線~所以轉去而度~反而個VIEW仲正~服務態度都好好~一入到去雖然坐唔到海景位~反而係角落位仲好~冇人打擾~氣氛暗得黎幾浪漫~情調一流~可能係酒吧唔會有人唔飲酒既關係~佢剩係俾左張飲野既MENU我~ 我問佢想要食野既MENU先俾我~ 當我地決定左食咩之後~前後起瑪有人黎問左我地幾次飲咩~我叫左焗豬扒飯~媽媽叫左茄汁鮮蝦意炒~阿女叫左焗薯皮~我個焗飯除左酸左少少之外~豬扒都幾"唸"~飯都幾香口~亦都芝士係面~份量亦不少~$68 係而個地方我覺得差不多~反而媽媽覺得佢個汁太酸~ 至於阿女個薯皮就話不錯~之後因為我預早放左個蛋榚俾間鋪~佢唔洗收我錢之餘~ 後尾仲俾左3隻碟同叉我食蛋榚~態度好到不得了~雖然佢係咁煩我問我飲咩~搞到我都唔好意思~最後賣單212~ 都OK LA~

睇一睇番0的食評，原來去年同老友吃完蟹都係來呢度飲野﹗天氣轉涼，食完蟹都唔理得佢寒上加寒，就來呢度對住個海飲番杯﹗飲既係hoegaarden，仲係happy hr $40杯相當抵飲﹗由於只係星期一關係，人不多，追談闊論，兩條友仲玩埋啤牌，認真有癮﹗最後玩到加多jug健力士，呢度生啤只係得罐裝，用罐倒落jug味道同鮮生啤當然口感同滑度都有出入，不過是旦啦，有得飲已很好﹗$140 jug價錢還可以﹗吹海風吹大了，第二日係咁流鼻水，搞到要食樂信感冒靈，慘慘慘﹗

今天去了紅磡外勤工作，正所謂辛苦揾來自在食，選擇了海旁碼頭的海景餐廳食晏，方便泊車之餘又有涼颯颯海風及無敵維港覩景，提升不少環境方面的評分，牆上的餐牌有很多種食物，不想太傷腦筋，見門外的午餐牌上有泰式豬手，問清楚侍應猪手是切片上，不怕太麻煩要用刀切，便叫了一客泰式猪手配意粉試試。泰式猪手猪手以一隻圓形的兜裝着上枱，碗內有很多鹵水汁浸着猪手，其實配飯更適合，面上灑了些葱粒，豬手巳預先切片比較易食，這客泰式豬手也像巴伐利亞及波希米亞猪手一樣有酸菜伴碟，相信都是異曲同工為着減低豬手的油膩，切了片的豬手有些像燻蹄，入口完全不覺油膩，酸菜的酸度適中，非常醒胃可口，看了前文才知海景餐廳原來有泰厨煑泰國菜，怪不得煑這泰式豬手咁靠得住，下次想晚上來試吃這裹的泰國菜。

三個好姐妹聚會, 想食泰國菜, 去九龍城又怕人多等位...經朋友推介, 紅磡碼頭開左間新既泰菜, 靜靜地, 新張期間仲有85折, 不妨一試!!我地3個女仔叫左生蝦, 咖哩炒蟹, c蛤, 冬陰公湯, 蒜蓉包, 豬頸肉, 蝦餅...仲開左支白酒!生蝦~又爽口, 又大隻咖哩炒蟹~個味好香, 唔太辣...極力推介!!c蛤~新鮮+大隻冬陰公湯~夠濃, 又多料....味道唔太辣, 剛剛好!蒜蓉包~燶燶地好入味.....點埋咖哩炒蟹個汁簡直一流, 所以食炒蟹一定要叫蒜蓉包!豬頸肉&蝦餅~就普普通通la隔離就係酒吧, 食完飯過隔離開支酒繼續傾....好正! 酒吧環境好好, 向海, d枱又唔會太迫, 係傾計吹水的好地方!

好正宗嘅泰國菜.最推介係冬蔭功湯同咖喱炒蟹,個湯好足料,味道不錯,最重要係唔太辣.咖喱炒蟹不論賣相同味道都好吸引.

同朋友行過見話新做泰國菜，重話係由泰國廚師處理；新張又85折埋單，咁就即本試試啦！叫幾個傳統o野試試佢，睇佢得唔得先！首先叫冬陰公湯；好呀夠晒香。最好係唔算太辣，怕辣o既都可以試o下！跟住叫個併盤，好地道泰國 feel 呀！正最後個鹹肉抄椰菜苗，夠味夠火侯！再整番兩支泰象啤，重以為去o左泰國o添！真係值得一試