泰越概念 (Closed)

愛上青咖哩@泰越概念 地址: 銅鑼灣渣甸街66號Aura on Pennington 3樓 $88 青咖哩雞，因加了椰奶同椰糖，香之餘又唔會辣，正合我這類喜歡濃郁惹味卻吃不到太辣的人。雞肉外會加入大量蔬菜，如蕃茄，洋蔥等，伴隨陣陣椰奶香。基本上我是會直接把青咖哩汁當成湯喝的人。要人飯氣落肚，青咖哩也是非常下飯！yummy yummy. $88 炒椰菜苗，綠色像小網球很可愛，要了蒜蓉炒，因蔬菜我偏向清爽，用上太濃味的醬，鹹味怕蓋了蔬菜原味呢！吃泰菜飲料錢不能省，來一杯凍檸茶，就是美好的安排了椰奶味香噴噴的青咖哩，一試難忘，己盤算下次再來開飯了

今晚來到泰越概念，早到可以坐窗口卡位。先來一個小食拼盤（$138） ，咩都有點，岩哂心大心細嘅我～有雞肉串，脆卜卜嘅蒜蓉包，春卷，炸軟殼蟹同埋一個好可愛嘅荷葉包雞。。同埋其實好岩3個人share 因為每樣都有3件。主菜炒了個馬拉盞炒芥蘭同菠蘿🍍炒飯。馬拉盞炒芥蘭炒得好香。另外菠蘿🍍炒飯有好多菠蘿粒同埋肉鬆，好好味！ 飲品方便我個酒鬼朋友叫了2枝泰國啤酒🍻（$38）一枝都算正常價。另外我叫了杯牛油果奶酪🥑芒果🥭青瓜 （$52），好清新的感覺✌🏻

係銅鑼灣想食泰國菜有好多選擇，最近就新開左呢間，收工就同朋友上去試下上到去見到裝修設計都唔錯，感覺都幾開楊，坐得幾舒服。食物選擇方面都幾多，有泰國野越南野，不過我地主要叫左泰國菜。海南雞肉滑皮脆，實肉冬陰公酸酸辣辣，蝦肉新鮮彈呀，夠曬開胃串燒最好食，大大舊肉而且d肉勁多汁同彈牙，加埋d sauce好味波羅抄飯大大份，配料十足，而且抄得都幾香。馬拉盞抄耶菜苗菜就新鮮，但就比較少汁。總括呢間都唔錯，價錢亦都唔算貴。

位處於Aura on Penington，這棟大廈華麗得像甲級寫字樓的ＬＯＢＢＹ，原來是一棟美食大廈。來之前以為Ｖ　ＴＨＡＩ泰越概念是ＦＵＳＩＯＮ菜，原來不是呢，反而是一間以泰國菜為主打，再加入一些越南菜作副線的餐廳。在［甲級寫字樓］上，別以為這間餐廳很貴，每一道菜大多都只是＄７８—８８，而且份量不小！場地光猛侍應有禮，而且坐位舒適又不迫，可以坐很久又不會趕人，很讚呢！選擇實在太多，我詢問了侍應有什麼推介，然後我就跟著推介點了幾款。泰式肉碎生菜包，小辣帶有少量生洋蔥，提味之餘又不會過辣，肉碎既粉嫰不鞋又富水份，咬下竟有些肉汁！在外面包著清新疾脆的生菜真的超好吃！侍應推介的燒春雞果然不俗，１１８竟然有一大隻！而且還是新鮮在烤爐拿出來，因為嗅起來很明顯是即燒，香味四散而且肉質不會鞋。沾些泰式辣醬，雖然不會很粉嫰，但也是另一種香濃的吃法，不錯。泰國菜少不了的重點：椰汁芒果糯米！椰汁夠濃不會甜，芒果甜中帶酸，白糯米鬆軟稔滑，可惜的是沒有加煙韌的黑糯米去協調呢。泰越概念，怎少得了越南ＰＨＯ？這裡的越南ＰＨＯ粉軟滑，入口順滑而不易斷，牛肉非常軟滑，浸湯至７成熟吃最好吃！比坊間有名的那些ＰＨＯ店還好

最近愛上在這棟大廈覓食，各個國家既餐廳都有，今日就試一試呢間泰越概念啦。 餐牌選擇唔算多，不過每款都很吸引。我地今日好肚餓，所以就決定食一個飯、一個炒金邊粉同其他小菜。 炒金邊粉$98金邊粉是濕炒的，將碟邊的花生碎以及青檸汁混在一起時，口感及味道非常恰到！酸酸甜甜非常好吃！當然，再加上果幾隻爽口彈牙既蝦就更加出色啦 海鮮菠蘿炒飯$108炒飯底炒得好乾身非常好食，海鮮配料豐富，加上D肉鬆，同脆卜卜嘅腰果及酸酸甜甜嘅菠蘿，好有泰式風味，就算咁熱天氣都好開胃，成碟清晒。 泰燒春雞$118燒春雞外層金黃色，雞脾位肉嫩滑多汁，配上海南雞醬十分惹味。不過分量好大，兩個人都食唔晒，建議多人分享。 蒜蓉燒扇貝$20/隻扇貝都幾大粒，而且新鮮沒有沙，配上惹味既蒜蓉真係超級推薦！ 芒果、青瓜、牛油果乳酪$52質感非常綿密，牛油果味道突出，感覺很健康！唯一可惜係芒果味比較少，不過也已經很好飲。

這天在銅鑼灣跟朋友們聚會，突然想吃泰國菜，便選了附近這間「V.THAi」，一進去發現裝潢新穎舒適，座位寬敞，是多人朋友聚餐的好地方😉👍🏻我們先點了「小食拼盤」和「泰式生蝦」作開胃菜，「小食拼盤」有：蒜蓉多士、雞肉沙嗲串燒、蒜香軟殼蟹、香蘭葉包雞、泰式魚餅和越南春卷，款式豐富且有特色，全都香口惹味🤤🤗之後我們還點了：「原條魷魚燒、蟹肉柚子沙律、明爐原條烏頭魚」，魷魚燒惹味彈牙😋烏頭魚更是值得推介🤗湯底酸辣開胃，配料豐富，魚肉嫩滑，且魚骨少，明爐更是保存整條魚溫度剛剛好，不怕冷了魚肉會腥👍🏻非常好！🤤飲品首選一定是原個椰青🤗清甜解渴👍🏻😋總結而言，銅鑼灣眾多泰菜選擇中，個人認為這間是性價比較高的一間😉🤗

泰越概念位於銅鑼灣渣甸街嘅Aura on Pennington，棟大廈係新嘅，好靚，感覺時尚。出咗三樓就到間餐廳，見到好大個logo。店面頗大，夠光猛～碟好得意，好似用竹藤整成咁～食物都唔錯：沙嗲豬肉串燒 2串（$32）沙嗲好香口，配串燒食就最好不過😋豬肉夠鬆軟，唔會好韌。越南春卷（$58）推介！越南嘢最鍾意就係越南春卷，貪佢可以包生菜，過下手癮呢度嘅春卷細細舊，熱辣辣，好香脆～泰雞肉碎沙律（$88）又係生菜包～雞肉碎好辣，食得好過癮！馬拉盞炒通菜（$88）炒金邊粉（$98）越南滴滴咖啡（$38）食越南嘢一定嗌嘅越南滴滴咖啡！睇個樣好似有啲淺色，怕奶味會重得滯冚過咖啡味，好彩咖啡味都十分香！menu：

同幾個舊同學打完波勁肚餓，原本諗住打邊爐但太多人要等位好耐，誤打誤撞上左3樓泰越概念，勁有水準，個個都大讚！先點左個泰雞肉碎沙律，可以包生菜一齊食。侍應先生話呢個生菜係本地水耕蔬菜，估唔到餐廳細細都咁有誠意！雞肉碎勁juicy, 熱辣辣配生菜一冷一熱好滋味！另外仲點左個芭提雅燒烤組合，勁勁大盤，勁多野食！燒虎蝦；燒牛仔骨；燒扇貝；燒青口；燒雞翼；燒魷魚；燒豬頸肉；燒粟米；燒菠蘿⋯芝士蒜蓉青口勁惹味；蒜蓉開邊大蝦厚肉又鮮味；不得不提個醬汁，真係超得！豬頸肉醬汁令豬頸肉肉味提升至另一層次；另外個生蝦醬汁又係勁lam脷！不知幾想打包個醬汁返屋企，不過男人老狗又點會呀，哈哈！

之前聽朋友講過話呢間泰越好好味，放咗工就約埋老公一齊去試吓。位於銅鑼灣一楝新嘅大廈裏面，感覺好乾淨。記得嗰日係星期四，我哋七點半到，等左大約五至十分鐘就有位。一位有愛心嘅店員帶咗我坐窗口位，個位仲有少少view tim 樓底又高，仲有卡位，坐得到幾舒服又唔嘈。我哋叫咗越南牛肉河粉，個湯底夠鮮味，仲有一種好特別嘅香料味，令人回味。生牛肉肉質鮮甜，牛肉味十足。河粉易煮得剛好。小食拼盤好抵食，又多款揀。鷄串燒配埋沙嗲醬汁超正，春卷同蒜蓉包都同樣出色。另外仲有厚厚嘅魚餅，大大嚿嘅燒雞，同埋脆博博嘅軟殼蟹，其實我覺得呢個份量可以四個人食都得。馬拉盞炒芥蘭，芥蘭好新鮮，食落硊博博，佢哋用嘅馬拉盞醬汁好好味，食到我停唔到口總結：雖然銅鑼灣食肆好多，但係我覺得呢度算好抵食，環境又坐得舒服，食物水準也不錯，下次我一定會返嚟食其他嘢

為慶祝朋友生日，就去到銅鑼灣試一試這一間泰國菜-泰越概念。泰國菜館位於銅鑼灣鬧市這一棟商業大廈上面-Pennington，很喜歡這裏大堂的香味和裝修，高雅別緻。菜館的裝修環境以落地玻璃設計，可以望出去銅鑼灣鬧市嘅風景，透明度高，感覺舒適。店員隨即安排我們坐窗口的卡位位置，並給我們幾杯水，非常體貼。餐牌設計七彩繽紛，食物種類繁多，而且食物圖片非常吸引。先叫了一些泰式飲品，我就揀選了這裏DIY的果汁系列-西柚、檸檬加蜂蜜，仲要係新鮮即叫即榨。難怪飲落去味道鮮甜無比，酸酸甜甜，好開胃。朋友就叫了原個鮮椰青，都大讚椰子水鮮甜。先來了蟹肉柚子沙律🥗開一開胃。見到泰式生蝦的食物圖片咁吸引，唔少得叫一份試一試。泰式生蝦一份有八隻，生蝦爽口彈牙，配以泰式酸辣醬汁一齊食更加滋味。小食拼盤中的雞肉串肉質鮮嫩，還可配兩種醬汁點食。明爐原條烏頭魚一條上，好大條好有份量，而且面頭有很多配料，聞落去都已經好香，一路慢慢煲熱一路食，好正。魚肉好滑溜，而且條魚唔算多骨，小小辣好滋味。最後還有燒原條魷魚🦑，為呢一餐豐富嘅泰國菜生日飯畫上句號。四人消費只係$1000左右，每人平均消費$250，位於銅鑼灣鬧市區已屬性價比高

在銅鑼灣渣甸街又有一座新起既 building係以食為主題，見到有間泰菜幾抵食，又有勁正既優惠。所以就決定食啦！碎曲奇泰式奶茶沙冰，咁既組合第一次見，非常新穎，味道唔死甜！有幾香既獨特泰式奶茶味，沙冰都打都幾好！唔會成舊冰飲唔到。 蝦膏海鮮炒飯，有好幾片臘腸增加咸香感覺，肉鬆，蛋增加唔同層次既口感，味道相當不錯，咸香既蝦膏味好惹味呢。香茅燒魚，魚比粗鹽覆蓋燒香，內層放左好多香料，充滿香茅味道，非常香！魚肉幾嫩唔乾，再蘸香辣汁更帶濃郁味道，非常抵食！大大條魚都是$148,超正

之前一月生日已經食過，今次再番黎ENCORE。今日唔想食主食，所以今次叫小食為主。炸蝦丸，有八大粒，新鮮熱辣，仲要粒粒彈牙，食得出有蝦鮮味。蝦丸黎講算好抵食。太好食八粒都唔夠我地兩人分！10/10雞肉生菜包，酸酸辣辣，偏向辣味比較多，所以好惹味。生菜份量仲要好多。9/10越式春卷，皮脆肉有咬口，但肉唔係好夠味，仲有d生菜，我們用黎食生菜包。7/10牛油雞翼，有４大隻，每隻都皮脆肉嫩。雞肉本身已經有陣陣香矛味道。肉汁都多。唔錯。8/10香矛鹽燒魚，魚肉好嫩滑，容易骨肉分離。加上泰式酸辣汁好好味。可惜我開魚時將鹽弄到魚肉上，令到某Ｄ魚肉變太咸，下次都係要叫店魚幫手開魚。8/10

之前同朋友慶祝生日已經食過一次，印像都唔錯呀，所以今次再來！ 今次點了泰式生蝦$128，越南新鮮春捲$58，泰燒春雞$118， 豬頸肉撈檬粉$78，椰汁芒果糯米飯$68。泰式生蝦～ 食泰菜點少得生蝦， 這裏的泰式生蝦大大隻肉質肥厚，加蒜頭，苦瓜和辣椒再配泰式醬汁食， 真係食到停唔到口！ 好想一個人食曬一碟！越南新鮮春捲～ 薄薄的米紙卷包住新鮮蔬菜，再點酸辣醬，清新有惹味！豬頸肉撈檬粉～ 天氣開始炎熱，比較喜歡叫撈檬， 配甜甜酸酸的醬料好開胃，豬頸肉唔使點醬料都好入味。泰燒春雞～ 第一次來已經食過， 因為好食所以再叫， 燒春雞一點也不乾， 肉汁完全鎖住， 肉質嫩滑不鞋口。椰汁芒果糯米飯～ 椰汁是熱辣辣的，淋在芒果糯米飯裏， 芒果又甜又香，正！第二次到這間餐廳還是保持很好的水準， 要讚一讚這裏的店員不停為我們添水，服務態度一流！

Approaching the perfect season for Thai food, we decided to go to V Thai after reading some positive review about the restaurant. They serve a variety of traditional and fusion Thai food. Let's get to the review. Seafood fried rice:The fried rice is very good. Inside, there are mussels, crab meats, Chinese sauage and egg. A simple combination, yet super delicious. Mixed skews:There are chicken, port and beef. Among all, i like the chickwn the most. It's a great dish for you to share among 4 peop

今日嚟到呢間係銅鑼灣上樓嘅泰越餐廳之前朋友嚟過一次食lunch佢地覺得唔錯所以今次就同佢再嚟試晚飯🏝環境裝修都好好今日7點上到嚟人流未算多8點就開始多人首先我哋叫咗個生蝦刺身生蝦好肥美👍🏻爽彈👍🏻同行友人其實平時唔太鍾意食咖哩但今次佢同我搶食仲話個蒜蓉包外脆內軟咖哩椰香味好出我一向好鍾意食沙嗲但要搵好味嘅沙嗲醬唔易呢間嘅沙嗲醬好好味花生味重👍🏻😍可惜唔夠「杰」如果再杰身啲就正喇呢個菠蘿炒飯🍍好香好味啊面頭有少少飯焦咁好香入面又唔會乾爭爭呢度仲有酒牌有啤酒🍻紅酒🍷白酒👍🏻爽啊