素食園坊

Open Now

Now Closed

Green Monday ～Round 2 , 香港地，打工仔，每天營營役役，忙忙碌碌，午餐多數求求期期，填飽個肚就算，一般都係多肉少菜，所以間中食下素，清下腸胃減下肥之餘，還可以平衡一腸道的酸鹼值，人都健康啲。當然平日做吓運動就更好啦。北角區都有幾間素食店，今次來試吓位於英皇道橫街嘅康威大廈素食園坊，腐乳銀芽炒面$53.芹菜、韭黃，炒得夠乾身，有鑊氣。雪菜素肉絲炆米$50.有雪菜、麵筋、紅椒、韭黃，味道一般而且相對淡口。

真係好食到痴線。呢度啲煲，樣樣都好好食。本身好怕松露會有腥味，但佢完全唔會臭。店員一遞過嚟，陣香味已經撲過嚟。私心唔想將呢間鋪推薦比人食，因為驚呢度會紅咗多人食。

鑊氣足 味重 冇味精 好食🌝黑松露煲真心正 重松露味十分推介 唔建議鐘意劣食嘅人粉葛湯 火候足 十足老火湯跟餐附送例湯正入面係用火箭灶炒野即叫即炒 有哂鑊氣 唔係茶餐廳D平底鑊加電磁爐

疫情又再緊張起來，食肆是病毒傳播途徑的公眾地點，為減低風險於是捨堂食而選擇外賣🥡。店員說下單後5-7分鐘就有，於是到附近新都城走一圈再回去拿，不過回去後仍然是要再多等5分鐘左右才有。豉椒三姑炒河$50+$1外賣🥡，可配飲料另加$1外賣杯收費。豆豉味道不太濃，河粉炒得有鑊氣，淡淡素味。三菇全是乾身的那種，浸泡時間可能不夠，吃起來有點乾硬，欠菇香味。相信改用鮮菇，又或者是鮮菇及乾身夾雜，入口的感覺會好些。青紅椒吃起來脆口，加多些銀芽更合適。

今日行去北角揾食，第一次嚟呢間素食餐廳，見裝修幾靚，價錢唔太貴，於是响度食lunch。揀咗蕃茄芝士素豬扒焗飯($52)，加10蚊轉例湯。例湯係一盅年藕花生湯。芝士素豬扒焗飯外表不錯，素豬扒炸得外脆內軟，口感極似真豬扒，焗飯有芝士，可以拉絲，食完覺得味道不錯。例湯方面，飲一啖年藕湯覺得好入味，鮮甜，但飲唔出年藕味，但會有種甘甜味，離開餐廳後覺得勁口渴，返公司飲咗四杯水，例湯應該加咗勁多味精，後悔加錢轉湯，感覺俾錢飲味精湯，被騙了

素食園坊餐牌上菜式選擇多、食物質素亦絕對係水準之上，而且價錢唔貴，呢度基本上喺我哋嘅食堂，突然醒起食過咁多次都唔記得幫佢寫食評。松露醬木耳毛茄炒淮山份量好足！黑松露醬好香，有好幾種唔同嘅菇，全部都炒得好香口好好味，略嫌淮山較少，雜菌同淮山嘅份量可以調節一下。腐竹銀杏百合浸菜苗好啱我哋口味！腐竹同菜芯索咗啲湯好好味，菜芯仍然爽口唔會浸到腍哂，每次必食！燒汁猴頭菇西蘭花食咗一半先記得影相，燒汁味道剛好唔會太濃味，猴頭菇應該有先煎過，口感同味道都一流雪菜肉絲炒米大份得嚟好夠鑊氣，米粉炒得好乾身好香，配料充足，調味亦剛好！呢度差不多每一款菜式都大大份又好味！完全唔覺得自己食緊齋，而且價錢唔貴，絕對係值得推介嘅素食餐廳

北角素食本有不少選擇，見近office,放工選了呢間吃。中午有吃过，一般。見晚餐menu不吸引，唯有揀干炒什菌河，已经53元，不送湯，要湯另加十元。飲品半价。一上到来，見到所謂什菌基本上是好干炒到差不多焦了的雞脾菇為主，配了一小块草菇仔。味道一般，與什菌之名不合。晚餐不會再去。

咕嚕肉皮脆，入面係用左雞髀菇去做，不過我覺得個汁酸左啲！老乾媽炒四季豆就一啲都食唔到老乾媽嘅味道，感覺同冇落冇分別！四季豆有陣草青味同埋成碟茶咸左啲最有驚喜就係個炸蠔餅，個脆醬炸到好脆口，食落都好似有蠔仔係入面嘅感覺，而蠔仔都係用菇去代替。完全唔覺得自己食緊嘅係素黎，好好味魚煲啲魚係食落有魚嘅腥味，當然佢都係素去做嘅但完全唔知點做到可以加魚嘅腥味落去🤪，食落質感都似魚肉，而個煲有鍋氣不過不失咁。

呢一間嘅素食真係好不得了🤟🏻🤟🏻🤟🏻連食肉獸嘅我都10分驚嘆🥰每一樣野都好好食💯簡直係比食肉嘅更加good fit😆首先嚟咗兩個是日餐湯合掌瓜老火湯🧐味道好濃郁口感豐富❤️一啲都唔係口淡淡嗰隻🤣🤣🤣跟住我哋點左三個餸每一樣都好好食😋呢一間感覺已經係我喺香港食嘅素食餐廳入邊嘅頭三位重點價錢一啲都唔貴❤️‍🔥三餸一湯都係180幾椒鹽豆腐皮薄乾身💖魚香茄子煲比落左肉的更好食😋鹹香味十足咖喱薯仔素牛腩飯呢個咖喱汁其實似葡國汁多啲唔太辣對我來講啱啱好🤟🏻

上堂前係附近食個快飯，所以入左素食園坊，晚飯有幾款都係粒菇炒飯，見到香椿醬唔知係咩黎，問waiter話係台灣醬，問完其實都唔知係咩所以就試下啦。香椿醬菌粒炒飯 $60其實有d似黑松露炒飯😅一放落黎覺得係超大碟，食下食下又食得哂，今日趕食好快爬哂入口。飯都炒得幾乾身，唔黏，飯軟硬度啱啱好，不過鹽就唔平均，要自己再撈下配料有翠肉瓜粒同香菇粒。炒飯係穩陣野，整體好食飲品半價，凍檸茶$20（半價$10）問拎紙巾會比一包你放係度，非常好👍🏻

今日食素🥗所以去咗《素食園坊》叫外賣🥡可能今日係佛誕🙏🏻所以店裏面都好多食客幫襯都坐爆哂💺我叫咗個午餐外賣🍱(蕃茄🍅芝士🧀素豬扒🐷焗飯）凍奶茶🥤$57(蕃茄🍅芝士🧀素豬扒🐷焗飯）🍱賣相都幾好👍🏻有2塊好似炸吉列豬扒咁👍🏻👍🏻😋豬扒口感真係好似食緊肉咁🍖肉質做到結結實實咁🥩好味道都唔錯👍🏻👍🏻食到有小小豆味，個蕃茄汁係有新鮮蕃茄粒係裏🍅都幾清新😌，唔係用好啲茄汁同茄膏開個汁🥫都唔會太重味道無咩味精，食完唔會好口渴👍🏻👍🏻

今日去佛堂後其實時間都唔早.差不多9:00很多餐廳都關門更何況係素食既餐廳但很幸運地遇到呢間未關門,而且好似知道附近有佛堂,完左課可以有食堂提供比岩岩落堂既學生.其實我地入左去冇耐就緊接好多枱客人.差不多滿座, 所以令我對佢有點期待我地今晚叫左個素既羊腩煲, 不過老實說呢個唔係太驚喜叉燒係老闆強調招牌菜,的確食落係唔錯,因為炸我好香脆所以食落好有口感另外呢個雜菇煲都唔錯. 都幾香,今晚叫小菜送飯送湯,唔錯.

有時同同事行去北角個頭食lunch，都會路過呢間我地未食過既素食餐廳。有日我地想試下未去過既餐廳，就揀左素食園坊喇😀講下食左咩啦💁🏽‍♀️➿窩蛋素牛肉飯 ($44)店員order時有問要煎蛋🍳同窩蛋，同事叫左窩蛋，冇諗過真係一隻生蛋就咁打落去😛 芡汁應該加左素蠔油，好似福建炒飯既味道，但係就唔係幾食到素牛肉既質感，可能因為太碎～➿麻婆豆腐飯 ($44)麻油香味重，同事覺得完全唔辣，紅椒、青椒粒粒豐富口感～➿芝士白汁西蘭花素蝦丸焗飯 ($50)焗飯係配炒飯底👍🏽 蝦丸做到丸既質感，彈牙！因為素既原故，冇咩蝦味，係墨魚丸🦑都可以🤣➿蕃茄芝士素豬扒焗飯 ($50)🧀芝士份量幾多，蕃茄味幾甜，豬扒相對冇蝦丸咁真，但又唔會覺得好麵筋既感覺，近腐皮既質感。$50內就食到個飽肚既素食lunch，都幾抵，但味道上唔算有驚喜，食完有少少口渴，回頭率不高～🤨

素食已經在現今的社會非常普及，但要搵一間經濟、食物水準高的餐廳真是不容易，今晚介紹下我經常來光顧的素食餐廳，它位於北角明園西街，都近北角港鐵站，它是《素食園坊》，小菜款式多，真是讓人三心兩意約了兩位朋友一同來食素作晚飯，先來有黑松露九層塔什菌百合紅黃椒豆腐素肉片煲 ($68)~這款素食會較新穎，用了黑松露醬炒了一些茶樹菇、冬菇、豆腐、百合等......端上來時菌香四溢，而且好入味，菇菌有爽口的口感，豆腐都好滑溜，素肉片軟腍入味，也有清新的九層塔香減輕濃烈的黑松露菌味，味道層次也提升，這款小菜真是好特別，水準也十分出色，份量都好足。友人選擇了菠蘿咕嚕素肉($65)~食落酸香夠脆，配菜有味道清甜的菠蘿及有爽口的彩椒碎，原來用了猴頭菇取代了豬肉，咬嚼間質感都好似，真是不錯，也開胃最後想食一些青菜，所以選擇了教家常的菜式，它是沙爹金菇粉絲菜芯($63）~菜芯翠綠爽甜，粉絲又夠吸味，充滿了沙爹香氣,又有爽口的金菇，整體份量都好豐富服務夠熱試，食物水準一流，小菜仲會贈送中湯，今晚的粉葛眉豆花生都夠濃郁，夠熱又好飲

身邊有朋友轉為素食的好處之一，相約吃飯時，不知不覺自己也會吃多了素菜。可以多試試不同種類的食物，整個人會感覺更健康有營養～這天來到北角的素食園坊試試，價錢很相宜～一坐下，老闆大力推薦燉湯，所以我們點了椰子茶樹菇黃耳燉湯$45。原本已經很喜歡素湯，因為大多數也會很足料，這次也不例外～雖然點小菜會送老火例湯，但燉湯感覺更清潤，很適合這個略帶秋意的時節。蘿蔔枝竹羊腩冬菇煲$63，表面上說是羊腩，實際上是疑似麵筋。醬汁帶點南乳味但不會過鹹，剛剛好提高鮮味。蕃茄鮮竹粉絲煲$63，原本以為粉絲煲份量一定少，誰知道是一個足料之選。蕃茄、腐竹和粉絲都比想像中多！一個人吃一鍋可能會吃不下。茄湯很多也很香濃，就算粉絲很吸水，吃到最後也會有茄湯剩～香樁醬菌粒炒飯$58，簡單而惹味，菇和飯「粒粒」的感覺明顯，最值得欣賞是炒飯粒粒分明而不油膩。份量偏多，適合大家開心share～星洲炒米$51，有熟人推薦的一道菜式。份量超多，雖然是素食，但一樣香口。可能抱住太大期望來試炒米，而其他菜式相對比較好吃，所以感覺一般～