素食媽咪 (Moved) New Location

素食媽媽剛開業不足一個月，店子真的很少，最多只能容納十人。「勇敢地」主打素食，說實話，雖然現在多了吃素的人，但在這區來說實在不多。團購$18「素食媽媽」小食餐：越式米卷四件 + 芥茉醬素鴨半條 + 盒裝檸檬茶或菊花茶一盒 (原價 $35)剛開業就有團購，的確能提升客源及知名度。我也「勇敢地」買了四張。今日拿了一份試試，為午餐加餸。越式米卷，薄薄的米紙包著生菜、素肉同芒果等，米紙滑而煙韌，口感很特別；再沾以鱼露，口感清爽不油腻，可惜魚露實在太吝嗇，太少，都唔夠沾。芥茉醬素鴨，芥茉醬另上，但由於我地唔鍾意芥末，所以無沾。素鴨質地似齋雞，並唔係酥鬆脆那種。有心小店，鼓勵食素，值得一推！

琴日去左剛剛開業嘅素食媽媽支持下. 小店面積比較細，只有一張可以坐人嘅大檯，同三個Bar檯位。我地坐係ar檯，睇住有好多人客嚟支持，而店主一家五六人就係廚房忙個不亦樂乎. 飲過清香嘅牛蒡普洱，我地叫左客飯套餐($32; 勝瓜雲耳雲片素鴨飯+紫菜豆腐蛋花素肉粒湯) ，生菜素魚肉湯($10) ， 越南春卷($20/四條). 客飯套餐:勝瓜雲耳爽脆，夠清唔油膩；尤其喜歡素鴨係腐皮，唔係素肉，簡單就係美味! 紫菜湯足料多紫菜，建議走蛋花會更適合Vegan. 生菜素魚肉湯:素魚肉像真度高，可惜胡椒粉太多，味道稍鹹. 越南春卷:因為即叫即包嘅關係，等左約十五分鐘. 原本以為係越式炸春卷，嚟到先知係涼拌春卷，但係當然無問題啦！食落非常新鮮，味道唔錯，有三款蒟蒻素魚生，芒果條，生菜，點惹味醬汁，夏天食頗為適合。魚生，生果等材料同傳統越南春卷嘅米粉，豆芽，香菜等不同，建議將名稱改為”素食媽媽春卷” 可能會更好. 埋單八折後$50(八折優惠做到八月尾)，好抵! 之前嚟太子我多數幫襯"阿純山東餃子"食"素餃"同"芥香木耳"(<--超好味)，而家多左一個好選擇!