Video
Read full review
2012-07-10
70 views
琴日去左剛剛開業嘅素食媽媽支持下. 小店面積比較細，只有一張可以坐人嘅大檯，同三個Bar檯位。我地坐係ar檯，睇住有好多人客嚟支持，而店主一家五六人就係廚房忙個不亦樂乎. 飲過清香嘅牛蒡普洱，我地叫左客飯套餐($32; 勝瓜雲耳雲片素鴨飯+紫菜豆腐蛋花素肉粒湯) ，生菜素魚肉湯($10) ， 越南春卷($20/四條). 客飯套餐:勝瓜雲耳爽脆，夠清唔油膩；尤其喜歡素鴨係腐皮，唔係素肉，簡單就係美味! 紫菜湯足料多紫菜，建議走蛋花會更適合Vegan. 生菜素魚肉湯:素魚肉像真度高，可惜胡椒粉太多，味道稍鹹. 越南春卷:因為即叫即包嘅關係，等左約十五分鐘. 原本以為係越式炸春卷，嚟到先知係涼拌春卷，但係當然無問題啦！食落非常新鮮，味道唔錯，有三款蒟蒻素魚生，芒果條，生菜，點惹味醬汁，夏天食頗為適合。魚生，生果等材料同傳統越南春卷嘅米粉，豆芽，香菜等不同，建議將名稱改為”素食媽媽春卷” 可能會更好. 埋單八折後$50(八折優惠做到八月尾)，好抵! 之前嚟太子我多數幫襯"阿純山東餃子"食"素餃"同"芥香木耳"(<--超好味)，而家多左一個好選擇!
琴日去左剛剛開業嘅素食媽媽支持下.
小店面積比較細，只有一張可以坐人嘅大檯，同三個Bar檯位。
我地坐係ar檯，睇住有好多人客嚟支持，而店主一家五六人就係廚房忙個不亦樂乎.
飲過清香嘅牛蒡普洱，我地叫左客飯套餐($32; 勝瓜雲耳雲片素鴨飯+紫菜豆腐蛋花素肉粒湯) ，生菜素魚肉湯($10) ， 越南春卷($20/四條).
客飯套餐:勝瓜雲耳爽脆，夠清唔油膩；尤其喜歡素鴨係腐皮，唔係素肉，簡單就係美味! 紫菜湯足料多紫菜，建議走蛋花會更適合Vegan.
生菜素魚肉湯:
素魚肉像真度高，可惜胡椒粉太多，味道稍鹹.
越南春卷:
因為即叫即包嘅關係，等左約十五分鐘. 原本以為係越式炸春卷，嚟到先知係涼拌春卷，但係當然無問題啦！食落非常新鮮，味道唔錯，有三款蒟蒻素魚生，芒果條，生菜，點惹味醬汁，夏天食頗為適合。魚生，生果等材料同傳統越南春卷嘅米粉，豆芽，香菜等不同，建議將名稱改為”素食媽媽春卷” 可能會更好.
埋單八折後$50(八折優惠做到八月尾)，好抵! 之前嚟太子我多數幫襯"阿純山東餃子"食"素餃"同"芥香木耳"(<--超好味)，而家多左一個好選擇!
Post
