素食媽咪 (Moved) New Location

不枉專程慕名來試。 先來的是$35有機亞麻子芒果自製豆漿，比想像中細杯，也比想像中合拍，芒果和豆漿各安其份，豆漿充滿豆香，芒果也十分香甜，卻沒搶彼此風頭，也沒特別甜，啖啖亞麻子，令人開了胃。即做的招牌菜媽媽米紙卷，$48 一份, 要等好一會, 等是絶對值得，米紙卷的確名不虛傳，米紙香葉包裹着紅籮卜絲、苜粟芽、芒果、 素芝士，菜都是極新鮮、 爽脆、 鲜甜，和着帶淡淡奶香的芝士和香甜的芒果，是絶配，包不愛吃素的咬一口也吃不停，絶對是用心製作。星期六日送的例湯也絶不求其，西洋菜素湯也甜入心肺。

早幾日好想食齋，就去太子的“素食媽媽”試下，由旺角行過去也不太遠20分鐘左右，但係天氣真係勁熱。去到十二點幾已滿座，我叫左個 set lunch $50, 一碟節瓜粉絲黑木耳素雞紅米飯， 一碗木瓜薏米腐竹湯， 啲餸好清淡，而重點係個湯好清甜。 set lunch 算係抵食有飯有湯,如果散叫其他野食要六十幾蚊以上不包湯，湯要再加18蚊，所以以後唔煮飯都會嚟呢度食晏呀。 如果長期食佢既午餐，我認為減肥會成功， 夠飽肚但係好清淡。 另外，店員有禮貌和笑容，真係要讚一讚。

想吃一頓少油少鹽健康家常素食，來這裡就對了。它的位置有點隱秘，外面巷子都是路邊攤，擋著視線有點難發現，那天朋友就拿著goolge map都找不到了。小小的店面只有兩張比較長的桌子和兩張小方桌，午市不乏單獨來吃飯的人，大家自己找到位置就坐。除了文青打扮的少女，也有一些外藉人士，猜想是附近街坊，難得在舊區發現一間家庭式素食餐館，覺得好吃就常常來光顧。餐牌非常簡單地分成飯類和麵類，所以你今天想吃哪一個就往那一版選就對了，款式不算多，除了上面的菜式外，每天有一款(比較實惠的)客飯套餐供應，內容就寫在牆上的黑板。我這種隔一段日子就想外出吃一頓碟頭飯的人，看到素食版叉雞飯就決定是它了，我要食薑蓉(重點錯誤)。也好久沒吃素叉燒了，我心目中最好吃的素叉燒皇座依然屬於樂農，有知道哪兒更好吃，歡迎告訴我喲。地盤佬叉雞飯通常只有兩條營養不良的菜心，相比起來，這裡的蔬菜比例高得多了。叉燒另起來很惹味，也有些燒得焦香的部分，我個人覺得口感略乾身。素雞就是大家都很熟悉的腐皮捲，配薑蓉很開心，我最喜歡吃薑蓉撈飯了。+++++餐廳資料素食媽咪地址：九龍太子白楊街2A號鋪電話：+852-2787 0389營業時間：11

見Greenmonday介紹,立即去試下地方好細,得四張枱,menu簡單,唔算多選擇。試了1)蕃茄蛋餃子2)紙米卷3)鮮腐竹小食4)韓式泡菜伴飯(P.S:確實個餸名唔係好記得)1)蕃茄蛋餃子食落料好似唔多,相比樂農,我覺得樂農好食d。2)紙米卷配搭好fresh,食新鮮,各類蔬菜的配搭好協調,好味3)腐竹好香麻醬花生醬味，配搭好特別,唔錯,可以一試4)韓式泡菜伴飯好好味呀！連粒粟米都特別漲卜卜好新鮮比起同區的素食店價錢貴幾多,午餐人均消費要$55以上,不過有羅漢果免費添飲。我覺得幾貴,唔會成日食,但的確好味,有Heart,乾淨企理,店主服務好好,會問客人意見,店員態度就麻麻,冷淡。不過明白的,而家食店請人好難。都會再去幫襯

隻糉包得幾靚，但由於冇糯米冇左嗰種黏性，好鬆散，切開後最好用匙羹不黎食。餡料好健康，有蕃薯扮蛋黃嘅橙黃色但並唔係圓形嘅所以扮得唔似喇，而素雞同麥芽素叉燒分量都好少，試唔真啲味道，啲蕎麥米紅米黑米葵瓜子仁就好有咬口好香。好健康吖當應下節啦，過下口癮就唔錯，食完完全唔飽唔滯唔肥唔油膩，對身體冇負擔，一個人食一隻再自己食啲蔬果當正餐都冇問題，買比注重健康、減肥人士及老人家食就一流。$48值唔值就好難講，應下節囉。

好失望😕之前聽人講呢間素食店好味，見人食又好香咁，唸住試下素食可以食得健康D😋點知上星期5:45去已經收左舖，失望而回。今次5:35去買，一入去就已經好似唔想做生意咁，公道D講佢既態度唔係差，但就俾我感覺到阻住人收工既感覺🙁好彩有做過research，因為佢第2句已經買我食咩，我就話韓式拌飯外賣，仲同佢講我有帶盒，拎埋出唎擺左枱面。佢叫我等陣之後10分鐘左右就拎住個袋帶俾我😗好啦，可能係個盒唔保暖，我一個鐘後食D飯係凍既，雖然外相唔錯但食落其實冇乜味😶或者係我食唔慣素食啦😞但真係好失望

餐牌上樣樣都好吸引，但一個人試唔到咁多，結果揀咗色彩繽紛的韓式拌飯。結果外表同內涵一樣咁正，份量剛好，食完覺得成個人清新晒! 下次要再試埋其他，特別係米紙卷、叉燒飯。。。!

The food here is fresh, tasty and affordable. Daily special is very satisfying if it's still available. although they say they close at 6pm, make sure you arrive well before 5 o'clock or you will be disappointed as they seem to regularly close early..

這篇是我的第一個食評, 我是幫公司叫外賣的..見到素食媽媽FB fan pages好似好吸引! 一直都是用電話溝通, 因我要訂購大概40份, 已經早了大半個月查詢. 款式及價錢..而店主亦好好, 很快就提供了當天的客飯餐單給我選擇. 而我亦早一個星期下單.當傾到價錢問題. 每個餐既外賣盒加錢都是不同, 有的加$1, 有的加$2, 餐具又要加$0.5.加錢不是問題, 但一開始沒有說清楚, 我一開始已經告知是公司訂購, 我當然要好清楚價錢, 去收回同事的錢, 但突然加了錢, 我怎樣去問同事拎呢?  店主不停說她們是小店, 沒想過要講得咁清楚!價錢是不需要講清楚的嗎? 小店不是店嗎? 我幫襯過很多小店, 他們一定會告知所有收費! 找call車送貨, 九龍區去九龍區要$70車費..其實只係太子去九龍塘..車費都不是問題, 但不送上門, 只限到停車場, 我在office又不一早通知, 我怎樣找人去取呢? 店主又說我要自行同call車公司溝通, 或者另外加$50, 又再強調她們是一間小店, 沒想過要說得咁清楚! 食物是不錯的, 素食來說蠻好味! 但既然是小店, 都不想做生意的話, 我不勉強了!

非常大雨嘅初一，今日約咗大口仔一齊食齋.... 一入去就好似係飯廳咁，有餐檯有電視，仲要有書架，後面就係廚房，好有屋企嘅感覺；喺廚房附近有自行添加嘅也飲品，今日係甜菊花茶，加上大到不得了嘅冷氣，夏天嚟真係啱晒！青怡雪耳、青怡雞腿菇、非基因改造粟米粒、毛豆羹比較鍾意湯，雖然好多配料充足，而且羹本身比較杰身，但好容易入口，唔會覺得好膩，味道好清新，充滿芹菜嘅香味。特別鍾意一粒粒嘅毛豆，唔會煮到爛晒，口感非常好自家製薑蓉、腐皮雞卷、青怡花菇、葵瓜子、時菜、紅米飯 ($65)腐皮雞卷即係好多塊腐皮捲埋一齊，扎得好結實，唔會一咬即散；自家製薑蓉真係好有家嘅味道，外面好多薑蓉其實係蔥蓉，但呢個完全係薑，仲要唔鹹唔油但充滿薑嘅天然辣味；撈咗葵瓜子及薑蓉嘅紅米飯充滿口感，好食到冇停過；特別要讚嘅係肉厚嘅大大舊花菇、渾圓飽滿菇味香濃！咖哩汁燴有機豆腐、秋葵、菜 ($50)大口仔叫咗今日嘅set lunch，咖哩汁冇平時食開嘅咁鹹，但咖哩味道都OK濃郁嘅；不過比較起上嚟，我嗰個就吸引啲喇

這片小店像一個小小的家。店面像飯廳，放著飯桌和電視，還有書架和雜物架。挨著飯廳就是廚房，媽媽就在廚房裏忙。 廚房門口放了一個熱水壺，來吃飯的朋友都可隨便在此斟茶飮。今天媽媽煲了羅漢果牛蒡水，健康得可以。 我要了一份媽咪米卷。即叫即做。苜粟芽、紅蘿蔔、紫椰菜、粟米，都被仔細地切成𢇁，充滿媽媽的愛。看在眼裏，繽紛醒神；吃在嘴裏，清新得無話可說。 想吃點脆口之食，於是要了一份牛油果粟米粒煎餃，也是即叫即做。 牛油果搗成泥，混入粟米粒，慢慢煎成，心機之作，簡單而美味。與媽媽説再見前，貪心地多斟一杯免費的羅漢果牛蒡茶，好好記住媽媽的味道。

終於有機會來一試大家都讚好的素食媽媽了。地方不大，只有一張大桌子（由二人桌子拼合的）和三張分散的二人桌子。牆上掛著黑板，上面寫著當天提供的食物。不過，我略嫌距離太遠或文字太小（或許只是我視力不夠好吧）。我要定睛觀看，卻感到不好意思。因為黑板下有客人，好像在「觀望」她們……雖然店子小小的，牆上有水彩畫（我猜是）作裝飾。也有一些是帶素食的訊息給食客的。料理台上有調味料、餐具等，客人可以自行取用。還有免費飲品，也是客人自行添加。當天是羅漢果、杜仲葉茶。我沒有飲用。朋友說嚐不到羅漢果的味道。朋友在我到達前點了湯餃（$40）。我來到後才做好。大約需時十五分鐘。應該是只有素食媽媽在做菜吧。但也有另外一位男士在幫忙的。一碗湯餃有六顆。餃子皮看來很薄，透出餡料的顏色。而且餃子脹脹的，餡料應該很豐富。餃子的餡料全是蔬菜。（不清楚是甚麼菜，也有冬菇丁。）切得細碎的。最喜歡這口感。湯頭很清甜，有番茄、冬瓜和西芹。這些都是清甜的來源。還有配料如生菜、豆腐卜。是一道清甜不膩的菜式。媽媽米卷，$48。是這裡的招牌菜式。薄薄的透明白色春卷皮包裹著綠色的菜葉。應該是生菜。內容還有芒果、紫椰菜絲、紅蘿蔔絲等。白色那一條

一向喜愛清淡的食物，因這更能品嚐食材本來的鮮味。沒有優質食材，廚子總不會放膽提供清新不膩的食物吧。素食總令人放鬆心情，總覺得大魚大肉的餐點適合大伙人…這陣子常常提醒自己放空腦袋…哈哈，其實要提點已經證明未能做到……腦袋很繁忙呢…唯有試試給予自己一個平靜的空間吧！今天不想扮成偽文青，因此捨棄了咖啡室而選擇了素食店。店內的這幅畫絕對道出了素食者的心聲。畫作很有趣，故意畫成電影畫面似的。素食媽媽只在午膳至下午茶時段營業，媽媽晚上要休息嘛！對自己要好一點嘛！雖然只有短短的餐點時間，但食物選擇也頗多喔！套餐的種類很多！麵、飯、餃子等等，應有盡有。吃素真的不會沉悶！提供的靈芝咖啡是較健康的，咖啡因較少呢！今天沒有機會試，下次要點啊！還有各款素食媽媽的招牌菜，進食期間，有很多熟客也會特地購買媽媽米卷。聽媽媽說米卷較以往昂貴，因她更改了米卷內的身材。放棄了素肉，因為來貨相對多別的調味料，她希望使用較清新的材料。亦是下次要試試的菜式呢。看到旁邊客人點的紫菜手卷也很吸引！哈哈，很貪心，每款也想試試看。壽司也有很多款式。另外亦有可購走的食材，讓大家在家也可煮素菜。媽媽亦樂意教大家如何利用食材煮出不同的素菜。

三文治芝麻冷麵，海鮮海律，媽媽米紙卷，素肉丸！三文治普通！食到得菜既爽爽聲～感覺無咩層次。個芝麻冷麵就好清新，好爽口同加埋個醬油帶出曬成個味！！！👍海鮮沙律，唔錯！有木耳，雪耳，海華，仲有幾樣素菜加麻油等，食落每樣都唔同爽口程度但味道就醬油味并過了少少～媽媽米紙卷！👍👍一入口真係想食多舊，芒果味同佢入面個素夾得好好。最後個素肉丸一放低果時真係對佢個樣⋯但食落又唔係咁既感覺！佢好肉牛肉丸～煙煙硬硬咁！但要記得熱食，凍左就變得好難入口嫁啦～

素食媽媽通常很早關門，有幸吃到其下午茶。店內裝修簡單且街坊人，但店員有禮親切。套餐由$44-$56。我點了韓式意粉味道香口且辣，配菜是三色椒、椰菜，再灑上黑白芝麻，即炒即制。中湯料有素螺、腰果、紅棗，雖為素湯，但味道很好。還有任飲花茶，帶甘且甜。雖為街坊店，感受到媽媽的親切及味道。如喜愛吃雲吞穿的，建議可選湯雲吞，之前吃過皮薄餡靚。