素一 (Closed)

小姝一向不太喜歡素食，太斎太寡。適逢友人今日邀請我去 V Walk 商場內的一間素食餐廳，午市素食放題一百元有找，咁抵食試吓又無妨。估不到試過後，完全改觀，原來素食都可以好精彩。款式算多，有沙律，炸物，熟食，壽司，甜品，湯，糖水，飲品。蔬菜有不同煮法，焗，炒，炸....味道有椰汁，蒜蓉...，炸物漿衣不會過厚，不油也不膩，友人的至愛。我好喜歡薑醋，那隻蛋吸盡醋的精華，滋味！炒粉炒麵也不錯，乾身不油膩。甜品蛋糕細細件，甜度適中。蒟蒻啫喱有香橙香味，開胃。湯品也沒有味精，原來汁原味。整體水準好滿意，服務殷勤，價錢又合理，值得推介。

食物嘅種類好豐富，有多款嘅熟悉食，口感好似壽司嘅壽司，壽司飯嘅質素仲好好！而且又有沙律，啱晒鍾意健康嘅人士！呢度唔止有凍飲，仲有健康嘅羅漢果水、紅菜頭檸檬水，我個人比較喜歡紅菜頭檸檬水，味道有少少酸的，夠開胃！重點係其他地方沒有得喝！而且仲有多款嘅甜品，西式嘅糕點，味道整體都做得很好吃😋近期還免收加一服務費，真是超值！雖然食客很多，但都彼此保持1.5米嘅距離，出去攞食物時仲要戴好口罩，會食得比較放心！

媽咪話想食素，又想食buffet, 於是就上網搜尋下有冇好介紹，見到呢間素一都幾多好評，而且地點都方便，於是就預約試下啦。我地預約左中午食，平日只係$78，仲要免加一，其實係十分抵食攞野食時間一定要戴上口罩。就咁望過去，食物款式選擇都還可以。中午時間都算幾多客人，果然係受歡迎。掛住食吾記得左影相總括黎講都係幾吾錯，壽司，南瓜餅，炸曼頭我食左好多舊，腐皮卷都係必食，另外媽咪有稱讚呢到既炒粉都做得好好。飲品方面都有吾少選擇，豆漿，紅菜頭水，羅漢果茶等等。其實間中食一次呢d素食buffet真係吾錯，健康之餘又好味。

南昌店嘅設計同銅鑼灣店差唔多，我覺得呢到嘅自助區範圍大D。我哋係食晚飯嘅第2輪 (19:45 開始)，小食嘅款式比第1輪少，例如冇pizza，炸物擺出黎嘅份量亦唔多。當日都有9成坐滿，所以大家去前一定要訂位。炸物小食: 香草焗法包、薑醋蛋、炸秋葵、酥炸吉列豬扒、蒸南瓜餅、羊肉串、蜜汁叉燒、雜錦天婦羅、金沙冬菇、煎堆仔、陳醋雲耳、涼拌青瓜、酥炸南瓜餅、炸薯蓉、香煎素餃子、生煎素菜包、鮮竹卷、馬拉糕、奶黃包、炸饅頭、春卷、酸薑皮蛋、素鵝…可能因為炸物份量少，剩下放底嘅幾件，所以部分炸物好油膩，尤其是炸秋葵，好似油浸咁。酥炸南瓜餅超好食，外脆內綿，令我諗起素年日式定食嘅南瓜餅。吉列豬扒同大自然食到嘅炸豬扒口感一樣，都係用大豆纖維做成，表面沾上沙律醬黎食，都幾好食。香草法包應該係第1輪嘅食物，我拎嘅時候只剩4件，之後就再冇出過，口感唔錯，雖然放咗一段時間，但外皮仍然夠脆身。日式食品區: 三文魚壽司、昆布卷、墨魚壽司、素一卷、煙肉壽司、素蝦壽司、玉子壽司、冷烏冬、紫薯栗子、日本枝豆、冷豆腐沙律bar: 粟米、藜麥、紫椰菜…小菜: 上海烤麩、麻婆豆腐、芝士年糕、南乳粗齋、葡汁四蔬、茶樹菇欖菜四季豆

今天與同事聚會，於網上見南昌站素一的評語就吸引嚟試吓，嚟到見店內食物和環境好乾淨衛生，而且冇諗過有火鍋送，而且食物種類比我預期中好，百幾蚊有咁豐富的自助餐食，真係食得好開心

本來69蚊食下午茶是可以的，可惜第二次去就差了很多，不單味道差了，種類又少，仲要3:30去到食已冇加任何嘢，只食了兩碟已冇嘢可以再食，糖水又只有绿豆，碗仔翅連冬菇椗都有，又話攞嘢食要戴口罩先可以，但係好多人唔戴又冇人理，入咗又冇探热又冇俾酒精搓手液你用，見到啲人攞嘢時D餸D湯掂到隻手跟住放返落去，伙記見到又冇理，見到咁嘅樣已冇辦法再食，立刻比錢走，冇下次

素一本身係我好期待去食既本地素食自助餐之一，我之前分享過去銅鑼灣素一的超正體驗！當時去到無論侍應、野食、地點我都好滿意！不過估唔到南昌素一係好差，完全推翻我對素一的體驗！適逢母親節，所以專登帶晒一家大細去試V walk素一！地點嚟講好方便，係D2出口一上電梯就係。一開始我預約咗11:45，當時11:20一上到去都奇怪唔知點解有班人排緊隊。去到11:40分我哋就入咗去食，當時先發覺嘢食方面同銅鑼灣果間有啲出入。好似素壽司咁，最正個兩款素肉鬆壽司同素鰻魚壽司係完全無，不過Refill算快。壽司方面無咩揀，所以就去咗食炸物同熱食，以下係必食推介。馬拉糕好味，不過接近無Refill過，唔明點解蒸嘢食都會無得食第二次桃膠糖水好味！炸物都唔錯，款式算多，不過Refill都幾慢，出去拎梗有兩三款唔見晒。冷烏冬好吃，但都見過無晒。糖水、湯品的確比銅鑼灣分店多大概一倍。除咗素壽司無咗兩款、炸物無銅鑼灣分店咁多、蒸嘢完全無refill、其他嘢食refill速度慢之外。令我哋食到最嬲係趕客走！我哋11:40入去食，照計食75分鐘，應該都食到12:55分先完。點知有位應該係經理的人士，12:35就開始催人走，

小弟一向追求健康生活、均衡飲食（講囉），平日食唔少立雜嘢，最近為咗健康一於食齋！網上尋找千百度，驀然回搜，此鋪就於vwalk一角。上網搵咗唔少素食自助餐，呢間素一，好合眼緣。寶寶已經book定位，一入去就見到唔同款式嘅素菜，小弟立即衝去（其實唔使急）攞壽司！哇！好食！素食三文魚夾口，壽司卷亦相當好味，食得出係新鮮！仲有，齋pizza 小弟誠意推薦，上面嘅素火腿係好似火腿，食落同隔離hut 記薄批無異。甜品，誠意再推介桂花糕、百香果糕，大菜整嘅，好特別亦好清新。朱古力類甜品甜咗少許，ok嘅。不過炸物就凍咗d，寶寶話呢d好難keep住新鮮，不過都好，食齋想清心寡慾，涼少少無咁熱氣嘅，可接受！而且呢期奉送火鍋同菜盤，原價要48蚊，而今送埋仲要八折免加一，埋單一人百四蚊，自助餐喎，雖然係齋，都抵啦！都係果句，而今咁嘅市道，有能力就支持吓啦

好耐無食素食。 充滿冀望。 結果幻想是美麗， 現實卻是殘酷的。先講賣相， 一點不吸引。 連相機食先嘅意欲都無。 所謂睇食評嘅朋友仔， 對不起， 沒有吸引的食物照片提供。再論味道， 三文魚壽司、煙肉壽司， 上面那片『魚生』 味道古怪都算。 啲飯一點也不是刺身飯， 求其攞啲飯揸埋一舊叫壽司。 再說其實熱食， 一點不熱。 味道還可以， 但不會食第二件囉。唯一可以的是咕嚕肉， 當然也是室溫的。 但起碼個汁嘅味道食得出是咕嚕汁， 同埋啲炸腐皮口感還可以。

先由打電話說起，接電話員工問非所答都算了，但今天是一個不愉快的經歷⋯攞位時，我跟派位的職員說出訂位姓名時，他只望了我一眼就沒有應我，起初我以為他在忙，只好等一等，30秒後他竟然頭也不抬的問我「姓咩」，其實如果佢喺度忙緊，佢同我講一聲，麻煩你等等啊，我係唔介意嘅，但佢冇⋯入到店內，因坐位太大風，要求轉另一枱，服務員一句回應，「唔可以喎，訂晒枱㗎啦」但其實環觀周圍，還有很多人未到，我再三提出因媽媽身體不好不能坐太大風的位置，服務員竟然用唔想處理我呢個問題既態度用手指向門口位置跟我說「你去問門口嗰個吖」，估唔到一個服務員連幫我換一個位嘅能力都冇⋯當我在門口問了，攞到另一張枱時，那位一開始說不能換位的服務員竟然還在一旁喃喃細語的數落我⋯⋯坐下了，出去攞食物，有80%的熱食是不熱的，連暖都講唔上⋯⋯⋯其實我不只一次幫襯銅鑼灣的素一，服務質素同食物我係滿意嘅，估唔到南昌分店會比我留下一個咁深刻嘅印象，相信我以後都唔會去幫襯素一，亦謝謝銅鑼灣店既好服務

V walk 算係新塲，就行吓睇吓有咩食，我平時都素食開，一見到這間素一當然第一時間去試吓啦，去到門口，見入面都好光猛，地方都濶落，唔似平時嗰啲什麼走肉、無肉那些咁逼夾，歺牌和望到入面都好似幾多選擇，惗住應該唔錯，點知😪所有炸物完全唔脆，個面硬嘅，其他熱食煮物都唔好食，唯一有d 卷物和糖水可以接受，野食唔好食都算，因為每個人對食物要求都唔同，但最最最唔可以接受就係店內幾多烏蠅飛來飛去，出面自取那些炸物、沙津冇蓋冚住，見到d 烏蠅在食物上面飛來飛去，真係冇哂胃口，最後沙律之類我完全冇食，最好笑個侍應在店內拍烏蠅🤦🏻‍♀️，衞生太差喇！唔會再去食！😪

今日忽然有齋念，就到V Walk嘅素一試一試。下午茶時段90分鐘$68，唔使加一。一入去就見到種類繁多，中西美食兼備，連仿真度頗高嘅素壽司都有，反而傳統嘅酸齋同蠔油齋就欠奉，可能年輕人冇咩興趣。首先食沙律，我比較喜歡自由配搭，番茄仔，粟米同藜麥配日式芝麻醬唔錯哈哈～炸物都值得推介，紫薯麻糬波波好煙韌有咬口。試左一碗蓮藕髮菜湯，不過不失。食物一概都唔會太油膩，唯獨係可以熱啲。到甜品啦，紫米芋頭糖水係必食，我食左兩碗。除此之外仲有雪耳糖水，桂花糕等，都甜度適中。$68可以坐90分鐘，捧腹而回，性價比都算高，ok啦～

第一次食素食嘅放題, 自助餐素食, 感覺非常之特別, 因為好多款式都係以肉類角度黎創造, 賣相維肖維妙, 自助餐最緊要係最好多選擇, 這間餐廳嘅選擇非常之合我心意, 除咗一般嘅素食之外, 仲有不少係模仿肉類嘅菜式, 非常特別一嚟到就食咗個壽司拼盤, 就真係覺得同刺身一樣, 米飯加咗醋汁非常之香, 而口感 就有類似食魚生嘅感覺基本上佢扮演肉類嘅菜式, 味道就好接近肉類一樣,真係可以以假亂真, 非常得意 而家鮑魚嗰個芡汁打得非常之靚, 咬落去個q彈感覺非常之吸引一盅燉湯非常的夠火喉, 雖然冇肉味, 但係亦都非常之香甜

一直想試，剛好妹妹放下午，可以一起午餐。無需預訂，去到就有位。食物種類多，有日式壽司，烏冬。壽司飯軟硬適中，沾上壽司豉油和芥末，就好似食緊真的壽司一樣。熱盤選擇有蒸炒煮炸，各樣味道都有特色。最喜歡腐皮卷，外脆內軟，味道清新。甜品的味道清甜，不會覺膩。個人覺得燒菠蘿和紫米露最好味！菠蘿燒過後格外多汁甜美，紫米露的奶香濃淡適中，喝多也不覺膩。

今餐真係食到飽....依個放題款式都還好😋不過有啲野食就太油膩啦，我同友人都覺得唔再試🙈不過特別在係有素食壽司🍣食落都好似架👍🏻算有心思沙律🥗方面都有好多款菜，最喜歡係你木耳同蕃薯🍠仔😆炸物就係我同友人都覺得偏油膩啦🙈拎完一轉都唔敢再拎啦🙈款式都多架，有炸饅頭、炸餃子、炸紫薯球等等而個環境可能因為係新分店關係，其實坐落都幾舒服，同埋而家疫情關係，都要同隔離檯保持距離，尚算做到啦🤔糖水方面，都有兩款，一款香芋紫米露同桃膠，我覺得兩款都唔錯