素一 (Closed)

鐘意餐廳樓底高，感覺上空間好大，坐得闊落，都幾舒服。牆上畫上春夏秋冬四季做主題既手繪圖畫，藝術氣息都幾加分。有一缸肥嘟嘟金魚，好得意。整體比到我寧靜既感覺。部分食物係劃紙。但大多數食物都可以係自肋區拎。種類都好多，有沙律、冷盤、炸物、熱湯、生果果同甜品等等。真係咩都齊哂。食物整齊餐具整潔。呢個環境，最緊要食得安心。經理好友善，仲推介左幾款菜式比我地。#燉湯每人都送一客燉湯。以無加肉既湯黎講，佢煲得清甜。裏面有龍眼肉、姬松茸、粟米同南北杏！鐘意佢清澈無油份(因為無肉)。#素食壽司壽司嘅種類真係多到好似去左食日本餐廳咁😂有三文魚🍣、鰻魚、甜蝦、吞拿魚、墨魚、卷物等。仲有手卷添。全部賣相都好似平常食既壽司。好有驚喜。壽司飯同平時食既無分別！無拿拿好似食緊日本野咁。#Pizza我都幾鐘意Pizza！餅底脆又薄，雖然無肉，但好似食緊夏威夷風情一樣，配左菠蘿🍍千島醬同芝士。

由於朋友係純素主食者，所以成日都要四圍搵素食餐廳，眼見近年素食文化在香港日漸普及，素食餐廳都越開越多，選擇多了，當然要揀間好㗎啦。有晚嚟V walk 食晚飯見開左素一，即刻搵朋友嚟食啦，但上網見評語咁差有啲嚇親，因為明明食過銅鑼灣店又無咩嘢仲成日爆場。今晚嚟到，深水埗呢間大啲，所以食物種類多左啲，尤其係中式點心，蒸菜苗餃同粉果都好出色，皮薄煙靱，再配上自家製XO醬辣辣地好好食。由於近日疫情，所以壽司，炸物等都係劃紙廚房出，仲好，唔駛出去攞。日本壽司造型都幾可亂真，配埋日本豉油加上wasabi 真係似。晚市有鮑魚及八寶燉湯送，先講鮑魚，造型神似幾可亂真，質感都近乎真嘅。八寶湯一貫嘅清甜多料，腰果粟子好稔好味。

之前食過銅鑼灣嘅素一，覺得食物不錯，服務好，環境清新，乾淨企理。知道佢喺南昌開咗分店 ，即刻約爸爸去食個lunch，睇下新店保唔保持到水準先。新店環境幾大，裝修風格與銅鑼灣店差不多，都係走明亮清新路線。午市每位78元另加一，不算貴，所以都有唔少人光顧。今次試咗上次冇試到嘅冰鎮咕嚕肉，午市加68蚊就有一碟， 晚市是送的。酸酸甜甜脆卜卜，味道幾可亂真，冰鎮咗更加涼透心，果然係招牌菜。另外呢度嘅素壽司都好出名，今次都有食到，素壽司做到真壽司嘅賣相同口感味道，真係好厲害。呢度款式超豐富，肚皮位置有限，未能全部是試曬，下次再嚟過先👏💞😁

近年由於環保意識愈黎愈重加上注重健康，所以多左人嘗試素食，但近期因為疫情問題都少左好多出街食飯😣今日難得出街，黎左呢間素食自助餐，一入V Walk就見到～6點到人流唔算多，但到左6點半打後就8成滿座喇～食物款式新穎得黎都十分多元化，有中式、日式、小食、點心、甜品、糖水，整體質素好高，同埋依家由於衛生關係，好多野食都要劃紙點黎食，感覺安心啲😊.星期六日入座都會送八寶燉湯同鮑魚，而星期一至五都會送八寶燉湯同冰鎮咕嚕肉🤗.八寶燉湯有姫松茸、蟲草花、圓肉、杞子等等，飲落好清甜，冇味精👍鮑魚外觀幾可亂真，食落都幾爽口！冰鎮咕嚕肉外皮同平時食用肉做嘅冇乜分別👍外層仲幾脆添～素壽司係蒟蒻同紅蘿蔔製成，冇色素，健康又環保，口感都幾得意😂熱盤以中式為主～仲有炒飯同炒麵。點心有兩款，金菇野茵餃同埋潮州粉粿，兩款都非常唔錯👍大推呢款叉燒，食落好腍身，叉燒醬好惹味😋天婦羅要劃紙，我地每款都試下，質素都幾高架中間嘅芋角炸得好鬆化，中間仲有粟米等等材料，增加左口感，好好食

素一 (深水埗)繼續係去親戚住既南昌，v walk 開左後，野食多左好多，轉眼間一雞死一雞鳴。話咁快有間餐廳就轉左手，變咗素食自助餐。自助餐相比其他素食自助餐選擇比較豐富。位置都好闊落，空間感好大，牆壁嘅畫同餐具，都幾靚，具有時代感。整體來講幾舒服😌。鍾意佢所有嘢都好整潔。嘢食方面，有齊晒冷熱嘢飲、前菜、沙律🥗、湯、熱食、小食、炸物、甜品🍮同糖水。食物供應好充足，侍應收碟都好勤快。以下係我最鍾意食嘅嘢。#鮑魚我哋假日食所以會送鮑魚。外表真係好似啊，雖然口感無鮑魚咁黏口同實身，但鮑魚汁做得幾好食，彌補到口感嘅不足。#冰鎮咕嚕肉酸酸甜甜，有山楂味。外表做到一層薄脆既甜酸汁，即刻食熱辣辣，咬落去勁似平時食咕嚕肉既肥豬肉，咬左3-4秒先發現佢係雞髀菇😂越細舊會越似。大舊啲既會好快食得出。最神奇係佢凍咗一樣咁好食😋出邊嗰層甜酸汁變得好凍，但又一樣脆喎！#壽司 睇落成盤咁樣，係咪都呃得下人呢？好新類呀。雖然佢個刺身嘅口感就唔係好似魚似，因為係爽爽地。不過連埋舊飯食落去，再點埋豉油，就真係好似食緊壽司🍣。如果係食齋嘅人，食呢個就好滿足到食壽司嘅箇中感覺。#牛油果手卷牛油果勁靚，又香又軟熟，一舊好大舊

又貴又差,服務態度惡劣。素海鮮只出一次,唔再refill。又怪責客人只吃素海鮮,而不吃瓜菜。自助餐就是拿自己喜歡的食物。食物又凍,極差。從來未去過那麼差的自助素餐廳。

今日初一決定食個齋！早排經過南昌站Vwalk，見到一間素食嘅自助餐店，另一半話搵日去食，所以我哋決定今日去食呢一間。晚餐時間去到入面已經好多人，坐低之後店員同我地講我可以用點餐紙點餐或者直接出去夾嘢食，店長推介我地加$68試一試佢哋嘅冰鎮咕嚕肉，聽到個名都覺得好吸引所以決定試一試佢！出邊有新鮮沙律、有熟食、有糖水同埋有飲品。全部全部都係素菜😋店員仲同我地推介呢個素壽司，全部壽司既原材料都係蒟蒻加紅蘿蔔，非常特別👍🏽👍🏽👍🏽冰鎮咕嚕肉賣相已經100分，望落同真正嘅咕嚕肉冇分別，份量又多，四個人食都夠！食落嘅感覺亦都同食真嘅咕嚕肉好似！凍得來外厚又脆卜卜！好正👍🏿 不得不佩服🍣師傅嘅手勢，唔講都唔知係用蒟蒻加紅蘿蔔做原材料，食落連味道都可以做到十分相似！第一次素壽司🍣，原來都可以咁好味！沙律🥗蔬菜夠新鮮！又多配料選擇👍🏿👍🏿👍🏿Buffet既蔬菜🥬種類非常多，岩哂中意食菜既朋友仔，值得一試呀！😋食到最後當然要食下甜品🍮！其中一個係香芋西米露，入面勁多香芋，唔會太甜，岩岩好！😋😋

同朋友很喜歡吃素，所以最近都會走素食自助餐廳來吃。這間素一時在南昌新開的，和朋友在下午茶時段來試試看。餐廳分了自助區和放題區，即有些餸菜需要下單才有得吃，多數是炸物和小吃。食物方面覺得味道都不太差，個人比較喜歡放題區下單的壽司。二自助餐區的湯水、炒麵、蛋撻都不錯。其實吃素都可以很飽肚，對環境又好對身體又好。

知道呢度開咗素食自助餐，好似幾特別，於是趁佢新開張有折扣試吓！$168再有八折，都算抵食一去到先飲杯熱飲。羅漢果水幾好，甜甜地，感覺幾潤喉。除咗擺喺出邊嘅食物，壽司同埋炸物小食就剔紙落單。壽司嘅款式都好多，賣相精美，整得似模似樣！另外，每人仲送一盅素湯。素湯材料豐富，有粟米、腰果、杞子、蟲草花等等，味道都幾濃郁！今晚嘅特色美食係冰鎮素咕嚕肉，咕嚕肉外皮香脆，入面嘅口感似菇粒，都幾好食！之後就出去拎嘢食，放喺出邊嘅食物選擇都好多！推介必食素叉燒同埋黃金冬菇，好好味！素翅都唔錯，真係好似碗仔翅我哋叫左啲煎炸食物：黃金炸饅頭好味！ 腐皮卷餡料豐富呢度甜品選擇好多，推介必食燒菠蘿，同埋紅棗雪耳南北杏桃膠糖水估唔到食素食自助餐都食到咁飽！大家經過不妨試吓

素菜 係可以食蛋🥚、奶🥛、蔥🥬同蒜🌰，食物造型又像真🤩，味道又模仿得同真既肉類非常相似😋，岩哂我呢啲 "齋口唔齋心" 既人😆💕。呢間 素buffet 食物選擇超多，和食🇯🇵、炸物🍤、沙律吧🥗、菜🥦、中菜小炒🥢、飲品🥤、甜品🧁、生果🍈，因爲太多都好好食既關係，所以節錄幾個我自己覺得最好食既出黎😁：.🥢冰鎮咕嚕肉🍄，係用雞脾菇去扮😆，外皮炸得好脆，甜酸汁整得勁好食😍，好似真係食緊咕嚕肉咁👍🏼.🥢雜錦壽司🍣，每款壽司上面嘅"魚生"都模仿到好有果款魚既味道🤤.🥢蛋撻仔🥚，好食到任食都食左4個😆，係我最中意既曲奇皮，就算唔係用牛油整，都好香好鬆脆👍🏼.🥢金沙冬菇🍄，外面用左鹹蛋黃去炸，勁脆勁香濃👍🏼.🥢豆沙鍋餅🥮，煙煙靭靭好有咬口😋，豆沙餡又唔會太甜，整體非常好。.🥢叉燒🐷，整得好靚，顏色同各方面都好有美感😍睇得又食。.🥢薑醋蛋🥚，冇諗過會有薑醋蛋食，煲到入哂味變哂色😋，同平時豬腳薑嘅蛋唔同嘅係 冇咗豬腳嘅骨膠原 冇咁黏。.🥢白果芋泥🥄，芋泥唔係好甜，口感黏呼呼的，裡面仲有柚子皮，感覺好fresh唔會好膩😋.🥢紅棗雪耳南北杏桃膠🥄，女士養顏必選🤩————————————————價錢：💲151 /

我同老公去v walk 行街見到有間素食餐廳，店員話素食自助餐我地無諗過拒絕，即入，因為我們都很期待環境光猛，而且熱盤都蓋好，杯碟擺得很整齊。如果要素壽司，炸物就要用點心紙填寫。每位都有素湯，姬松茸超香，元肉，粟米令湯很甜，湯很清，飲完很舒服，湯料多，唔錯素壽司一定要叫，像真度很高，主要食材是蒟蒻，還有素壽司用醬油及芥辣，飯用珍珠米，加入白醋，成件事很有趣。冰鎮咕嚕肉好吸睛，一定要影相，成盤冰上檯，外面脆皮，酸甜又開胃。素食點心造型不錯，菜苗餃有豆苗，加入薑粒，味道濃郁，不覺草腥味，紅豆包豬仔look 好得意，包點不太甜，唔錯。芝麻卷值得試，店員話人手製造，芝麻味濃，好香。甜品我至愛紅棗桃膠雪耳羹，桃膠好大粒，洗得好乾淨無雜質。當日入座率都有超過六成，店員亦盡量一枱分隔坐，熱盤食完都仲有refill,店員有禮，會問換唔換碟，很勤快

素一這間位於V Walk素食自助餐餐廳的裝修非常雅緻舒服。原來上個月才新開張，晚餐星期一至星期四每位$168 ，三歲或以下小童免費。可以盡情食，又健康。服務員很熱情招待，又有禮貌，會介紹招牌菜，八寶燉湯及冰鎮咕嚕肉，每位食客獲贈一份，由服務員端上枱面讓我們享用。八寶燉湯非常好飲，鮮甜美味。冰鎮咕嚕肉酸甜味適中，外面鬆脆，非常開胃，加上冰鎮的效果，非常特別，食過返尋味。因為疫情的關係，餐廳非常貼心，用點心紙剔壽司類食物壽司種類的選擇非常多，炸物小食的種類有很多選擇。熱盤全部都會蓋上，確保衛生。食物亦會適時補上。有些食物的味道會比較淡，如燉蛋及紫米露糖水，可以改善，總括而言食物的質素都非常好，期待下一次再光臨。

homeoffice左咁耐,今日趁住假日終於可以出一出去,今日去到南昌新商場vwalk行下,見到一間新既素食自助餐好似幾吸引,素食我一向都唔抗拒,城中既素食自助餐都試過好幾間,而呢間將會係我新bookmark之一😋餐廳內裏樓底高而且空間好大,燈光又夠光猛.外牆加上手繪圖畫好有心思.外面食品區種類多夠晒多元化,由冷盤,熱湯,水果,沙律,炸物,熱盤到甜品都十分多選擇.食物排得整齊而且整潔,仲周不時見到店員清理枱面.餐廳因最近既疫情都係餐點上做左少少改動,每枱都會有點餐紙,供食客自由點選以避免食物暴露於空氣太耐.適逢今日撞正星期日,素一會為每位食客送上一份素鮑魚同一壼素燉湯.素鮑魚個樣同真鮑魚真係好似樣！仲要大大粒,加上口感同平時食既都好相似.燉湯十分清甜,有姬松茸,粟米,南北杏,入口先有南北杏既杏香味,然後粟米同菌香味慢慢滲出.除左星期日限定既鮑魚燉湯外,星期1-5都有限定既咕嚕肉,今次無緣食到,唯有下次平日再黎試！點餐紙上有日式料理同炸物.素食壽司既選擇估唔到有咁多種類,一於黎返個壽司拼盤先！三文魚,吞拿魚同墨魚用左蒟蒻黎製作,口感都幾似.當中我覺得味道最似係煙肉,煙鴨胸同櫻花大蝦壽司😋

今日行vwalk，發現左一間門面好清新既餐廳，原來係新式素食buffet，而且黎度已經係第2分店，其實我真係第一次知道有素食buffet，真係孤陋寡聞😅素食自助餐(晚市) $168(美味指數: 😋😋😋😋)黎個素食自助餐真係好有驚喜，款式種類真係好多，而且改變左我對素食一如既往單調既感覺，帶黎既係色彩繽紛既素菜。自助區有沙律、前菜、炸物、主食、湯品、甜品、飲品。另外，點餐紙仲有壽司，小食壽司 (仿似度90%)貌相仿似度就差d，不過甘食落真係有三文魚味，真係超級有驚喜，除左三文魚，仲有吞拿魚、鰻魚、花之戀咕嚕肉 (仿似度60%)其實係酸酸甜甜既杏鮑菇，先將杏鮑菇微微炸過，再用咕嚕肉做法整酸甜醬，醬汁真係好似不過杏鮑菇咬落口感就有出入白胡椒鹹菜涼瓜 (仿似度100%)係白胡椒鹹菜豬肚湯既翻版，雖然無落到豬肚，但相似度達到100%。唔需要擔心有涼瓜會唔會好若，反而白胡椒味道好濃好出，飲落好暖胃整體得分: 4 / 5

位於深旺道28號V Walk 2樓L2-116號舖的素一 Veggie One，主打素食自助餐。V Walk鄰近南昌站，沿著指示步行到A2出口，一上V Walk的電梯便會看到餐廳。素食自助餐分三個時段，晚市提供的菜式相對上較為豐富。朋友則試過頗為經濟化算的下午茶時段。餐廳的環境光猛整潔，梳化椅坐得舒服。侍應會遞上一張迷你點餐紙，好像日式放題般，按需要揀選需要的炸物和日本壽司，確保衛生及保持食物新鮮。另外，餐廳也設有自助區域，有多款蔬菜及熱盤提供，例如芝士焗四蔬、什錦炒素蝦等。另外也有沙律吧及水果吧，旁邊擺了約十款醬汁。約十分鐘後，熱騰騰的炸物來到了。個人頗推薦炸芝麻球和一口蘿蔔糕。炸芝麻球外面脆，裡面煙煙韌韌，黑芝麻餡料味道甜甜的。。一口蘿蔔糕一口一件剛剛好，能吃到粒粒蘿蔔碎。新鮮熱辣的天婦羅拼盤的味道也不錯，包括有豆角、茄子、蕃薯片等，表面撒了少許七味粉。晚餐時段，每四位便會送增一盤冰鎮素咕嚕肉，素咕嚕肉其實是炸雞腿菇，配上開胃的酸甜醬，旁邊還有幾塊蜜桃作伴碟。吃過主菜，便可以試試甜品。剛剛拿了新鮮出爐的蛋撻，撻皮脆脆的，一口一件。另外還有桂花糕等甜點，以及甜湯。個人頗為喜歡味道清甜