素一 (Closed)

話說之前試過食一次自助午餐，2個人194元，都覺得不過不失，由於就生日，就同家人提早慶祝食次自助晚餐，記得之前食午餐時寫住晚餐188元有折，150元左右，就唸住覺得都ok,今次11月29日去食5個人940元，已經冇左折，比起午餐係多左少少款，送左鮑魚同燉湯，今次因為生日，仲送左個壽司蛋糕，都唔錯，侍應姐姐個個都好有禮貌，不過如果要比較，午餐就抵食啲。希望款式會多啲，例如pizza,蛋撻，猴頭菇咁。。整體食物算可以,如有折扣會更好，始終疫情未過，希望大家都加油！身體健康！最後都祝自己生日快樂

今日去南昌站自助齋，呢間齋舖越來越差，原本下午茶是2:30入坐，職員晦氣又無禮貌，食物食左2轉後，已有好多款無左，又唔加番，跟住我問經理，佢話廚房加埋佢只得兩個人，所以食物出唔切，但這個理由是不能接受，我是來吃自助餐，食咩無咩，如果你人手不足，就唔好放人入坐，最後我都只是食白粥頂飽個肚便算，受氣又食唔飽

喜歡食素而且大食的人來這裏就啱晒啦，因為可以用普通套餐價錢就可以在這裏食到任飲任食放題，好底食，淨係炸物都有幾種天婦羅、炸春卷、炸南瓜餅、炸黃金番薯球、炸煎堆仔等等！蒸包又有好幾種，因為太飽關係我只試咗芝麻包，芝麻餡濃香而不太甜😋而豆腐花也是必食，因為真係滑滑到不得了👍另外有沙律、有冷盤仲有各式各樣的壽司，而熱食方面有炆蓮藕、韓式豆腐、葡汁四蔬、云耳菜心扒雙菇、豉油王炒河、炒飯、仲有白粥湯同埋糖水等等等等⋯太多！真係每樣食一件都要捧住個肚走，因為多人食銷量快，所以食物質素可以保持新鮮熱辣係一間值得推介嘅素食餐廳

試佐午市外賣自取38蚊飯盒 拎到番屋企d餸完全錯曬 明明唔食得辣既我仲要比佐辣既餸我 好失望除佐我呢盒之外 我成家既飯盒都錯曬 張單落岩曬但係應該就係執飯盒既員工執錯曬 希望餐廳正視下呢個問題

這天因事要來南昌，沒吃午餐的我就在這裡吃了一頓健康素食下午茶自助餐，這下午茶的供應時段其實由上午十一時已經開始，直到禁止堂食的晚上六時為止，星期一至五的價錢只是 $78（未計加一），便可以任吃任飲80分鐘，如果在星期六、日或公眾假期，也只不過貴二十元而已，便可享用超過六十款的健康素食，都算十分經濟抵食。店舖衛生做得甚足，除在入內用餐前量度體溫、噴搓手液等指定動作外，每位客人都會收到一個裝口罩的紙套，在離座取東西吃時都要載上口罩和店舖提供的透明膠手套，給人一個講究衛生的感覺。一共取了三次齋菜，菜心、冬瓜、茄子、椰菜、蘑菇、豆腐、白菜、雲耳、素餃、枝豆、炒飯、炸物、齋壽司等都有，有些以咖喱煮、有些以麵豉烹調、有些清炒、有些......，款式不算千變萬化，可也不會千篇一律，味道有濃有淡，愛濃愛淡，悉隨客人尊便。也喝了兩碗湯，一是「胡椒芥菜豆腐湯」，一是「茶樹菇栗米蘿蔔湯」，前者較濃，後者稍淡，味道都自然不人工。還有沙冰呢！有「芒果沙冰」和「西瓜沙冰」兩款，我只要了前者，冰道雖非十分濃，仍然冰凍解渴。至於飲品方面，我只喝了豆漿和冰水，其實店裡還有熱茶和其他飲品可喝，也可有其他選擇。不過甜品選擇

由於工作關係，，又再一次來到南昌站，再試一次素食自助餐，結果是又一次令人失望，比半年前第一去差很遠很遠，款式少咗很多，，甜品放得大耐是室溫狀態，十分難食，熱食一樣種類少咗很多，由於太多獻汁，程現一patpat狀態，之前有煎素菜包，，煎堆仔，炸饅頭，芝麻卷，蒸豆沙包，素粉果，豆沙煎餅，煎一口蘿蔔糕等都不見了，，現在冇分下午茶時段，價錢已貴咗，2位要$172可有其他更好選擇，應該暫時都不會再去了，失望

近日放大假，就帶媽媽周圍飲飲食食😊為了搵間健康又抵食嘅食物，的確唔容易，最後在網上找到這間素食自助餐🤩當日下午兩點來到，已經企滿不少人等候食下午茶時段🙈我們同樣一齊等，冇執輸😂這間餐廳很開揚，而且很有規模和乾淨👍🏻食物款式很多，亦很吸引🤤有一點要讚的是，員工一看到食客忘記戴口罩拎食物，會立即提醒🤩安全衛生最緊要👍🏻👏🏻-下午茶（2:30 - 4:30）90分鐘 星期一至五 $68/位1️⃣炸物講起素食自助餐，我最期待的是炸物，這裏種類多和味道正😋有腐皮卷、春卷、炸餃子、炸饅頭、南瓜餅..... 雖然餡料都差不多，但勝在調味剛好，唔係大家想像好淡嘅味😚 每樣都保持熱度，食起來還是脆口😋2️⃣熟食熟食種類最多，質素都很不錯🥰基本上每款都食過晒，其中椰汁芋頭南瓜，最喜出望外，芋頭粉粉的，配合香濃微鹹的椰汁，令人諗起西米露😋媽媽就很喜歡食炒茄子🍆炒得很軟腍，調味一流！整體食物refill 速度很快☺️3️⃣甜品由於食得太多熟食同炸物，食唔到很多甜品😖不過值得驚喜的地方，就是這個朱古力杯子蛋糕😚細細一杯，但有很濃郁朱古力味，食多幾個都得4️⃣糖水最後都拎了綠豆沙糖水，味道唔會太甜，裏面超多綠豆，啱晒依家熱辣辣嘅天

朋友生日話想試下食素，上op搵到南昌呢間素食自助餐評價唔錯！位置超方便，南昌站一出就係v walk商場！疫症期間，除左量體溫之外，仲派發熊仔紙用來收納口罩，出去夾食物時一定要戴上透明手套，貼心又衞生👏🏻食物款式真係幾多！一系列的炸物就喺眼前，第一時間夾腐皮卷和炸饅頭先！！😍 當日靚湯係海底椰粟米湯，清甜足料！豆漿唔甜都唔錯！估唔到連日式蕎麥麵、胡麻醬豆腐都有，細細碟試下都幾好！上層仲有甜品添！小食有番薯仔、焗多士、枝豆、中華沙律、雲耳等等，但雲耳唔知係未撈勻定調味問題，無咩味～除此之外，仲有一盤盤的熟食、蒸包、茶葉蛋⋯ 每人送左一隻素鮑魚，遠睇外形真係呃到下人😆食落去似用菇類或者蒟蒻做成，口感彈牙，有驚喜！香港人鍾意食壽司，估唔到連素食都一樣跟上潮流！師傅做左好多款不同類型的壽司，賣相吸引，同樣沾上芥末同豉油一齊食，飽肚感大增！如果唔想太熱氣，可以清清地食下炒粉麵，銀針粉簡單用醬料炒過，味道有點似泡菜醬，幾入味！食完後問番朋友意見個個都話滿意，食到好飽！成功改變佢地當初覺得素食等於無野食的印象，哈哈😄

去過5次，只有2次食物較新鮮，款式比幾個月前少了，炸物凍冰冰又淋，需然要求客人載囗罩和手套取食物，但枱面清潔不足，有杯水印在枱上，蒸包和馬拉糕應該蒸了很長時間，又濕又爛，見到都晤想食，限時八十分鐘，上一次去是六十分鐘，有點趕

帶住個食肉獸小男孩食晏，我沒有說明這裡沒有肉，但告訴他有壽司吃，他便跟我昂然步入這餐廳了。店員很嚴格地執行社交距離，亦要求所有食客必須帶口罩才可以取食物，一時間忘記了的食客未到食物枱已被叫回，值得讚揚服務員的效率 👍🏻食物方面，種類頗多，小男孩吃了5款壽司，最愛「蟹柳壽司」，指其像真度高；日式食品還有麻醬冷豆腐和凍烏冬。另外兩款中湯也美味，其中胡椒芥菜豆腐湯不是常常在餐廳可以喝到的。飲品方面也有頗多選擇：兩款果汁沙冰、凍豆漿、紅菜頭檸檬水、羅漢果茶、各款熱茶...小小食肉獸頗滿意這次素食自助餐，還說要再來一次呢！

嚟開南昌第一次嚟V-Walk呢個商場，入面都有好多品牌同餐廳，想挑戰下自己就嚟到呢間素食自助餐餐廳食個dinner 😋一入到門口就覺得零舍唔同，原本以為牆身只不過用咗普通牆紙， 點知近望先發現原來顏色和圖案都係人手畫上去既，用咗大自然春夏秋冬嘅變化作主題🌿🌳素食選擇都算係幾包羅萬有，有最基本嘅蔬菜、甜品、素肉等，亦有啲幾新奇嘅素食，例如素食壽司包括三文魚同埋吞拿魚壽司。店長話「魚生」都係用蒟蒻同紅蘿蔔等嘅材料製成，並冇人造色素，雖然口感比較爽口，但外表絕對可以呃到人。而個人覺得最似「真肉」就一定係素叉燒同埋素吉列豬扒！🤣 無論係外表口感定還是醬汁，都同平時食嘅好相似，必推🤩甜品方面就有macaron同泡芙等，仲有得食糖水😋 依家去每人仲會送一個火鍋添🥳

前兩日姪女send來介紹一間自助餐素食店嘅片段，睇完都想試一吓，先想試吓lunch，適逢今日星期六係十五，都怕多人，早餐都冇食，所以早啲去，當brunch吧！由香港站搭西鐵線在南昌落，地步話D1出口，其實我覺得如果識行，應該D2出口會快啲，不過我哋第一次去v walk（大鄉里），所以都係跟指示行，商場有部touch screen指南機，按舖頭類別及名稱，就會指示你所在位置及目的地位置，讓你大概會知個地點如何前往！我哋一行三人11:45到，吾駛等好快入座，店舖幫你量體溫及派一個用紙摺成嘅口罩套比你，提示你離開座位出去攞食物時都要戴上口罩，好貼心，又會令大家食得安心啲……因為LUNCH BUFFET 時間得75分鐘，一攞好位就出去攞嘢食，擺放食物嘅地方吾算大，都算整潔，簡單分咗前菜 (沙律、小吃炸物)、熱葷 (蔬菜、粉麵飯)、蒸品類 (饅頭、豆沙飽)、冷盤(壽司、糕點)、湯品(糖水、湯)、茶水等.....我哋各人食咗3-4轉左右都飽了，時間又過得好快，75分鐘好快到了，離開時已企滿等位嘅人龍喇....第1次嚟食，我覺得D食物味道仍有改善空間，可能係新派，D熱葷未夠鑊氣味道，湯可以煲濃D，我

第一次去此餐廳食素食自助餐，環境算潔整，但食物區地方比較細。空間比較迫。第一轉取食物人山人海。食物種類一般，沙律吧，一款中湯，一款翅(有味精味)，兩款糖水桃膠同綠豆沙，炒粉麵各一款(唔覺有添加)，炸物唔太吸引，手抓餅(失望)，腐皮卷皮太硬(老人家咬不到)，中式素菜普通拾菜，炆冬瓜，粟米，菇，中式點心蒸糕。大部份中式都不夠熱。唯一讚是凍豆腐(配麻醬)同素壽司(六款)，飲品~推士多啤梨沙冰。茶有兩種選擇，總結來說一分錢一分貨。合理

今日同屋企人黎到素一食齋嘅buffet。食物選擇唔算好多，但味道方面係唔錯嘅。其中我特別推介各款嘅天婦羅，尤其係鹹蛋皇冬菇天婦羅，幾好食。埋單每人188無加一，雖然味道係唔錯，但呢個價錢真係有啲貴，建議有興趣嘅朋友可以選擇下午茶時段，價錢平好多！

最近行左南昌站附近既新商場V Walk好多新店都進駐 當然都有好多好西食經過一間既食素既 行入d睇原來係素食放題 之前我都有聽過一間原來就係呢間 只不過係cwb搬左黎南昌未食過素食放題好新奇😱-一坐底送左一人一鍋同火鍋拼盤 烚下烚下拼盤有生菜 油麥菜 金菇 豆腐 素丸 素海參 同素魚片個素魚片 好彈牙 仲有魚味湯底有豆乳湯同番茄湯唔需要+$如果想食麻辣既就要+$-出面自助吧都有多種款式日式 中式 西式都有 而且炸物比較多-素壽司🍣像真度非常高 估唔到做到同平時既壽司一樣🤣連味道都一樣 真係唔講都唔知係素-特色素翅非常足料 冬菇 竹笙 雲耳絲落小小醋食 好味-炸物 有炸秋葵 炸茄子 餃子炸粉唔多又唔多油 唔油膩仲有生煎包 炸曼頭 南瓜餅 薄餅😋-熟食以蔬菜為主南乳蓮藕 翠肉瓜 四季豆不過素大多都偏油 食小小都已經好濟好彩有涼拌雲耳 酸酸的開一開個胃 等無甘膩🤣-凍飲品有奇異果沙冰 酸酸地又係好開胃熱飲有紅菜頭檸檬水👍🏻👍🏻👍🏻呢個最特別 個味唔係好識形容但熱飲真係好好飲👍🏻👍🏻👍🏻-最後要食糖水甜品糖水係紅棗雪耳南北杏桃膠同綠豆沙👍🏻個人覺得比較甜 但可接受既桃膠較少 下次要落多d😂而有