生記鮮魚湯米線 (Closed)

冬瓜肉碎湯飯係附近做野一段時間，幫襯過呢間幾次，魚湯底幾鮮甜，清清地，食完無口喝，應該無落味精，可以一試之前都係食米線，今日試左冬瓜肉碎湯飯，一樣好大碗，好足料，啲冬瓜多到好似食極都食唔完咁肉碎偏瘦，如果可以肥返少少可能會好啲（純屬個人喜好）49蚊一碗，加8蚊有飲品，中上環區算係咁上下啦（凍飲好似唔洗加錢，不過我通常飲熱檸茶）落單的姐姐，無乜眼神交流，叫左幾聲先有反應，不過算啦，快快趣趣食完算數，幾十蚊唔期望係大酒店的服務

天氣轉冷，食碗熱辣辣既魚湯米線，成個人暖返哂，醒神哂，動力返哂嚟！芫茜皮蛋魚湯米線用上新鮮鯇魚片配合芫茜同皮蛋，將原有魚湯既鮮甜推上另一層次，魚湯非常濃郁，米線軟硬適中，生記鮮魚湯米線係眾多魚湯米線店中的Number 1，下午2點後仲可以減3蚊，性價比起高，一定繼續支持。魚湯豬潤朋友不太肚餓，所以點左魚湯豬潤淨食，豬潤非常爽口，份量超多，配上魚湯，鮮味更是一絕，朋友最後連湯都飲哂，身體果然係最誠實的，哈哈哈。

米線一嚟到, 二話不說飲啖湯先,  非常淡完全食唔到鮮魚嘅鮮味, 非常失望, 自己買粒濃X寶無咁嬲招牌魚腐份量足但極多骨, 係極多骨(一粒內3-4條) 亦係無鮮味可言,  成碗米線完全誠意欠奉, 非常失望唔通出咗名嘅老字號, 唔憂做...所以質量監管都hea做?

呢間魚湯米線，幾年前同事介紹，呢幾年都去過好多次 ，中間有兩年冇去， 今日午飯時間，去上環永安買嘢畀爸爸， 諗起好耐冇去過，所以去再食下佢嘅魚湯米線， 佢個餐牌多咗好多唔同嘅款式， 之前得魚腐、雞翼、豬腩肉、魚片、雞絲， 今日望到個餐牌，完全諗唔到食乜嘢，有選擇困難症， 見到有人食緊椒鹽骨 ，之前湯底冇咁多款選擇，而家有蕃茄湯、有芫茜皮蛋湯， 我今日試咗魚片芫茜皮蛋湯米線， 由於有啲肚餓，再加咗三隻韭菜餃， 水準保持到，仲多咗款式😋😋😋

夜晚想食得清淡一啲， 所以就嚟咗呢一間魚湯米線， 係朋友介紹話幾好食又平。我叫咗個鮮鯇魚片魚湯米線，碗麵都唔細碗，有好多鯇魚片喺上面，個白色魚湯味道唔錯都算鮮甜，但又未算好濃嗰種，而啲魚肉都有鮮味，味道OK，不過好多都有少少碎骨要小心啲食， 米線方面就覺得偏“林身“。食完再飲咗啲湯底，覺得好似飲咗碗中式魚湯咁，覺得成餐食得幾清。價錢方面都幾抵，三十幾四十蚊一碗， 喺上環嚟講算係平㗎喇。 環境方面，呢度始終係街坊小店，座位唔算好舒服，而且好大機會都係要搭枱嘅。 不過好彩今日鋪頭大概七成滿左右，要搭枱都唔到於坐到好逼。如果係平日返工時間，中午嗰陣好full呀。

打電話叫外賣，阿姐態度惡劣又悔氣，一面不耐煩，好似爭佢錢。其他食評都有講過侍應嘅態度問題。之前食過三次，食物不過不失，金沙骨唔錯，其他餸好一般。上環大把選擇，無需受氣。

講起魚湯米線，第一時間就會想起位於上環的生記鮮魚湯米線，而每次黎到都一定會點呢個極為之邪惡的芝士炸雞魚湯米線，首先店內的魚湯湯頭鮮味十足，飲畢整碗亦不會口乾，足證完全沒有味精，再配上香脆可口既雞扒，簡直是一絕。

聞說這裡的湯米線有不少人冒名來試，我也不例外，一嘗魚湯米線的滋味。我先點了芝士雞扒米線，而友人分了一點雜綿魚湯米線給我。真讓人失望呢！雞扒的肉質不細滑，皮和肉炸得分離，再加上芝士冷卻後質感變得奇怪，味道不和諧，難以入口。幸好那魚湯的鮮味，救回店舖的名聲一命。魚湯就魚湯麻，專心一意煮魚湯米線就好。還讓我特意前來一試。

我係好耐之前，係住係上環嫁～以前成日食呢間生記～係我屋企既飯堂。我搬左之後記無食過喇！點知今日過左黎做野，我就醒起呢間魚湯米線！知唔知點鮮我對呢間米線念念不忘呢？因為佢既魚湯係用鮮魚黎煲嫁！好濃郁既魚味！我地兩個人一人一碗！我叫左香酒雞絲米線～d雞絲真係有酒味嫁！我朋友叫左碗豬頸肉米線！其實每一碗都配有少量既椰菜同芽菜～因為我地叫單拼。每碗只係38蚊～咁我地仲叫左兩杯檸菜，15蚊杯！其實兩個人食左106蚊，係上環黎講真係好抵食！

打工仔的午餐，這條街午餐時間充斥著打工仔畢竟要賺錢真的得靠這個時段服務員的態度就真的...不是太好要賺錢...我懂得...坐過去一點麻煩過去隔壁桌坐等等之類的....有很多人排隊態度嘛...就這樣吧...哈哈...這次點香菜皮蛋牛肉米線味道還可以份量也能接受不過同事點的下午茶餐看起來實惠一點40塊還包飲料😂😂上環打工仔應該不少人都吃過這間來就別要求服務態度啦...應該懂得...午餐時間要拼翻檯...單純吃就可以試試啦！

上環一間性價比超高噶粉店！點左個招牌雜錦魚湯米線，魚湯奶白色，好鮮甜，鹵肉肥而不膩，很入味，滴肉丸口感超正，好Q好彈牙，非常好吃！米線分量足，吸收曬滴魚湯，味道超好，保證飽肚！性價比超高！不過就人比較多，可能要排隊。

放左工，個肚突然好肚餓，於是係公司附近求其搵野食，估唔到求其搵野食真係會中伏😢去到餐廳坐底未到6點，見仲有下午茶，諗住叫個下午茶餐，睇真d餐牌，原來下午茶餐同單叫係爭成8蚊，兩者分別在於一杯普普通通既野飲, 換這之，一杯普普通通既野飲要8蚊，真係傻既-_-最後我叫左個酒醉雞絲米線，朋友就叫左個豉油雞翼米線。朋友個豉油雞翼米線真係好驚嚇，其中一隻雞翼勁硬掘掘，咬極咬唔開，睇真d個雞翼中間有好大個黑色腫左既位，唔知咩野來! 😨真係都未見過咁核突既雞翼，胃口即刻冇晒🤮而我叫個酒醉雞絲叫做有d酒味，不過都係普普通通啦。個魚湯味道偏鹹，餐廳聲稱係新鮮魚湯，但我食完勁口渴，懷疑都落左味精。埋單每人32蚊，雖然平平地，但係食物質素真係唔係好得...😟

啲員工態度極惡劣，環境好擠迫，全部都好似想趕客走咁，即係叫你未食完好走啦，有其他人等緊！下次唔會再嚟食，永遠都唔會黎食！啲面又冧又難食，冇一條係可以完整夾上嚟😡啲魚湯平平無奇，好似飲緊味精湯咁🤮最出名嘅魚腐，同街邊嗰啲茶餐廳冇分別。豬頸肉硬到根本咬唔到，冇味道可言！究竟點解可以有咁多人讚好🤢🤢🤢🤢🤢

想食米線，見到哩間餐廳有開就決定試下佢入到餐廳，嗌咗1）莞茜皮蛋牛肉魚湯米線，2）芝士雞扒魚湯米線同3)檸樂1）莞茜皮蛋牛肉魚湯米線佢個湯底有啲似住家湯咁,料都非常足夠2）芝士雞扒魚湯米線個芝士係芝士溶咗嘅漿淋上雞扒面個芝士漿會feel到佢粉粉地，有d粒粒甘，唔夠滑但個雞扒炸得岩岩好，佢個皮夠脆，入面嘅肉唔係太老個淨魚湯米線正常嘅，但個人覺得魚味唔夠濃，比較清淡整體嚟講，佢嘅份量係比出面多同足料~

咁岩今日要去上環買嘢買到餓咁梗係search下有咩好食啦發現生記魚湯米線好似好正喎咁就去試吓啦一坐低就order左碗魚腐魚滑米缐賣相好吸引試左啖湯已經好鐘意有魚味亦唔太味精啱晒喜歡清淡嘅我魚腐同魚滑都超超正好鮮味而且好足料米線份量亦唔算少老實說呢碗一定係我最近食過最正嘅米缐咁樣嘅質素$49雙拼算公道以後行開來上環一定會再幫襯！