Via Tokyo (Closed)

Being adults mean that one can choose to enjoy soft serve during one of the coldest period in Hong Kong, and that's exactly what we did. This is a quaint little store that is decked out in earthly hues and Japanese decor, very fitting for its speciality in matcha desserts. While my friend's a matcha aficionado, I prefer a good cup of hojicha tea any day, with its smokey roasted aftertaste. So I was excited to find out that you could change (at no extra charge) the matcha options to hojicha!The p

今日去咗呢間Via Tokyo Tea, 朋友介紹話佢啲綠茶好好味就試咗一睇Menu好多都係得雪糕 得好少款揀 所以就同朋友share左一個芝士蛋糕同雪糕個芝士蛋糕外貌非常好 味道都唔差 好重綠茶味得小小芝士味 原本以為個底係餅底 但係原來只係一小層海棉蛋糕終於明點解佢主打咁多雪糕 因為真係好好味啊 呢個綠茶加牛奶雪糕 唔止好重綠茶味 啲牛奶味都好出 成個感覺好豐富 唔會話係好稀嘅雪糕 加上佢啲脆米好好食 又唔會只係得雪糕咁溜 正呀講多少少 食緊甜品嗰陣想飲啖水但原來想要杯水都要＄15 個人覺得好貴同埋呢啲簡單嘅Service都要俾錢唔係咁好

星期三平日，和朋友想享受個悠閒下午，便去了尖沙咀的 Via Tokyo 享用下午茶。店面裝潢設計走簡約風，讓人身心放鬆。原本我們是想試$78的綠茶tea set，但其他甜品賣相更吸引，所以我們分別叫了白玉抹茶雪糕(HK$44)、宇治抹茶芝士蛋糕 (HK$48) 和抹茶拿鐵 （HK$40）。綠茶雪糕味道勁濃郁，而且溶得很慢，可以和朋友邊聊天邊嘆。綠茶芝士蛋糕賣相非常討好，綠茶味較芝士味重。綠茶拿鐵亦非常香滑，味道中上。綠茶控的我表示大滿足

食完晚飯就梗係要搵甜品架啦，行咗好耐終於行到via tokyo, 問吓有條小人龍，排咗十分鐘到都有得坐喇我係厥餅控，厥餅令人有啲失望，雪糕補返數。老公就是抹茶白肉，即係冇餡湯圓，抹茶真係不得了

吃過午餐後仍意猶未盡，想以焙茶雪糕作飯後甜品，自然而言地，我倆來到抹茶勝地Via Tokyo。這Via tokyo，低調而不招搖，卻有能令一眾茶迷記住它的名字。質素當然是重點，親和的價位也是吸引客人回頭的理由。平日前來的關係，這天遇上下午茶時段，甜點拼配飲品也就化算多了。雖說是為了焙茶雪糕而來，卻因帶病在身不宜吃冰品，理智還是讓我倆放棄了原來目標。抹茶拿鐵($35)以陶燒杯具盛上，滿滿是和風感覺，低調的那一種。加上漂亮的拉花，也想不到一杯抹茶也認真如此。那熱度是恰到好處，奶泡豐盈亦富奶香，更出眾的是那抹茶香，甘濃不帶苦澀，水準跟雪糕系列是不遑多讓。若不是午茶套餐，未必會選上這平實的抹茶蛋卷，外表平凡吃着卻感覺不差。鬆軟綿潤的蛋糕卷層，裹着薄薄的抹茶忌廉，甘濃不膩，當然那忌廉若能豐厚一點更好，算是低調而不失美味的抹茶蛋糕。出品雖好，服務卻是令人不吐不快。席間咳嗽不止，想向店方取一杯開水，侍應卻說沒有提供，感覺是有點不近人情的說。時值下午來客不多，不像銅鑼灣店般全天無休，好讓我們能安靜地聊聊天。聽着聽着，是一個為夢想放棄麵包的故事。眼前的她有着她的美好，就差未遇上對的機遇。心誠則靈，相信那

我好喜歡食冰類甜品、但香港很少甜品舖做得很好、直到我找到你、其實店内所有產品我也食過、全都很有水準、綠茶卷、軟雪糕、冰冰。乜都食。其中我翻食左好多次就是係士多啤梨冰和焦糖冰、士多啤梨汁做🉐️出色、冰內有個脆脆拿破倫酥皮條和吉士係令我十份驚喜。焦糖冰冰、味道濃郁、而且有脆脆焦糖粒粒，諗起都想再食。唯獨是座位比交迫、但香港租貴冇計啦。上冰速度亦夠快。但每次食都要排隊、建議下午茶時段去食，可以唔洗排。

係附近食完飯，散散步，緊係嚟個飯後甜品啦！呢幾排非常嗜食綠茶，所以決定去via Tokyo 試試啦。我不嬲都知呢間嘢多人排隊，難得嚟到，搏一博，人少少排下冇所謂。不過去到，oh my god! 有幾十人排緊隊，所以決定放棄，去買外賣。好快趣，等咗一陣，雪糕到手！都幾大杯！入口綠茶味甘濃，有牛奶味溝埋，好香滑。另外個幾粒小丸子好彈彈！又有糯米味，好正！讚！下次搵下有冇機會早dd去，入去坐定定，試埋其他d款先！

因為見啲人話個綠茶卷好好味所以就嗌左結果我好失望😭可能係我唔中意食苦野嘅關係，我以為世上所有甜品都係甜咖，依個綠茶卷真係好似飲梗綠茶咁，苦到好難入口😨而且苦到口渴，可能係我唔中意食苦野嘅問題，如果唔講個苦味，佢入面個cream就還好啦😐，係佢打cream個時打得太耐走左太多空氣入去， 令到個cream唔夠creamy不過都有一樣係幾好味嘅由於我都有預感個綠茶卷會好苦，所以嗌左個雪糕，個雪糕係牛奶味，奶味都重嘅😊同埋個雪糕真係幾滑😍再配埋啲米通有啲口感好正👍🏻入面嘅小丸子白色就無乜味，但綠茶味個個就唔錯，綠茶味都濃，但唔會好苦，都有啲甜嘅再配個雪糕都好好味😍

依家呢個世界 甜品係會貴過正餐愛抹茶的人相信沒有人未聽過依間抹茶控必訪之地 —— ViaTokyo尖沙咀分店更多堂食位置，空間也較寬闊宇治抹茶軟雪糕 $32真正抹茶雪糕 苦中帶回甘 而且吾易溶 可謂抹茶雪糕之中既極品 太好吃了吧 真係啖啖超滿足!!焙茶雪糕筒 $32濃到爆既烏龍茶味 正到喊出黎 我都吾知講咩好喇 黑芝麻雪糕 $35第一啖 嘩 真係超濃芝麻味喎! 濃到奶味都無埋 而且吾易溶 可謂真材實料與其話食緊雪糕 不如話食緊芝麻糊！又吾會太甜 好正噢 宇治抹茶白玉紅豆雪糕 $49食筒裝真心覺得好少 因為中間都是空心的碗裝份量係筒裝兩倍！真係超滿足紅豆係似醬 好少一粒一粒 拌雪糕食就吾會覺得太甜 但我吾like而且白玉無味既～焙茶糯米糍雪糕 $44試埋糯米糍～好食過白玉！煙煙un un⋯⋯好滿足！果然係必食地方，creamy又濃郁既matcha雪糕

本來打算係K11食Tea, 點知個度大排長龍，唯有另尋地方啦。想起係銅鑼灣食過的Via Tokyo 在尖沙咀都開左分店，好彩下午五點時間店內不多人，可以馬上入座。最低消費是每人要點一個甜品。因為兩種口味雪糕都想食，所以分別點左脆米白玉抺茶雪糕$49和生果焙茶雪糕白玉餡蜜$54兩種雪糕都很香滑，抺茶牛奶味比較重。焙茶就茶味比較濃郁。個人喜歡焙茶多點。抺茶雪糕上的脆米卜卜脆幾得意。另附上蜜糖可以淋在生果上，但覺得太甜了。

係香港呢一兩年大熱既抹茶甜品，為食既我當然唔放過啦。同朋友食完飯再直落食甜品，咁就揀左最近好多人食既via tokyo。一人嗌左一個甜品，抹茶雪糕甜得黎帶少少回甘，配埋其他配料岩岩好。不過因為好多人係出面等位，我地好快食完都走啦

某日lunch, 同同事食完南記感覺唔太滿足, 於是就提議去食返個雪糕先啦! 其實我之前就食開mira hotel 附近0個間的 (大家應該知道邊間吧..), 之前食完就一試愛上~~帶左d 同事去食, 佢地都話正, 不過就話貴左d (都成50幾蚊一杯)所以今次同事就介紹返我食via tokyo~~我食兩味 (綠茶 x 焙茶) 先係 $35, 的確係平一截喎當然, via tokyo 份量係細好多的不過味道都唔係差呀~~如果平時口痕想止下癮, 我會平平地揀via tokyo如果同女友share 食, 咁就揀另一間吧~~~ 

喜愛抺茶嘅我，當然要試下呢間啦尖沙咀店比銅鑼灣店坐得舒服好多，以木裝修為主，感覺休閒及輕鬆。我哋一行5人，叫左6款抺茶甜品抺茶冰冰，鋪面的抺茶醬不太濃的抺茶味道，個人覺得d冰打得不太幼滑。抺茶千層蛋糕，酥皮面覺得有點兒厚，可鬆化一點。抺茶芝士蛋糕，芝士味與抺茶味好夾好味，不會有搶奪大家味道，剛剛好👍抺茶卷蛋就可以，都鬆軟美味😋而個人最鍾意係佢哋嘅抺茶affogato，軟雪糕好滑，但個人偏好，尚可再濃一點抺茶味😜最後點埋培茶味軟雪糕杯，培茶味濃，配上生果同丸子。但個人偏好仍首選抺茶😁

我愛食抹茶甜品，但最驚既係有啲餐廳抹茶食品得個綠色，而食落係無茶味既～而家終於比我搵到一間有濃濃抹茶味既真材實料甜品店啦唯一美中不足係呢度無水供應，想飲啖水都無呢抹茶芝士蛋糕 $48蛋糕係厚實既質感，食落濃味之餘帶啲啲澀既茶味，呢個濃度對我黎講係最正既！好滿足！芝士唔會搶過抹茶既風頭，白色個底係軟蛋糕底。連伴碟既醬汁都唔馬虎，係抹茶朱古力，我連啲醬都清曬。

呢晚因為食完dinner時間尚早，就諗食甜品啦，一諗就想到來呢間食抹茶，本來都諗住多人要等位就唔食架喇，可能時間真係仲早所以去到剛好有位，即刻入去啦，店員帶我地去廚房門前，我坐係到都可以睇到裡面整甜品。入到來，一睇Menu就即時諗到食咩啦~① 三色雪糕窩夫 Three flavour Waffle Cup ($59) ② 宇治金時抹茶沙冰 Uji Kintoki Espuma Kabigon ($65) Total: $124三色雪糕窩夫：材料有焙茶雪糕、抹茶雪糕、北海道牛奶雪糕、栗子、白玉、紅豆同榛子窩夫杯以花型窩夫碗載著各種材料，賣相係幾靚嘅！知道呢間Via Tokyo最著名抹茶味雪糕，所以對佢都幾大期望，忍不住第一口嘗抹茶雪糕，奶味重，但帶著抹茶本有的苦澀味，味香醇帶回甘，好食。再嘗3.6牛乳雪糕，奶味真係好濃厚且細滑，密度高，頗甜；再到焙茶雪糕，茶味濃唔苦，少少甜都係好食。睇menu寫係Hazelnut Waffle Cup，但冇榛子味係有少少失望嘅，好在窩夫做得挺薄身只係唔夠脆口。白玉子雖然有白色同綠色，但都係冇味嘅，煙韌不黏牙。紅豆份量少頗甜，糖漬栗子都係好甜。宇治金時抹茶