Via Tokyo (Closed)

係附近食完晚飯之後，我同我朋友就決定嚟依間食埋甜品先返屋企。上次我哋就叫咗普通雪糕，咁今次我哋就決定叫啲特別啲既野～我哋就叫咗個 焙茶拿鐵 同埋 滿月綠茶芭菲。雖然大家可能會覺得個芭菲比其他款式嘅嘢食貴但係我覺得係ok嘅唔算太貴。焙茶拿鐵幾好飲，唔太甜唔會苦—味道啱啱好。另外個芭菲我覺得整體嚟講唔錯嘅，抹茶雪糕嘅抹茶味好濃，唔會話奶味太重令到大家食唔到抹茶味，但係我有樣嘢唔係好明嘅就係佢中間個到有幾層嘅啫喱但係我唔太食到係咩味？！ ?_? 完全係乜味而且唔太明佢嘅作用係乜lol 但總括黎講佢嘅抹茶雪糕係幾好食嘅，不過我諗我下次再去嘅話會試其他嘢。

又黎到開學季，人地食開sem飯，我地吃貨二人就去左Via Tokyo食開sem雪糕一路行一路捻住抹茶同牛乳，即刻覺得呢個下晝一定非常美好😆😆舖頭客人唔算多，入到去店員就安排坐係近廚房既二人檯，靠住牆，靜靜地，岩晒嘆雪糕同傾計~我地目標明確，叫左抹茶同北海道牛乳，再加軟冧冧既糯米糍~抹茶雪糕保持一貫水準，香濃既抹茶味道，第一啖就已經食到，少少抹茶特有既苦澀，好輕好輕，加埋牛乳雪糕一齊食，就好似飲緊Matcha Latte一樣❤️北海道牛乳只有一個「濃」字可以形容，用佢做出黎既雪糕亦都保留左牛乳本身既風味，而且更加滑溜~ 一啖接一啖停唔到口Via Tokyo黎左尖沙咀之後仍然係咁好食，開sem日大滿足! 睇黎以後都會成日忍唔住要黎食🙈🙈

推介，綠茶芝士蛋糕🍵🧀🍰!!我朋友覺得苦，但鐘意有濃綠茶味既朋友就岩啦😋😋,同時不失芝士。其他綠茶系列既甜品都好duck.不過都有吾少人排隊,上次好彩我朋友攞左位先，我到個陣,出面都有十幾個人等。😮😮服務超好，我個朋友個日得散紙，差吾多俾左五蚊散紙俾佢，佢都好有心，慢慢數,冇燥底😱😱👍🏻🙏🏻

黑芝麻芭菲（$62）👅Via Tokyo想試好耐啦🙈原本林住試呢到既抹茶雪糕，但見到呢個黑芝麻係期間限定，好似吸引啲🤗🤗🤗芝麻味當然係好香濃啦，雪糕質感係厚實啲，唔會好容易溶😆啲配料好似塊芝麻餅同蛋糕咁都唔錯😋😋😋焙茶沙冰（$65）👅wakakakaka😂😂😂😂呢個冰一上枱我地笑到標晒眼水😄真係好似💩💩係米我地先會林埋呢啲衰野🙈🙈明明焙茶本身係好elegant既😂😂😂食落當然係好清香好焙茶啦👍🏻👍🏻啲冰都算幼細，但始終中意食銅鑼灣間sharishari啲冰多啲🙆🏼🙆🏼食食下其實💩都幾kawaii呀😜😜係米？

金馬倫道食飽飯，三五知己當然要食返個甜品再傾過啦。抹茶控嘅我見到Via Tokyo當然即刻停低入去啦！今次試左蕨餅抹茶雪糕，抹茶蕨餅有抹茶粉包住，抹茶味濃，可惜蕨餅不夠軟，口感一般，抹茶雪糕有質感，跟軟雪糕有點不同，尚嫌抹茶味不夠濃。最讚嘅反而係配上嘅栗子，絶對係日本風味！偷偷試左朋友嘅焙茶味，牛奶味同限定芝麻味。個人推介焙茶雪糕，茶味濃，正！整體而言，味道始終不及尖沙咀另一京都品牌！但價錢相宜，座位舒適，算是物有所值！

點算？朕應該中左抹茶毒呀❗️每隔一段時間就要去Via Tokyo止下抹茶癮🙊金翅嘆番件MATCHA CHEESECAKE先！😍宇治抹茶芝士蛋糕 🍵 ($45)淨係望到賣相已經心動喇！💗綠意盎然的厚實芝士蛋糕🍰身為抹茶控狂熱💚試問又點可以抗拒呢？😏抹茶芝士蛋糕香濃軟滑☺️一啖食落去質感幼細微溶！👄抹茶味微苦而不澀🍵後勁滲出陣陣回甘🍃抹茶同芝士味平衡得perfect池呀！💯最有驚喜係底層的海綿蛋糕😳配埋口感creamy的抹茶cheesecake😛入口綿綿。軟滑即溶🤑蛋糕中間部分帶點空氣感🍰抹茶味完美在口中盪漾👄正呀！❤️❤️❤️

VIA TOKYO也是一直想試但沒有機會試的一家店。在雅悠蔬食用餐後，不小心的路過這裡，然後就叫了一客焙茶軟雪糕給寶貝，$32，因要求用膠杯，另付$2。店員態度友善。所見即所得。雪糕的質感結實，焙茶味香濃也不會過甜，奶味香濃。有機會再來吃其他綠茶甜品。

宇治抹茶芝士蛋糕 ($45)抹茶同芝士蛋糕呢兩個element都係我至愛😍而Via Tokyo呢個抹茶芝士蛋糕 抹茶味濃 芝士軟滑 perfect match😋蛋糕底層都係海綿蛋糕 令整個蛋糕相當幼滑

從厚福街食完美味的刺身丼後，又向住金馬倫道出發了。目標係專食抹茶的Via Tokyo和韓國棉花糖雪糕店L'attitude，不過最終心還是飛左去食抹茶，上次食唔到出名既芝士蛋糕好唔甘心啊，所以決定再次來食。Via Tokyo由日藉老闆開設，主打抹茶雪糕和培茶甜品，抹茶更係用上日本高級的京都宇治抹茶粉所製，所以雪糕和甜品的質素都滿高的！店子在銅鑼灣新開時已嚐過他們的抹茶雪糕，確係印象深刻的好味！當天七點幾去到還未需要排隊可以直入，一過晚飯時段便不得了。店內座位不多，走日本風的木系裝潢，簡約得來很舒適，臨近萬聖節還有不少可愛的應節裝飾呢。餐牌和銅鑼灣店的大致上是一樣，就近來的下午茶套餐便要尖沙咀才有供應。餐點大致可分為飲品、雪糕、蛋糕、沙冰、葩菲和雪糕窩夫，偶然還會推出時令的限定口味，今期限定是南瓜味沙冰和黑芝麻味雪糕，但小妹想要吃的皇室奶茶雪糕又沒有了，超想食的！之前知道銅鑼灣店的拿鐵拉花可以拉出很多不同的卡通，所以就詢問了一下拉花的圖案，店員幫我們詢問後便就這裡的咖師傅較擅長龍貓拉花，小熊也是可以的，所以兩次來的拉花就要了不同。熱抹茶拿鐵 $40 （二訪）喜歡這裡的抹茶拿鐵，抹茶味濃郁

今晚同朋友食完飯，佢話要食甜品，要食綠茶野，咁非Via Tokyo 莫屬啦！ 第一次去尖沙咀分店，我地去嗰陣都成晚上十點半，都有十幾人排隊。等左二十分鐘左右就有位。 我諗住太夜驚訓唔著，又未試過原味，所以一於試下！ 雪糕來的時候好似唔結實。未到兩分鐘影相時間，啲雪糕就溶了，向左傾斜，有啲雪糕仲溶成液體。 味道方面，係就係好重奶味，很香，但就有點粒粒既感覺，好似係奶粉咁，加上有少許冰點，同綠茶雪糕完全兩回事，認真失望！

準備食晚飯，行過via Tokyo，見到有好多期間限定嘅雪糕產品，已決定食過晚飯後，一定要來會一會。八點半，成間鋪頭得一台客，無人招呼下自己坐低左，店內有四名員工，只曾作眼神交流，坐低數分鐘後，都仲未比餐牌我哋，除咗見到佢哋響度各自講笑傾計，我冇見到佢哋忙啲乜👎🏾都我忍耐不住舉手叫夥計，仲叫我等等先攞個餐牌嚟👎🏾👎🏾銅鑼灣點去得多，尖沙咀呢間第一次來，選擇好似係多啲，咁當然全部都圍繞着雪糕啦。不過佢有吸引我嘅hojicha味雪糕，幾經考慮，調左去三色雪糕，同埋一杯hojicha latte🍵先講杯三色雪糕，除咗雪糕外，一邊亦有紅豆同白玉😍如果三色當然就係佢哋出名嘅：北海道牛奶味，綠茶味，同埋hojicha味。叫得呢款，預咗雪糕份量會少啲，但有可以是齊咁多款嘅味道👍🏾北海道牛奶味就一般啦，而綠茶味和hojicha味就絕對above average，但又未至於最最最好味😏最有驚喜卻是杯hojicha latte，我敢講，係我飲過最好味嘅「利申：重未去京都試過」茶味夠香，而又唔會有苦澀味，誠意推介👍🏾👍🏾👍🏾不過佢哋嘅服務真係要改善下回頭指數：「5/5」

甜品味道本來幾好嘅，但果到的員工服務態度超級勁差，牆壁上明明無寫到唔收毫子，但到我哋埋單嘅時候，叫咗兩個甜品共$114拎咗4個5毫子，比佢哋，竟然話唔收毫子重叫我哋自己出去7仔唱返個兩蚊先返嚟比錢，就算D甜品有幾好食質素幾好都用啦！D員工服務態度咁差，生意唔係做一次囉，無下次👎👎👎

原來門口有註明，冇注意到，諗住乖孫要食行到就入去點知原來每人設有消費必須每人都要消費。啱丫！但態度差尤其店中經理更差。店中只有一枱客，本來個女已經補叫多一款，但本人就認為食嘢是快樂嘅😊，態度差又點食不如唔食拉隊去第二間幫襯"罷了。都唔須要再諗。

食完綠茶雪糕念念不忘，所以今日放工，同同事近近地去左尖沙咀Via　Ｔｏｋｙｏ食返杯解心癮。原來同事唔知尖咀有分店，所以好驚喜，我地點左個抹茶雪糕白玉餡蜜及焙茶沙冰。 餡蜜一如既往好足料，雪糕抹茶味香濃，不過甜，配上香蕉、奇異果、士多啤梨，又有棉花糖白玉以及紅豆蓉，堆得滿滿ｄｅ～見到都開心呀！！！當然啦，食落仲開心，因為比起其他抹茶店，這裏的餡蜜，算是大作夾抵食。 見門口水牌推介焙茶新出口，所以我地點左個沙冰，上枱一刻，有啲失望，因為個樣唔特別討好，成ｐａｔ焙茶醬放係面，有啲似以前人地成日講嗰啲“蛋撻頭”。 沙冰質地算細緻，因為焙茶味道不算濃烈，加上沙冰份量頗大，顯得冰感太重，有啲點唔到醬就只能齋食冰，而且附送的小丸子無味，無糖漿點，食起黎就有啲寡。比起其他店出品的沙冰，呢度的沙冰被比下去了。沙冰可以一試，但都係抹茶雪糕最好。

原本想去The One影下小雲小吉，但商場有活動，所以轉移目標食甜品。呢間想試一段時間，銅鑼灣店經過親都好多人，今日去到尖沙咀店唔洗排隊，直入。雖然知道呢度係抹茶出名，但因為啱啱食完韓燒，叫個冰冷靜下自己在所難免。士多啤梨牛奶沙冰 $75賣相好靚，點影都靚。份量就比想像中少。超多士多啤梨醬，好濃同一時間好甜。食到中間會有牛奶醬同餅乾，增加口感。冰嘅質地就唔算幼滑，個人認為甜左啲。側邊嘅牛奶可以方便自己需要再加，但質地都幾杰身，有啲難倒出黎。白玉紅豆抹茶雪糕 $49抹茶雪糕挺身，唔易溶，而且都好細滑。味道香濃，但未至於話回甘咁誇張。白玉軟熟煙韌，唔會硬到死，紅豆就不過不失啦。不過呢個價錢呢做份量呢個質素，都算食得過。