海港酒家

Open Now

Now Closed

我成日都有個疑問，同一大廈有兩間酒樓，海港就排晒隊，另一間就大把枱，今次兩個人少少就去海港排隊試吓，我哋7:00左右到都排左30分鐘先有位，今晚有D特價海鮮，我哋叫左兩隻龍蝦仔，螺頭花膠雞腳湯，仲有個豬手煲。龍蝦細細隻開邊上湯煮，龍蝦新鮮，都算抵食，個湯夠熱好甜，仲有好多湯渣雞腳食，個豬手就唔夠淋，食到好攰，成餐埋單400蚊唔洗，算抵食，服務都幾好，侍應人手足夠。環境方面，枱與枱之間距理都足夠，唔會太嘈。終於知道點解海港咁多人，下次要帶屋企人嚟食多啲野😊

媽媽節一星期前已經打左去book枱，講到明得三個人要訂一隻細既長腳蟹，大約四斤度，星期五再打去確認多次，到母親節正日再打去confirm多一次，結果去到坐低就話得返七斤蟹，有無搞錯啊，打左三次電話黎，我坐低先話無，仲要係母親節，一早同媽媽講左有蟹食，點知坐低先話無，三個人點食七斤啊.....仲要我地話想睇下有無d細d既蟹，去到魚缸個度，個撈蟹既職員仲要呼喝我阿媽，真係嬲到爆！ 見到有一隻細d大概五斤既蟹，個職員就話係第二個客留左，甘我打左三次黎留，隻蟹又去左邊呢？一餐本來開開心心既節日飯，就俾呢間海港搞到勁嬲，同個店長講，佢仲要話唔好投訴我啊唔關我事架，呢個甘既態度唔怪之得將間店管理得甘好啦

剛剛打去問，電話中的一位姐姐話佢地從來無火鍋食。。。請問係呢度資料有誤，定係個呀姐呃我呢。。。麻煩盡快更新資料，謝謝。剛剛打去問，電話中的一位姐姐話佢地從來無火鍋食。。。請問係呢度資料有誤，定係個呀姐呃我呢。。。麻煩盡快更新資料，謝謝。

如果你叫我推薦一間茶樓，我必定要推薦海港比你地。首先，環境方面：同大多數茶樓差唔多，但望落去乾淨d。另外，服務方面：可能員工算多，都幾快比到服務，上菜、加水都好快手。最最最重要既食物方面：味道夠味、溫度熱辣辣、款式多......我最鐘意食就係帶子福建炒飯—夠汁、料夠多，真心可以一叫。 另外，其他食物，如鳳爪、排骨、奶皇包、鴨腳等等都好食。但有一點要踩下，就係太多人排隊，次次都要等好耐，但整體我都十分推薦比大家食。

晚餐海港既燒鵝不嬲有水凖，所以去邊區既海港酒樓大多數都會叫燒鵝食，今餐亦不例外😁😁😁😁例牌燒鵝——竟然有隻燒鵝脾😃😃😃😃😃皮脆肉嫰⋯⋯脆卜卜熱辣辣，好味道😋😋😋😋😋薑蔥生蠔——-香噴噴，薑蔥配合生蠔，味道非常夾，味道又夠味，剛剛好，生蠔又不會過火，有咬口又鮮甜，嫩滑好味😋海鮮腐皮煲——足料，有🦐、帶子，花枝片丶云耳及其他....................等等材料又多，又夠熟又夠味，價錢又合理，坐位亦算舒適，不過係環境嘈左D，可能全部街坊家庭，所以個個都太襯切，傾計就大聲左D😅😅😅😅😅😅，不過點都好，佢地一家人食飯嘅嘈係好有親切感。好有家庭feel家庭式既酒樓😊😊

☕️講真在下真係好少可去飲茶  今日無端端戚起條根成家人落去飲茶呢間酒樓嘅點心算係有啲新意都算係比較精緻一啲🌚黑色嘅流沙包算係幾有誠意味道都算唔錯幾好入面真係有流出嚟流沙嘅🤣唔係眼掘掘嘅❤️金錢肚亦做得唔錯唔會好似食橡筋咁 味道又啱啱好👍🏻🐙墨魚餅都整得幾好 香口野🦆鴨腳扎就麻麻哋整得有啲乾🦐蝦腸粉幾ok架每一件都包住一隻蝦係入面腸粉皮做得算係滑又唔會太厚👍🏻👍🏻我嘅最愛👍🏻👍🏻另外都想睇下呢個鮑汁鳳爪都唔錯👍🏻❤️如果鍾意食雞腳嘅朋友都可以試吓❤️

今日女朋友媽咪生日！！聽女朋友講  auntie比較中意海港既野食  所以去左海港同佢慶生我地4個人  唔敢叫套餐  簡簡單單叫左幾味小菜  幾碗飯就算避風塘炒牛仔骨平時炒牛仔骨食得多  酒樓用避風塘方式爆開牛仔骨既味道鹹而帶少少辣   仲有炸蒜同牛肉既配搭令食落冇咁單調！好食！白切雞正常發揮  不過肉質唔夠嫩滑  有待改善椒鹽炸鮑魚好特別既煮法   將鮑魚同椒鹽混埋一齊居然有新口感有驚喜！不過咁做又蓋過左鮑魚原有既鮮味原本以為一定會整到好硬  不過居然岩岩好！有新鮮感！

上水海港酒家看來平平無奇，但吃起來也非常不錯👍🏼今天有uncle請客，一大群朋友一起吃晚餐，非常高興😄😄特別是吃了一整隻帝皇蟹，非常好吃😋。想不到在這家店也吃到這麼高水準的清蒸帝皇蟹🦀🦀最後的壽包有蓮蓉和奶皇，也是非常不錯👍🏼

今日同家人一齊慶祝生日，全家人最好一定係去酒樓食，位夠多又唔會迫。海港係一直幫襯開，早晚市既價錢都比較平民，味道又唔錯一直都係高CP值之選！推薦上湯龍蝦伊麵！其實經理話可以加芝士，不過老爸不愛芝士，所以食上湯～上湯都好好味，龍蝦係波士頓龍蝦，肉厚彈牙，都幾新鮮，伊麵大家當飯食好正🤣燒鵝一直係海港既經典之作，咬落去味道夠又juicy！難怪老媽子每次黎都要叫半隻！清蒸石斑都幾新鮮味美，一直都係撈飯之選！推介大家如果一大班人可以選擇食海港啊！

今日早左收工，所以同屋企人去下飲茶，午茶時間好多人，要等位，等左十五分鐘就有位啦！以前海港酒樓係上水中心，以家搬左黎以到好唔方便，好唔就腳，附近咪錶都難搵位。翡翠筍蝦餃皇皮爛晒，好多蝦，粒粒都大隻黑金流沙包黎到以為芝麻包，原來係流沙包，入面既奶黃識流出黎架，唔太甜，好味蒜蓉蒸鮮魷唔係蒜蓉蒸嗎？係勁辣。蜜椒雞中翼炸到金黃香脆，少少胡椒味，蜜糖唔會過多，好好味牛肉球大大粒，味道唔錯蛋白炒飯炒得乾身！原來酒樓以家有做埋刺身，但我地冇叫到

母親節食晚飯，屋企人一早去酒樓訂左位，海港酒樓以前係上水中心，以家搬左黎以邊唔太就腳，所以都比較少黎飲茶，食飯。我地點左個套餐賀慈宴$3688 9個餸鴻運金豬全體皮夠脆，肥瘦適中，唔太油膩上湯焗開邊龍蝦仔超大隻，肉質新鮮鮮蘆筍帶子炒螺片蘆筍比較老，成碟食落冇咩味道，帶子大大粒，螺片爽口竹笙海皇大笙翅好足料，加點醋更好飲鹽燒南非飽魚椒鹽調味，令到飽魚唔單調，好惹味，但煮得比較韌，好難咬清蒸沙巴龍躉斑蒸得過熟，口感好硬瑤柱魚腐浸菜苗白菜仔，成碟好清，淡淡的至尊燒鵝皇好肥，好油膩，但皮脆敬母大蟠桃一半奶黃，一半蓮蓉，包好軟熟，蓮蓉，奶王都比較甜

同老爺賀壽，叫呢個餐，可以包到個房，無人騷擾，又可以靜靜傾下計，都係好好既選擇。 去到呢度好驚喜，佢會用你個名加你叫既餐，整左張牌。好似去飲宴咁，都幾好。 雖然間房係間出黎，但都好大空間，一個人坐都唔迫。D餸大大碟，好正好食又夠食。 我掛住食都忘了影相，個龍蝦超大舊肉，第一次試配煎米粉底都相當唔錯，好好食。 兩個自選熱菜都好正。員工服務好周到，全程有人專門服侍我們，忍唔住派利是俾佢 。佛跳牆好足料 花膠食極唔完咁 好正好抵食。呢個價好值回票價。

2點幾去飲茶，星期六都只係等左大約10分鐘左右，我地3位唔洗搭大檯真好！周圍都有電視分別播住兩三個台，有新聞又有娛樂睇幾好呀！翡翠荀蝦餃皇好大粒，蝦大舊爽身有口感，菜粒清晰可見，餃皮包住紅橙綠綠的陷料小朋友睇見都嚷著要食！香煎蘿蔔糕外脆內鬆軟，下層有好多青椒，感覺蘿蔔糕太少！流沙奶皇包真係流心包軟熟又夠熱！燕窩少少凍食落怪怪地，蛋撻都幾暖唔會好甜，如果唔要燕窩啫哩會好點。湯浸蟹粉小籠包2隻，小籠包一直黏著碗底，夾起就爆皮了，有驚喜地竟然真係有蟹粉味道，湯汁漏到湯裡都是橙橙的蟹粉油。蒜蓉蝦春卷新鮮滾熱辣，脆卜卜既春卷好好食！

家姐話今年團年飯唔想媽咪咁忙碌,打算去酒樓食好啲,所以一早就訂定位長腳蟹一上檯,個個都”嘩嘩”聲好大隻呀....大家都迫不及待地拿起來食唔好以為咁大隻個殼會好硬,其實好易就可以剪開,嘩~~~好多肉起碼有兩隻手指咁粗,肉質很嫩,好鮮美跟住上檯喺脆皮醬燒雞,隻雞好食到不得了,薄薄的一層脆皮包住嫩嫩的雞肉, 雞肉滑到絕對不會粢牙翡翠螺片炒帶子, 份量好足,螺片好爽口,西蘭花加上茨汁,帶子大大粒,好嫩,入曬味.但一點也不膩養顏花膠螺頭湯, 好足料,湯有好濃嘅螺味,好鮮美,花膠大大隻好養顏,足足飲左兩碗.另加刺身拼盆~有三文魚, 牡丹蝦,八爪魚,帶子,蟹子,鮑子,甜蛋......刺身拼盆賣相吸引,樣樣都好新鮮美味咁大盆都唔使三百元,真是好扺食.大大個壽包有兩種味選擇,一種蓮蓉, 一種奶黃, 蓮蓉啲餡好滑,又唔會太甜.一個人食兩個都沒問題. 奶黃餡好香.搣開個包奶黃仲有少少流出來.食完真是很滿足.酒樓仲免費送紅豆沙糖水.呢一餐團年飯真喺食得又豐足又好味

我之前覺得海港成日好多人，要排，所以好耐冇去。但今次约咗人。為有去。朋友兩点都仲搵到位。叫咗好多我未食過的点心。点知我覺得好好食。味道火奄得好足。可能我鐘意濃味。鮑魚燒賣的鮑魚食得出不是求其整。連普通的烤夫都好好味。我會再多d去。但係收銀就好慢。待應反應亦好慢或冇反應掛住傾，唔收銀。完來多人等一定有佢原因