海港酒家

Open Now

Now Closed

今晚去上水食飯，冇準備下去咗海港。佢哋個位置比較麻麻地喇，唔近港鐵站，停車場又唔算近，爛地都夠膽收＄18個鐘。附近錶位晚上8點後又唔洗再入錶，咁即係唔洗等啦！都係講番食嘢方面，其實除深井或一樂外，海港隻招牌燒鵝皇真係燒得唔錯，上碟時隻鵝依然暖暖地，啲皮仲要好脆，肥膏連埋塊皮再點啲蘇梅醬，放入口時可以話係一種享受。隻燒鵝啲肉肥瘦適中，喜歡食肥嘅或喜歡食瘦嘅都照顧得到。另外想講下佢哋嘅咕嚕肉，啲肉炸得算脆口但我覺得個汁就酸咗少少，雖然呢個咕嚕肉唔係話必叫嘅一味菜，但質素都算過得去嘅！幾個人食，價錢尚算公道，簡單幾個小菜歡渡一餐都唔錯㗎~

係冬至個排，同屋企人去左上水海港食冬至飯。佢有3款不同價格的套餐。我們今次叫的係$2988的冬至宴，如果提早訂的仲可以減$200。喜慶金豬全體 燒得都幾脆口，不過D肥膏都幾厚，肉唔算特別多。一品醬燒雞 皮燒得脆，肉都幾嫩口。竹笙海皇燴生翅 翅唔算特別多，不過口感都幾滑。上湯焗波士頓龍蝦 肉都幾多，伊面吸滿上湯的精華變得好香。清蒸沙巴龍躉斑 都幾大條，不過略略蒸得唔多夠熟。西蘭花炒花姿螺片 的西蘭花炒得都幾香，螺片量比預期多。松露金糠百花球 松露味不重，不過炸得香酥，口感好彈牙。蠔皇鮑魚燴金錢 的鮑魚、冬菇及菜都煮得夠淋身入味。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)

一家大細有老有嫩，齊齊整整一共14人去拆蟹生日宴。平日每席$2,880 呢個餐真系抵到爆，每碟份量超大，每次上枱都嘩嘩聲 我地去片睇真相 乳豬全體隻豬都好脆口肉嫩，唔系交行貨比客食 清蒸阿拉斯加長腳蟹 蒸得岩岩好，無過火位。師傅亦將蟹斬件方便食客。用清蒸方法夠簡單，仲可以保全原汁原味啖啖肉，好鮮味 另外師傅將蟹膏烹調過後放回蟹蓋內 成支蟹棒蘸埋濃濃既蟹膏，真系好多重層次 超滿足 濃湯花膠煲螺頭掛住食蟹無影相 但個湯好清潤，又有花膠、螺頭食 蘭花蝦球炒螺片 蝦球螺片都好脆身唔(梅) ，份量真係唔細金瑤扒豆苗冬天又係食豆苗既季節，今年既豆苗不錯不錯金牌燒鵝皇估唔到都ok喎~ 雖然無名牌咁juicy，但未去到鞋十十好似咬擦膠咁，都仲有小小肉汁。 蠔皇鮑魚扣花菇鮑魚、花菇都炆得好冧，好入味 清蒸沙巴龍躉斑條斑難得蒸得岩岩好離骨，魚肉好嫩滑 臘味糯米飯糯米飯好煙韌、臘味好香 雙拼大壽桃(包)二款流心大壽包，熱辣辣好總括黎講：份量大，又食又拎，超抵食無得輸

又到星期日 媽媽大人咁岩放假約左小弟同佢食野一早起身 緊係為左唔洗等位飲茶喇再次去到海港飲茶 2人要搭台 好彩對面食客有善衛生 最唔鍾意遇到啲唔衛生 又污糟 今日星期日 飲茶實貴啲，但都有啲特價點心 ，但平唔平就見人見智 小弟覺得麻麻地 叫左牛肉燒賣 併 豪油鮮竹卷餐 牛肉燒賣同牛肉球冇分別 ，都算大粒嘅 鮮竹卷就麻麻地，得個咸字，入唔料唔足，普普通通又唔算難食然後叫左芋絲春卷 長長，都幾好味，冇蝦只係得芋頭絲，但炸得過火 ，好濃鮮蝦腸係我最鐘意食嘅野，今次再見，水準都保持到，蝦新鮮爽口又大粒，比讚！另外亦叫左蝦餃同叉燒包蝦餃熱辣辣好味 叉燒包就麻麻，中間有啲乾 今日水準冇上次咁好，比起以前係上水中心個陣當然差咁啲。

前一個星期喺上環新開嘅海港食完，見到出咗好多新野，於是放假就拉屋企人去附近海港食野啦⋯⋯點知同名唔同質素，上水海港唔係話佢唔好食，但份量，好似少咗啲啲、啲啲、再啲啲咁囉😥😥😥哩個胡麻生菜冇食過架，一上就係得咁少，比起上環分店少左五倍左右，真係好誇張，好似俾人食過咁😥😥😥蘿蔔糕個碟得手掌心咁大，不過又幾好食😋38蚊七粒石腐，真係食一粒心痛一粒全日最正係哩個鮮蝦伊麵，隻蝦新鮮得嚟仲大大隻😋好評總捨嚟講就係細碟唔抵食，但味道ok

海港位置係上水舊墟同另一間酒樓係同一層本身想同母親大人去食早點但又唔想等位，所以打定去另一間食早點嘅念頭，不過平時要等好耐好耐嘅海港今日竟然等左5分鐘就有我份即刻唔諗入去叫定野食等母親大人好耐冇去過海港，搬左過舊墟第一次黎即刻睇下野食水準有冇下降!因為2人行，所以叫野食唔多叫左我最鐘意食嘅蝦腸佢地嘅蝦腸真係好新鮮，比起其他酒家的蝦大粒啲同埋爽口好多一睇都知唔係整定放左好耐而且大大粒，一啖一舊，應真正!另外食食下唔記得影相，好多野食左一半先影哈哈今次仲叫左母親喜愛的鳳爪 蝦餃佢亦有早點優惠，所以叫左個排骨飯同埋糯米卷因為小弟就唔太鐘意食花生，所以唔太喜愛糯米卷但其他食物都好好食，鳳爪好入味蝦餃都係個句，好大粒好新鮮兼爽口同埋我最鐘意海港的蝦餃皮夠薄真係好小酒家可以做得好飯亦都不過不失，因為間間都差唔多，至少飯唔會太少水而蒸得太乾身，又唔會太濕岩岩好真係至從佢係上水中心執左就冇再食.好懷念!

有朋自遠方來，去酒樓食餐好，屋企人一早訂左一圍，啲野食好好味招待遠方親友，點都要帶佢地食下本土野，佢地都好滿意，大讚好食，下次可以再encore！訂得一圍菜，通常都一定有個羮或者翅，足料好味乳豬全體～夠脆，好味皇牌燒鵝～一如以往的好我至愛既黃金蝦球，勁多蛋黃包住隻蝦，好好味海鮮卷～有啲失望，估唔到係包蟹柳，好普通！西芹炒斑球～老人家大愛，對啲斑球讚口不絕荷葉飯～已經飽到食唔落啦！黎到熱辣辣，屋企人話好食的！壽包大大個，賣相唔錯，有奶黃同蓮蓉，好細心咁用底紙去分兩種味道美中不足係入面無蛋黃。

我又離海港飲茶喇,1點幾有位,等左半個鐘左右,可能呢d時間就快到下午茶會少人d,我中意呢度因爲有多d較唔同大多數酒樓既點心,多d新選擇。唔知我好彩定每次都會即叫即做,又唔會等好耐,我系呢間無遇到唔熱既點心(好多時炸野都暖暖凍凍,整好哂放系度,e.g.咸水角,春卷)今日又試下唔同既點心。*竹炭甜薄罉薄罉我就聯想起家鄉煎薄罉,點知系好似芝麻卷咁,可能系竹炭,唔會好甜,加埋椰絲花生碎好味*春卷又香又脆,所有點心都新鮮出爐特別好味*蒸香辣魷魚小小香辣好開胃,食埋吸哂味既粉絲仲正*菇菇餃我成日好怕呢d皮一咬就跌哂d料,但兩啖就食哂,皮好煙韌料又好味

端午節日過後我地都食得飽飽滯滯,最想飲啖茶食個包,而家已經好少食到好食點心既酒樓,而又抵食,新開新裝修不久,坐位燈光舒適一坐低我會叫普洱,家人最愛.以前一定叫(普洱滾水,唔該!!)唔記得幾時開始已經預早放定壺保溫水壺系度,我都系中意以前咁樣。我就會帶私伙茶(煎茶,焙茶,凍頂烏龍,紅茶,生果茶)每次轉下,雖然有時會有d唔夾咁,但我覺得唔錯呀.*牛肉腸粉,唔會料同皮分開哂,牛肉夠哂味*咸水角,外脆內軟,入面熱到出哂煙,正*蝦餃 ,皮唔厚,蝦有調味,好味*牛肉球,我好怕芫茜味都食左半粒,汁醬怪既我,蘸多d喼汁,我要開始慢慢接受芫茜了,系好食架

排隊排左好耐，但抽時間同媽媽飲茶係必須的😎柴魚花生豬骨粥幾好味，但可能太多豬骨關係，味道偏咸。蓮藕餅無諗過係炸既，外皮炸得過火太硬，感覺十分熱氣，肉餅太厚，口感似係食緊餃子入面既豬肉多過蓮藕餅。櫻花薄餅撐媽媽好鐘意食呢種煎薄餅，去飲茶必點，但呢個太厚粉太油，試過太多太多，有比較下呢個真係唔好食！紅菜頭包第一次聽，見幾新鮮就叫，點知100%係伏黎，入面又咸又甜又林既菜，媽媽食完都怕怕。紅棗糕呢個就真係好食啦👍🏻👍🏻，一d都唔痴牙，甜度適中剛剛好，不過要趁熱食先好味，所以一上碟就要快快手食啦😋。燕窩椰皇好滑好滑，但好淡無乜椰味，而且兩個人點太多野，最後已經食到好飽，為左唔浪費迫自己食哂😂。

6點幾排隊，大約一小時後才有位，唔緊要，預左，坐低已即落單，但叫咩無咩，要波士頓龍蝦無，要椰皇（因已知成日無，故諗住即hold, 但已無改叫紅豆沙，都無……）。排隊等位都唔緊要，但等完之後，係咩都無……哈，建議可整張list 係counter update有咩已無哂，咁起碼唔洗等完先知，想食既野係咩都無……同埋依家唔係每人有公筷放係位，建議就算唔每人，一早已至少都放低兩對，因叫樓面拎公筷，都叫左好幾次先有……同埋佢地好忙，好難叫人。p.s 其他食物味道ok的，但無得食自己想食既野，係sad左少少

上水新開左海港咁耐, 都未黎過食飯, 而家搬左去金都樓上, 質素依舊, 價錢依舊, 不過已經冇以前咁多人流啦牛肉燒賣係唔錯, 啖啖肉之餘唔會太粉, 牛肉比例幾高, 亦有比喼汁, 咬落去有肉汁, 亦冇多餘既筋, 肥瘦適中, 係好味既蓮蓉包係比較一般, 不過應該做既都做齊, 蓮蓉涵唔算多, 但都合理, 包皮好香好鬆軟, 咬落去有蒸氣出, 係唔錯既油菜就清左D, 冇乜油亦冇乜味, 少少湯底唔係太夠, 不過D生菜都係靚既, 食落去爽脆有咬口, 抵食