海港酒家

Open Now

Now Closed

之前都有去過海港酒家食晚飯，食過幾好食，所以今次再次光顧。首先叫左個龍蝦伊麵，如果要加芝士底就要加HKD$60，所以我地決定唔加，只係要高湯做底就可以了，高湯味道唔錯，伊麵既份量都好夠，足夠食而唔需要額外加多碟麵或飯，龍蝦就肉質彈牙，亦好夠味。第二樣就叫斑腩兩食，一食炒球，好入味，魚肉都好彈牙。第二食就係清蒸，蒸過既魚肉都好滑，好好食，斑球兩味加埋既魚肉份量都好多，成餐飯食落不單止夠飽，而且仲要好好味。

今晚想食餐好既，所以去左海港海鮮酒家食晚飯，一黎到見到餐單，有套餐有散叫，而我就叫左一個套餐，一個散叫。套餐都價價$398，有三道菜。有燒鵝，麻麻地啦，竟然係唔太熱，味道都唔濃似係調味料不足。仲有聖子4條，呢個好食配合䜴椒味一流，仲有聖子都好大隻。最後仲有一條青斑仔，青斑仔肉質都OK，都夠滑好食。另一個就係重頭戲龍蝦，$298一斤，我呢隻就2.2斤。因為都好大隻所以肉量都好多，龍蝦肉質彈牙，仲有伊麵底索哂d湯勁好食。

今年爸爸生日話想食澳洲龍蝦，諗緊食邊間時，咁見到海港南澳龍蝦做緊特價$298/斤、西澳就$258/斤，咁緊係帶阿爸去試下啦，自己去街市睇過南澳都要$368/斤。而家難得煮埋仲平過自己買。咁我預訂左6點，去到已經好多人啦，咁侍應帶我地出魚缸揀最大隻得2.5斤，有D失望囉。因為阿爸本身話要食4-5斤先有肉食。咁就揀2.5斤另加68蚊要芝士伊麵底。所以我地另叫左一個北海道花咲蟹三寶餐，餐包括左避風塘花咲蟹(足2斤)、海港燒鵝皇(例)同咕嚕黑豚肉。但可能太多人，食物上枱真係好慢。芝士龍蝦上枱時真係好大碟呀，阿爸話估唔到2.5斤都有咁多肉食，伊麵撈埋芝士我食左2大碗。另避風塘花咲蟹真係第一次食。估唔到都幾多肉。總括黎講都值得食，但如果怕等得內就應另選其它。

早前因為疫情關係，所以都好耐冇飲茶啦。今日去返飲茶，都幾旺場而幸好唔洗點等位好快入得。一入到去見到，咦！竟然星期六，日都有孖寶點心（平時孖寶點心優惠只會係星期一至五先有）就知道點解茶市旺返了。講返食物先，$36.8一份孖寶點心可以揀選兩個點心非常抵食，仲要有得揀選如蝦餃燒賣等大點/特點既點心。如果一家三/四口去飲茶，叫返三至四份孖寶點心都夠哂飽啦。而且如果想飽肚仲有雞粒盅仔飯、豉油王炒面或流沙奶黃包揀選，想食好D就可以揀蝦餃燒賣或叉燒腸粉。唯一冇咁好既，可能就係茶錢，要$11一位，呢個價錢真係貴左少少啦。

是日同BABA MAMA 飲茶🫖-為左方便老人家，所以去左屋企附近的海港酒家食個星期日中午茶，一行五個，成個FEEL 都幾好喎，值得一寫-其中好開心嘅係酒樓無想像中咁嘈吵，吾會好似其他酒樓咁，而且竟然星期日Lunch 都有特價點心，果真適合我們慳家的這一家-其中最抵食嘅一定係彩色五寶拼盤大食一家Order 左3籠，要講嘅係雖然係特價點心但係蝦餃燒賣一啲都吾Hea，一樣咁真材實料，菜苗餃同冬菇餃好好食，好新鮮-雪山叉燒包好有驚喜，新鮮焗起，外皮趣卜卜，叉燒餡好夠多，吾係食空氣而係有內涵，如我🌚-黃金流沙包，外觀好靚，入面嘅黑芝麻花生流沙餡so sweet ，好幸福-其餘點心都好高質好好食，見到BAMA 食得咁開心，本橘都好開心，雖日常但已足以

各位母親節快樂( ⸝⸝•ᴗ•⸝⸝ )੭⁾⁾分享一下今晚係酒樓嘅晚餐𝐎𝐫𝐝𝐞𝐫::⧐一品醬燒雞(一隻）⧐海蜇燻蹄⧐海港小炒皇⧐西蘭花帶子珊瑚⧐芝士焗澳洲龍蝦伊麵⧐赫封蒸北海道元貝⧐鹽燒八頭南非鮑餐點嘅味道同質素其實都好好，可能因為我哋係散叫，並唔係叫母親節嘅套餐。適逢香港夜晚嘅堂食開返唔係好耐，為咗慶祝上年慶祝唔到嘅母親節，所以特登Book枱出嚟食母親節飯。其實呢間酒樓主打去食長腳蟹，但係book位嘅時候店員並冇幫我哋留到蟹，亦都冇幫我哋預訂，嚟到嘅時候先至話得返兩隻好細嘅蟹，媽咪就覺得好失望，所以都冇叫到，選擇其他嘅餸菜。希望下次店舖嘅安排會更㗎好啦！我哋點選每個菜式嘅海鮮其實都好新鮮，烹調味道亦都好好食，下次會再去的！—📍海港酒家屯門石排頭徑卓爾居第3層312號舖—

外賣回家食既長腳蟹預早幾日訂 要去酒樓落左訂先$500要大約4-5斤重既一個大盒裝住 拎住走都好方便返到屋企隻蟹都暖暖雖然唔係熱辣辣 但微溫咁食都好ok好多肉 足磅整體唔錯 可回頭

屋企人話好想試下阿拉斯加長腳蟹，於是係海港訂枱 $1680 六位享用。餐廳分兩場入席時間，分別6點同8點。一入席就即刻揀咗五斤12両長腳蟹，上枱時已經幫手起咗內臟; 肉質好鮮甜 帶有少少海水鹹燒鵝味道一般，骨多肉少西蘭花帶子炒珊瑚蚌 都好新鮮姬松菇花膠燉海螺湯，呈奶白色膠質豐富，入面冇姬松菇反而有雞腳 燉湯清蒸沙巴龍躉斑好鮮味，但過咗火後有少少嚡口陳皮蒸鮑魚 餐廳已經幫手起咗肉 方便食用燕窩燉奶用燕窩鋪面，有2匙份量，但無奶味，而且質感太實飲品包一支大百威啤酒、一渣夏枯草服務方便認真麻麻地，個蟹未食完，檯面亦無多餘空間樓面都堅持魚同燉奶上菜，好似想趕

見到有宣傳，四人片皮鴨套餐，只係賣$688 ，閒日7pm到步，立即叫一個片皮鴨套餐，但係已經賣晒！！！！ 靚女話得五隻片皮鴨，嗚嗚～ 所以大家想食片皮鴨餐，或者散嗌片皮鴨二食 (片皮鴨+涼瓜炆鴨），就一定要喺訂位嘅時候喺電話留埋啦！既然冇套餐，就唯有散嗌，叫咗四個小菜，買單$650 ，四個人食，有鮑魚又有伊麵，都幾抵食！以下呢個蟹肉大蝦伊麵，係我嘅推介， $120左右，估唔到咁大份，真係夾到四碗伊麵出嚟！而且佢個芝士汁好Juicy，非常好食，最後當然清晒😋今日嘅中伏位係呢個酸菜水煮龍躉，一般食開嘅酸菜魚，係用好滑身嘅鱸魚，而且已經去晒骨。海港酒家嘅酸菜魚，估唔到係用已經炸好嘅龍躉件，而且係超多骨！😟😟即使佢個湯底有唔錯嘅配料，都幾惹味，都完全唔係酸菜魚嗰回事！😣😣

今日放假同三個老人家飲茶！不過今日就有一個不愉快嘅經歷！首先，我覺得係Reception 個位女士無咩禮貌，可以係張臺面上打開張 顧客記錄表，我去政府部門填寫登記表都唔會咁做！就算要對資料都係拎埋自己睇到嘅位置！呢樣野要改善下！同埋佢從來冇講過冷氣壞咗！有啲焗，入到去無冷氣，焗到老人家流晒汗，點好意思啊？好在經理識做！free 左茶位同我哋道歉！侍應觀察能力都有好大改善嘅空間！唔好要個客大聲叫你先比到反應來！咁好影響個氣氛，同埋大家都唔好受！嘢食方面，就普普通通！賣相就真係欠佳！食物嘅味精都頗多！燒賣就係足料，但係比較林啤啤！排骨就有啲偏鹹，食得出係多味精！蛋散就係比較好嘅表現！夠脆！豬肚就不過不失，但係個質素就差咗少少，爛爛地，個口感唔係太好受，有改善空間！湯底都係似係味精湯！都係需要改善！至於腸粉就，又係賣相唔好而影響個口感，同埋有啲油！整體來講真係好普通！服務方面，除咗經理係可以之外，其他都有好大改善空間！

今天佛誕假期，有東西给屯門朋友同行一行屯赤隧道，下午已入了屯門，下午就去了這個商埸的香港達人吃下午茶，吃完出發行屯赤隧道，在屯赤隧道行到差不多5時左右，我同朋友搭巴士出回屯門市中心，開始研究去那兒吃晚飯，想了很多地方，我同朋友揀間舒服，坐得久談話同整潔點的地方，最後大家一致去回這間多次的海港吃晚飯，我同朋友坐下，看了一回餐牌，點選了這個超值鲍魚海鲜4人餐，有上湯焗蝦球伊麵，西蘭花如意炒帶子，陳皮薰大連鲍魚，翡翠炒龍躉球，古:去蒸龍躉頭腩 ，脆皮醬燒雞，燕窩燉奶同一渣羅漢果茶，碟蝦球伊麵，個蝦球大粒同爽口，帶子很新鲜，鮑魚大隻同厚身有口感.，2碟龍躉都好入味同好有魚味

趁住今日佛誕紅色假期，行經過卓爾居廣場行到最上面嗰層有間海港酒樓，見到門面做緊個promotion，四人餐有鮑魚有龍薑，啲鮑魚係清蒸鮑魚好好味好入味，古法蒸龍蔓頭腩，而且的龍薑好新鮮好大噶唔會有腥味，佢呢個套餐仲包左半隻炸子雞，西蘭花如意炒帶子，翡翠炒龍薑球，蝦球伊麵，啲炸子雞皮脆肉滑，上湯焗蝦球伊麵啲蝦好爽好大隻，好好味道，唔會太咸，個套餐仲包左一大支羅漢果涼茶，同埋四個燕窩燉奶，個燕窩又滋補養顏食完感覺上皮膚都靚啲，埋單每人$ 153，好抵食又好好味😋😋

趁住今日佛誕紅色假期，行經過卓爾居廣場行到最上面嗰層有間海港酒樓，見到門面做緊個promotion，四人餐有鮑魚有龍躉，啲鮑魚係清蒸鮑魚好好味好入味，古法蒸龍躉頭腩，而且啲龍躉好新鮮好大嚿唔會有腥味，佢呢個套餐仲包左半隻炸子雞，西蘭花如意炒帶子，翡翠炒龍躉球，蝦球伊麵，啲炸子雞皮脆肉滑，上湯焗蝦球伊麵啲蝦好爽好大隻，好好味道，唔會太咸，個套餐仲包左一大支羅漢果涼茶，同埋四個燕窩燉奶，個燕窩又滋補養顏食完感覺上皮膚都靚啲，埋單每人$153，好抵食又好好味😋😋

今天约朋友在屯門行山，行完山，已到下午，大家相議去那兒吃，決定了在海港洒家吃，這間酒家大家吃幾次，坐得舒服同食物不錯，今次給了我們坐廳房，自成一角，不錯，待應服務有禮貌，今次叫了皮蛋瘦肉粥，個皮蛋细細粒在粥入面，細得來有咬口感同滑，瘦肉很滑身，粥鮮甜，X0醬炒蘿蔔糕，蘿蔔糕細細粒，容易入口，炒得香口，豬仔奶黄流沙飽，豬仔造型整得很似同可愛，奶黄好香，一咬口即時奶黄流出來，很有流沙，養顏紅棗糕，很彈牙同很有紅棗味，一放上枱，已很有香味，軟身同熱

今日叫佐個三寶A,其中一個餸係香辣鮮貝走地雞煲，個d,鮮貝勁唔新鮮，d,雞雪味勁重，真係一個差字，另外叫佐個炒粉絲咸到不得了最值得讚賞係豬腳仔，真係唔錯!燒鵝雖然係凍，但都比太興好小小!