Viesta Express

Open Now

Now Closed

好難得嚟到天水圍一帶，要去天恒個邊，搵下附近有咩食，平時成日喺商場入面搵野食已經唔知有咩好食，wetland seasons park呢邊就開咗好多新野食，好多地舖餐廳，離天恒都唔遠，就嚟呢邊試吓。呢日係星期日，下午3點嚟到，餐廳入面只有兩枱客，自己入到去自己搵位坐低就得，冇人招呼，枱面有qr code自己落單。星期日都照有午市套餐同下午茶套餐，午市套餐多啲選擇，有撈檬、湯檬、飯，檬粉可以轉河粉、米線，但下午茶套餐就得撈檬同飯。午市套餐可以免費揀凍飲，下午茶飲凍飲就要加錢。我哋就叫咗一個午市套餐一個下午茶餐。飲品叫咗熱朱古力同凍美祿恐龍，朱古力好濃唔錯，美祿恐龍就係美祿上面加朱古力粉。優惠追加$14兩隻牛油雞翼，好香牛油味，雖然個碟好多油但啲雞翼都好脆。香茅雞扒湯河粉 午市套餐有自家製辣汁，落單個陣可以揀唔要/小/中/大辣，我哋揀咗小，都幾多，明顯見到好多辣油，我哋舀咗啲出嚟先攪個河粉，但都幾辣。雞扒幾嫩，不過啲皮唔脆的，普通煎。香茅豬扒撈檬 下午茶餐冇得揀麵類，同埋一定要係撈檬，上菜會比埋桶汁你。汁唔太酸，少少辣，主要係入面嘅蒜蓉嘅辣味，唔係真係辣椒嗰種咁辣。豬扒幾好食，夠乾。

大家好，今晚和家人來到濕地公園附近的Viesta Express，主打食越南菜，我們叫了雞扒撈檬和煙燻燒肉撈檬，另外叫了杯美祿及奶醬美祿窩夫，甜品需要20分鐘製作，建議提早下單大約十分鐘，兩碗撈矇都上菜了，雞扒十分嫩，雞皮很脆，檬粉配上酸酸的醬十分搭，配菜很多，有花生、生菜、蘿蔔絲，十分惹味；另外嘗試了一下煙燻燒肉，豬肉十分好食，有淡淡的煙燻味，但是燒豬皮不夠脆。美祿飲品落了很多美祿粉，偏甜，愛甜就會喜歡。吃完後再等了大約五分鐘，美祿窩夫上菜，我們選了椰子雪糕，雪糕比較普通但是窩夫很脆很優秀，配上奶醬十分邪惡，值得一試總體而言我覺得這間餐廳十分好食，個人會繼續光顧這間餐廳，不過位置有點偏遠，在濕地公園消防局的對面，建議住得遠的朋友可以叫外賣

今晚三人，食左三個餐加2款小食 ！！ 三百蚊有找 🤣😔唔靚，無影相 ！1） 生牛肉河，牛肉還可以接受！！ 係新鮮牛 😏2） 炸豬扒河，豬扒肥膏多過肉😓，油淋淋3） 牛丸河，啲牛丸好差！！ （可能我食開八里牛丸） 4） 炸蝦餅，無蝦味，油淋淋5） 炸雞翼，詳味都無，都係油淋淋6） 南洋咖啡，好甜！！無椰香味，咖啡係普通嘢 最大問題係湯底，一口味精！！ 炸物油淋淋 ……2個大男人竟然食唔晒一碗河粉！就明點解啦⋯⋯還有，放匙羹筷子的木架發霉！！其實，真係唔掂檔 ！！永無下次 👹🙈

今晚，大約7:45pm才到餐廳吃飯，見餐廳門口貼了，已賣晒所有檬粉，我叫咖喱牛腩飯，雖然飯、咖喱汁多，但是牛腩太少肉、非常乾身，好似自己正在吃緊咖喱牛根，非常黐牙。自己不太喜歡。至於凍越南椰香咖啡，比較一般。另外叫了越南炸蝦餅，這個比較好吃😋今晚，一共$115元

🤍美祿奶醬窩夫 $58大份得嚟又有質素😍窩夫外層夠脆🧇裡面鬆軟又有空氣感😋表面嘅奶蓋有泡沫感 仲舖滿美祿粉🍫窩夫內層仲有美祿脆脆同花生醬🥜仲包埋一球自選口味雪糕 真係大滿足🍨味道🌕🌕🌕🌕🌗-🤍二人B餐跟餐甜品✨香芒雪露（+$20）上層嘅芒果夠甜🥭下層嘅西米露都有微微椰香🥥都包一球自選口味雪糕味道🌕🌕🌕🌕🌑-✨輕量黑糖仙草凍仙草凍好滑 黑糖味夠濃但冇過甜🤩味道🌕🌕🌕🌕🌑-回訪嗎：🙋🏻‍♀️整體味道 🌕🌕🌕🌕🌑（甜品）抵食 🌕🌕🌕🌕🌑（甜品）

🤍二人B餐 $199✨去骨手撕雞髀撈檬（可選其他主菜）✨蒜蓉牛油雞翼撈檬（可選其他主菜）撈檬大大碗 好足料😋有齊紅蘿蔔絲🥕青瓜絲🥒生菜絲🥬手撕雞略嫌啖味 但加埋魚露就夠味蒜蓉牛油雞翼比起手絲雞惹味🍗味道🌕🌕🌕🌗🌑-✨蒜蓉牛油法包配香濃咖喱法包夠脆 咖喱好香好惹味🥘味道🌕🌕🌕🌕🌑-✨柚子大蝦沙律不過不失 唔特別講啦味道🌕🌕🌕🌑🌑-✨風味飲品x2✨甜品x2飲品款式多 連美祿恐龍都有🦖甜品介紹就詳睇下個post啦🔜-🤍原隻軟殼蟹咖哩飯 $88軟殼蟹夠脆又有膏🦀配埋又香又滑又惹味嘅咖喱一流🍛炸番薯配咖喱都好好食🍠味道🌕🌕🌕🌕🌑-🤍招牌燒牛肉法包套餐 $56（包飲品）法包夠脆 但牛肉就略嫌少🥲薯條都唔脆 但辣沙律醬幾特別🌶️味道🌕🌕🌕🌑🌑-🤍酸辣無骨鳳爪 $38酸酸辣辣夠爽口 幾惹味🤤味道🌕🌕🌕🌗🌑-🤍越南炸蝦餅 $36不過不失 冇咩記憶點🍤味道🌕🌕🌕🌑🌑-回訪嗎：🙋🏻‍♀️整體味道 🌕🌕🌕🌗🌑抵食 🌕🌕🌕🌗🌑

襯天氣好入咗濕地公園，又唔想食公園入面的飯堂，就行咗去Wetland個面搵好嘢食，咁就搵咗個超好食的法包。爆脆燒腩肉法包餐 $52以我食過的法包嚟講，呢個一定入硬頭三甲，真係好開心食咗個咁正的法包。法包烘得外脆內軟係基本，佢的脆係一咬落去，啡色的麵包皮就會直接變成一塊塊酥脆的薄片，口感一流，而法包亦有好香的牛油味，單係個包都已經好正。法包餡的燒腩仔更好食，老實講我甚至覺得佢比中式燒味舖做得更好食。燒腩肉的皮好香脆，同法包有得揮，腩肉鬆軟，豬肉味濃郁，油脂位好香，但又唔會好鹹，配埋是拉差醬，成個法包的味道昇華哂🥰薯條熱辣辣，有燙口的感覺，唔通即叫即炸即上碟？🤣呢個餐以$52嚟講真係好優質，我覺得我下次可以自己隊一整個包😆越式三寶撈檬 $62（扎肉三片、雞翼二隻、春卷二件）雞翼好有牛油的香味，亦炸得好香脆；春卷外皮酥脆，但內餡有少少鹹；扎肉都唔錯；生菜絲同紅蘿蔔絲都好爽口；檬粉有少少位黏埋一舊，但so far都ok，加咗花生都幾香口。其實成碗撈檬都唔係話差，但有法包珠玉在前，我下次都係叫多個法包😆柚子大蝦沙律 +$18大蝦非常爽口彈牙，又夠大件，柚子肉大大粒，而且好甜，底下的椰菜好清爽，配

搭輕鐵🚊找美食 ⇒ 濕地公園站🚏Wetland 這個綠化屋苑🏡外圍有很多餐廳 環境休閒又有度假Feel😌今次嚟到依間推价值得一試嘅餐廳Viesta Express ( 流浮山消防局對面)🐮🥖招牌燒牛肉法包套餐 這個自家製現場烘焙法包🥖外皮非常酥脆 內裏柔軟👍配上同樣自家製是拉差甜辣醬🌶辣中帶甜嘅風味 配上惹味燒牛肉🐮新鮮爽脆🥒🍅芫茜 滋味又層次豐富🤤🐷爆脆豬腩肉撈檬加配柚子大蝦沙律這個豬腩肉超愛❤豬皮香口爆脆外 肉質軟嫩又juicy🤤🦐甜彈牙大隻 柚子多汁 食完好清爽👍🧇美祿奶醬窩夫必食甜品 窩夫餅底輕盈👍柔軟嘅內心 香脆嘅外層 配上煉奶同花生醬 雪糕+牛油味重鮮忌廉極度😈 開心又好快樂咁 ko 曬佢😆飲品🥤椰汁紅豆冰 / 美式咖啡

早排去咗濕地公園，搵一搵附近有咩好食，見到呢間幾特別嘅越南餐廳，甜品仲幾驚喜🐷🌭🍟爆脆燒腩肉法包餐配薯條 $52除左燒腩肉，仲有青瓜🥒、芫荽、蕃茄🍅、鵝肝醬、是拉差蛋黃醬等，一聽就知口感豐富啦😋，法包鬆軟唔會硬，燒腩仔個皮仲脆卜卜，味道唔錯，可以一試👻🐮咖喱牛腩檬粉鍋餐 $78好少見到咖喱檬粉嘅配搭，個咖喱味道幾好，微辣幾惹味🌶️，個人覺得再多啲汁就更prefect🤩，牛腩🐮好好味🤤，爽口而且肥瘦均勻有油香🥩🐣蒜蓉牛油雞翼2隻(套餐加配+$14)脆、香、好味😋推介叫呀，牛油味好出，想食多幾隻😂🐥🥤凍美祿恐龍(跟餐)/凍越南椰香咖啡+$14正常發揮🧏🏻‍♂️另外佢仲有滴漏咖啡，有興趣可以一試☕️🧇美祿奶醬窩夫 $58‼️試吓‼️見佢上枱得個格仔餅加雪糕🧇🍦，以為「乾爭爭」🥶，點知夾餅中間嘅奶醬勁飽滿，好香花生醬味，好好味🤩，加埋雪糕🍦、Cream、美祿粉好滿足🥳overall餐廳食物質素同環境都幾好👍🏻，而且都幾多人食，去開濕地公園既朋友經過可以一試

走進呢家越南餐廳，首先俾嗰啲悠閒又有型嘅環境吸引住，嗰份隨性，令人一入到去就放鬆晒心情。話說返食物嘅部分，試咗幾款招牌，每樣都有自己嘅特色。首先，咬落去嘅燒牛肉法包麵包脆到出聲，燒牛肉又夠味，嗰啲千島汁同肝醬嘅混搭，一啲都唔膩口，反而好惹味。雞髀撈檬走的是清新路線，好啱夏天，嫩滑雞肉搭配那香辣好滋味嘅餸汁，食一啖驚一啖，仲想食多啲！甜點嗰邊，班蘭椰汁千層糕就幽香到不得了，個人真係鍾意到不得了，輕輕甜甜，簡直係下午茶嘅天堂。飲品部份，個椰子沙冰同芒果沙冰，涼快滋味真係解渴又開心，飲落去梗係開心到笑嘻嘻😋🍹🍰 下次仲要叫埋朋友一齊過來，再嚟轉個幾轉啦！

今日同妹妹去左濕地公園果邊搵朋友仔 難得放低左個仔比媽咪湊 就食埋飯先慢慢返屋企😝 見到seasons bay果邊都好多野食 行到過去見到Viesta Express 有正餐又有甜品好吸引 就入去試下佢先😋 同妹妹嗌左個二人晚市B套餐🍽️頭盤柚子大蝦沙律🥗 啲蝦大大隻 好爽口 仲有好多柚子同沙津菜👍🏻蒜蓉牛油法包配香濃咖哩🥖 蒜蓉醬都好香 咖哩偏辣 而且醬汁好濃郁主菜爆脆豬腩肉撈檬🥓 檬粉偏彈牙 配埋酸辣汁好開胃 加上燒腩好脆 脆到咬落口有咔嚓咔嚓聲 肥肉又唔會太多 半肥半瘦 好好食啊😋香茅豬扒撈檬🍽️ 有兩件大大塊既豬扒 肉質都好鬆軟 又好入味🥰飲品椰汁紅豆冰🫘 好重椰汁味 而且紅豆都好多 冰又唔會太多 放耐左都唔會太水椰子沙冰🍧 沙冰好重椰子味 感覺上好似食緊椰子既甜品甜品椰汁西米露🥥 睇落細細碗 但其實都好大碗 西米同椰汁比例岩岩好 一啖有齊哂椰汁同西米 唔會食到最後淨番西米或椰汁🙈香芒雪露🥭 入面好大粒既芒果 西米露彈牙 配上雲尼拿的雪糕🍨好甜又好滑口 即使食到好飽都忍唔住一啖接一啖食晒小食越南炸蝦餅🍤 一份有6件 好彈牙 加埋我最鍾意既甜酸醬 超開胃🤤整體黎講 每一碟份量都好大

走進這家餐廳，首先俾人一種清新脫俗嘅感覺🍃。食物一上枱，就已經聞到陣陣撲鼻嘅香味啦！就拎住呢個咖哩雞扒撈檬先吧，啖啖肉質彈牙，足料又嫩滑，啖啖肉香嘅感覺真係令人回味無窮。再嚟個涼拌雞絲撈檬，清爽嘅口感透晒心扉，滋味夠晒正😋！越南河粉絕對係銷魂，湯底清甜中帶點微辣，同炸得鬆脆嘅炸蝦餅搭配得就算喺天堂都識得搵食。蝦餅外皮超級香脆，入口即溶嘅感覺超正😍！最後，當然唔少得嚟點甜品，香芒雪露整晒一天嘅煩悶都消失咗。芒果新鮮多汁嘅感覺就算詞彙再豐富都講唔盡，香甜程度仲要掂過蜜糖呀！總體嚟講，這家餐廳嘅食物都好味極了，份量足價錢公道，真係可以邊食邊relax嘅好地方👍絕對係平民化美食嘅代表，記得要mark低，下次再帶埋三五知己一齊嚟光顧！

午餐點了兩個主食，咖哩手撕雞髀撈檬及手撕雞髀撈檬，加了雞翼兩隻及無骨鳳爪， 小食$14才得兩隻雞， 鳳爪六嚿要$25 有點貴。原味雞髀撈檬還好，但咖哩版本的咖喱汁是咖喱粉溝水，淡而無味。劣評！明明餐牌寫明是雞髀入面卻加了雞胸肉 ，或是雞髀煮得不夠滑。跟餐飲品加了美祿咖啡及椰香咖啡，兩杯都要加分別加15蚊，味道並不是太好，亦有些淡，一杯完全不值！！ 好一個午飯就被它的人流瞞騙了位置在濕地公園附近，餐廳環境幾好，但食物質素非常一般，個人並不推薦！

濕地公園搵到間小店viesta express 越式餐廳 ，係輕鐵站行6分鐘就到，夜晚去就有少少難搵 😬店內座位寬鬆，唔會好迫！經店員推介試左佢地自家制既脆皮燒腩肉法包BANH MI ，推介點係連麵包都係自家制，食落好鬆化燒腩肉好脆好脆，配埋即炸薯條！要同朋友share 先可以食多幾樣野，呢個法包真心推介，餐廳仲有飯後甜品，雖然唔係越式甜品，但一條龍食埋糖就唔洗走來走去！ 呢個椰汁芒果奶凍！啱我口味，唔會太甜，奶凍滑嘟嘟 ,大滿足

爆脆燒腩肉撈檬整整有六嚿脆燒腩，皮超級香脆，肉質軟腍。撈檬爽身有彈性，好唔錯😋加$14兩隻牛油雞翼呢個真係有少少失望，雞翼好油，同埋上碟已經唔熱。美祿恐龍飲品味道偏淡，比起其他舖頭出邊飲過的相對冇咁濃郁🤣不過可以接受。越式法堡配薯條(自家手打牛肉漢堡扒)咬第一啖已經覺得個法包好脆，第二啖就食到漢堡扒好Juicy，同埋煎得好香，濃郁的牛肉味🤭薯條可以揀配蕃茄汁或者辣沙律醬，今次揀咗辣沙律醬，唔知點解覺得食落去有少少似美極豉油味🤣我自己就覺得幾特別幾好味，但應該唔係個個人都啱口味。