青越亭 (華欣樓)

Open Now

Now Closed

發現柴灣地鐵站對面一個新落成嘅屋邨，下面新開咗一間食越南嘢嘅餐廳叫做"青越亭"裝修都好特別見佢裝修唔錯今日就入去試吓就試下佢個火車頭湯河！入面有牛展/肥牛/魚蛋/雞絲/白蘿蔔 份量真係好大！湯底味道唔錯，魚蛋就實咗少少不過魚味都算濃，雞絲就應該用咗雞胸肉做所以食到嘅效果就比較粗咗啲~貪心嘅我就加多兩個餸，呢個雞亦都算合格。如果可以再炸脆啲就更好小食墨魚餅份量2片，咬入去真係有墨魚粒，不過就唔夠彈牙~

因為黎度柴灣已經 2100, 我媽話不如食埋先返屋企。由於我家口味很固定，係門口看菜單已經決定好食乜。一入黎落單金邊粉，無。再揀大蝦冬陰公湯麵包，無一問之下，麵包類款式全部無。算，先點個豬扒撈檬同埋落個烏頭魚，加18蚊要白飯跟茶。之後再要個泰國紅辣椒雞，同樣加18蚊要白飯跟茶。撈檬唔算等得耐，但係味道好淡，不過不失。紅辣椒不算很辣，但係唔夠香，如果加 D 椰汁味道會濃香好多。 香茅味道令人開胃。但係D 雞件比美X 定 大X樂 真係輸一條街。我食左 3 件 半隻雞翼尖...全部係碎碎雞件。仲有好多雞皮碎屑。最後我要用汁餸飯。結果食食下同我講烏頭都無，OMG!佢打單，烏頭個餸無但係加餐 18 蚊照收係乜玩法，其實係咪可以同客解釋而無係等客問呢? 最後我即落個菠蘿炒飯，以免老豆餓暈，起碼值得讚下個飯係熱既，不過味道同茶記揚州炒飯差唔多，少D 獲氣。走果下聽到隔離台落 3 樣野 3 樣都無。味道很主觀，所以先不說味道，講 service operation ，一個客由入門到離開可以承受多少次失望。真係無食材，門口照待的員工無提示顧客（可能佢都唔知）落單經理又無講，落曬單等食，仲要等頗耐先講。我

柴灣餐廳不多環境舒服既更加廖廖可數近來見到地鐵附近開左間裝潢別緻既越南餐廳 即刻同屋企人試下！去到有好多人等緊位不過餐廳算大 人流都去得好快等左15分鐘到就有位了！餐廳入面尚算舒服唔係一般茶餐廳既裝潢佢既食物款式都幾多唔係剩係越南菜 但因為咁有啲茶餐廳味道我地叫左一個海南雞飯，一個紅酒儈牛尾，同一個炸蝦餅海南雞飯（佢餐牌上個名唔係叫海南雞架~不過忘記了)麻麻地 個飯太冧了 lum pat pat咁 而啲雞又唔算非常好食 所以一般般 有啲失望紅酒儈牛尾有啲驚喜 因為佢係鍋上 熱辣辣架 佢個紅酒汁好香 配上白飯好好食 個牛尾都幾冧好入味當然 佢係茶餐廳質素既好食 算係唔錯！炸蝦餅最遲上枱既食物 都好新鮮 熱辣辣脆卜卜的！ 我個人幾中意呢個炸蝦餅整體黎講 係柴灣入面算係特別啲既餐廳身為柴灣人 無咩好揀 唔要求得咁多

見係新開，又想食個清爽啲嘅lunch所以就試一試叫左個生牛河，一上枱已經失望擺位零亂唔緊要，牛肉夠生但份量少，湯唔香 帶唔出生牛河應有嘅層次，另外湯唔夠熱 啲牛肉食入口時最盡比半生熟更生色 香 味 皆無，後會無期Was craving a lighter lunch so I decided to dry out this new Vietnamese restaurant and ordered a raw beef pho.I was disappointed right when my order was delivered.Presentation was rather messy but it’s alright. Beef was raw enough but on the lack side. Soup base lacks the fragrance which missed out the very important kick for a Vietnamese pho noodle soup. The soup base was also not hot enoug

今日 一行三人再試今天比較多人等位等咗15分鐘， 入到去我哋先叫咗安格斯生牛河 ，火車頭湯河， 還有一個牛油雞翼薯角拼沙律，首先先來一個安格斯湯牛河，這個牛河還有青檸角辣椒絲，當我加咗青檸入湯即帶出呢個湯嘅味 ，我個人覺得好好味，又嚟咗個火車頭湯河， 這個湯我裏面有一些丸，扎肉， 牛肉 即係什錦🤣， 湯底好似同安格斯差唔多，但係因為佢冇青檸跟，即刻唔同曬係兩個味~ 值得一題提係個河粉其實都幾滑👍 最後嚟埋， 牛油雞翼薯角拼沙律，這個雞翼有4隻抵食但依然不太好 ，雖然個皮係比上次薄咗真係有改進到👍，但係入面好鞋同埋唔夠熱😥同埋點解我食呢個牛油雞翼同出面有啲唔同完全冇牛油味🤔? 薯角方面好大兜好多件好味，相信加啲椒鹽更好味 ，最後個沙律值得又一讚👍👍👍因為比起上次食真係冇咁酸，飲品方面凍飲都幾大杯抵飲而我因為喜歡飲熱嘢，所以跟餐以6折叫咗個 rosa latte當侍應攞到嚟嘅時候 ，賣相非常吸引 ，當然我第一時間就飲，佢唔係太熱都算，但係佢個玫瑰超重味😣over晒直頭蓋咗咖啡的味道 ，今次喺咁短時間我第二次再試這間越式餐廳 ，雖然係有改進，但係西式方面的食物仍期待再改進😄最後都讚嘅係侍應

我從來未試過寫食評 但實在太難食 所以吾寫食評對吾住自己良心雖然上次都有唔好嘅經歷 但今次我比多次機會比呢個餐廳 試其他款式菜式會唔會好食啲今次嗌左紅辣椒椰汁咖喱雞飯及泰式海鮮炒金邊粉 個咖喱好稀 雞肉太少 太多骨...炒金邊粉以咁既價錢都算係咁 炒得吾夠乾身 加左個朱古力 加左糖都太稀

本身已經有食開柴灣地鐵站商場𥚃面間越南嘢，呢間就第一次試，餐牌有兩種生牛肉河，有安格斯同青亭(即招牌)兩種選擇，問侍應有咩分別，佢話兩種都係急涷美牛，因為本身對美牛不感興趣，而價錢又唔係貴，將價就貨$36，所以哎咗個青亭牛肉河，等嘅時間真係跨咗d，半個鐘！但嚟到又有驚喜，侍應嘅形容同本身係兩回事，因為牛肉係用西冷起片，湯底可以但咸咗小小，河粉幾新鮮，因為河粉擺嘅時間太耐，會小咗一份河粉獨有嘅香味，服務環境都可以，整體嚟講叫OK😊👌🏻

上次食完lunch覺得唔錯，於是過幾日又去食下dinner！7:45到，門口拎飛，等到8:30先有位，因為佢地唔會變通，將2人枱合埋做4人枱...前菜要，牛柳粒唔算好淋，正常咬到，有牛味。青木瓜沙律好清新，酸酸辣辣，好開胃，但青木瓜比較生，食得耐覺得好硬。然後有，飯係薑黃飯，唔係油飯，所以唔驚肥膩。雞份量都算多，大大件又滑，少少雞味。旁邊仲有酸蘿蔔，好送飯！仲有 ，正正常常，如果再酸辣d會更好。最後有 ，味道有d似羅宋湯，但更加多蕃茄。相比下，紅酒牛尾的汁更好味！蒜蓉包超香，超脆，2件太少，可多兩件就好。

柴灣、小西灣、杏花邨，都缺乏越南菜，既然青越亭新店地點就在柴灣地鐵站旁邊，又豈可不試呢由於當時青越亭剛剛試業僅僅幾日，員工包括經理在内對菜式、套餐、食物數量都不太熟悉，還好經理態度良好，有錯漏會道歉當然食物還是最大重點啦，越南生牛肉河，味道十分好，而且超大碗，河粉滑溜薄身，唯一美中不足係湯不夠滾熱，牛肉要浸較耐先熟生菜包好惹味落左青檸汁非常醒胃不如正如我所言，上圖因員工甩漏關係，俾漏左一筒生菜我小食拼盤同軟殻蟹米紙卷就不錯不失，沒有太大驚喜飲品就一定要推介下越南滴漏咖啡，非常香濃醇厚，絕對值得一試其他飲品(紫薯沙冰、青檸茶、青檸梳打)就預期水準之內，不錯喝至於甜品就係唯一終極大伏超硬身超難食餐牌上的牛奶雪糕未開始供應，焗住要左依件垃圾整體而言，肯定會再回頭食(其實筆者已經回過一次頭)，希望店家上左軌道後，食物同飲品會再上一層樓，等柴灣起碼有間越南菜守住啦

柴灣新開食店，第一時間要去試下！LUNCH的選擇都幾多，包野飲，想轉特飲有6折。首先有，份量都幾多，有成5舊牛尾！牛尾好淋，容易咬；醬汁香濃，味道似偏甜的羅宋湯。然後有，有齊安格斯肥牛、牛展、札肉、魚蛋、貢丸。河粉可能吸水的關係，份量都好多，食極都仲有！好在河粉夠滑，配埋清甜的湯底，最尾都食晒。我地仲加$18叫咗，依樣就唔合格，粉皮太厚、餡料好少。同埋佢的酸辣魚露太咸，唔夠酸，令到粉包更加唔好食。最後點少得越車特色：滴漏咖啡，6折咗補$15。食飯中間送上黎，食晒就滴完，大約用咗15-20分鐘。飲之前記得攪拌，因為煉奶係底，唔需要額外加奶和糖。總結，整體食物味道唔錯，但價錢係柴灣黎講，稍為貴咗D。

等完飛叫人入去冇招呼 好聲好氣問佢坐邊仲要話 見唔見到我叫緊飛 做緊野 坐低左十分鐘 叫佢先拎黎水黎 附近新入座唔使叫都有水 叫落單 冇人理 直行直過 人手分部得好 好差 傾計多過做嘢 睇到都 成肚氣

今次我哋一共四個人終於嚟到試新嘢😁，一去到青越亭門口唔係太多人👍，可能下午茶嘅時間，所以等咗五分鐘， 門面非常吸引好有新鮮感😍，裏面裝修少許特色， 牆上面掛咗一些越南帽做裝飾， 我哋嗌咗四樣嘢食大家一齊分享😋， 第一個先到"越南生牛河( 轉咗檬粉) "檬粉口感麻麻有啲韌，但湯底就好好味~好濃👍， 第二個就係"香茅豬扒湯河"湯底好清豬扒都好軟熟👍， 春捲賣相唔錯材料都好足夠唔乾口不過偏鹹😝， 第三個就係"全日早餐"牛油雞翼係香，不過個皮非常之厚， 另外沙律賣相都係吸引 ,但食落去可能佢已經有啲醋醃酸蘿蔔，然後再加啲酸醋代替沙律醬， 所以成個沙律嚟講錯曬!!! 超酸😣 真係有啲失望，再睇埋個超燶既牛角包😑，😖😖簡直唔知想點 ~ 最後黎嗰個餐係 "鮮蝦豬肉米卷拼吉士提子酥"成個餐賣相非常之好 ，鮮蝦仲好大隻米卷裏包咗粉絲、紅菜頭、 同埋又係重酸醋味嘅蘿蔔😑，即是撈沙律嗰個餡， 這個米卷味道不太差，但係啲豬肉又怎噏味 😣唔知係咩味🤔 啲粉絲有啲硬， 可以接受不過希望再好啲，可能新店開張， 應該仲有發展空間 ，總括嚟講唔算太差 ，真係最好味係湯河， 另外值得一提仲有杯咖啡都係唔錯 ，希望下次再