青越亭 (華欣樓)

Open Now

Now Closed

難得有日假陪啊媽行街，行街行到攰，見到間餐廳貌似唔錯就入左去啦點知入到鋪頭被個侍應帶咗我地去一個角落位坐都算啦，冇諗過舉手落單都舉左五分鐘都未有人黎落單，過左一陣終於有人黎啦 ，結果我收到既回覆係：「我淨係負責出餐炸」🙄🙄🙄咁好啦😪 落餐嗰度都搞左半個鐘都算，出餐嗰位哥哥仲叻拎住個牛柳粒飯 叫人哋小心熱 轉頭成個鐵板車落我媽隻手到，連一句道歉都冇就走明明我哋淨係叫咗一個沙律係凍嘅其餘都係係熱食，點解出到嚟嘅食物全部都係凍嘅 ，請問啲廚師係咪冇開工啊 ，定係趕住收工所以求叮一叮就出餐啊？呢啲咪就係良好既服務態度囉！好直得我地去欣賞嫁？☺️真係好想請教下店長我地入黎食個飯得罪左你？ 服務態度咁差仲好意思收服務費

第一次光顧，叫了個菠蘿炒飯，好大碟飯，但只有一些星小塊菠蘿及肉粒，味淡。第二次光顧，叫了個牛肉捞檬，大大碗檬粉，少少牛肉，少少菜絲。最奇離是加了一堆蒽油，咸到嘔!

柴灣的比較少接觸的地方😁😁，平時如果唔係有工作或朋友邀請去他們家也沒想到去柴灣搵食。今日因工作關係，我提早到達柴灣地鐵站所以來一個Good morning🌞🌞 早餐作好準備一陣去開會，我就在的士站對面看到一間叫“青越亭”的餐廳， 二話不說我就進入去餐廳了。我叫了火腿鮑片通粉，配炒滑蛋多士，飲品是熱檸檬茶。食物味道算合格，炒滑蛋多士都ok，總比起某些大型連鎖店的快餐早餐好吃😂😂，熱檸檬茶算ok 😉😉價錢合理。環境舒適寬敞，裝修很有特色，服務態度有禮😊😊可能午餐或晚飯的食物會比較吸引，有機會再來柴灣希望可以試一下其他食物啦～🤗🤗

經過上次母親節出銅鑼灣吃晚飯~人實在多得可怕的關係這次父親節則選擇早一點和在家附近吃就好不過也選了一家之前沒吃過的越式餐龐。裝修來說頗不錯!? 四人座位基本上也是梳化位先點 - 青越芒果鮮蝦涼拌 ($70)芒果很甜！加上爽甜的鮮蝦肉和帶點酸味的沙律汁，吃起來很開胃清新而且那些菜的尺寸切得剛剛好，吃得很方便。扎肉蒸粉包 ($55)皮滿厚身，餡料亦很豐富。但不知是不是扎肉切碎了，不怎吃得出~反倒是其他配料的味更濃 ...越式生熟牛肉湯河粉 ($63)牛肉夠嫩身，不會太粗糙。湯頭亦有種甜甜的味道就是河粉有點碎碎的，很難夾起來 Orz 青越火車頭河粉($63)如果想吃不同配料的可選這個，價錢和前者那款是一樣的。一人火鍋常常出現在日式餐廳中，沒想到原來也有越式的一人火鍋海鮮宴 ($93) 配西貢越式牛骨湯底有四款湯底可選，但要注意有些需要加錢的喔！除了海鮮，還配一個烏冬或是公仔麵~這個可自行選擇看起來十分豐富!! 由於火燒完就沒，建議先將未熟的都浸到湯內煮比較好另外墨魚滑也記得要先落~ 口感很彈牙，味道也頗鮮的！海鮮整體也很新鮮，只是有隻蜆吃到有沙 ... 點主餐牌有飲品６折的優惠～本來想點奶蓋

當天由於天氣麻麻，同朋友仔選擇一間較近柴灣地鐵站的較為新的餐廳一試，竟然在沒有期望的感覺下，有意外驚喜，食物水準，質素吾錯，環境亦舒適，價格合理，午餐分量亦算足夠，有機會必再試晚餐。

希望多多支持本地小店，尤其是新店。店內外裝修都算有特色，門口保持著舊式工業區既鐵閘，內裡就有一條條麻繩做裝飾。裡外配合得不錯。大部份餐檯及座位都係木製，坐得舒服 呢間價錢合理，個蝦膏湯粉不錯，好味而且好大碗，真材實料喔。另外叫咗小食併盤，蝦多士。兩個人食，份量已經過多 建議如果兩個人，可以先叫一個湯粉，一個小食，先試份量，以免浪費喔 小食併盤，蝦多士，就真係有進步空間。太多油啦 要飲好多水，不停叫 waiter 們加清水 幸好 waiter 們都冇覺得我哋麻煩呢

青越亭星期日，森仔想自己一個獨樂樂休息下，hea下。Lunch時間，自己一個落左去青越亭享受下美食。環境方面，之前黎食過，都覺得還算舒服，位置同空間都足夠。而裝潢都係新的，所以幾光猛同整潔。講反食物先！有睇開我食評既，都知我係濃味怪同辣怪。所以我真係好好好鍾意食辣野，甘就叫下佢個椰汁咖喱雞飯黎試下。e個椰汁咖喱雞呢，真係馬馬地。個汁冇咩椰汁同咖喱味，仲有明顯既落好多茨粉🙂🙂🙂飲品就正常的，沒什麼特別。不過見到牛油果沙冰想試，但係就冇晒牛油果冇得試。而服務方面，我亦覺得還不錯，不如網上所講甘惡劣。整体而言，可以去食，但一定唔好再叫e個。因為以前食佢d撈蒙同湯河都幾正！

柴灣近年聽得最多一句就係"無野好食！"趁有空立刻走一轉，一出地鐵站行過少少已經見到呢間青越亭，地理位置佔優，而且裝修新潮，咁就引左入去了。。。一坐低，馬上點了自選早餐同一杯越南咖啡。先講咖啡，深炒烘焙既啡豆，配上煉奶，水粉比例適宜，雖不算驚艷，但就中規中舉，接受able自選早餐本身無甚麼特別期望，但就充滿驚喜。首先是那塊麵包，通常港式自選早餐都係配餐包，或者係厚多士，但佢係丹麥包真係正既第二個正係個雞絲沙律，如果大家鍾意食雞絲撈檬，呢個沙律就無介紹錯呢兩樣令成個自選生色不少，最後影完張相後才發覺，原來不自覺吃左個越式All Day Breakfast

柴灣工業村重建活化成華夏邨，連帶地鋪修成展覽作用。其中青越亭，顧名思義是越南菜，每次行經都感份外清新，而且人流多多。星期日下午2時多，已經坐滿場，稍等候10來分鐘，終於到我地啦。桌椅皆塗上青檸色，十分清新，桌與桌之間為之擠迫，不太舒適。款式多樣化，有越南麵包、湯粉、撈檬、飯類；精品咖啡、沙冰、特飲等等。香茅雞翼，香茅醃得入味，炸外層薄，雞翼肥美。咬下有肉汁，唯稍煮過頭，肉不太滑。來到湯河，有新菜式，安格斯牛肉湯河。另有兩份量，細碗或大碗，大概相約十元。以平時食牛河經驗，份量普遍少。所以，點了大碗試試看。湯底清徹，牛肉香甜味重。大碗份量，河粉量真多，很滑身； 而牛肉大概八片，嫩口，好味。加少許辣椒粒青檸汁，味道更出和立體。而另一碗越式無骨雞湯河大碗，湯面多油，雞件6件之多。雞皮零肥膏，可惜雞肉較粗嚡。片刻，飲品都上啦。宇治金時有條百力枝，好吸晴。忌廉很淡偏膩，抺茶粉落得慷慨點味道會出點。整體一般。而青檸梳打，清新酸酸的，炎夏一杯至讚。

我係個土生土長嘅柴湾人,想喺柴灣揾間見得人既餐廳其實都幾難!所以多數想食好少少都會出去覓食,近排終於比我發現到ㄧ間唔錯嘅越菜開咗。。即刻去試吓菜先!當晚大約7:00去到已經見有人龍,我哋排6張枱都等咗半個鐘~入去覺得個環境都唔錯可能地点係舊式工廈所以有D工業風嘅感覺!食物方面我哋當晚点咗個大蜆煲,煎蠔餅,越式牛腩煲,蝦米炒通菜仲有我最愛嘅洛神花茶!!老公就叫咗杯菠蘿椰子沙冰!!上菜la...OMG..蜆好大隻!!肉厚無沙~正👍牛腩煲味道濃郁。。肉嫩煎蠔餅~好大碟。。但好粉呢個👎通菜....ㄧ般般飲品方面:老公非常欣賞佢杯嘢😂少有我壼洛神花茶~個壼好靚"茶味ok整體都滿意`可推介嘅

聽人過呢間服務差, 食物份量少, 但成日都有人排隊同等外賣, 同區可選擇既越南餐廳極少, 所以趁住今日路過就一試星期六既晚市, 7點拎位等3人木台, 等左15分鐘有位。2人同5人以上唔駛等考慮過2人餐但唔岩, 好多選擇都要加20蚊, 所以散叫, 見左右位都係散叫菠蘿海鮮抄飯, 張相係有個菠蘿但上到黎冇左 冇菠蘿其實份量仲多左, 但同期待有落差牛油果薯仔雞蛋沙律呢個賣相好難看, 首先個牛油果爛溶溶的, 和個薯仔雞蛋沙律係一part野, 食唔出有薯仔同雞蛋, 係好多醬。 同加左好多超酸既蘿蔔絲。 但我朋友好okay呢個沙律。 各花入各眼喇 紙米包芒果軟殼蟹我覺得不過不失。 我朋友又覺得好正。 但再次出現好酸既蘿蔔絲係入面。 要加魚露先好味呀見到做問卷有優惠券送。 點知填完一次收唔到email問侍應, 佢叫我問收銀。 再填第2次收到email, 個收銀問我個email冇出圖片證明未完成問卷, 但email內容係話我完成左架wor.原來個email 自動block左圖片顯示唔到。 個收銀堅持要見到相先俾優惠券優惠係下次可以升級餐飲但我見個晚市menu都冇餐既,點升級呢? 坐得近廚房有隻蚊滋

昨天有事一早同朋友到柴灣地鐵站附近, 九點多又未食早餐, 就見到呢間'青越亭'。外觀環境不太差, 又未試過, 就走入去試試。 呢個時間唔多人, 我地選擇咗ㄧ張餐枱坐低。天氣比較熱, 侍應即時奉上兩杯水, 服務態度不錯。早餐餐牌選擇都算多, 有地道港式早餐, 有西式全日早餐, 亦有越式。友人係個'食肉獸', 又見餐牌有個'和牛竹炭漢堡配薯角+野菜沙律'賣相吸引, 就點咗呢個餐。我就點咗沙茶牛肉公仔麵餐。早餐包飲品, 我地就點咗奶茶。侍應喺點餐時已提醒和牛套餐要等大蓋20分鐘, 我地又唔趕時間, 就照落單。不久, 侍應就奉上奶茶同我點既食物。沙茶牛肉幾好, 牛肉滑, 炒蛋ok, 蒜蓉牛油多士香㚒好味, 奶茶就ㄧ般水準。和牛竹炭漢堡送到, 實物不錯, 份量算大。我都忍唔住要試下。竹炭包外脆內軟, 和牛汁多不乾, 加埋太陽蛋, 蕃茄, 沙律菜。蔬菜好新鮮, 漢堡口感真的不錯, 好味。再加上同樣外脆內軟既薯角, 以$72來説, 其實唔算貴。下次我一定再黎試下其他食物。

星期日,晚上8:30入座，落order 時話無晒春卷/蝦餅 咁就order粉卷/芒果蝦沙律/牛油雞翼/芝士焗牛腩金磚/明爐燒魚…..過一陣待應生話....芝士焗牛腩~無金磚......初頭唔明佢講乜?..不如清楚D 叫我地轉其他野食啦?..咁就唯有轉蕃茄牛腩！..再過一陣..又話無粉卷…咁我地就算啦….上咗牛油雞翼, 芒果沙律及飲品…牛油雞翼炸得都好既..但係完全無牛油味…芒果蝦沙律..完全無醬料撈的, 就咁將菜/蝦/芒果鋪在同一碟便算了...但都鋪得靚仔既...... 等咗半個鐘牛腩及明爐燒魚都未上，追啦！ 先話明爐燒魚無晒 唔係吖嘛!！唔追都無人講! 話last order , 咁我地叫甜品啦！又話無晒 .....終於上蕃茄牛腩，咦，無跟蒜蓉包既  追，又話無晒 話轉俾炒飯 但碗炒飯 講番牛腩~好似用蕃茄汁加牛腩咁！ 仲要唔熱，牛腩好大舊...完全無砌過...簡直係似廚房剩咗D 乜就放落個鍋到咁 仲要牛腩係唔”林”！ ..最終放棄唔食… 走人佢都叻，令我第一次寫open rice 真係唔知佢點做生意 食物質素唔得…服務唔得…….門面係騙到人既 ..我估好多人都係被佢既門面.

區內第二間越南菜館，今日經過食午餐，有好多人等位，所以我都嚟試下，等咗一陣就有位。叫咗個三寶撈檬，有香茅雞翼、扎肉、香茅豬扒。可惜唔熱，扎肉味道麻麻，雞翼豬扒味道ok，如果熱辣辣會更好。送熱飲連加一$63

2018年4月21日 光顧貴店..點左個海南雞飯、來的部份是雞槌、雞翼及少量雞脾肉、一到枱上，看見海南雞的雞皮已經跟肉分離、而雞皮有點是破爛的、我相信是海南雞過熟！當吃的時候、海南雞沒味道、再用快子夾開海南雞，發現底有大約有1-2匙水份，相信是剛那出來的，十分難吃！跟我上一次食的不同...我也試了幾舊肉、幾淡飯就不能吃了⋯跟收銀員說出海南雞意見，收銀員只回應「o..係咩？」這服務！...我也不會再光顧此店。。