青越 (Closed)

中午約咗朋友喺坑口，早少少入去食早餐。有一段時間冇嚟過坑口了。見到呢間好似Café嘅舖原來係越南菜而且有早餐，就決定入去試下～入面裝修都好似Café，加上早上無乜人，感覺幾舒服～侍應安排我坐窗邊圓檯，旁邊係落地玻璃，對住東港城後面，原來呢個角度個天睇落都幾大 XD早餐都有好多選擇！有炒蛋多士、三文治、沙律、越南粉、All-day-breakfast等等，好多嘢想試我就叫左 牛角酥三文治伴沙律 再加杯Latte：牛角酥入面係三文魚、火腿仲有啲蘿蔔絲；而旁邊沙律都係越式沙律，酸酸甜甜又幾有風味～下次我叫埋個frd一齊食試多d野先

星期六2:300 左右入座，驚喜是，原來有下午茶啊！點知，下午茶都平均要$60, All day breakfast 仲要+$5 先有coffee/teas...我唯有點正餐牌內的火車頭湯檬，老公點左 all day breakfast 的 ABCD.(1) Service:上菜速度好快，除了all day breakfast 內的迷你通粉。催左三次先有，等左20分鐘左右。雖然人手好多，但人多唔一定有效率。(2) 食物~火車頭 pho~ ok 啦，湯底有味但唔夠濃香草味，較清淡，但應該無味精。有扎肉半片x2, 牛展x2, 幾片肥牛 (好味)，彈彈魚蛋一粒，肉丸一粒，手撕雞 (好香)，和一大堆洋蔥絲。份量都不少。但唔值 $6x囉~全日早餐~一睇就知出事啦！加$5 要左杯普通咖啡，竟然係全餐最好架，有質素，甘香，肯定比連鎖咖啡店好好多!牛角包，好好，雖然唔係鬆脆個種，而係較有咬感個種。炒蛋，不錯。香茅豬排呢…唔講都唔知係香茅，只係食到一陣鬆肉粉的味道。好假。薯餅…恕我一睇就稱之為粉餅。跟本就似超市買來返炸的粉質薯餅。*****但低處未算低!等了又等的"迷你通粉"終於上枱。賣相一般，就是雞湯

商場改革～開左新越式餐廳～一定要試試越南粉一定要試河粉，生牛肉河～湯底唔算重味精～牛肉唔會黎到時全熟，算唔錯～河粉亦唔係太冧～冇平價越南河既感覺炒金邊粉味道唔錯～但料唔太多～而且要有既花生粒嗰啲都冇，同埋份量唔多，如果平時食量大既適合share叫多幾樣野～牛油雞亦～我自已食越南菜必叫～試菜當然亦唔例外～雞亦炸得非常鬆脆！而且內裡依然juicy ！不過牛油味確實沒有！只能當炸雞亦食最後總結～服務ok～味道不錯～但可改善

見到商場新開越南嘢，走來試下！因為已經好夜，成9點，但上餸好慢，唔會有下次囖！越南特色牛河湯底無牛味，落魚蛋，一睇就知唔正宗。小食春卷同撈蒙一般般！成餐最大鑊係個蔗蝦，硬都咬唔爛。而且無味！

行過見到開左新越南餐廳，裝修幾靚於是黎試下。星期三晚，人都算多，2個人等左25 分鐘位，向門口已經諗左食咩😂一坐低就叫，上菜速度都幾好。叫左小食拼盤，4樣野超級油，雞翼又冇味牛柳粒紅飯，尚算ok, 但牛冇咩味，只有茄汁味。最好食係蠔仔蛋，夠味又大碟，蠔仔都幾新鮮。咖喱牛腩都算失望，面頭有1大堆生洋蔥青椒唔知想點，d牛又硬，唔硬個d就勁肥，配蒜蓉包。。。但得2 塊仔最最最失望係杯薄荷葉青檸soda, 張相都唔係咁hea...只係得1杯裝左薄荷葉，青檸同糖水既冰杯，自己加soda水。。。。自己整好飲過佢好多lor

今日行過，發現新開了這一間越南菜，行過路過，不想錯過，所以不得不嘗試，裝修都比夠高級，但價錢卻很平民。  (青越火車頭河) 湯河的湯底一定是試！味道不錯！  (越式拼盤) 蝦餅即炸即上枱，所以黎到仲好熱入唔到口，等左陣食，而且大大舊好彈牙，而且唔會覺得炸粉好厚，所以都值得一試！  (青越泰妃雞飯) 咬落啖啖肉，明顯係隻大肥雞，入口肉質嫩滑，點埋自家醬汁，味道更是更上層樓！ (泰國原隻菠蘿海鮮炒飯) 有好多蝦，都幾足料，而份量也算頗多，炒飯夠乾身，而且香味也算濃，入口粒粒分明，也夠爽身，同時帶著菠蘿的微甜，也炒到每粒略帶微黃，可以說值得品嚐的一道炒飯。  (芒果軟殼蟹米紙卷) 軟殼蟹唔係好大隻，但軟殼蟹很飽滿. 可以食到脆脆的蟹殼,，又可以食到柔軟而鮮甜的蟹肉及蟹膏，米紙薄得透光，仲夾埋青瓜粒，好清新，份量剛好，唔會一咬就散晒，口感柔軟帶煙韌，芒果酸中帶甜，整體不俗！  (芫茜鮮肉碎煮大蜆) 全部蜆都大大隻，無偷工減料！  (粉紅玫瑰花茶) 雖然圖文不符，相中睇好靚，上枱就爭了一點點，但茶也不錯，因為餐牌說此茶有效減肥，另外飲完可以加水，再煲過再飲！  3位食了620元，

一心試下新餐廳，裝修新，不過坐位設計不太合適，地方不太大，選用比較大的椅子，坐位比較窄吃得不舒服，兩人吃叫了火車頭湯河及海南雞飯，味道一般，海南雞超級咸，吃完飲幾杯水都沖唔曬，d飯比較硬，價錢不值。應該不會再去食。

行行下，見到有間靚靚地既新餐廳，同埋好耐冇食越南東，就等下啦...........食左撈檬同炸蝦餅。。。挺好的！湯粉都有食，但係麻麻地，個湯冇特色，同坊間大同小異、冇層次，所以冇咩感覺..........我個人會希望餐廳改進下個湯底。老實講：餐廳個撈檬汁幾好味，用黎沾下撈檬、炸蝦餅，相當之開胃。雖然而家天氣凍，大家唔太會選擇食撈檬，但真心推介另外，餐廳有好多飲品可以簡，(但注意：事實上好多都冇..................)，咁我就跟餐半價要左一杯奇異果、芒果 smoothie，味道一般，可一不''需''再，其實有d失望因為飲落似乎冇加[[[[[ 真  ]]]]]生果，但都可能有既.......少囉------------------------------雖然我話有間靚靚地既新餐廳，但我真係唔buy 佢個設計囉！！！！好多方面都好唔方便：我坐長檯既，但佢張長檯好窄，我全家個頭都同佢既吊燈親密接觸左2次(坐底一次、起身一次)    另外，我見到有d老人家終於等到位，但就係坐高檯.......我見到佢地好辛苦咁climb上去，就覺得個決定餐廳設計既人好有問題...........我

我本月二十七日帶同一位小朋友中午吃了個泰妃雞飯和一杯黃綠醫生，個名實在盞鬼，個飯味道適中，份量夠大，雞肉夠大件，入味，正！飲品味道不錯，good，服務員值得讚是她很耐心地聽我点餐笑容很好，在一個繁忙的時段都這樣有耐性實在難得，從而令到整體氣氛不錯，環境格調很好，可以放点音樂更佳，下次我會再光顧的

新屎坑試試佢，唔明點解平時排哂隊一入去，嘩d裝修幾靚，侍應分左坐高椅，小孩同老人會難上。之後叫左個加喱牛腩飯，d汁ok但牛腩唔夠林，仲有叫左貴妃雞飯，d油飯好少，岩女仔份量。仲有杯奶茶1來就好似比人飲左一啖，檸茶有異物又換左杯。總括來說：我一路同自己講，人地試業姐。

知道有間新開張既越南野，裝修幾令，所以決定同同事黎試下，但唔知係未新開張關係好多人排隊，等左一陣先入得去⋯本身係叫左香茅豬扒湯檬，不過待應無轉到，都係黎左湯河，不過無所謂 ^^河粉幼身好滑，份量多.. 豬扒好厚身偏硬，香茅味偏淡..湯底濃味，味道似腩汁，有少少油同事叫既越南魚露煎比目魚飯... 個飯好大份，但條魚細得好過份⋯⋯個汁係無味，不過肉質嫩滑.. 果然食物與圖片不符... 同menu幅圖真係差好遠呢

等餐死但食物質素差。叫咗4個餐，手撕雞湯河、生牛肉湯河、牛粒紅飯及泰妃雞飯，沒有碟稱得上叫好味，連越南菜最其本既湯河菜式都做得咁差，基本功認真麻麻。最誇張係隔離枱叫碟炸軟殼蟹，轉頭問侍應攞吸油紙。

啱啱同阿媽加阿b 去排隊食, 5:45pm開始排等佢6pm 開門。,攞飛時我講明2大1B。咁跟住我就去咗將㗎車泊返嚟呢邊, 一路行返去餐廳時諗阿媽同阿B 應該坐低咗... 點知...返到去見到阿媽佢佢超興同我講話唔俾入,無位俾bb 車! 個部長重同我阿媽講話"我唔係唔俾妳呀, 不過等下轉先!"。 無病呀? 我哋由佢未開門就攞飛, 係無位擺bb 車無論到第幾論都係無㗎啦, 咩叫"下一轉"? 一早講我唔排吖!!!!!呢間嘢我以後唔會去, 本諗住新開試下, 但咁嘅service真係可以慳番!!!

初初見到青越晚晚都好多人排隊，就心郁郁想試下啦平日去大約八點鐘，大約都要等20張飛以上先可以入座，但係好多人都唔等得所以等左廿分鐘倒就入得啦店內嘅裝修都幾靚，好西式feel，完全唔似係食越南菜。食物同飲品選擇都幾多，飯麵小食都有-泰國原個菠蘿海鮮炒飯話係原個菠蘿，其實係一片菠蘿，個賣相麻麻地。不過都幾足料，差唔多都有十隻蝦。飯本身都炒得幾有鑊氣，不過就真係唔多靚啦！-芒果軟殼蟹米紙卷軟殼蟹本身唔夠熱，但係芒果嘅酸味令到個小食好開胃，不錯！-香茅豬肉撈檬豬肉好入味好冧身，都幾多豬肉！撈檬本身偏酸，就算唔落魚露都好夠味！-Oreo拿鐵沙冰唔夠味，只有淡淡oreo味同朱古力味。-青黃不接其實係青瓜加菠蘿嘅沙冰，飲落只飲到菠蘿味， 青瓜味近乎係零。總結:可能因為新店開張，店員做野都唔太純熟，好多時會分唔清枱號，同埋送餐都幾慢。味道一般，可以一試但係唔值得排隊食。另外飲管太短，好難先飲到！值得讚嘅係食物份量其實都幾多，都好足料！