越棧越式湯粉專門店 (荷里活廣場)

Open Now

Now Closed

當年由沙田店開始食，食到馬鞍山、旺角，好多分店都留低過兩條腳毛(⊃｡•́‿•̀｡)⊃轉眼間得番荷里活店，今日早咗放工，於是就去食𝐭𝐞𝐚。入門口感覺好光鮮，下午茶時間人流唔算多，店員都比較鬆容在閑聊，而我好快就有店員協助落單，出餐迅速。只不過上錯餐，檬粉被換成河粉。幸好店員樂意換返岩既餐。🙈😉生牛肉湯檬+ 特飲青檸梳打$50生牛肉份量唔算多，檬既份量可以接受。雖然價格無變，感覺比以前少咗。湯底一如既往咁鮮濃，加配辣椒仔點綴，整碗檬粉味道昇華了👅。

自己係住依頭嘅，其實都經常會經開呢一間餐廳，佢嘅香味呢係經過都會飄過，所以好多時都俾佢呢一個香味吸引就走咗去食。而今次一月以往呢都係揀咗佢湯檬嘅系列，佢有好多款可以揀譬如係香茅雞翼啦，豬扒啦等等嘅，而我自己因為箍緊牙關係呢都係會揀返雞絲呢一個餸啦，佢呢一款雞絲呢會係一絲絲唔係話非常之滑身嘅質地口感，但係配埋檬粉去食，其實係非常之配合嘅，而我自己呢係會習慣全部都走晒配料嘅，包括洋蔥，同埋芽菜，我自己係鍾意食芽菜嘅，但係呢一間嘅芽菜係比較生我比較係唔鍾意，所以就會全走，下次嚟呢會試吓食香茅雞翼。

住呢頭附近，經過嘅話都會問到佢呢一個湯底嘅味道，係好吸引，所以間唔中都會嚟食，自己最鍾意叫嘅係雞絲湯檬，佢個雞絲係做到一絲絲嘅感覺，如果唔鍾意雞嘅口感太嚡嘅朋友，可能唔會鍾意食，但我自己就係鍾意呢一個口感，如果湯底就係一個好濃味嘅越南色湯底，鍾意味精嘅朋友應該會好鍾意飲，好似我咁，飲完之後係會口渴嘅，但係都會想飲，自己慣咗係會走晒所有嘢，走剩芽菜，因為如果唔走又唔食生洋蔥嘅話，係會好難教返出嚟，所以都要注意返

下午茶入座，沙發位好污糟，上手食剩既殘渣及一撻撻污積，發霉位見到有蟻行過。落單後遲遲都未上枱，經理入廚房追單先發現冇落單，要重新落單。白等一場，我地當然會有一兩句怨言，店員一句唔好意思/對唔住都唔講，收銀阿姐仲大大聲話「食你就食，唔食未走囉，而家都幫你落番單啦」，態度極度惡劣！！！！！有錯唔認，仲要趕客走如果唔係貪快，都唔會食呢間，食物唔好食，地方污糟，態度又惡劣～我連一分都唔想比，呢間餐廳連一分都唔值！！！！！希望快啲執！！！讓番個位比其他有誠意既鋪頭！！

Today, I visited Viet Cuisine and tried their raw beef pho and avocado chicken baguette. Overall, the experience was superb👍!Raw Beef Pho 🍜At first glance, the pho looks very appealing with its clear broth, plenty of vegetables, and slices of raw beef. The broth is rich and flavorful, with a natural sweetness and just the right amount of salt👌. The beef slices are tender and melt in your mouth, perfectly complemented by mint leaves and lemon. The texture of the rice noodles is also excellent, no

放假約了朋友到鑽石山，見到重新裝修的「越棧越式湯粉專門店」，跟著人龍，排隊試試。餐廳燈光鮮明，坐位與坐位間不算闊落。餐牌選擇款式蠻多，粉麵、飯、小食、套餐…等等。春卷外表香脆，用生菜包著春卷，再沾上醬汁，份外惹味！越式蒸粉包（半份）粉包餡料滿滿，材料十足，如粉包皮可以薄一點，那就更好。胡椒豬肉湯金邊粉淡淡的胡椒味，豬肉肉質尚可，可惜不夠入味。金邊粉吸收了湯汁，味道還可以。三色冰炎炎夏日，清爽香甜，倍感清涼。

去到有大量空位又唔俾入，個食物份量少兼貴。係咁趕客走，野食嚟到都未熟。結帳的時候，橡木跟餐牌上的不一樣，於是查詢收銀員，收銀嬸嬸不作任何解釋，並說只賬單上的項目與你吃東西一樣就可以了，不需要你看價錢。收銀嬸嬸態度10分惡劣，並揚言要報警。如果想做水魚，用錢買不開心，強烈建議前往。非常不愉快的用餐。

唔知解釋…不如直接比張圖大家參考一下…仲頹過兩餸飯…講真，個湯既味道唔算太差！但係碗河粉入面啲餸小得可憐…啲餸少都唔緊要，仲要擺得好樣衰…收工諗住去個安落飯，翻屋企抖下。河粉送到嚟，望落去都已經冇食慾…$58蚊…真心食過麥當勞或者兩餸飯仲好…除非大家去其他地方食飯要排隊等位，如果唔係都唔建議喺呢度食。

夜晚諗住簡簡單單食碗粉，所以就入咗呢間越南粉餐廳。可能因為未夠6pm, 餐廳冇乜人，坐得幾舒服😌。打開menu, 見到一碗巨型嘅粉:卓越河，話適合2人食，就叫咗😂揀咗湯檬🍲，有牛肉、牛腩、牛扎肉、越式扎肉、牛脷同雞絲。份量好夠，其實可以3個人share都得。個餐有跟2杯飲品，我哋再加咗碗生菜，埋單唔洗$160（唔洗加一）。今時今日香港唔係好多地方晚餐做到呢個價😏咁就簡單一餐啦😊溫馨提示：餐廳只係收八達通或現金咋💵

黎到鑽石山行街，食下野，周圍都比想像中少人，但因為喉嚨痛，只好食啲清淡啲，揀左河粉食🍲餐廳環境：坐位一般🤭但店員好趕咁😂係咁話要我哋坐埋一邊，吾好霸住啲位，服務態度真係一般般🙈🙈食物方面：豬扒撈檬粉豬扒一向好食😆配埋配料加醬汁，撈埋一齊食永遠冇失望🤩🤩豬扒大大塊，好抵食👍🏻👍🏻生牛肉湯河啲餸好多，個牛腩汁都幾香濃👍🏻河粉都好多，一個人食吾哂😂😂雞絲豬扒湯河雞絲真係麻麻，因為好「鞋」，都係叫豬扒好食啲😂😂😂河粉好食，配埋個湯底，小朋友食左好多👍🏻👍🏻仲叫左4串串燒🤭🤭喉嚨痛都食完先痛喇😂😂串燒真係吾錯，叫左牛同羊😂牛真係必叫👍🏻👍🏻

黎到鑽石山行下就順便搵野食，食午餐，越棧好耐無食過就食下啦，點知呢一餐你係非常失望的一餐。點了，咖哩雞紅米飯，係失望既味道。個紅米飯雖然係份量ok 飯勉強都叫熱不過咖哩雞飯係唔好味，咖哩汁稀之餘咖哩味都唔夠濃。另外雞份量真係比較少只有三舊，薯仔都係 2，3舊，成個餐食完都覺得唔係好飽。而且味道都係比較失望。。。雖然地方環境都算尚可，服務都算可以既但食物質素真係比較差而且份量唔大，價錢五十幾六十而食呢個質素就唔值了。

如題，中秋只得一人，食個面就番屋企是旦去左呢間，唔知點解特別少人的，正，唔鍾意太吵雜😆😆叫左個$56香茅豬扒+雞絲河，黎到嚇左下，比想像都大碗唔小，食完飽飽的滿足，然後去行下感受中秋一人之境，正！～

真係聽到大家話呢間嘢態度差我就放心啦。先唔講我個friend係呢問嘢食碗面都可以食出隻螞蟻，而且某個女員工 （望上去係四五十歲，身型肥肥哋）態度仲要極差 ！專登收多我兩杯嘢飲錢，仲喺度同我詏，好似教我做人咁。唉好啦，最後佢發現佢錯啦，原來真係收多錢，佢就將個獲掟畀其他員工，喺度鬧佢哋打錯單。到最後仲要好唔啹我，喺度串我喎！如果唔係我強硬啲，我都真係畀佢厄錢啊！大家，真係，離呢間嘢遠啲，真係有幾遠得幾遠。人生第一次寫食評居然係因為呢種事 ！我唔明點解呢間嘢允許啲態度咁差嘅員工對住啲客！唔識開餐廳嘅話其實可以喇喇臨執咗佢

因為屋企附近冇越南餐廳， 今日特意去Hollywood 越棧買外賣撈檬。滿懷希望以為有美味的檬， 汁又俾大大包。 一倒倒了半包， 怎知吃不出味道， 只有微酸和辣。 以為是沉淀了在底， 再攪拌再倒， 仍然很淡！ 感覺中伏。其實不用俾太大包汁， 有真才實料， 夠味就可。 為何要破壞我們期待的‘’美食‘’。大家沒必要也別要光顧， 以免失望！希望大家慎入， 這個回到家才發現令我十分憤怒， 但實在沒可能特意回去追究吧！這真是一次很差的外賣經驗！

唔好去，唔好去，兄弟姊妹們千祈唔好去，貼錢買難受！食唔夠半個鐘老闆娘就開始趕客走，每一枱客都係，等嘅客又唔係多，趕客技倆無所不用。我啱啱食完最後一啖，老闆娘就極速收碗，之後用塊臭到飛起嘅布抹枱。唔夠一分鐘，就想收埋我只飲咗一半嘅椰汁冰，之後同個同事講呢度有張4位枱，但我未走喎？？？之後老闆娘夾硬隊塊防疫板喺我哋4人枱中間，我同佢講我哋幾個重未走喎，你咁做想點呢？佢話之後拆做2張2位枱……雖然我有教養，但面對如此無禮之徒實在忍無可忍，我一下無影手就將塊防疫板拆下，還番俾老闆娘，但佢居然反攻將塊板放喺我背囊張櫈度😳埋單睇番張單，由入坐到走都係半個鐘多啲，我同老闆娘講話你塊防疫板整污糟我個背囊，佢重大聲話睇唔到。一直以為越棧係大集團管理，但經過今次恐怖經歷我懷疑有啲店係特許經營。如果你有緣睇到呢篇食評，呢間店千祈唔好去，除非你鐘意食住走。第一次寫食評，實在忍不住，間嘢差到一個點。五個字，差差差差差差差差……