天台BBQ燒烤場 (Closed)

今日上去bbq，原本見到食評以為覺得👌，上到去先知道同預期中有好大落差，一行到上去天台已經覺得一個好細既空間但就逼滿好多個爐同人，空間逼都算，重要野食選擇不多，質素也不高，我同我班fd完全覺得係俾$238只係食普通雞翼金菇同魚蛋等等食品，同樣價錢拎呢個價去食大喜屋/日燒/韓燒都相信會正好多野食比較廉價都算，俾人地拎曬d野食，三個字過左都唔refill，成個冰箱一半野食都係空既，想食隻雞翼都冇，幾個人喺到share兩隻雞翼... 落到樓下唱k下面成班職員喺到食煙，支mic又較到勁細聲，玩大富翁d牌又唔齊，我同d fd去赤柱惠康每人買$100都唔洗都絕對可以食得好過今晚

呢間野，未幫襯已"著火"！！！就係知道節日價錢可能有唔同，先問清楚，好簡單講明邊日，問幾錢？俾一大段例牌資料我，當中包括平日同假日既價錢，咁我仲以為自己明知故問，好有禮貌咁講sorry，點知反而串我『看見“節日另議“四個字嗎？』我一開頭咪就係問緊價錢囉，日期俾晒，仲要串人，呢啲係咩態度，再問多句，先講另一個價錢，完全無係個段資料提及過既價錢，話佢離譜，之後打完場咁話『反正都滿座』！咩事呀你~~~~~係咪滿座，太多生意，就咁對啲客？！唔休做都唔係咁架，唔使錢我都唔會幫襯，離晒譜！！！

好開心中秋節果晚天氣咁好，之前book左BBQ都勁驚，天文台又話打風又話橫風橫雨，好在最後都天朗氣清，一大班人可以喺觀塘市區工廈入面BBQ實在好方便，因為唔係個個朋友間公司都咁有良心有得早走，有D朋友無得早走，收7、8點都可以嚟join，唔會太夜，又唔洗山長水遠入赤柱或西貢，so good！估唔到市區可以有咁大既BBQ場，問問負責人話天台燒烤場連室內有成6000呎!!! 當晚係BBQ自助放題，可以任食、任飲、任玩6粒鐘！之前嚟過一次覺得D野食幾好味，雞翼、豬扒、牛扒、魷魚、腸仔等等大路食物應有盡有，丸類亦唔少，味道亦有水準，唔會因為任食就求其hea畀你，特別要讚下有錫紙提供比你包粟米、金菇同蕃薯，仲好細心有埋牛油添，你知無牛油個味會爭幾遠！另一開心位係雪糕任食，比起上次，今次新增左5款口味雪糕任食，食完熱氣野狂食雪糕是常識吧！當晚天氣唔算好熱，不過呢度都有大牛角扇，所以都唔洗怕熱。

星期六gathering約左去觀塘呢間bbq!野食款式唔算多，但係真係好好味！魷魚，雞翼，豬扒，腸仔，牛扒等等，仲有金菇，蕃薯，粟米都可以搽牛油，再用石紙包埋燒！野飲任拎！仲有專人幫你加炭😗我地仲叫左扇具，$18一隻，好抵，仲有蒜蓉任加😛！特別中意佢地既雞翼，有分辣同唔辣，辣味果陣真係非一般既辣。魷魚都經佢地醃製過，所以唔洗點加調味料已經好好食！最輕重要係燒到11點都仲可以落去室內坐低飲野傾計，唱k，玩紙牌！下次一定會再黎！

今晚跟同事廿多人上去，本以聚會為主，食物其次。没想到食味質素很好，工作人員説是自己㕑房調味的，我地都同意這兒的食物没有其他燒烤店的重味精或偏咸，失了食物的原味，底讚- 叉燒粒-這是第三次品嘗，叉燒本身只帶少許肥肉有助得更香軟，醬汁的顏色也没有過份的橙紅，恰到好處- 多春魚-必食，店里提供比較大條及相當肥美- 雞翼-這兒提供兩種口味，其中一種有點辣，好味- 蒜蓉飽-用的是法式長麵包切薄片，並已細心涂上適當的蒜蓉牛油，如果喜歡多點牛油烤得香點，店内也都免費提供- 丸丸-三四種常見的牛丸魚蛋，質素也蠻可靠店内另有加費食味，如虎蝦、羊架等，可以的話下次再去試下另外特别值得讚許的是飲品無限免費提供，這是燒烤以外最體貼的服務，值得再去。

呢間野我哋一入秋冬點都要去返兩三次嘅,由大角咀開始已經覺得佢哋好得,知道觀塘有新店即時組隊試新場 ,一行廿多人約七點多到,先講講方便程度,地鐵D4出行2分鐘就到更欣賞今次地點居然有.....𨋢直達(雖然只限貨𨋢),上到13樓一出𨋢有埋Banner指示,不用四圍找,比起其它天台BBQ場,直頭無得頂!跟著就要講講地方及設備,一入到去地方相當寬敞,比較前店大一倍多,冷氣相當充足而呢間仲有兩部鏢機,正!跟著店員先安排我們座低稍息片刻(每個店員均著正整齊制服),待開爐後由另一位店員帶我們到天台開餐,沿途每位店員非常有禮貌,上到天台地方比室內更大,光線充足,可能新裝原因感覺非常整潔,中間有架盛食物嘅食物車,我即時行去睇睇......嘩! 多過之前呀!數落有三十幾樣,一埋位即刻食我最欣賞既魷魚鬚,放上網炒呀炒呀 ....呢度嘅魷魚選用非常大嘅魷頭開,條條口感十足,味道帶些少香辣宜切忌燒太耐,見到收汁乾身就是最佳入囗時間,鷄亦方面有香茅同香辣,絕對是兩種極端味道,但辣嗰款我就有些頂唔順....堅辣!另外金沙骨我係其他燒烤場都有食過,又實且雪味重,呢度嘅金沙骨不但肉質鬆軟而且醃得剛剛夠味,這可能同

今次係我第二次幫襯View 8 Fire Club，上次喺大角咀店經已覺得無得彈，BBQ+卡拉OK+有鏢掟，簡直一次過滿足哂我3個願望！適逢中秋佳節，友人話官塘開咗分店，我地一眾〝好火之徒〞當然要去追月兼趁吓熱鬧啦！一眾14人由官塘站出發，5分鐘就到！呢度比大角咀店更大更舒適，仲有Locker可以租用，幾個朋友仔夾份租一個都係廿蚊，咁就玩得安樂放心啦！可能大時大節嘅關係，個場比較平日多人，不過呢d日子出得嚟玩就預咗啦，得小貓三四隻嘅話你仲驚！二話不說上去開餐！大虎蝦係我哋嘅不二之選，又大隻又彈牙！之前喺大圍食過，一樣咁嘅size要五六十蚊隻，呢度只係$28隻，好抵食！！豬頸肉同金莎骨都係我嘅至愛。豬頸肉燒到個面脆卜卜，咬落入面爽脆！金莎骨甜甜地夠哂入味，肉質軟滑，燒耐咗都唔會韌！呢度嘅食物醃得好入味，款式又夠多，唔似有d燒烤場求其落幾粒蒜蓉就當醃咗，淡而無味。尾聲必定留肚食嘅蒜蓉牛油法包，夠哂特色，輕輕一烘又香又脆，自從上次試過之後我就決定以後唔再燒方飽！醫飽個肚，再落番樓下嘆冷氣、唱歌仔、掟吓鏢，一個圓滿嘅追月夜！睇嚟下次再想輕輕鬆鬆咁BBQ，呢度都會係我地嘅首選！

迫-中秋第二晚同十幾個朋友去呢度BBQ，一上到個天台勁迫，十幾檯背貼背坐，好似坐喺難民營度燒咁，我諗係假期多收人數關係，我哋13人安排1個爐已經坐得好迫，加上吹正一邊風勁煙眼坐唔到人。個環境令我唔想燒落去。咸-啲食物醃得較咸，返到屋企ur返啲過濃嘅醃料味出嚟，喉嚨半夜已痛。嘈-食到咁上下落去樓下室內坐，因座位根本唔夠應付天台咁多人，所以當坐滿人同時卡拉ok，玩game，猜枚嘅聲音困埋一齊即時頭痛起上嚟要早走。都有讚嘅地方，就係服務唔錯，個個員工好有禮貌，飲品任飲都fill得好快。